لا سياسه لا ثقافة لا شلاليت .... بوست البهجه .....الدعوه فقط لغير الجادين

لا سياسه لا ثقافة لا شلاليت .... بوست البهجه .....الدعوه فقط لغير الجادين


03-25-2004, 11:37 AM


  » http://sudaneseonline.com/cgi-bin/sdb/2bb.cgi?seq=msg&board=8&msg=1080211046&rn=22


Post: #1
Title: لا سياسه لا ثقافة لا شلاليت .... بوست البهجه .....الدعوه فقط لغير الجادين
Author: ايهاب
Date: 03-25-2004, 11:37 AM
Parent: #0

زمان كان البورد بسيط والناس الفيهو بسطاء كان كلهم اهل حتى المختلفين مع بعضم في كلو شي
كان زي البيت الكبير ....كان جميل و كان رايق كل الناس صحاب كل الناس اهل
الناس الحلوين فترنا والله فترنا فرتنا من الشكل فترنا من الجديه فترنا من الحجز فترنامن التحليل فترنا حتى من الدسم السمين ...حتى اجمل الابداعات ما قادرين نستمتع بيها ما قادرين نذوق طعم لي اي حاجه
فرتنا فترنا فترنا
فترنا من الحلقات المفرغه ايا كانت
انها دعوه للانشكاح
دعوه لعدم الجديه والجمود
دعوه للاسترخاء
دعوه للونسه و للقفشات
دعوه للعايز ينسى كل شي
دعوه للما عايز يفكر في اي حاجه
ما عايزن زول جادي ينط لينا هنا
ما عايزين نقوم نحجز دا وونقعد داك
انها دعوه للهجيج
ادخل هنا شاغل اصحابك
اسال عن احوال احبابك قول لينا نكته مسطول
خت ا لينا اغنيه شرطا تكون بتاعت هجيج من هاجر كباشي و لي تحت
عايزين نهجج يا عالم
تعالو فتوهو وانسو
ما عايزين اي شكاوي
ما عايزين اي ململه ما عايزين زول يتاوق بالحيطه
يا معانا يا ما معانا
فترنا والله فترنا
ما عايزين اي جديه في اي حاجه من اي نوع
ما عايزين اي شمار
ما عايزين اي كيمان
زي ايام زمان
حلم اتمنى ان يتحقق
يا الله بحلم براي؟؟

Post: #2
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: اساسي
Date: 03-25-2004, 12:06 PM
Parent: #1

اول حاجة كان داير الايام ترجع زي زمان
رجع توقيعك حق الدهر انقلب ..
وعن نفسي بحاول اغربل ليك اساسي دا ما افضل منه الا رومانسي
والله فعلا يا ايهاب
نغني ونقول
والله ايام يا زمان ببكي واتحسر عليها
وما بقول العشنا كان
وارمي حبة لومي فيك
انزل ليك الاغنية دي كان لقيتها

Post: #3
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ebrahim_ali
Date: 03-25-2004, 12:09 PM
Parent: #2

هوبة ياغالي قبل لحظات بس سألت منك الأخ عمدة وقال أنك لسع غرقان في العسل حتى تلفونك ما ‏بترد عليهو حمداً لله على السلامة والبركة الجيت راجع لينا تاني وتجيب معاك كل هذه الحنية ‏والرقة والعودة لايام زمان وتعرف انا من حسي حاجز وش يعني أخوك مرضان هجيج وبالذات مع ‏ود رملية بحتو قرض دا ياخي والله تعرف ودر ملية دا رقاص رقيص مبالغة دي في حفلة عملناها ‏في المهندسين (أخوك كان معزوم هناك أيام شهر العسل ياحليلو) أبدع إبداع رهيب والبنات كلهن ‏اتكسرن ليك فيهو شوفو الولد حلاتو شوف عويناتو ومن دي ولا تحت يعني عائزين نهجج جدد ‏جدد شوف لينا لينا يوم كده ونحن جاهزين من كلو ود رملية من حسي أنا بحجزو ليك

