مـأســاة الذال والـزاى فى البــورد

هــذه بـدأت كأخطــاء مطبعيــة، ثم صـارت منهجــا عنـد شخص أو شخصين، ثم صـارت ظــاهــرة.. والان ، مـع الأسـف أصبحت كارثـة.. ستنخــر فى بقيــة الحـروف الهجائيــة.. ولا أستبعــد أن تعــرج على الكلمــات.
الكتابـة عنـد أكثـر من عضــو صارت مثل هـذا المثال:

من مذايـا هـزا البـورد، إن الشخص الزى يصيبـه بعض الأزى من كتابات الأخـرين، فى موضيــع مثل الذى الأسلامى أو عنـدما يكون النقاش فى زروتـه ويـزهب المنطــق فى إجــاذة طويلـة...

أرجــو أن يكون هناك متابعـة من أعضــاء مختارين، لحفـظ حقوق هــذين الحـرفين الكريمين.. وإعادة الإعتبــار إليهمـا، و إحتـرام حقهمـأ فى العيش بســلام داخل الكلمـات التى خلقــوا فيهــا.

"أويّد هزا الرأي خاصة إزا وضعنا في الاعتبار أن المنبر له وذن في أوساط السودانيين المبعثرين في ذحام الدنيا، من مذايا المقال الجزاب التذام صاحبه بالذوايا والنواحي اللغويّة البسيطة على الأقلّ"

أخ أبوالريش
هنا في المنبر، عرفت لماذا أصرّ القائمون على أمر الجامعة على تدريسنا مادّة اللغة العربيّة رغم اعتراض الكثيرين،
وأضيف من عندي "القاف" والغين" لما ذكر أعلاه، فالفرق في المعني بين الاستقلال والاستغلال -مثلا- لا يخفى على أحد.
هناك صعوبة في "أن يكون هناك متابعـة من أعضــاء مختارين" ويبقى الحل في التزام الجميع بضبط ما يكتبون، إمكانية التعديل تتيح الفرصة لتدارك الأخطاء غير المقصودة، وأكثر ما يحزنني قراءتي لكلام منقول "copy-paste" يحتوي على أخطاء عديدة فهذا يعني -غالبا- أن ناقله لم يكلّف نفسه عناء القراءة، هذا مع تسليمي بأنّ الخطأ ليس عيبا ولكن تكراره من نفس الكاتب عيب في حقنّا نحن المتلقيين، بصمتنا عن الخطأ الأوّل .
ختاما أرجو أن يكون من كتب "الاستغلال" وكان يعني "الاستقلال" مخطئا وليس خاطئا!
أخطأت وقمت بالتعديل اللاذم!!!
أحمد الريّح

والله يا ابو الريش هي كان وقفت على البورد مافي عوجة

لكن عاين جنس ده





ومعلقة يفض كبيرة كمان مالي بيها الحيطة

وما تنسوا الشولة ،،،،،،،،،،،،،،،،،،؟
,,,,,,,,,, not
just
shift+K

غالت الاعراب لا تغول يفض بل غل يفط
لوووووووووول ياسر
انا بعترف مع سبغ الاسرار والترسد اني عندي مشكلة تاريخية
مع الحرفين
الزال والذين

والله العظيم بقلبني
اما الغاغات دي مرة مرة
وكنت عاوز انذل بوست اطلب المعونة
عشان الغي لي حل فيهم
والله بالجد
وبارك الله فيك يا ابو الريش للتهنة بخروج الطفل في بوستات قريبة

والله يا ابو الريش الحرفين ديل عاملين لى قلق وازعاج شديد ...

ومن زماااااااااااااان ما بعرف افرق بيناتم ..

يعنى في بعض الكلمات بعرف بفرق بينهم بالخبره كده .. بي كترة القرايه بس الواحد بقي يعرف يكتبهم .. يعنى لمن كتبت كلمة زمان ..مستحضر طريقة كتابتها لانها كلمة مكررة ..

وحسع بعد ده انا ما واثق من الزازات النزلتها في الرد ده ولا الفي الشعار بتاعى صاح ولا لا .. نعمل شنو بس يا ابو الريش ... الواحد قرا لحدى الجامعه لكن في بعض الحاجات وتحديدا فى اللغه العربيه الواحد بيقيف يفكر فيها زى الاهبل ..


كدى اعمل فينا خير وورينا طريقة التفريق بيناتم .. ولا تانى حنكتب بدون زكر اى زازات .. (بدون حزازات )

اساسي

هي اصلا من لفت يلفت لفتا فهي لافتة وقد اخرجها الزمخشري في كتابه الشهير الماحي من كل النواحي الجزء الثالث عشر باب اليفط على وزن يافطة وفي بعد الروايات يافضةفتح الخاء وتسكين النون

لذا وجب التنويه

ولا تنسى يا ابو الريش بعض الذملاء الزين يريدون الكتابة بالفصحى حين ينصبون الفاعل ويرفعون المفعول به والمضاف اليه.. الخ..
اقترح ان يكتب الناس باللغة "البيضا" وهي لغة لا عربية فصحى ولا دارجة "قيح".. يعني من ده على ده.. وبهذه الطريقة يجنب نفسه واعيننا تلكم الأخطاء الشترة..

