Post: #1
Title: المنبر مِرأة ترئ فيه نفسك....دعوة للجميع
Author: Osman Hamad
Date: 03-10-2004, 09:57 PM
Parent: #0
الجميع احبابى
فكرة هذا البوست نظام مرأة يرئ فيه الشخص نفسه فى اعين اخوانه او اخواته..لذا ان يكتب كل واحد رايه عن اخيه او اخته فى جملة واحدة او اكثر بكل احترام ...وحتى لا يكون هذا البوست دعوة للخلاف عكس المقصود به فاذا كان هنالك نقد فاليكن نقد بناء يساعد فى التصحيح...ويمكن ان تكتب رايك فى من تحب حتى لو سبقك غيرك.
وايضا ان يكون بوست تصافح وسلام بين الاخوان/ات من كل شئ حملته النفس من نقاشات ساخنة سابقة.
هذا كله بعد إذنكم.
ولكم حبى اجمعين.
|
Post: #2
Title: Re: المنبر مِرأة ترئ فيه نفسك....دعوة للجميع
Author: Osman Hamad
Date: 03-10-2004, 10:09 PM
Parent: #1
ابداء ليكم انا بالاتى اسمائهم
رجاء العباسى
وعى وفكر وذوق...جذبيتها ليس لها حدود...لها جُل حبى وتقديرى
سجيمان
المرح مع الحِمكة...عارف هو بعمل فى شنو...ماهو زول قرقرابة ساي... يدخل الى القلب دون استئذان ثم يبقى الى الابد بكل ارادتك...احبه جداً..ارتاح عنده كثيراً...ادمنته بكل قواى العقلية وبكامل ارادتى
...أبقاك الله فى دنيانا حتى نحيا سعداء
خالد الحاج
الراجل الكلس شيال التقيلة...من غيره تخرب...الله يخليه لينا...له حبى واحترامى
|
Post: #23
Title: Re: المنبر مِرأة ترئ فيه نفسك....دعوة للجميع
Author: سجيمان
Date: 03-12-2004, 00:09 AM
Parent: #2
عثمان حمد
بارك الله فيك والله
القلوب شواهد
اثني الاتنين القلتهم انت....وانا بكل امانة بحب الناس كلها ومافي زول حايم في الدنيا دي كعب.... لازم تلاقي فيهو بصيص من الكواسة... ناس المنبر احبهم كلهم بدون فرز ولكن بدرجات متفاوتة.....لا اكره احد.... لكن ممكن ما ارتاح لي زول.... ودي ادني درجات الحب..... ولا تحرمني حبك
|
Post: #3
Title: Re: المنبر مِرأة ترئ فيه نفسك....دعوة للجميع
Author: Hussein Mallasi
Date: 03-10-2004, 10:12 PM
Parent: #1
اخونا عثمان تحياتي
| Quote: فى جملة واحدة او اكثر بكل احترام |
طيب لو كان الزول ما بيحترم من يريد الكتابة عنه... يعمل كيف ... ما يكتب
|
Post: #5
Title: Re: المنبر مِرأة ترئ فيه نفسك....دعوة للجميع
Author: Osman Hamad
Date: 03-10-2004, 10:22 PM
Parent: #3
برضو يكتب رايه وبرضو بكل احترام
|
Post: #4
Title: Re: المنبر مِرأة ترئ فيه نفسك....دعوة للجميع
Author: Raja
Date: 03-10-2004, 10:15 PM
Parent: #1
العزيز عثمان..
لا نعرف التحدث عمن نحب.. فقط عمن نكره..
لذا امتلأ البورد حديثا..
غايتو البريدو هو عارف  ..
وبطل فضول..
فكرتك حلوة.. بس شوف توقيعي..
|
Post: #6
Title: Re: المنبر مِرأة ترئ فيه نفسك....دعوة للجميع
Author: Hussein Mallasi
Date: 03-10-2004, 10:23 PM
Parent: #4
Quote: قالها سعد زغلول:
مـــــــــــافـيــــش فــــــــايـــــــــــدة |
قبل كدا مباشرة يا رجاء قال شنو 
|
Post: #8
Title: Re: المنبر مِرأة ترئ فيه نفسك....دعوة للجميع
Author: Raja
Date: 03-10-2004, 10:27 PM
Parent: #6
|
Post: #7
Title: Re: المنبر مِرأة ترئ فيه نفسك....دعوة للجميع
Author: Osman Hamad
Date: 03-10-2004, 10:25 PM
Parent: #4
Quote: غايتو البريدو هو عارف ..