Post: #6
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: abuguta
Date: 03-25-2004, 12:56 PM
Parent: #3


كان جميل و كان رايق كل الناس
صحاب كل الناس اهل
شنوالحصل
كمل العسل
وفضل البصل
ولا دخلت السياسة
وعض الكلاب
ما فيش مصل...
والناس سعرت
وجاعت كانها فى محل...
ناس حاقدين
ناس معنصرين
وناس للريد
فاردين خصل
ناس حلوين كلامهم عسل
وناس رجال كلام
فى الاذن قاعد ما رحل...
وواحدين قولهم
مسيخ يسبب شلل
عشان كدا
حصل الطرد
حصل النفور
حصل الفصل...
بس نحن لو صعب
درب الوصول
لازم نصل
لازم نصل
لازم نصل...




Post: #4
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-25-2004, 12:14 PM
Parent: #2

رايك شنو اغنيها ليك انا ذاتي يا رومانسي
عشان تكون الضحيه الاولي في البوست دا
يا ريت والله ياريت
لكن يا حبه هنا هجيج وحت وبس ....بكاء ما عايزين

الدهر انقلب شفنا الماسي عيان
في الزمن الرديء البورد بقى كيمان

اها دا كيف معاك بعد التعديلات نريح الكيزان شويه
اتضح انو المشكله مافي الكيزان براهم
مالك علينا ما قلنا ما عايزين جديه

Post: #5
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-25-2004, 12:23 PM
Parent: #4

العزيز الغالي العريس ابراهيم علي
ياخي العسل دا هو انتو فضلتو لينا فيهو شنو العسل د ما هو انتو ذاتكم
loOoOOoOoOoOOOOOOOLZ
والله الشوق كميات و ابعاد كمان
واناوالتلفون في الانتظار
انت والعزيز ود رمليه وكل الناس الحلوه
بالجد طولنا شديد والهجيج بنبداهو من هنا لحدي ما يجي رقم صفر
رايك شنو والدعوه عامه كمان
بورداب الدوحه بقو كتار مع ذلك ما لميناهم لي هسه وجاينا عرس هوزي وابو الزييك كمان
بعدين صاحبك و درمليه ما كان تحسم ليهو امورو بالمره هسه بكون ما قادر يقعد زاتو
ود رمليه ياسر القلوب قبل العيون كمان
تسلم يا ملك انت وهو

Post: #7
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: doma
Date: 03-25-2004, 04:01 PM
Parent: #5

تعال يا ايهاب

انا منتظراك من زمن المستشفي بتاعك داك وقدمت ليك طلب لوظيفه سكرتيره وارفقت معاها6 صور ابتسمت فيهم من الاضان للاضان وللان ردك ما وصل اها الحكايه شنو ؟؟؟

Post: #8
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: bayan
Date: 03-25-2004, 04:59 PM
Parent: #7

سلام بولدى الخنفشارى
نحنا ما بنقدر نبتهج يا ولدى الا بالشلاليت والدكشمان السقافىعللى السياسة دى ما من ناسها اسع بقو الناس بتاعينها بيتربسوهم برة البورد ذاتو

دومة انت لازم تعلقى صورتك ديك عشان الخنفشارى يتلفت ليك
ويقرر يعينك سكرتيرة..