شكـرا لكل من يقف مـع ذال وزاى فى محنتهمــا..

رجــاء،
إنت فى النحــو والصــرف، واللا فى شـفــع الســودانيين الإتولـدو ونشــأوا هنا فى أمـريكــا.. أخــر زلزال فى الســودان، قبل كم سنــة.. كانت فى أســرة فى زيارة للســــودان.. الولـد الكبيـر يتكلم مع أبـوه فى أمريكا بالتلفــون، قال ليه: دادى.. امبارح الواطــا وقعت!

Quote: الولـد الكبيـر يتكلم مع أبـوه فى أمريكا بالتلفــون، قال ليه: دادى.. امبارح الواطــا وقعت!

يجازي محنك

غايتو أنا بعترف يا أبا الريش أني بعاني من إشكال زي ده
حلوة أبا الريش دي..قبل فترة إهتم الشباب الزملاء بالحكاية دي ورسل لي واحد منهم
رسالة صحح لي بعض الأخطاء ورديت عليه شاكرا والمسألة في الغالب إستعجال في الكتابة
وعدم المراجعة..كذلك أخونا تراث الذي يقول أن الأخطاء الإملائية تقلل من قيمة المقال
ومعاه حق والله..كدي النراجع كلامي ده تاني

انتو في البورد ولا دي مشكلة التلفزيون والاذاعه السودانيه
الاولي الذال والزاي والقاف والغين وعلى قول رجاء ناس البضمو المجرور ويكسرو المضموم
ناس نشرة الاخبار الجويه البيقولوا ليك ( القد الغريب )
غايتو التقول مادرسوهم عربي .............
عـــــــــــــــــــــوجه
نوف

انا غايتو الّجّن.... لا زال لا ذين

الاخ ابو ريش

التنبيه في محله.

بالاضافه الي ماذكر من اخطاء المذعيين و المذعيات فاضف ادمان احد اساتذه جامعه ام درمان الاسلاميه لنطق القاف غينا عندما يقول ( الرغم بدلا عن الرقم) و ذلك في برنامج قطوق التلفزيوني.!!!

بالنسبه لي اعتقد انه لا شكله لي مع ز او ذ لكن كنت في مشكله فنيه حيث اني استعمل English keyboard و لا توجد فيه الحروف العربيه و لفتره طويله لم اجد حرف ال ذ و كنت استعيض عنه بحرف ال ز الا اني مؤخرا وجدت حرف ال ذ مختبئا في السطر الاخير مع بقيه ال Commands.

بالجد ياجماعة مشكلتهم مشلكة الحرفين ديل
لانهم لم يتكتبو غلط بخلو الكلمة شكلها عايزة تقع ولا مرفوعة يعنى بالحس كدا ممكن الزول ينتبه ، وخصوصا إذا كان زول هوايته انه يتخيل شكل اى كلمة سمعها ، انا غايتو عندى الحركة دي ومرات بكتب عديل الكلمة البسمعها وبالذات اذا شعرت اني ماكتبتها قبل كدا..
مثلا كلمة لذيذ .. شوفوها لمت تتكتب لزيز لذتها تقع طولي
وكلمة العزيز لم تكتب العذيذ عزتها تترفع طوالي
وبعترف اني ان عندى مشكلة تاريخية برضو مع كلمة اعتذار دايما بتجهجني ، ولا الجهجهة دى نابعة من طبيعة عمل الكلمة مابعرف !!
بقترح تعيين رقيب لغوي .. يرصد الاخطاء كل اسبوع ويصححها وياريت الناس ماتتحسس وخلونا نستفيد بفى ..

عزيزي أبو الريش

قبل نيف وعشرين عاما كنت في زيارة عابرة لإحدي المدارس
الإبتدائية لأمر خاص.. وبينا أمر بجوار أحد الفصول.. صفعني
صوت رفيع لمدرسة تلقن التلميذات الأبجدية هكذا..

اااااء.. أنارب

(وتعني.. أرانب)

ويردد الصغار خلفها..

فبكيت.. تاريخ بابكر بدري و.. بخت الرضا..

بدأها محي الدين صابر.. بسُلَمِه السمج العقيم... سامحه الله و.. ختمها قراصنة
المشروع الحضاري.. (...) أضاعوا حقوق المعلم.. وهيبة التعليم... وشردوا
جيل باكمله من عماليق المعلمات والمعلمين.. رحمة الله عليهم أجمعين

وحسبنا الله نعم الوكيل