Post: #1
Title: ما يطلبه المستمعون(النصري شايقي)..
Author: خالد الحاج
Date: 03-15-2004, 00:46 AM
Parent: #0
|
Post: #2
Title: Re: ما يطلبه المستمعون(النصري شايقي)..
Author: Raja
Date: 03-15-2004, 00:59 AM
Parent: #1
خالد أبا يا غالي..
أيوه كده أرجع لقواعدك الجميلة سالما لترجع للمنبر بهجته وبهاءه..
برجع للاهداءات تااني..
|
Post: #4
Title: Re: ما يطلبه المستمعون(النصري شايقي)..
Author: خالد الحاج
Date: 03-15-2004, 01:15 AM
Parent: #2
العزيزة رجاء..
شكرا ليك ألف..وحقيقي محتاج إرتاااااااح
الرمية بعديها في أغنية جميلة أسمعيها للأخر.
نسيت...
أهديها ليك..
|
Post: #3
Title: Re: ما يطلبه المستمعون(النصري شايقي)..
Author: Osman Hamad
Date: 03-15-2004, 01:15 AM
Parent: #1
دا شغل سمح..بس احنا لينا الله وعيشة السوق
|
Post: #5
Title: Re: ما يطلبه المستمعون(النصري شايقي)..
Author: خالد الحاج
Date: 03-15-2004, 01:17 AM
Parent: #3
يا عثمان يا إبن أختي
إنت بعد الله وعيشة السوق كايس شنو.
أوعة تقول لي مكرونة ولا التانية ديك
يخرب عقلك
|
Post: #6
Title: Re: ما يطلبه المستمعون(النصري شايقي)..
Author: ابو جهينة
Date: 03-15-2004, 08:40 AM
Parent: #5
خالد الحاج
يا واهب كل عمرك للفرح العائد للوطن و للفرح الباقي يمضغ الصبر في الغربة
يديك ألف عافية لهذا النبض الفرايحي
إهداء لكل أهلنا الحنان بأرض الشايقية
|
Post: #7
Title: Re: ما يطلبه المستمعون(النصري شايقي)..
Author: Alia awadelkareem
Date: 03-15-2004, 10:53 AM
Parent: #6
العزيز خالد شكرا ليك
شكرا علي الفرح
العزيز خالد رسلت ليك رسالتين علي المسنجر
ما رديت انشاللة وصلوك
مع حبي
|
Post: #8
Title: Re: ما يطلبه المستمعون(النصري شايقي)..
Author: Osman Hamad
Date: 03-15-2004, 05:30 PM
Parent: #5
التانية ديك...
|
Post: #9
Title: Re: ما يطلبه المستمعون(النصري شايقي)..
Author: ملكة سبأ
Date: 03-15-2004, 05:30 PM
Parent: #1
 ياخال
وجاءت سليمان عند العرش هدهدة
واهدته جرادا كان في فيها
واجابته بلسان الحال قائلة
ان الهدايا على مقدار هاديها
لوكان للمرء ان يهدي غير طاقته
لكان مقدارك الدينا ومافيها
شكرا ياخال ان اتحت لنا هذا
وحقيقي انا فرحانة جد انكم تشاركوني الاستمتاع بهذ الجمال
وياريت الناس تسمع الاغنية بعد الرمية
وبعد اذنك حاهدي الاغنية لياسيكو وابو قصي
ولرجاء وحنينة وهالة وراوية
وكل ناس البورد من غير فرز
|
Post: #10
Title: Re: ما يطلبه المستمعون(النصري شايقي)..