Post: #9
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-25-2004, 05:54 PM
Parent: #8

ابو قوته العسل القبل شويه وصل
الشاعر البونابي الخطير
والله يا منقه البورد بقى عامل زي الدار بتاع الاتحاد ايام انتخابات النقابه
كلو زول خاتيها للتاني وحفر شديد تحت تحت
غايتو حمد لله على السلامه اظنك كنتا عيان مووش
معليش والله الزول بدخل لا يعرف يهني لا يعرف يبارك لا يعرف يعلق لا يحجز
loOoOooOOoOoOoOoooOooOOlz
بقوم يتاوق ويتخارج و كدا
تعرف يا ابو قوته كان في واحد لو متزكرو في بونااسمو احمد صديق برضو
دا كان يعتبر اثقل زول في بونا
لكن كان صاحبي والله الشباب زاتم كانو محتارين بتونس معاي كيف
الله يطراهو بالخير لو عندك عننو خبر قول لي

Post: #11
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-25-2004, 06:19 PM
Parent: #8

Quote: نحنا ما بنقدر نبتهج يا ولدى الا بالشلاليت والدكشمان السقافى

lOoOoOOoOooooOoooooooOoOoOoOoOooOoOoOoOoLZ
فلم هندي بس يا دكتوره بيان
يا زوله ما قلنا الكلام دا ما معانا
عايزين نبتهج شويه
انت بس جري ليك حجر و اقعدي معانا عشان تشوفي هجيجنا شكلو كيف بس خلي ناس تمبس ديل يجو
و يختو لينا الاستاذه هجوره و بعديها ما حا تعرفي السقافه من الكسافهlOoOOOOoOoOoOOoooOLZ
احسن ليك تهججي هسه قبل الكبسيه ما تحصل

Post: #10
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-25-2004, 06:08 PM
Parent: #7

الخاله دومه ازيك
هو احنا نلقى اغلى منك منو نعينو في الشفخانه
لكن الحصل انو تمبس و اساسي فرتقو لي الشغلانه لي هسه ما عارف المها
lOooOoOoOOoOoOoOoooOoLZ
هسه بقينا في الترميمات وكدا
شفتي لي شفخانه بتحتاج اعاده تاهيل و ترميم قبل ما يفتحوها زاتو
المهم يا ستي انتي مكانتك محفوظه و حجزنا ليك قبل ما تصلنا الصور زاتو
تعرفي كمان عاملين توسيعات عشان نقدر نستوعب المعارك الدايره دي
LOoOoOooooOoOoOoOoLZ
يا ستي انت احد اعمده الحنين في البورد حتى لمن تغيبي بيكفى الناس انهم يعرفي انك موجوده
تعرفي لمن تكتبي حبوبه شروق الكلمه دي ليها اثر كبير في قلوبنا
ربنا يديك العافيه

Post: #12
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: سجيمان
Date: 03-25-2004, 07:35 PM
Parent: #1



ايهاب

البورد يمر بمنعطف خطير والبلد يمر بنمعطف اخطر وانت عاوز تتونس؟......والله عدم مسعولية

Post: #13
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-25-2004, 07:53 PM
Parent: #12

loOoOOOoOoOoOoooooooooooOooOoOoOooOolz
عليك الله موش احسن عليك الله يا سجيمان
هو في احسن من عدم المسؤوليه في الزمن
استفدنا شنو منها غير السكري و رفع الضغط
ما فترتا من البلنجات البره دي يا سجيمان
على العموم دي استراحه عشان الزول يقدر يواصل بدون ما يشتشهد ولا يفلق ليهو زول
loOoOOoOOoOoOOOoOlz

Post: #14
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: صديق الموج
Date: 03-25-2004, 09:40 PM
Parent: #1







ياله يا ايهاب ابدأ عشان نتم الربه........!!

