Post: #1
Title: دارفور ؟؟؟؟؟؟؟؟
Author: ابو تميم
Date: 03-18-2004, 06:39 PM
بتغاظ جدا لما اقرا كلمات على وزن تحرير منطقة فى دارفور .. ولا المجاهدين فى دارفور ... الخ
ياجماعة هل دارفور لسكانها وبس ؟؟؟
هل ده جهاد ؟؟؟؟؟؟؟؟؟
هل انا لاني شايقي ما عندي حتة من دارفور بحكم انها فى وطنى الكبير ؟؟؟
وبعدين بينتابني شعور بانو في ناس بتجامل بدعوى التقدمية والعدالة والكلمات الفضفاضة دي
طيب ...
لو كان الدارفوريين عاوزين تحرير لانو في ظلم واقع عليهم ...
ما يسقطوا الحكومة فى الخرطوم ويريحونا كلنا
ولا هم دايرين انفصال ؟؟؟؟
البشير قال نقعد نتفاوض فى مسألة فصل الجنوب ...
دوليا ودستوريا وقانونيا ما من حقو يقرر قرار مصيري زي ده ... لازم يكون فى استفتاء يشارك فيهو كل ابناء السودان شمال وجنوب وشرق وغرب
وجماعات التمرد فى دارفور تقول تحرير = انفصال
وبالتالى المفروض كل السودانيين يرفضو كلام زي ده بدون مجاملة
على العموم يمكن انا غلطان .... اتمنى توضيح ومشاركة
|
Post: #2
Title: Re: دارفور ؟؟؟؟؟؟؟؟
Author: khallo
Date: 03-18-2004, 08:44 PM
Parent: #1
ابو تميم السلام عليكم ورحمة الله وبركاته
والله ماك غلطان يمكن غلطان الزمن او اي حاجه تانيه..كدي نفتش!!!
زي التعاطي باخلاق في البحث عن حل المشكل, وكمان مدمدم الحيشان ما يكون هو السلطان, وبرضو الحلول الاثتثنائية تكون مرفوضة من الجميع(الجميع دي مهمه خالص, حكومة وشعباواللوم الاكبر علي الحكومة بالطبع.... تميم داخل في الموضوع.... افهم ان يكون هناك مواطن بسيط يدافع عن الحكومة او التمرد او سمه ما شئت او العكس الذي لا افهمه هوعراكنا جميعا من شرائح المجتمع المدني الفاعل في اطر ضيقه من احزاب وجهوية وقبليه) بس ده يكون كيف؟
|
Post: #3
Title: Re: دارفور ؟؟؟؟؟؟؟؟
Author: Abureesh
Date: 03-18-2004, 09:23 PM
Parent: #2
الأخ ابو تميم،
ممكن الواحــد يســألك لو جنـوبيين وغـربيين جيوبـوم ملانـة، ومشــو يشتــروا نخل وبلـود فى كريمى ومـروى، بيـرضـوا الناس هناك يبيعـوا ليهـم؟ إنت تبيـع ليهـم؟
حتقول لى هـم أحـرار طبعـا.. لكن إذا الدرفوريين رفضـوا يكونـوا عنصـريين، ما أحـرار!!
|
Post: #4
Title: Re: دارفور ؟؟؟؟؟؟؟؟
Author: ابو تميم
Date: 03-19-2004, 07:56 AM
Parent: #1
الاخ khallo
بالفعل ............ مشكلتنا فى كلمة الجميع
احساسى اتعمق جدا بأن المشكلة فى دارفور عنصرية .. ومن الجانبين
ولكن طبعا الحكومة عنصرية مع الجميع .. ما عنصرية قبلية .. عنصرية طائفية حزبية معقول .. لكن ما قبلية
ودى مصيبة كبيرة ... لما نتكلم عن دارفور كأنها دولة بتطالب بالتحرير .. تبقى دي مصيبة
لاني طبعا ماحاأرضى لا انا ولا كل شرفاء السودان الكبير
وقال الرسول الكريم فى حديث بما معناه :
من أتاكم يشق عصا الجماعة فاقتلوه
كلنا مظلومين
وكلنا سودانيين
والسودان ما حق زول ... عندي فيهو زي العند البشير بالضبط
|
Post: #5
Title: Re: دارفور ؟؟؟؟؟؟؟؟
Author: ابو تميم
Date: 03-19-2004, 08:02 AM
Parent: #1
يا Abureesh ........... انشالله تعيش
سيدي الفاضل
يمكن ما يرضو .....
والحلفاويين المتزمتين ما بعرسوا ليك بناتم كان بقيت منو ..
و ... و ....
العنصرية موجودة ....
لكن بفتكر انو المفروض انحنا جيل متعلم ومثقف ومؤمن ... لو ما غيرنا كثيييييير من الشخصية السودانية النمطية ـ بشوف انها مقرفة ـ ما حيكون للبلد شأن فى يوم من الأيام
عني أنا والله لو داير ابيع لى نخل .. ببيعو للبدفع أكثر .. حتى لو كان للشيطان .
ومتأكد على الأقل فى 1000 زول زيي من جميع القبائل بما فيهم اهل دارفور
بالمناسبة معاى واحد من اهل دارفور ما راضى عن تسمية تحرير وبيقول ديل همباتة ساي .
يعني الموضوع ما فيهو مسلمات زي ما المؤيدين لفكرة التحرر دي بيحاولو يثبتوا .... في ناس بتؤيد وناس بتعارض
|
|