لما اعتزلت الغناء ياحمزه؟هل هذا صحيح ياخالد؟

طبعا الناس كلها جايه هنا عشان تشوف الحاصل شنو،لكين انا كتبت العنوان ده كنوع من التحريض خاصة وانو انا لاحظت غياب الاغنيه منذ فترة طويله عن المنبر..وايضا لغياب بعض هؤلاء الاخوه وابتعادهم لاسباب لانعلمها عن المنبر والحاضر يكلم الغايب

الخميس جا وفات..لا عمك تنقو ولاتمبس ولاخالد
ياجماعه الحاصل شنو؟البورد بقى مسيخ بدون اغنيات تمبس المقشره وناعمه..والحان خالد المملحه وجاهزه وخميسات تنقو المظبطه وملهلبه..
وين التسجيلات والغنا السمح،نبطل ندخل يعنى واللا شنو ياجماعه؟
الموصلى بقى يتاوق مايلقى اغنيه فر..يزوغ
حمزه ليهو زمن لاحس ولا خبر

مانديلا وين غناك السمح داك
الليندى ياحبيب القسا؟
راكوبه..بطلت تنزل الحان مالك سحروك واللا؟
لؤى..ياجميل يامدلل،وين غنا وردى؟
توما..وين ماشايفنك؟
سمباتيكو..فى انتظار اغانيك..كملت الصبر كلو
شيبه..احسدك على مثابرتك فى تعريف الناس بالرائع مصطفى سيداحمد

انا طبعا اتغشيت بالعنوان وجيت بس عشان اشوف الغنا بحل مشكلتو كيف لو خلاه حمزه..



مفقودين ورائعين اين انتم؟؟

مافى زول داير يعتزل؟اقصد يرد؟معليش ياتماضر غشيتك لكين قصدى شريف والله

الاخ بشري سليمان ... تسلم علي السؤال ...
يا سيدي كلو الا الفرح دا ما بنغيب عنو خالص ... لكن كلامك صحيح البورد شوية كدا فيهو حبة جفاف .. بس شايف صديق الموج عمل ليهو بوست مكرب .. كدي اديهو طله ...

لحن الخميس كان راكب الاكسبرس الياباني .. لكن بجيبو ليك في المحطة دي
لحن الخميس ... بعادك طال .. كفاية تعال .. ثنائي العاصمة

تنقو

شكرا عمك تنقو على الطله مابتقصر والله،فى انتظار الجديد منك دايما