Post: #16
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: HAMZA SULIMAN
Date: 03-25-2004, 09:52 PM
Parent: #14

ناس الهجيج
والانكشاح
سلام
سلام
يا سلام عليك يا رايق يا لذيذ
يا 7 اب
يا ايهااااااااااب
يا حلو
والله مشتاقييييييييين
للبورد
الاتكأة
الفرح
الدهشة
الشوق
غايتو مشتاقيييييييييين جنس شوق
تحياتى للجميع

Post: #18
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-26-2004, 06:20 PM
Parent: #16

الغالي الاخ الصديق
المرهف حمزه سليمان
الشوق بالاكتر والله
الدوحه و بورداب الدوحه مشتاقين لي طلتك يا ملك
بالفعل هي اتكاءه على اكتاف الاحبه اصدقاء الروح ومهجه الفواد
رايك شنو تعيد لينا توزيع (على كيفي)
بحيث يمكن الهجيج معها والله اظن العمليه دي ممكنه
علي كيف اههههاااااااا
على كيفي اهاااااااااااااا
ارقع جبتي
ارقعهاااااااااهههههههههها
على كيفيارححححححح
ارقعهااهههههاااااااا

loOoOoOoOooOoOoOoOlz
عليك الله اخوك ما ملحم فظيع

Post: #17
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-26-2004, 05:53 PM
Parent: #14

العزيز صديق يh خي بالغتا دا رقيص ولا رفيس
رفسه واحده وحاتك من امبارح كايs درب البوست بي وين ما لاقيهو
loOoOoOOoOoOoOoooooooooooolz

Post: #15
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: elsharief
Date: 03-25-2004, 09:50 PM
Parent: #1

الأخ ايهاب

سلامات

يازول مافى اى مشكلة للونسة وممكن نتونس ورايك شنو نقعد قدام ال STD بتاع عمك انصارى او المسطبة المقاصده ال STD وشوف لينا ناس شلبى والمامون

Post: #19
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ودرملية
Date: 03-27-2004, 02:29 AM
Parent: #15

سلامات
الاحباب
لوووووووووووووووووووووووووول
طبعا دي شدة منك ياهيبو
والله ياايهاب الواحد بقا يخاف يعلق علي اي بوست جادي اومفيد لانو حقيقة الناس بتتكلم عن اشياء سامية وفي نفس الوقت بيجهلوا ابسط ابجدياتا ..ديمقراطية..تتخيل نحن السودانيين الجوة والبرة بنتكلم عن الديمقراطية ونحن عمالقة الكبت والغبن والضغينة
والا دعات الفلسفة البحتروشية والمنكتوشية انسي بس الواحد فيهم يسمي نفسوا مبدع سااااااكت كدا يعني يكتب ويقيم نفسي بدون اعتبار لتقييم الناس ..وانسي كمان في بعض البورداب الجدد ديل خليهم ساي والله الواحد فيهم كانوا بيتعامل مع كائنات ليست بالضرورة تكون بشرية
المهم
من ناحية الهجيج معاك لي اخر المدي بس جقلبو لينا الاغاني وخلوها مدنكلة ولومك علي ادك الشغل يومين
بالمناسبة انا رسلتا ليك رسالة طوووووووول زمااااااان وامرديت عل المانع خير اآلاخو وبرضو ضربتا ليك ومابترد
بالله ياودالحاج ..ابراهيم..ياخي ماخجلتنا سااااكت الحمد لله ماجنبي مرايا
لوووووووووووووووووول شدة وردة برضو من هيبو
تحياتي للاهل ياايهاب ولي نصفك الاخر ياذا النصفيين الجميلين
وبرضو مشتاقين وكايسين الشوفة يشهد الله

Post: #20
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: tmbis
Date: 03-27-2004, 08:28 AM
Parent: #19

loOoOoOOoOoOoOoooooooooooolz
loOoOoOOoOoOoOooooolz
loOoOoOOoOoOoOoooooooooooolz

يا هوووووبا طبعا مشتاقين اول حاجه ..
وتاني عندي سؤال بسيط .. اتمن اني اللقي عندك اجابة ليهو .. وياريت لو تقدر تساعدني .. لانو بما انك انته زول كويس وكده وقاعد تعرف حاجات كتيرة .. واكتر زول قاعد تستهلك لينا الوووولات في البورد ده دايرك توريني بالضبط حاجه عامله لي هاجس من فترة الا وهي نقطتين وافتح قوس :
( في ناس عندهم اهتمامات مريبه جدا .. الواحد تلقاهو مربي ليهو ( ابوالقدح ) في البيت ده لي شنو عليك الله ) يعني بيستفيد منو شنو
بالمناسبة السؤال ده سالني منو ( دافي ) قبل كده وما لقيت ليهو اجابة فياريت عليك الله توريني...