وبطل فضول..
|
انا ذاتى عارف وبطلى انتِ فضول
|
Post: #9
Title: Re: المنبر مِرأة ترئ فيه نفسك....دعوة للجميع
Author: Hussein Mallasi
Date: 03-10-2004, 10:31 PM
Parent: #7
| Quote: برضو يكتب رايه وبرضو بكل احترام |
و لو انها صعبة شوية ... بس كدي خلينا نحاول ....
|
Post: #10
Title: Re: المنبر مِرأة ترئ فيه نفسك....دعوة للجميع
Author: bint_alahfad
Date: 03-10-2004, 10:33 PM
Parent: #1
اشكرك للفكره الجميله
لنا مهدى
حبيبه قريبه ...صادقه المشاعر والاحاسيس زو زوق عال جدا...تجبرك على احترامها بأنسانيتها وشفافيتها...تحب الخير للجميع وليس لها عداوه مع احد..حفظها الله
رجاء العباسى
شخصيه قويه جدا وفى نفس الوقت لها براءه الاطفال..جدعه وبنت بلد وبتقيف وقت الحاره...مره بميه راجل والله
خالد الحاج
شخص نزيه خصه الله بحب الناس...يعرف متى يتحدث ومتى يصمت...يترفع عن صغاير الامور...يتجنب المشاكل ولا يحب خلق عداوه مع احد ولكنه لا يخشى فى الحق لومه لائم
الدكتوره مهيره
واعيه ورزينه ومتفقهه فى امور دينها ودنياها.. منطقيه جدا وواثقه من نفسها...تبعد نفسها بعيدا عن المشاكل والخلافات الشخصيه
برجع ليكم تانى بأذن الله
وفى امان الله
لا اله الا الله
|
Post: #11
Title: Re: المنبر مِرأة ترئ فيه نفسك....دعوة للجميع
Author: Ahmed Alrayah
Date: 03-10-2004, 10:34 PM
Parent: #10
ويييين كنت غايب يا حسين ملاسي
من يوم الاحد البورد كلو مااسى
كان داير خبر اسال اخونا اساسي
ولو داير الصدق اسال رجا العباسي
بوروك انقسمنا وبقينا ناسك وناسي
الزارونا قعدو وللفرجة جابو كراسي
|
Post: #13
Title: Re: المنبر مِرأة ترئ فيه نفسك....دعوة للجميع
Author: Osman Hamad
Date: 03-10-2004, 10:39 PM
Parent: #10
شكراً بنت الاحفاد
وهذا رائ فيك..دون مجاملة
الاتنزام الدينى..المنطق..الادب والاحترام...الغضب عند انتهاك حقوق الدين ..حب الاخرين فى الله...حفظك الله
|
Post: #12
Title: Re: المنبر مِرأة ترئ فيه نفسك....دعوة للجميع
Author: ali othman
Date: 03-10-2004, 10:34 PM
Parent: #1
والله ياجماعة بحب كل أغبش لفحته شمس بلادي ولا اكره احد بل اعتب على من يسبق الظن قبل المعرفة
|
Post: #14
Title: Re: المنبر مِرأة ترئ فيه نفسك....دعوة للجميع
Author: Raja
Date: 03-11-2004, 00:27 AM
Parent: #1
بت الأحفاد يا حبيبة.. ده كلو فيني..؟
Quote: ولو داير الصدق اسال رجا العباسي
بوروك انقسمنا وبقينا ناسك وناسي |
أحمد الريح..
تصدق كلامك صاح.. أنا غايتو عملتا لستة قدر ده عشان الزول يعرف اللغم وين والقلم وين  ..
تسلم..
جاية راجعة تاني يا عثمان عشان أقول ليكم انا بريد منو..?
|
Post: #15
Title: Re: المنبر مِرأة ترئ فيه نفسك....دعوة للجميع
Author: Osman Hamad
Date: 03-11-2004, 00:32 AM
Parent: #14
راجينك يارجاء...باقى الشمار حار
|
Post: #16
Title: Re: المنبر مِرأة ترئ فيه نفسك....دعوة للجميع
Author: Osman Hamad
Date: 03-11-2004, 03:06 PM
Parent: #1
.
|
Post: #17
Title: Re: المنبر مِرأة ترئ فيه نفسك....دعوة للجميع
Author: Hussein Mallasi
Date: 03-11-2004, 04:36 PM
Parent: #16
الاخ المحترم عثمان حمد
تسهيلا للامر تكون القاعدة كالاتي:
البيحترم نفسو الناس تحترمو ..... و الما بيحترم نفسو الناس تخليهو يحترم نفسو
و بكدا المعادلة تكون اتحلت ...
