Post: #1
Title: آهِ و آهِ و آآآآآآآآآآآآآآآآهٍ
Author: اساسي
Date: 03-20-2004, 07:06 PM
Parent: #0
أحنُّ إلى خبزِ أمّي
وقهوةِ أمّي
ولمسةِ أمّي
خذيني، إذا عدتُ يوماً
وشاحاً لهُدبكْ
وغطّي عظامي بعشبِ
تعمّد من طُهرِ كعبكْ
وشدّي وثاقي..
بخصلةِ شَعر..
بخيطٍ يلوّحُ في ذيلِ ثوبكْ
إذا ما لمستُ قرارةَ قلبكْ!
ضعيني، إذا ما رجعتُ
وقوداً لناركْ
وحبلِ الغسيلِ على سطحِ دارِكْ
لأني فقدتُ الوقوفَ
بدونِ صلاةِ نهارِكْ
هرِمتُ، فرُدّي نجومَ الطفولة
حتّى أُشارِكْ
صغارَ العصافيرِ
دربَ الرجوع..
لعشِّ انتظارك
(..لا اعرف من القائل سوي انه قال عني ما يجب ان اقول اليها ..)
|
Post: #2
Title: Re: آهِ و آهِ و آآآآآآآآآآآآآآآآهٍ
Author: سجيمان
Date: 03-20-2004, 07:19 PM
وقال عني انا ايضا
|
Post: #3
Title: Re: آهِ و آهِ و آآآآآآآآآآآآآآآآهٍ
Author: Raja
Date: 03-20-2004, 07:24 PM
العزيز أساسي..
كل لحظة والوالدة بألف خير..
ده انت الشفتها من فترة قصيرة بتقول كده.. يا ربي الماشافا ليهو سنين يقول شنو..؟؟!!
قلبي معهم..
وكل عام وامهاتنا جميعا بخير
|
Post: #4
Title: Re: آهِ و آهِ و آآآآآآآآآآآآآآآآهٍ
Author: jini
Date: 03-20-2004, 07:32 PM
أساسي
الله يخليكم لي بعض
أنا دخلت قيايلو لنك لي عزة وخليل لمن شفت أنا آه آه لكن برضو ما مشيت بعيد الأم هي الوطن والوطن هو الأم
جني
|
Post: #5
Title: Re: آهِ و آهِ و آآآآآآآآآآآآآآآآهٍ
Author: اساسي
Date: 03-20-2004, 07:43 PM
Parent: #4
الاعزاء
سجيمان
رجاء
جني
كل سنة وامهاتنا جميعا بخير وصحة وعافية ويحفظهن الله من كل شر
ويغر بهم اعيننا ويغر اعينهم بنا الي ما شاء
وتحياتي الي كل ام
|
Post: #6
Title: Re: آهِ و آهِ و آآآآآآآآآآآآآآآآهٍ
Author: sentimental
Date: 03-20-2004, 07:56 PM
asasi..
MAY GOD KEEP MOTHER FOR YOU AND GIVE HER ALL HEALTH & HAPPINESS.. AMIN
|
Post: #7
Title: Re: آهِ و آهِ و آآآآآآآآآآآآآآآآهٍ
Author: tmbis
Date: 03-20-2004, 08:13 PM
Parent: #6
اساسي ...
من المرات الشوية البتكون فيها زول كويس  يعني ما طوالي ..
الله يخلي ليك الحاجه .. وكل ام .. ارضعتنا.. القيم الفاضله والمحنة ..
تتخيل يااساسي .. كنت فاكر انو القلب بطل يدق .. تتخيل ؟؟؟ لي منهاتلاتة سنة
|
Post: #8
Title: Re: آهِ و آهِ و آآآآآآآآآآآآآآآآهٍ
Author: منعمشوف
Date: 03-20-2004, 08:31 PM
Parent: #7
العزيز أساسى
ربنا يخلى ليك الوالدة ويطول فى عمرها وتشوف جديدك وجديد وليداتك.
وأدعوك لهذا الرابط أحنُّ إلى أُمي ... هذا المساء ستجده حتماً يحكى عنَّك، عنِّى، عنهُّن وعنهم جميعاً
|
Post: #9
Title: Re: آهِ و آهِ و آآآآآآآآآآآآآآآآهٍ
Author: SAdo7
Date: 03-20-2004, 08:40 PM
Parent: #8
يمه جيت راجع عشانكم
وغربتي مليت دروبها
حزن دائم ودمعه كابه
وكل حاجه كمان غريبه
وناس قدر ما تحب عيونها
ما بتلاقي عيون حبيبه
.