Post: #25
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-28-2004, 10:00 AM
Parent: #20

تمبوسه الغالي
اولا بالتبادي انا ما سامع حاجه اذ يبدو انا الريل ضارب عندي ولا شنو ما عارف وما لاقي فرقه احك راسي لاننك دون شك حا تكون ما قصرتا لذا تسلم يا منقه
تاني حاجه الشوف بي طول الخط الواصل بينك ومكان تواجد حبيبنا قرنفل الذي سافر وقال عدو لي. واول امبارح كنتا في سيرتك
تالتا يا حليولو دافي الدافيء و نظرا لثقه سيادتكم الغاليه انا ما حا اخيب ظنك
تخيل ولعجائب الصدف انو عندنا احنا ذاتناابو القدح لكن انثى اها دي يقولو ليها ام القدح ولا شنو يا ابو العريف
المهم اسمها نفيسه تخيل بالجد
المهم نفيسه دي جات من وين مافي زول عارف لقيناها جنب الباب حاجه صغيره كدا المهم استضفناها ليك اذا يبدو انها كانت جيعانه وعطشاه وحالتا بالبلا بعد داك نفيسه صاحبت ليك الحاجه
تعرف نفيسه دي بتختفي بتمشي وين الله اعلم تختفي يوم يومين اسبوع وتظهر تاني
بعدين مرات تسمع ليك صوت الحاجه في المطبخ تجي جاريه من وين برضو مافي زول عارف
بعدين نفيسه دي لهاطه جنس لهط بتاكل الاخضر واليابس مع انها نتشه كدا
المهم انا شخصيا بعتقد انها بسم الله الرحمن الرحيم وكدا
غايتو خلاصه الموضوع انو مافي اي سبب يخلي زول يجيب ليهو ابو القدح مخصوص عشان يربيهو
علا زول يكون روحو ضيقه و عايز يتعلم الصبر
loOoOOoOoOooOoOoOoOoOoLZ

Post: #24
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-28-2004, 09:40 AM
Parent: #19

الشفيف ود رمليه
اولا يا سيدي معقوله يضرب لي ود رميله بي زاتو وما ارد معقوله ياخي
انتو بتضربو وين اصلو
انا ما جاني والله اي اتصال ابراهيم قال لي نفس الكلام
غايتو والله غريبه
التلفون 5815244
على العموم يا ملك نورتا البوست ويبدو انك بتعاني كما نحن تماما
يا سيدي احسن ليك معانا بي جاي عشان الجو بره حا يخرب ليك ذكريات الاجازه المهججه والسعيده كما نحن برؤياك والبركه في ابراهيم ولما نتلاقى ان شاء الله بنعرف الباقي والتفاصيل وانا حا اكون في الانتظار
والشوق ما زال ابعاد

Post: #35
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-29-2004, 08:17 AM
Parent: #19

واجعني في البحر السكات ........ وسكتني في الوجع البحر

Post: #21
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-27-2004, 09:52 AM
Parent: #15

العزيز الاخ الصديق
الزميل الشريف
يا ريـــــــــــت والله
قول للزمان ارجع يا زمان
تخيل الزول اشتاق لي اي شي وكلو شي في الحته ديك
حتى عمك انصاري و اكبر السكران الله يرحمو الزول اشتاق ليهم
loOoOOoOoooLZ
تعرف دا ممكن تسميهو اجمل حلم لكن وين كلو زول في اتجاه
لكن صدقني مهما كان لابد يوم ارجع الحته دي واقعد في نفس المسطبه حتى لو كنتا براي
بعدين جايي براك مالك ليه ما جبتا عمك بكتاشش معاك
امشي جيبو انا بغشى ليك المامون وود شلبي
lOoOoOoOoOooOOolz

Post: #22
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: بت قضيم
Date: 03-27-2004, 02:49 PM
Parent: #1

طيب يا ايهاب
طييييييييييب!!!

