Post: #1
Title: قال: بنات السودان أقبح بنات
Author: كبسيبة
Date: 03-11-2004, 07:21 PM
Parent: #0
كلام سمعتو في السودان وجيت سمعتو بره السودان كمان، بأن الفنان راغب علامة قال بنات السودان أقبح بنات في الوطن العربي !!!!!!
يا ربي هو شافن وين ؟
وهل هذا الكلام صحي ؟ وليه قالو؟
وأنا شايف إنو كلامو صاح ليه ؟
لأنو الإعلام وتلفزيون السجم بتعنا مصرين الله يحرق مصارينهم يشوهو سمعتنا بالوشوش المشوهه والأشكال العجيبة الغريبة والمذيعات الحبوبات البايرات المخستكات الوحدة فيهم لو ما عتددت ما برموها.
الوحدة تقعد من جنة الأطفال لحدى ما يجيبوها من الأمس!!!
عليكم الله ديل بنقوهم من وين ديل؟
يا جماعة ما تشوفوا لينا حل من الناس الوهم ديل؟
وكلام راغب إشارة ده رايكم فيهو شنو؟
وأحي انا منكم يا ناس التلفزيون والله نفسي أعضيكم.
|
Post: #2
Title: Re: قال: بنات السودان أقبح بنات
Author: Raja
Date: 03-11-2004, 07:30 PM
Parent: #1
كبسيبة يا وسيم..
مشتاااااقين
غايتو انا قلت أقل ترضية يعملها راغب علامة يعرس اختك التومة  ..
|
Post: #3
Title: Re: قال: بنات السودان أقبح بنات
Author: انا بنت النيل
Date: 03-11-2004, 07:30 PM
Parent: #1
تحية وسلام
هو راغب علامة دا ذاتو منو البفتي في بنات السودان الغبيان الفينيقي!!
|
Post: #4
Title: Re: قال: بنات السودان أقبح بنات
Author: ابو تميم
Date: 03-11-2004, 07:39 PM
Parent: #1
كبسيبة
انا عن نفسي شايف انو المذيعات كونهن بايرات ما بخصنى كتير ...
لكن معاك فى الباقى
وعن نفسي والله العظيم انا شايف اللبنانيات شينات ومقرفات
وما بتعجبني بت لو ما كانت سمره
|
Post: #5
Title: Re: قال: بنات السودان أقبح بنات
Author: Khalid Eltayeb
Date: 03-11-2004, 07:41 PM
Parent: #1
تعرف ياكبسيبة يكون راغب علامة شاف صورتك دي وبني كلامه علي اساسها.
تلفزيون السجم والرماد بتاعنا مابيعرف حاجة اسممها صناعة الجمال
Beauty Industry وهي دي يعني اخصائي التجميل بيجي يعاين للوجه الشين اولا ثم يكتشف انو فيه حتة بسيطة جميلة وبعدين يشتغل في الحتة دي بالمكياجات و غيره ويركز عليها فيبرزها حتي يبدو كامل الوجه جميلا . انت قايل اللبنانيات ديل سمحات ؟ مابيعملو لبهم كده.
كيف كان خروف الضحية ؟؟
تحياتي اليك و اعتذر عن كلام صورتك الخايف عليها و ماخايف علينا
|
Post: #6
Title: Re: قال: بنات السودان أقبح بنات
Author: كبسيبة
Date: 03-11-2004, 08:28 PM
Parent: #1
رجاء الحلوة
كميات طبعاً
هو أبو علامة ده يقدر يطول
يا بنت النيل
طولي بالك ... هو ما غلطان براهو يمكن شاف تومتي
أبو تميم
ما بالغتة شوووووووووية
خالد الطيب
والله يا خالد لو كان شاف صورتي كان انفصم لأنو قايل نفسو براهو الوسيم.
اما تلفزيون السجم والعجاج ده فحكايتو حكاية.
