انا سعيدة لاني .....

موقف معين كدا...فهمني نفسي اكتر...علمني انو السلبية حاجة قاتلة....و انو الانسان مفروض يدافع عن حقو ما دام مؤمن بيهو..مهما كان حجم الحق دا و اهميته...المهم المبدأ

انتوا رايكم شنو في الموضوع دا


السلبية في حياتك حجمها كم كدا؟

تحياتي انسانه
تعلمي ان يعلم الناس انك لا تتركين حقك مهما كان صغيرا
وطالبي به دون خجل مهما كان صغبرا، لسبب بسيط وهو انه حقك
كل انسان في محيطه بيسعي لتعزيز مكانته، ومكانته فقط
اذا لم تتعلمي ذلك سوف تكونين نسيا منسيا

الاخت انسانة

الموضوع جيد

مسألة كونك تتخلى عن حق من حقوق دي غاية فى الضعف
ما في شك لكن كمان فى كارثة اكبر فى ناس ما بتعرف حقوقها
اساسا وبتالي بتضيع منهم وهم ما عارفين اتخيل لى ديل بصعب
وصفهم بالسلبية اخت انسانه.

معليش ح اعرج بموضوعك شويه كدا
واربطو بمسألة حقوق المراة مثلا فى نساء كثيرات بجهلو حقوقهم
وبطالبوا وبتحدثوا وبرددوا الموضوع دا فى اكثر من من مقام
وكأنه شعار او استايل او ثوب لابد ان ترديه المراة اذا ارادت
لنفسها ان تكون مثقفة او تصنف هكذا، ودي حالة شبيهة بحالة
عشتها فى السودان قبل فترة متعلقة بالفنان مصطفى سيد احمد
ما تجد لك شاب او شابة جامعيه والا فنانه مصطفى كيف لا وقد
اصبح جواز مرور الى عالم الثقافة والفن والادب وعلم السياسة
لم اصادف شاب او شابة لم يكن فنانه الاول مصطفى سيد احمد!!!

سؤال اخت انسانه

رايك في مسألة مطالبة المراة بحقوقها هل بتري انو لها اطار محدد او واضح المعالم
ام هي مسألة هلامية كما سبق وان أسلفت

ولك كل الاحترام
ـــــــــــــــــــــــــــــــــ
BE YOURSELF AND HAVE AN IRON WILL
AND DEFINTELY THERE IS NO AWAJA

يا بت يا انسانة

ايي حاجة شايفة انها حقتك ما تطالبي بيها
اقلعيها طوالي حرب يعني ما مطالبة واستجداء
كمان مطالبات كمان
مافي وقت للبيروقراطية

تعرفى يا انسانة فتحتى لى موضوع بعانى منو زمن طويل من بدايه
حياتى ،،،، وبفتش للمخرج وما لاقيهو ؟؟؟؟؟؟؟؟

الاخت انسانة

الحقوق لا تطعي ولكنها تنتزع

اي حق مهما صغر أو كبر لا يجب التخلي عنه

الضعفاء وحدهم هم الذين يفرطون في حقوقهم

بعد ان استلم حقوقي يمكنني ان ارميها في البحر او اعمل فيها العاوزو بس في الاول

استلمها او انتزعها

والله الموفق

موضوع مهم

اعتقد انو اكبر سلبية فينا بنتصادم معاها فى السفارات السودانية

زكاة وضرائب ومصائب وهلم قرفاً


يعني بحس بنفسى اهبل وانا بدفع الضرائب رغم اني ما قاعد فى السودان والضريبة تدفع اساسا لاستخدامى للشوارع البنتها الحكومة واميات الكهرباء ... الخ التى دفعت تكاليفها الدولة .. وتؤخذ مننا باعتبار ماكان .

ولاننى مغترب ولا اعيش فى السودان فبالتالى لا استخدم اي شي مما سبق ... فليه ادفع ؟؟؟؟


الما بيدفع ضرائب بيكون انسان غير سلبي ......... أما البيدفع فــ ...... !!!!

انسانة
حمد لله على السلامة
وعقبال رمانة ود . السارة وبقية الشلة

والله سعيدين لسعادتك
لكن سؤالك الصعب دا ما بتجاوب
نسبتها كم ؟ اقصد السلبية
اسكتي سااااي وما تعديش