Post: #23
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ملكة سبأ
Date: 03-28-2004, 08:18 AM

اها بالجد كدى يا ايهاب لقيتني جااادة ؟؟
لووووووووووووووووووووووووووووووووووووووووووووووووووووووووووووووول
ثم
لووووووووووووووووووووووووووووووووووووووووووووووووووووووووووووووول
مولولة
وطييييييب انا برضو
النهار دا عايزين نفك الدبرسة
وفكرك خلي قاااعد هنا كويس

Post: #28
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-28-2004, 10:42 AM
Parent: #23

الملكه صباح الخير
نورتينا يا زوله جننتي اللولات زاتا كدي ضحكينا معاك

قالو يا بلقيس واحد رسل لي اهلو قال ليهم عايز واحده بيضاء ,طويله و تكون شغاله قامو رسلو ليهو تلاجه
اها ان شا ءالله يكون المزاج عال العال

Post: #27
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-28-2004, 10:32 AM

العزيزه بت قضيم
مالك في شنو كدي هدي اعصابك(الظاهر علينا حا نتضرب با تمبس)
غايتو احتياطا دا ما انا

خطوه سعيده ومباركه يا ملكه النقه والشوق كذلك حين اذ كيمان لكن ما زي كيمان البورد

احجيك شويه رايك شنو بي مناسبه حين اذ دي
في فريقنا(ما فريق الكوره طبعا)في حلتنا يعني مره الشباب كانو مدورين حريق في بيت واحد منهم
و ابوه زاتو كان مدور معاهم(وهو عامل فيها بتكلم عربي فصيح وكدا مع انو مدرسه زااتو ما قرا) اها قام ودعمي رمى كرت هو فاتح لكن قام رمى كرت عشان يغش ليك الحاج و يجرو المهم الحاج دقس ورمي ليهو الكرت زاتو بايظ قام جراهو ليك
قال ليهو لكن انت لمن عايز الكرت ليه ترميهو بايظ
قال ليهو يا حاج دي خطه عشان اجرك
الحاج قاليهو :خطه ؟ حين اذ قوم امشي بيتكم و طردو ليك وقرب يعكزو ليك كمان
lOoOooOoOoOoOoOoOoolz
طبعا ما فهمتي حاجه
ما عليك اها قلتي لي في شنو

Post: #26
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: JAD
Date: 03-28-2004, 10:10 AM
Parent: #1

الشباب الطيبين كلكم شرقاً وغرباً .. تحياتي وودي لكم..

ومن مداخلة ملكة سبأ .. أقطع وألزق


اها بالجد كدى يا ايهاب لقيتني جااادي ؟؟
لووووووووووووووووووووووووووووووووووووووووووووووووووووووووووووووول
ثم

لووووووووووووووووووووووووووووووووووووووووووووووووووووووووووووووول
مكلوجة


تحياتي،،،

جاد وليس جادين

Post: #29
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-28-2004, 10:48 AM
Parent: #26

جاد الما جاد يا زول والله انت داهمتنا عديل ما خلينا نشوف ب طاقتك زاتو
loOoOOoOoOOoOoOoOoOoOoLZ
اسمع قالو ليك واحد سكير لم فيهو زول قال عايز ينصحو قال ليهو تعرف السكر موت بطيء بقتلك حبه حبه
قام السكير قال ليهو كويسانا زاتي ما مستعجل

Post: #30
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ملكة سبأ
Date: 03-28-2004, 05:08 PM
Parent: #29

