وا اماه

ست البايب يا حبيبة
يا اغلى من روحى ودمى
ياحنينة
كلما رددت فايزة احمد هذه الاغنية .. اشرقت بالدمع.. لان اخر حائط كنت استند عليه رحل ذات مساء منذ عامين .. وانا فى قعر العالم متجولا فى متاهة الصقيع واحيانا هجير الشموس .. بكيت حتى انننى لا امتلك هذه اللحظة اى دمع وتهت لحد الان ولم اعد ذلك الانسان الذى اعرفه .. رحلت قامتى وظلى وقلبى وكل جوارحى فى تلك الليلية المظلمة من ليال شمال السودان.. انا ابن الحاجة امال الى اعطت من حنانها وما انفكت .. دارت بقدح الكسرة وقطرة الموية وجال فانوسها فى الخريف الماطر الذى يلوذ فيه الرجال بصقوف المنازل .. جالت لتتفقد المرق الانكسر والباب الانقلع والحيطة الاتهدت .. كانت امراة بالاف الرجال من هذا العالم .. تكافئهم فى الشهامة والنخوة وتسد الفرقة .. كنت وحيدها .. حتى واننى فى المرحلة الجامعية .. كانت تحضر حاملة معها الكعك وما لذ وطاب من الماكل والمشارب تسالنى عن دروسى وماذا فعلت فيها وكلمارات شابة حلوة تقول لى .. ما تعرسها يا ولدى ما تراها سمحة .. كانت تتمنى ان ترى احفادها .. كانت امى واختى وكل شئ فى الدنيا لاننى ببساطة لا املك اختا او اخا وووالدى توفى وتركنى صغيرا فصبرت على الى ان ربتنى وكبرتنى وعلمتنى ثم راحت منى وتركتنى ..
واعتقد انه لا يوجد الم فى هذا الكون اكثر من هذا ولا مسغبة اوسع مدى منها ولا حسرة تملا عيونى بالدموع لحظة بعد اخرى
شاك

يا شاك ازيك
حسيت شديد بمدي الوجع الجواك
عشان كده قررت اقاسمك عيد الام حقي
انا كمان امي بعيده
مني وما لاقياها يوم عيدها لكن بقاسمك قدر الاحساس والدعاء البلقاهو من صوتها..
لكن تعرف
احساسنا بالامهات وين ماكانو واصلهم
امك
شايفاك
وحاساك
وحاباك
وداعيه ليك
ورضيانه عليك
وقاعده في مكان طيب عند ربنا
ان شاء الله
فاقدها اكيد
لكن هي وابوي وكلهم اتقدمو لينا
وبنتلاقا

افرح ليها يا شاك واشتاق ليها وما تنساها واتزكر حاجاتك الحلوه معاها كلها وخليك مبسوط انها كانت امك دنيا واخره ان شاء الكريم

الاخ شاك سلام

كدي قبل ما اشاركك وجعك داخليني اتامل
فى روعة الحاجة امال ونعم الام كانت ومازالت
يا عزيزي شاك فيكفي ان انظر اليك او اسمع منك
او اقرا لك كما فعلت الان واراها أمامي تتحرك تارة
بطبق الكسرة وتارة اخرى تجاهك وهى تشد من عزيمتك

وهل هنالك شي يريده المرء فى هذه الدنيا الفانية
اكثر من ام مثل والدتك الحاجة امال
رحمها الله واسكنها مع الصديقين والشهداء
لك التحية والتقدير
ـــــــــــــــــــــــــــــــــ
BE YOURSELF AND HAVE AN IRON WILL
AND DEFINTELY THERE IS NO AWAJA