Author: ملكة سبأ
Date: 03-15-2004, 05:53 PM
Parent: #1
[ياناقش الاحساس على وتر الندم
هيج (ت) سوالف الذكريات كبت منابع الآهة دم
ياراسم الحزن الدفين فى ظل تجاعيد الألم
اخفيت ملامح البهجة وين اديت ملامح الصورة هم
الصادى من حس الخيال الجاى بواقعه اصطدم
مابينى مابينك مدار قدر سنين ترحالو كم
***
لو انت موصوف بالضياء دافر ظلام ليلي الهجم
انا زاتى معروف بالشموخ احساسى يلصف بالقيم
لا ك دار تلوج من كبرياك تدينى راس خيط العشم
لا لى جناح انا عشان اجيك خلقونى من حظي السجم
***
ياوحى الهام وغناي احيت رفاتي من العدم
مابين جدارصمتي الجريح متوهط اهداب القيم
اعذرني لو صعب الوصال اعرفنى محكوم بالقدم
كيفن اجيك وانا في القيود لقيانا متروك للقسم
|
Post: #11
Title: Re: ما يطلبه المستمعون(النصري شايقي)..
Author: hala guta
Date: 03-15-2004, 05:59 PM
Parent: #10
للناس السمحة و زينة
الغنية مليانة شجن
والله هدية مقبولة يا ود الحاج و الملكي
بجيكم تاني..قالوا في غنية بعدها
|
Post: #12
Title: Re: ما يطلبه المستمعون(النصري شايقي)..
Author: ملكة سبأ
Date: 03-15-2004, 06:19 PM
هلولة
حباب الناس السمحة وزينة
الاغنية بعد الرمية طوالى طولي نفسك واسمعي وصدقينى ماحتندمي
وفعلا محتاجنكم ياهالة ومحتاجين شوية نسام فرح
وتعالو نبدأ الاسبوع دا ودايرنو يمشى طوالي
|
Post: #13
Title: Re: ما يطلبه المستمعون(النصري شايقي)..
Author: اسامة الخاتم
Date: 03-15-2004, 08:54 PM
Parent: #1
يا خالد تسلم
و ارحب بعودتك الميمونة
|
Post: #14
Title: Re: ما يطلبه المستمعون(النصري شايقي)..
Author: ABU QUSAI
Date: 03-15-2004, 09:27 PM
Parent: #13
وووووووب يا الملكي وبييييييين يا خالد
والله دا كتير علينا وما بنقدر عليه ، هيجتوا حاجات كتيييييييرة ما الذكريات بس ، آهات الغربة المقددة رئاتنا زي ما قال حسن الدابي ، منفى يقدف بنا إلى منفى أبعد ، والغربة تتمدد ، والمسافات تستطيل بيننا وبينهم نشتاقهم ونشتهيهم ، ليتهم وليتنا نقتنع بأننا محكومين بالقدم والقدم ليهو رافع ، ربما يخفف ذلك قليلا ، أححححححححح غايتو أه نقول مقبولة منكم .
بس يا الملكي ممكن نعرف الشاعر منو
كمان شيء تاني يا ابن عمي أبت تسجل عندي . ما عارف الحاصل شنو .
|
Post: #15
Title: Re: ما يطلبه المستمعون(النصري شايقي)..
Author: ملكة سبأ
Date: 03-15-2004, 09:36 PM
Parent: #14
غايتو يا ابو قصى انا بوريك الشعراء شيتن اخر ابعرفو
ضياع الجيهي دي اللت ياسر على بشير
وناقش الإحساس عبد الله التاج
الاتنين قعد عليهن ود النصرى لحنن
|
Post: #16
Title: Re: ما يطلبه المستمعون(النصري شايقي)..
Author: خالد الحاج
Date: 03-15-2004, 09:49 PM
Parent: #14
أبو جهينة العزيز..
عارفها والله بتوجعك..
وإهدأء ليك يا زول يا زين.
عالية العزيزة.
ورديت ليكي الإتنين..
ومنتظر التفاصيل ياتو مسنجر فيهم الخربان وداير يتصلح
ويا عاشة أنا حاوي وروني ياتو فيهم
عثمان حمد..
تبكي بس..
الملكي..