اها يا ايهاب زولك وقت رسل ليهو التلاجة كان مسطول
يفتح يتاوق جواها وتاني يقفلها ..
كرر العملية دي يجى عشرة مرات
واحد قريب ليهو اتحير جدا قام سألو .. يااخ الحاصل شنو؟
قال ليه انا بس عايز اعرف (بن الكلب) البينور النور دا منو ؟؟

Post: #31
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: HOPEFUL
Date: 03-28-2004, 05:16 PM
Parent: #30

هوووووبه يا عسل

الضرا دا معمول من ناس الطووووب؟

علي العموم انا مطالع لي زول الخلا كل ما يكردني بجي اضاره هنا

فجو لي حبه
وخلو لي فرقه اصنقر فيها


استراحه مدافس

Post: #32
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-28-2004, 05:49 PM
Parent: #30

LoOooOoOoooOOoooooooooool@ بلقيس
حلوه وملعوبه
كدا اكيد النفسيات تمام
لكن صاحبي بتاع التلاجه ما مسطول مسطول نور التلاجه

Post: #33
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-28-2004, 05:51 PM
Parent: #32

هوبفل يا لزيز
انت كدي بس جيب زولك دا وتعال شوف كان ما بقيتو سمن على عسل
كدا شوف الناس الحلوين الهنا ديل ما بهدو الاعصاب و يشرحو النفس

Post: #34
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-28-2004, 05:53 PM
Parent: #33

شكرا لطوق الياسمين
كل الاحباء النورو البوست واهدونا طلتهم الجميله بجمال ارواحهم الشفيفه
شكرا احبائي

Post: #36
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: soma
Date: 03-29-2004, 08:38 AM
Parent: #34

ايهاب ..بسم الله ابتدينا .. كدى اقعد فى الواطه وقول بسم الله .. نادى عمى الحاج السنى يعزم ليك ..اها قلت لى مالك ؟ الحمى الزماااااااااااااااان ديك من زمن نحن معاكم لسه ما راحت ؟ ايمن جاب ليك حبوب غلط ولا شنو .. اتلومت كان كده يا الارباب ..
كدى امشى اخد ليك جريه لى عند البحر لمن تعرق وتعال .. بتبقى شديد .. قلت لى داير تسمع هاجر كباشى ؟ سمح مالك ما جبتها فى عرسك ..فصاحة لسان ساى ..انت زاتك كنت جنك نقة كوره .. فترت انا فى مكاواتك .. ابدا لينا انت ونحن وراك زى ما قالو اخوانا واخواتنا السبقونى.. وبوستيك ده الميزه الفيه لمه الناس الظريفه .. اها رايكم شنو فى جبنه كده تحت نيمه ؟؟
شايفه عمكم ابو حراز الليله نط ..كدى النمشى اشوفو واجيكم راجعه .. من ما قلت هجيج يا ايهاب . جبت لينا ابو حراز ..دىكمان الميزه التانيه السمحه ..

Post: #37
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-29-2004, 09:10 AM
Parent: #36

سوما صباح الخير
والشوق من هنا لي مسقط جاكا بالبحر برضو
loOoOOoOoOOolz
بس ياهو دا زاتو بيت القصيد يا سوما
عليك الله في احلى من لمه الناس الزينين ديل
شوفي البوست دا منور كيف ساحب كهرباء البورد كلو
ههههههههههههه
ياخي انت قايله اي زول بقدر يجيب هاجر كباشي
احنا ناس مغتربين مقطعين ساكت
ياخي احنا العديله اكلونا فيها حنك سااي ولا انت رايك شنو
قال حمى قال
بعدين انا عارفك قاصده شنو بالبحر
لكن قريبا سوف نكيد الحاقدين و نقطعا ليهم في راسهم
LoOOoOooOoOOOOOOOOLZ
سوما الليله ما بتطلعي من هنا والله كان ما اديتينا حاجه حلوه كدا تعبر عن اللمه دي

