|
|
|
 Re: لغة الارقام فى كلام الشعراء القدام،او فى من قيلت اغانى الحقيبه (Re: طه حسن عبدالله)
|
الآ ن حصحص الحق، وحق لبهاء أن يفاخر رغما عنه، فشكرا لهذا البهاء الذي زينت به البورد
في النصف الثاني من الثمانينيات، أقام الأصدقاء بالمنتدى الأدبي وبالتضامن مع أم ضوا بان إسبوعا عن شاعرنا ودالرضي، ووقتها فكت لي طلاسم هذه الأبيات بل أذكر أن هناك نص لود الرضي يمكن إستبدال القافية بلغة الحروف أو لغة الأرقام دون أن يخل ذلك بالمعنى أو الوزن أو القافية، وقد أضاع الترحال من تلك الدراسة التي كانت مطبوعة على رونيو، وياريت يا صديق تسعفنا بالنص مع إيضاح القافية بالطريقتين والجماليات والإبداع في نصوص جدنا ودالرضي
| |
 
|
|
|
|
|
|
|
|
Re: لغة الارقام فى كلام الشعراء القدام،او فى من قيلت اغانى الحقيبه (Re: صديق الموج)
|
صديق الموج
أنا في رابطة الصالحية أم في منبر سودانييز اونلاين
يا زول خلينا ليك الكورة والرابطة الجابك هنا شنو؟؟ وكمان شوف خصمك اللدود (كرار التهامي وراك وراك وكيتاً فيك منزل بوست جنبك على طول)
حقيقة صديق شخصية مميزة في الرابطة الرياضية وكل محافل المغتربين في الرياض بقلمه ولسانه وفكره وسرعة بديهته وقفشاته التي لا تخلوا من الطرافة
أهلا بيك أخ صديق ونورت المنبر وأكيد منكم سنستفيد وسيتفيد بقية الاعضاء
| |
|
|
|
|
|
|
|
|
|
Re: لغة الارقام فى كلام الشعراء القدام،او فى من قيلت اغانى الحقيبه (Re: صديق الموج)
|
صديق الموج
والله يا بديع الكلام كثير من الناس لا يعرفونه ، وهو ايضا يدخل في بعض أشعار الدوبيت ، وياريت أهل العوض وشنتير يشوفوا هذا البوست ويتحفونا ببعض ما ورد من لغة الأرقام في الدوبيت ،،
ومنه :
واحد وأربعين بت اللبيب عثمان
لا حامت فريق لا جالست خلان
وأول ما تعرفت على هذه اللغة كان ذلك في العام 71 وأنا في نهاية المرحلة الثانوية ، وكانت تقام مسابقة مدرسية في مدرسة حنتوب الثانوية - يرحمها الله - فحان دور أسئلة الرياضيات وكان الستاذ الذي يقدم الأسئلة هو الأستاذ عبد الله الياس ، وهو من الأساتذة الرائعين ، ولأنني لم أكن ممن يحبون الرياضيات فقد اعتبرتها فرصة للسرحان حتى تأتيني المواد التي أحبها ،، لكن الأستاذ فاجئنا بأن قرأ هذا البيت :
قلبي انشغل بهواك والحكمة عيني
لاجة ومجافية النوم يا أربعيني
ثم قرا السؤال :
ما معنى أربعيني في هذا البيت ؟
وضجت القاعة بالضحك والتصفيق لأستاذ الرياضيات ،، وقد سعدت كثيرا أن الرياضيات قد شدتني إليها في تلك الليلة ..
| |
|
|
|
|
|
|
|
|
|
Re: لغة الارقام فى كلام الشعراء القدام،او فى من قيلت اغانى الحقيبه (Re: صديق الموج)
|
الموج يداعبناوصديق يتحفنابي ود الرضى شاعرنا ومرة تاني تاني تاني أتحفنا الأخ الرائع صديق أرجو أن تتحفنا بالكثير عن المبدع ود الرضى ويسعدنى أن اشارك بمداخلة بسيطة عن نشأة وميلأد شاعرنا العملأق ود الرضى حسب ما جاء في ديوان ود الرضى الذى أعده أبنه الطيب محمد الرضى.