يسألني الله إتوجع بي صحي
وهو جنس وجع..وما عرفت يا بت العم أدعولك ولا أدعييكي.
الله يديكي العافية.
هالة/حنينة..
إزيكم..شنو غتستوا وين؟؟
أسامة الخاتم..
شكرا يا أسامة وليك وحشة والله.
أبوقصي..
أيوة كوريك كان يحلك..
لتنزيل الغنية أعمل كلك
علي Save@PC وإختار Save Target As
وكان أبت قول عووووك لكن الكود شغال وما عندو عوجة.
|
Post: #17
Title: Re: ما يطلبه المستمعون(النصري شايقي)..
Author: yasiko
Date: 03-16-2004, 02:32 AM
Parent: #1
الاخوة الكرام خالد والملكي
لكم التحية والانحناءة
اولا : يا الملكي اشكرك على ابيات الشعر عاليه والتي فقدت عجز احدهن لفترة طويلة اكرر شكري
اما بخصوص هذا الجمال اقولك "والله على ما اقول شهيد" بعد عودة عصافير الخريف ، كما تعلمين ، حاولت أن انصرف عن النت لايام ولكن لشيء لا اعلمه اصبح كمبيوتري يفتح براهو مع اي ضربة تلفون ويجبرني على الدخول فاسترح على هذه الكلمات واجعلها ساتر مما يدور من مناكفات في البورد جعلتنا لا نميز بين الصاح والغلط
لكما التحية
ويكون في علمك هنالك اشياء جميله في طريقها لخالد اهمها
Quote: منو الزي امي ما بيعرف يعادي
منو الزي امي بيتحمل عنادي |
بصوت ذاك الراقي المهندس عبد العظيم منصور
لكما الود مرة أخرى
|
Post: #18
Title: Re: ما يطلبه المستمعون(النصري شايقي)..
Author: ملكة سبأ
Date: 03-16-2004, 07:19 AM
Parent: #17
مرحب ياياسيكو
ومنتظرين
وحمدلله على السلامة
واماني ما اتلوم ود العجمي
|
Post: #19
Title: Re: ما يطلبه المستمعون(النصري شايقي)..
Author: Emad Batran
Date: 03-16-2004, 08:59 AM
Parent: #1
Dear Khalid
...thanx
that is so touchy and sweeeeeeeeet with every sense of the word
thanx again
|
Post: #20
Title: Re: ما يطلبه المستمعون(النصري شايقي)..
Author: ملكة سبأ
Date: 03-16-2004, 07:23 PM
Parent: #1
أQuote: بوقصي..
أيوة كوريك كان يحلك.. |
ياخال الله يصبر الزول ويصبركم كمان
ياسيكو الايام دى بيتنسم في عبير البلد وقال برضو (مدردم) ليكم قنابل زى كدا
الله يعين 
|
Post: #21
Title: Re: ما يطلبه المستمعون(النصري شايقي)..
Author: انا بنت النيل
Date: 03-16-2004, 07:49 PM
Parent: #20
الأخ خالد او قل الخال كما يحلو للكثيرين هنا والخال حنين ..لك التحيات ..وياسمينة بيضاء حلوة الرائحة ..اقطفها من حديقتي الصغيرة ..لك ..حقيقة اتهيب الدخول في ديارك لا ادري لماذا ..رغم ثقتي في انها عامرة ..ولكن خشيت ان اشعر بالغربة كما اشعرها في كثير من الواردات في هذا المجمع ..ثم جمعت اطرافي ودخلت ..ووجدت الديار رحبة ..وواسعة ..ومزدانه بحلو الكلم ..فارجو قبول ..الزيارة
ياسبأ ..يا حبيبة..والله ..زيدتي ريدتي للشوايقة..وغناهم..وكلامهم..ولي المتلك "البخش " القلب بلا اسئذان..
|
Post: #22
Title: Re: ما يطلبه المستمعون(النصري شايقي)..