|
Post: #18
Title: Re: المنبر مِرأة ترئ فيه نفسك....دعوة للجميع
Author: Ahmed Alrayah
Date: 03-11-2004, 04:36 PM
Parent: #16
| Quote: أحمد الريح..تصدق كلامك صاح.. |
البوست ده كاميرا خفية ولا شنو
|
Post: #19
Title: Re: المنبر مِرأة ترئ فيه نفسك....دعوة للجميع
Author: بلدى يا حبوب
Date: 03-11-2004, 04:50 PM
Parent: #1
عثمان حمد
ما نقلبها بدل الاسماء بالخروف الابجدية
| Quote: وايضا ان يكون بوست تصافح وسلام بين الاخوان/ات |
وانا بقول ناس حرف الالف للولف وناس حروف الوسط حنية وتواصل واخر الحروف بتلقى فيها بقية الكلام البجيب لينا البورد يكون فى السلك
الشكر على هده الاريحية والتى تنبع من زميل لخص لنا معناة البورد فى قالب انسانى عميق
تحياتى
|
Post: #20
Title: Re: المنبر مِرأة ترئ فيه نفسك....دعوة للجميع
Author: msd
Date: 03-11-2004, 05:07 PM
Parent: #19
بصراحة شديد دي فرصة انوا الواحد يعبر عن اعجابه ببعض الشخصيات في المنبر الحر، واحب ان اوضح انها علي الاغلب انطباعات ولكن كل من اذكره لاحقاً هو واحد من اكثر الشخصيات التي تحوز علي اعجابي:
الاخوات رجاء ورواية العباسي
برتاح شديد لاي كلمة بيقولوها، لانهم لو اختلفوا باختلفوا باحترام ولو اتفقوا بيتفقوا بوعي.
الاخت ندي امين
بصراحة شديد دائماً نموذج عندي للتوازن الفكري والاخلاقي والسياسي، لا استطيع غير ان اعبر لها عن كثير اعجابي.
الاخ عادل عبد العاطي
نموذج حقيقي للانسان المفكر الذي يفعل مايومن به خصوصاً حين يتخلص من حدته الزائدة مع اصدقائه القدامي.
الاخ ابو امنة
حقيقي اختلف معه كثيراً لكن احس انه نموذج لجيل جديد متميز في السودان.
الاخ سجيمان
والله كل الكلمات لن تعبر عن مقدار حبي له.
الاخ اساسي
اقرا له كثيراً اختلف معه واتفق احيان اخري، مصادم من الدرجة الاولي، بس لو روق المنقة شوية بقدر يوصل افكاره بشكل اهدي.
حيدر بدوي
حقيقي قامة اقف امامها كثيراً اتفق معه احيان واختلف معه احيان اخري.
رودا، بشاشة
مقاتلين من الدرجة الاولي اخشي عليهم ان يتحولوا لاداة ارهاب اخري في السودان.
بكري الجاك
محاور بارع ومصادم من الدرجة الاولي، اعجب بقدرته علي الطرح ولكنه يحتاج لقدر ايضاً من الانفتاح علي الاخر.
خالد الحاج
تشعر انك لا يمكن ان تختلف معه فهو نموذج للتهذيب والرقي والاحترام.
|
Post: #21
Title: Re: المنبر مِرأة ترئ فيه نفسك....دعوة للجميع
Author: Raja
Date: 03-11-2004, 05:11 PM
Parent: #1
سلام عثمان والجميع..
تصدق من امبارح بحاول احصر الناس المحترمة الحلوة والبيتشرف الزول انو وسطهم، ما قدرتا..
قلت اقسم حسب النوع، برضو فشلتا، طيب حسب التخصصات.. ما ممكن، خلاص حسب المنطقة.. لقيت روحي حأكتب عن 1200 زول من 2000 وشوية..
فما العمل..؟
|
Post: #22
Title: Re: المنبر مِرأة ترئ فيه نفسك....دعوة للجميع
Author: Hussein Mallasi
Date: 03-11-2004, 11:58 PM
Parent: #21
| Quote: لقيت روحي حأكتب عن 1200 زول من 2000 وشوية.. |
يا رجاء اسهل تكتبي عن ال 800 و شوية زول ...
انتي كدي ابدي و بتلقي البيساعدك و يساعدنا و اهو شوية شوية لحدي ما نخلص ....
بس 800 و شوية ... مش كتير شوية
|
Post: #24
Title: Re: المنبر مِرأة ترئ فيه نفسك....دعوة للجميع
Author: Raja
Date: 03-12-2004, 00:23 AM
Parent: #22
|
Post: #25
Title: Re: المنبر مِرأة ترئ فيه نفسك....دعوة للجميع
Author: Osman Hamad
Date: 03-13-2004, 04:48 PM
Parent: #1
تحياتى لكل من شارك فى هذا البوست ونرجو المزيد
|
|
..