شوق معذب وذكرى مره
وسيره ما بنقدر نسيبها
كل حاجه هنا بدراهم
وبي طرق قاسيه وصعيبه
بلدي أعظم وناسها اصدق
وعيشتهم في الدنيا طيبه
وان غلت في بلادنا حاجه
حتى كان قمره بنجيبها
أصلو عيشة الغربه قاسيه
وحتى ناسها كمان عجيبه
***
عزنا وعزة بلدنا فتنا منها وانخدعنا
موج سراب ودانا ليها ونحن سرنا وانقطعنا
قلنا رايحين قلتي لا لا ويمه قولك ما سمعنا
ودابو قولك جانا واقع إلا قبلو كمان وقعنا
ونحن مما فتنا دارنا في العيون يوم ما ارتفعنا
التمن يا يمه غالي ونحن ليهو الروح دفعنا
هم كبير ودرب خطير وسكه تب ماليها معنى
لا دراهم لا مظالم نحنا بس للعز رجعنا
***
الحياه لحظات قصيره يمه وين نلقاها تاني
وين بنلقى رضا الحبايب صبحوا يا حليلهم أماني
وبلدي مما فت منو ديمه سيرتو معذباني
والمكان الرحت ليهو أصلو يوم ما كان مكاني
ما قدرته أحس بفرحه والجمال غيركم عماني
وعقدة الذنب بي فراقكم يمه والاحباط شقاني
شلته دمعي وباقي شمعي وجيت أفتش عن حناني
ولو هربت أنا من بلادي كيف حاهرب من زمانى
***
يمه جد الغربه ذله والشقى اليوم هو المهاجر
يومو حسره وليلو آهات وعيشتو هم ما ليهو آخر
حتى ناس بلدي الهناك البسالمك يمه نادر
وحتى أقرب اقربائك لا بيحن ليك لا بيزاور
كل واحد يقضي ليلو ساهي في أوهامو ساهر
مره يحلم باللواري وهمو يصبح أغنى تاجر
ولما يصحى يبكي تاني لما يشعر روحو خاسر
أصلو دنيا الغربه سراً البيكشفو ما بيسافر
***
يمه أغفري لينا جينا لي بلدنا ولي ترابها
كلمي النيلين تصفق والصداقه تضوى بابها
والعصافير المهاجره خلى يبقى النيل شرابها
وتوتي بي خضرة جروفها وضىء أماسيها ورحابها
والمدن الزاهيه ترقص بكره بيرجعوا كل شبابها
وكل واحد فات بلادو ضاق شقا الغربه وعذابها
حس إنو بلادو أجمل مهما كل الغاليه جابها
أصلو عزك في بلادك وفيها سيرة الموت حبابها
.
.
الشاعر عزمى احمد خليل
|
Post: #10
Title: Re: آهِ و آهِ و آآآآآآآآآآآآآآآآهٍ
Author: Tabaldina
Date: 03-20-2004, 08:44 PM
..
.
يمه جد الغربه ذله والشقى اليوم هو المهاجر
يومو حسره وليلو آهات وعيشتو هم ما ليهو آخر
شكرا ليك اساسي وصدوح
وكل المنى بعمر مديد لامهاتنا جميعا متعهن الله
بالصحة والعافية ..
دمتم
|
Post: #11
Title: Re: آهِ و آهِ و آآآآآآآآآآآآآآآآهٍ
Author: ABUHUSSEIN
Date: 03-20-2004, 09:24 PM
Parent: #10
ربـنـا إديـهـن الـصـحـة و الـعـافـيـة و طـول العـمـر و إحـقـق أمانيـهـن
و ربـنـا أرحـم الأمـوات مـنـهن و إجـعـل الجـنـة مـثـواهـن إنشاءالله .
|
Post: #12
Title: Re: آهِ و آهِ و آآآآآآآآآآآآآآآآهٍ
Author: ASAAD IBRAHIM
Date: 03-20-2004, 09:52 PM
Parent: #11
الحبيب اساسي وجميع المتداخلين
التحايا والود لجميع الامهات
نسال الله ان يهب لهن الصحة والعافية
والتحية لوالدتكم الكريم اخي اساسي
ولك كل الود
|
Post: #13
Title: Re: آهِ و آهِ و آآآآآآآآآآآآآآآآهٍ
Author: JAD
Date: 03-21-2004, 10:14 AM
بيني وبينكم كلكم كدا قايلين الروب من الغربة .. بنين وبنات السناقل والمتزوجين..
تصدق يا أساسي في الإجازة القريبة دي وكل إجازة بتمنى أخت رأسي في حجر أمي وأخليها تدغدغ رأسي زي لما كنا صغار ..
بس أقول ماذا لو رآني أحمد بن جاد .. وسلم علي باستحياء ولم أسمعه .. ثم أدار مسيقاه المعروفة .. أنا عاوز أطمن يا حبيبي رد السلام ..