Author: ملكة سبأ
Date: 03-16-2004, 08:00 PM
Parent: #21
| Quote: ياسبأ ..يا حبيبة..والله ..زيدتي ريدتي للشوايقة..وغناهم..وكلامهم..ولي المتلك "البخش " القلب بلا اسئذان.. |
تعالوا ياجماعة اشهدكم على كلامي دا ..
انا بنت النيل دى سارقة مفتاح قلبي وجات الليلة سرقت احساسي برضو!!
يرضيكم يعني ؟؟
انا راضيني وعاجبني وسعيدة جدا اني بعرف الهام قلب كل الشوايقة
لك تقديري
والاغنية دى ليك انتى برضو
|
Post: #23
Title: Re: ما يطلبه المستمعون(النصري شايقي)..
Author: خالد الحاج
Date: 03-16-2004, 08:22 PM
Parent: #22
ياسيكو:
وصلتني الشرايط..وعبد العظيم غناي الله يديه العافية.
التسجيل ضعيف شوية عايز شغل أدي خالك مهلة..
عماد بطران..
ما ده المجننا يا عماد يا أخوي..
الملكي..
يكفينا شر القنابل.. وقنابل ياسيكو جاتني خلي القيامة
الفي البورد دي تهدا شوية ..
أنا بنت النيل :
يشيلك راسنا قبل البوست يا بت العم وكل ما تلقي إسمي أدخلي
نفرح بيكي ونغنيكي ونشلك فال..وزيارتك فرحتنا بالحيل.
|
Post: #24
Title: Re: ما يطلبه المستمعون(النصري شايقي)..
Author: Rawia
Date: 03-16-2004, 08:30 PM
Parent: #1
ميرسي ميرسي بلقيس
تسلمى ياذوق
وانا بهديها ليكم كلكم
|
Post: #25
Title: Re: ما يطلبه المستمعون(النصري شايقي)..
Author: ABU QUSAI
Date: 03-17-2004, 08:10 AM
Parent: #24
تسلمي لينا يا ملكتنا
ود عمي ما داير يصبرني دايرني أكورك ، وأنا بكووووووووورك . ويا ريت لو تريحوني وتصبروني بي قصيدة حاتم حسن الدابي البقول فيها :
جاطت القلعة شمال يمين بي عبيداب (ها) ودونقس (ها)
يعني ناس حمد سعيد دفع الله راحوا فيها .
والعاجبني فيها أكتر قال :
ما ها لابسي تياب الجمال .. الجمال ياهو اللابسه
ابن العم وبنت العم ملكتنا وكل الشباب ويا ليت ابن عمي مامان يدخل في الخط ويرحنا بها ،
أنا سمعتها مرة واحدة في حفلة غناها عبود محمد عثمان وأظن الأغنية بغنيها جعفر السقيد أصلا .
وتسلموا يا شباب .
|
Post: #26
Title: Re: ما يطلبه المستمعون(النصري شايقي)..
Author: ABU QUSAI
Date: 03-19-2004, 11:52 PM
Parent: #25
فوق يا خالد الحاج والله أبت تنسجل
|
Post: #27
Title: Re: ما يطلبه المستمعون(النصري شايقي)..
Author: Rawia
Date: 03-26-2004, 04:44 PM
Parent: #26
فوق يا خالد الحاج2
|
Post: #28
Title: Re: ما يطلبه المستمعون(النصري شايقي)..
Author: بلدى يا حبوب
Date: 03-26-2004, 07:42 PM
Parent: #1
واهداء اليك يا خالد بمناسبة تواصلك مع اعباء البورد وانت اهل له
مع كثير التحايا والاشواق
|
Post: #29
Title: Re: ما يطلبه المستمعون(النصري شايقي)..
Author: ملكة سبأ
Date: 03-26-2004, 09:01 PM
Parent: #28
وديل مع الـ up
|
|