وخروف الضحية والله كان أحلى من راغب علامة وكمان صورتو ليك عشان تشوفو (قريباً)
بعدين صورتي دي ما الجننت ناس هناية زاتو
|
Post: #7
Title: Re: قال: بنات السودان أقبح بنات
Author: ASAAD IBRAHIM
Date: 03-11-2004, 08:31 PM
Parent: #6
اخونا كبسيبة
حمد لله علي السلامة يا محظوظ جدا
تعرف سيبك من راغب علامة وخطرفاته وقول لي بالله السودان كيف ؟؟؟؟
اشوووووووووووووووووفك
في امان الله
والله الموفق
|
Post: #8
Title: Re: قال: بنات السودان أقبح بنات
Author: zola123
Date: 03-12-2004, 00:21 AM
Parent: #1
انا لو من الزول ده وسمعت وصلات النبز النشرها السودانيين عن اللبنانيات
ارجع عن اعتذاري واقول: أيوة قلت
اليسمعكم يقول بالجد نحن اسمح العربيات 
وبعدين هو ما جاب سيرة اخلاقنا, وفي المقابل اشبعنا بنات جلدته اساءة في الصحف والانترنت
الحاجة الوحيدة العاجباني في الموضوع
انه مع اعتراف السودانيين انفسهم ان بناتهم شينات
لاكن ما بيرضوا زول تاني يمسهم بكلمة
يعني انتوا بس تقولوا عننا شينات
تحياتي
زولة123 ( الشينة)
|
Post: #9
Title: Re: قال: بنات السودان أقبح بنات
Author: zumrawi
Date: 03-12-2004, 00:37 AM
Parent: #1
كبسيبة
اقول ليك بالواضح كده انا ماقاعد اقرا بوستاتك ولامداخلاتك عشان مااشوف صورتك دى
براك سويتها فى روحك
|
Post: #10
Title: Re: قال: بنات السودان أقبح بنات
Author: كبسيبة
Date: 03-13-2004, 10:30 AM
Parent: #1
أخوي أسعد
والله السودان لذيذ..لذيذ..لذيذ والله أنا رجعت بالدفرة
وإنشاءالله تكون محظوظ زي كده ونشوفك قريب هناك
وزي ما قلت ليك الشمار كتير بس خليني أخد نفسي.
يا zola123
أنا معك في أن الكثيرين قد كان رد الفعل لديهم به قسوة تجاه اللبنانيات دون ذنب ( والله حلوات شرط عديييييل )
الحاجة الما عجبتني كلامك التحت ده!!!!زعلني
بس كان لونتي صورتك دي عشان أقدر أحكم على كلامك
بالمناسبة كلامك ده خطير جداً ... والعواقب الله يستر
وأقول ليك والله بناتنا الجمال العندهن في الدنيا مافي بس مظلومات ظلم الحسن والحسين.
والعاجباتنك ديل اي حلوات لكن مع التعديل.
خاصة وأن الممثلات والمذيعات الفاتنات لما تشوفيهم على الطبيعة بكونوا دمبعلو بس والله أنا مرات بشوف نفسي أحلى منهم.
بس أنا كان هدفي من الكلام ده كلو إنو إعلامنا بعكس صورة سلبية جداً عن بلدنا من أجل شعارات واهية وخزعبلات تأصيل وهلمجر
يعني التأصيل ده إلا بالبشاعات البتجيبوها دي .
والله الكلام مردم بس بجيب الزعل عشان كده أخير أقيف هنا
يا zumrawi
عليك الله صورتك دي فيشوك بيها في ياتو قسم
|
Post: #11
Title: Re: قال: بنات السودان أقبح بنات
Author: walid taha
Date: 03-13-2004, 04:49 PM
Parent: #1
كسبيبة ازيك
والله يا جماعة الخير الاعلام ده الله يقصوا مضيعنا فى اى حاجة والقائمين على اعلامنا ذاتم (ضاربين الضل)...لا تطور ولا مواكبة ولا يحزنون...غايتو كتر خيرو عمك صالح كامل شوية ادانا دفرة واختار وجوه تلفزيوينة خلال استوديهات فخمة واضاءة ولمسات جماليةبسيطة من اصوات وانامل ساهمت -لحد ما- فى ابراز الجمال السوداني سعياً لاقصاء--بضربات الجزاء دون حاجة للشوط الاضافي- شخصية البنت السودانية النمطية التى تظهر دائما فى شكل بائس سوى كان فى مظهرها اوتسريحتها او حتى دورها فى العمل .....فتكون قبيحة
وده البخلي اخونا ابو علامة وغيرو يؤمن بقبح البنت السودانية بينو وبين نفسو ويعتذر بينا وبينو
والله يا جمــــــــــــــاعة لوما خايف (العمدة ود حاج التوم) يزعل وينفضح فى الحلة ونفسوا تنكسر كان نشرت ليكم صورة بتو الصيدة (الـــتايــة) فى البورد ده عشان تشوفو القمر وبدر البدور ..
كيف وانا متذكر نكهة الكركار فى ضفاير مغبرة بغبار قش الحوش وشها سبحانه هو ضو القمر فى كوم الرملة يوم داك .
وينك يا وضاءة؟
بلغو سلامى لكل الاهل بدون فرز
|
Post: #12
Title: Re: قال: بنات السودان أقبح بنات
Author: DKEEN
Date: 03-24-2004, 06:47 PM
Parent: #11
up
|
Post: #13
Title: Re: قال: بنات السودان أقبح بنات
Author: bushra suleiman
Date: 03-24-2004, 10:39 PM
Parent: #1
المحيرنى ياكبسيبه،الفلجتين القصاد بعض ديل جو كيف؟بعد داك كلو هين..
|
Post: #14
Title: Re: قال: بنات السودان أقبح بنات
Author: NGABY AJOOZ
Date: 03-25-2004, 01:28 PM
Parent: #13
كبسيبه كيفك انت طيب والله مشتاقين شديد
|
|