السلام عليكم .. السلام عليكم 
جاد المسكين
|
Post: #14
Title: Re: أحن الى خبز امي
Author: shiry
Date: 03-21-2004, 10:38 AM
Parent: #13
كل سنه ماما الحبيبه بالف خير
ودائما نبراسي
وحزمات ضيائي
ربنا يخليك لينا دائما
اساسي الشفيف
سلمت ياسيدي على هذه القصيدة الرائعة
على فكره هذه القصيدة للشاعر الفلسطيني محمود درويش
وغناها مارسيل خليفة
لو بعرف انزل الاغاني كنت نزلتها ليك هنا
ايضا فيروز غنتها
pnm://rm.bbc.co.uk/worldservice/live24/gulf28.ra
|
Post: #15
Title: Re: أحن الى خبز امي
Author: الليندي
Date: 03-21-2004, 01:07 PM
Parent: #14
صديقي اساسي الاساسي
ربنا يخلي ليك الوالدة ويخلي لينا كل امهات الدنيا
ويا صديقي اظهر وبان وفي انتظار رسالة منك تكتب لي فيها رقم موبايلك حتى استطع التواصل ودمت صديقي
ساهدي لك وللشقية شيري احن الى امي لمحمود درويش ومارسيل خليفة مساء اليوم
ولك خالص الود
|
Post: #16
Title: Re: آهِ و آهِ و آآآآآآآآآآآآآآآآهٍ
Author: ali othman
Date: 03-21-2004, 01:48 PM
تحياتنا للوالدة وربنا يديها طولة العمر
|
Post: #17
Title: افتقد.................. عادل عبد العاطى
Author: Ahmed Daoud
Date: 03-21-2004, 02:46 PM
تحية للاعزاء
أنا ايضا افتقدك عزيزى عادل
رغم اتفاقى او اختلافى معك
نأمل بعودتك قريبا ليعود
للبورد زخمه وحيويته.
تحياتى لك ابن مدينة الحديد والنار.
احمد NZ
|
Post: #18
Title: Re: افتقد.................. عادل عبد العاطى
Author: اساسي
Date: 03-23-2004, 10:25 AM
Parent: #17
الاعزاء والاعزاء جدا
سنتمنتال
تمبس
منعمشوف
صادوح
تبلدينا
ابو حسين
اسعد
جاد (وعليكم السلام)
شيري
اللندي
علي عثمان
احمد داؤد
لكم جميعا الود والتقدير وربنا يحفظ لكم جميعا امهاتكم ويرحم من وؤرت الثري وكل امهات اعضاء المنبر ونساء السودان
حقيقة كل ما ادخل الي هذا البوست من يوم ارسلته يغالبني الحنين فاخرج سريعا ولا استطيع ردا لك التحية والتقدير اماه وحفظ لنا الله نبراسا ووطن يامن تشهديني كل حين انك تعفين عني فليرضي الله عنك ويمد لنا في ايامك
|
Post: #19
Title: Re: افتقد.................. عادل عبد العاطى
Author: شمهروش
Date: 03-23-2004, 05:44 PM
Parent: #18
اساسي لما تصفاء وتروق نحنا زاتنا دمنا بجري في العروق
عسى الوالدة مايصيبها شر.
عاوزين نسمع عنك كل طيب وجميل
|
Post: #20
Title: Re: افتقد.................. عادل عبد العاطى
Author: طه حسن عبدالله
Date: 03-23-2004, 07:13 PM
Parent: #19
الأخ العزيز أساسى
إنها نبضات من قلبك المفعم بالحب تجاه من أرضعتك الحب لك كل إحترامى
لمشاعرك هذى و أرجوا أن لا يطول غيابك عن الوالدة الحبيبة و ربنا
يديها الصحة و طول العمر .
أخوك/ طه حسن عبدالله
|
Post: #21
Title: Re: افتقد.................. عادل عبد العاطى
Author: طه حسن عبدالله
Date: 03-23-2004, 07:14 PM
Parent: #19
الأخ العزيز أساسى
إنها نبضات من قلبك المفعم بالحب تجاه من أرضعتك الحب لك كل إحترامى
لمشاعرك هذى و أرجوا أن لا يطول غيابك عن الوالدة الحبيبة و ربنا
يديها الصحة و طول العمر .
أخوك/ طه حسن عبدالله
|
Post: #22
Title: Re: افتقد.................. عادل عبد العاطى
Author: اساسي
Date: 03-23-2004, 07:24 PM
Parent: #21
حبيبنا شمهروش
سائلين عنكم ومتلهفين لنسمع طيب اخباركم ولك الشكر علي المرور ويخلي لك الوالدة باذن الله
استاذي طه حسن
لك التحية والاحترام تسلم لهذه الكلمات الطيبات ونسال الله ان يحفظ لنا امهاتنا جميعا
|
|