ولد الشاعر محمد ود الرضي عام 1881 بمدينة العيلفون من اب ينتسب لقبيلة العسيلأت رفاعة ويرجع نسب امه للشيخ الورع العارف بالله الشيخ ادريس ود الأرباب ويحلو لأهلناان ينادوه بالقولة المشهوره عند مناداة الشيوخ:هوي ياالشيخ أدريس أب فركة يا حلأل المدركة يا راجل النخيل ياالقصير ياالماك طويل؟؟؟؟؟؟ وكما يقول ود الرضى فى أحد قصائده:
نحن الصالحين شربوا عقاب كوبتنا
نحن السم شربناه والدابي فى عببتنا
والشاعر ود الرضى حفظ القران فى عمر مبكر على يد الشيخ العبيد ود بدر فى أم ضوا بان الذى كان له أسر فى فصاحة وتفقه شاعرنا فى فنون اللقة ومفرداتها و نظم ود الرضى الشعر وهو فى سن العاشرة وتوفى فى عام 1984 بعد أن خلد لنا رصيد ضخم من الشعر فى الدوبيت والشعر القنائى فله الرحمة وأتمنى ان تتحفنا يا أخ صديق بروائع هذا الصرح العملأق محمد ود الرضى.
| |
|
|
|
|
|
|
|
|
|
Re: لغة الارقام فى كلام الشعراء القدام،او فى من قيلت اغانى الحقيبه (Re: صديق الموج)
|
الجندريه ...شكرا على الزياره الكريمه..وبينى وبينك انا كنت بكره
حساب المثلثات والجبره لانو كان عندى قناعه انو الحاجتين ديل ما
حايلاقونى....فى حياتى ، حتى الزول كان مشى علمى وبقى دكتور، س وص
حايلاقوه فى المستشفيات و علاج المرضانين ،الا الواحد يقول س سكرى
وص،صرعه،نفتح قوس (س+ص)(ص-س)= منخوليا والاشنو.
بعدين الشغله دى ساهله ما زى حساب السجم،وانا غايتوا لما طلعت من
المدرسه ما حليت فيه مسأله.اكرر شكرى
| |
|
|
|
|
|
|
|
|
|
Re: لغة الارقام فى كلام الشعراء القدام،او فى من قيلت اغانى الحقيبه (Re: Saifeldin Gibreel)
|
سيف العزيز..دى غربه تنسى الزول اسم والده...وعلى ذكر الغربه عمك
ود الرضى مره مشى سنار ماموريه وقتها كان بيبنوا فى الخزان وهو
كان شغال هناك..قام اتذكر الدبيبه موطنه عمل اغنية :
متى مزارى اوفى نزارى واجفو هذا البلد المصيف
اعتبر الماموريه نذر متى يخلص عشان يجفو هذا البلد المصيف
والبلد المصيف سنار والله نحن هنا ام سقطه ملاقينها!!!
وكدى النكتب ليك منها كم بيت يا اخوى وطبعا القصيده
شطرها الشاعر الفحل اباهيم العبادى:
متى مزارى اوفى نذارى ***** واجفو هذا البلد المصيف
___________________________
لا اقول امتى المزارى ***** واتذكر سجع الهزارى
الا تجرى دموعى الغزارى ***** منها اغرق ويبدو انعذارى
زارنى ناسم شاقنى المزارى ***** لو يزورنى الطيف ابقى كيف
_________________________
يا خصيب السوح امتى اطوفك **** تستريح الروح لى قطوفك
امتى ترحم نظرة عطوفك **** والقى شوقى تبلل لشوفك
يا حبيبى انشاء الله اشوفك ***** تبقى غافل وامكر واشوفك
تندى تقدح داخل شفوفك ***** فى نعيمك وظلك وريف
____________________________
يا امانى من كل واقب **** يا بيانى الصاحب المشاغب
ياجميل يا سمح المناقب ***** مالو طيفك لى ماهو راغب
هل فى طرق الاحلام مراغب **** فيها ترعى وتخشى العواقب
ام انى مذنب وقاصد تعاقب ***** ام محاذر امرا مخيف
____________________________
اشهى والامال يفرحونى ******* راجى راضى عساى يلمحونى
ديمه غارق فى بحور لحونى **** مالى الا سجعى ولحونى
صرت ابغض من ينصحونى ******** واسفه الاقوال النحونى
يا حبيبى الالام محونى ******* هل تجامل ترسلى طيف
________________________
هذا ما كان من امر عمك محمد ود الرضى سلمت،،،
| |
|
|
|
|
|
|
| |
صديق الموج
(ط=9)(ى=10)(ك=20)
سجيمان
طه حسن عبدالله
nadus2000
Habib_bldo
ودقاسم
Saifeldin Gibreel
الجندرية
معتصم دفع الله
فيس بوك
تويتر
انستقرام
يوتيوب
بنتيريست