Post: #38
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: soma
Date: 03-29-2004, 09:24 AM
Parent: #37

اديك نكته وقت فيها حليفه وخسيمه .. نكتة جاتنىى هسسسسسسسسسسسسسه طازة من السودان بالموبايل والتكنلوجيا المجنونه ..
قالو فى اتنين مساطيل ..واحد قال لى التانى اعرف لى الحيوان البقول نيـــــووووووووو وهو طاير ؟
رد صاحبو قال ليهو.. ما كديسه ادوها شلوووووووووووت فى الهوا

لوووووول ايهاب قلت بتجك وتكيد الحاقدين .. والله الا يدوك زى شلوت الكديسه ده حتى تقدر تهرول.. قال جكه قال ...

Post: #39
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-29-2004, 10:21 AM
Parent: #38

هااااااااااااااااااااااااااااااااي
مع انا قديمه يا سوما لكن عجبني الشلوت التاني
انت قايله براكم عندكم جوالات
بعدين ياهو دا الحنك ززاتوو يا سوما
يعني بقولو حنكين في الراس بيوجعو
احنا عايزن حاجه من ابداعاتك تعبر لينا كدا عن لمه الناس العسل ديل
تقومي تدينا نكته
بعدين ثم بعدين احسن ليك ما تستفزيني

Post: #40
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ebrahim_ali
Date: 03-29-2004, 11:45 AM
Parent: #39

الجب جبة وصلتني لحدي هنا الحكاية شنو وطو الصوت شوية إنتو ماعارفين في حظر تجول بعد ‏الساعة 12 والحفلة حدها الساعة 11 مساءاً يعني ياهوبة دور الجبة جبة بقى العصر ودي طالعة ‏موضة أثناء العقد والشمش لسع في نص السماء الجماعة مركبين ليك الساوند والفنانة تغني أو الفنان ‏والهجيج ويحتو ليك قرض والعرق يتصبب كأنهم في بيادة ...والماذون يسترق النظر خلسة ..‏
هوبة تحياتي لك وبالمناسبة أمبارح لقيت ليك واحد من ناس الدوحة هنا في البورد وزولاً ظريف ‏ظرفة عشان كده استعجل ولم الجماعة الهناء والهناك وشوف المكان والزمان ودرملية يظهر عليهو ‏عندو فروقات كثيرة شديد لانو هناك ما قعد كثير مع الحبكانة بتاعتو (بنت عمي لزم بالمناسبة) عداها ‏كلها سفر الغرب والشرق ووصل لحدي هجليج دا زول جائ يقضى إجازته مع الحنان بتاعو يسافر ‏الجنوب لكن برضو هو منتظر ربتك عشان نتجدع ‏

Post: #41
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: tmbis
Date: 03-29-2004, 12:08 PM
Parent: #40

طيييييييييييييب ياهوبا
يعني طلعت من بتاعت ابوالقدح ؟؟ يعني حسع انا اقول لي دافي شنو ؟؟
انا ماشي وجاي .. عندي ليك زرقنه تاني ..
ليها علاقة بالقرد ..
انا الايامات دي طاير لي ياهووووووووبا.. ح اجي اتفشي هنا ده .. واتعبك معاي جنس تعب اسئلة بس ..
كان عجبك ...

Post: #42
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-30-2004, 07:56 AM
Parent: #41

تمبس يا لزيز انت موصنك على ولا شنو
قال قرد قال اصلو دا بوست ولا امبارونه
بتعرفا يا تمبس
ما زال السوال موصولا عن حبيبنا قرنفل
الحكايه شنو شكلو خرم بي هناك
وانت شايفك يا عازه الغياب بي طال وكدا

Post: #43
Title: Re: لا سياسه لا ثقافة لا شلاليت .... بوست البهجه .....الدعوه فقط لغير الجا
Author: ايهاب
Date: 03-31-2004, 12:41 PM
Parent: #1