اليوم.. مريخ السودان ينازل الجواميس الخضراء الزامبي كونوا معنا

يتأهب مريخ السودان مساء اليوم لخوض أول مبارياته الأفريقية للموسم الجديد، ضمن البطولة الأفريقية الكونفدرالية والتي تجمعه بفريق "الجواميس الخضراء" الزامبي، والتي يأمل من خلالها فريق المريخ الخروج بنتيجة مريحة تساعده على تخطي الفريق الزامبي في مباراة العودة بلوساكا.
يدخل مريخ الوطن اللقاء وهو عازم على تحقيق نتيجة إيجابية، وأدى الفريق سلسلة من التمارين والمحاضرات، والتي ركزت على الجانب النفسي، وضرورة تلافي هزيمة الخرطوم 3 في الدوري الممتاز، وأكد جميع نجوم المريخ أن المباريات الأفريقية والدولية لها حسابات خاصة، وأن المريخ يبرز بشكل واضح عند اللقاءات الصعبة.
فريق الجواميس الخضراء وصل الخرطوم في وقت مبكر، ويضم الفريق عدد كبير من لاعبي المنتخب الزامبي، كما تحصلت إدارة المريخ على تقارير عن أسلوب لعب الفريق الزامبي، كما ساهم محترف المريخ الزامبي "زكريا" في إيضاح العديد من النقاط حول الفريق الزامبي.
وخلال المران الختامي للفريق بدار الرياضة، زار وفد هلالي رفيع المستوى، لتقديم المؤازرة لمريخ السودان وهو يتأهب لمعركة أفريقية جديدة، آملين أن ينجح المريخ في رفع اسم السودان عالياً، وقد قوبلت هذه اللفتة بهتافات رائعة من جماهير المريخ لهلال السودان، والذي يخوض بدوره عصر الغد مباراته الأفريقية الأولى أمام سان جورج الإثيوبي بأديس أبابا.
وسوف نوافيكم بالتطورات أولا بأول.

دعواتنا للقلعة الحمراء بالفوز الليلة
و ان يتجاوز الفريق كبوة الهزيمة في الدوري

المبارة الساعة كم تحديداً؟؟

الدعوات صادقات من القلب للمريخ العظيم بالتوفيق
وعبور الفريق الزامبي بعدد وافر من الاهداف هنا في الخرطوم

ابويارا الهلالابي زماااااااااان زمن ناس جكسا

مرحبا فالكون، والمباراة في تمام الساعة الثامنة باستاد الخرطوم. وفي احتمال نقلها على الفضائية السودانية.

وإنطلقت المباراة

أنهي المريخ الشوط الأول بتقدمه على الجواميس بهدف أحرزه خالد الزومة، بعد ضغط متواصل أهدر فيها رماة المريخ العديد من الفرص المحققة أمام المرمى.

مبروووك لغاية هسع..
شكرا أبو الزمل

الأخ راكوبة
انا زهجت من السياسة وقلت امشي اليوم مع راكوبة
المبارة ،، عشان الواحد يفرق همو ويرتاح شوية
لكن بصراحة خاب ظني
الكورة السودانية اليست افضل حالا من السياسة
عك في عك
لب ،، كع ،، توش،،
مافي اي انضباط خططي للمريخ
وقد اشك انه ليست هناك خطة من اصلوا
الهواء شديد،، ولاعبي المريخ مستعجلين عشان شنو ما عارف
والله الشوط الأول دا فيهو باص واحد ملعوب
بين محمد موسي وخالد الزومة بالرأس مرت جوار القائم
لكن تاني مافي غير هبوب ولفيخ والجواميس قربوا يجيبو قون
وفي اخر دقيقة جا الفرج
من خالد الزومة كورة منطوحة كيفما اتفق تدخل قون
ويصحا المعلق النايم ونوم معاه المشاهدين
بين الشوطين قلتا خلينا اسبق راكوبة
عشان قبال ما يجي يقول لينا كانت مبارة رائعة
ومستوي رفيع
وقبال الشوط التاني ما يبدا
اقول ليك حاجة اذا لم يحصل تغيير في اداء المريخاب
الجواميس حيتعادلوا ويمكن كمان يفوزو وربنا يستر
بعدين اللآعب البرازيلي،، كان في البرازيل شغال شنو بتاع
باسطة ولا سباك ،،
شكرا راكوبة ويلا نمشي نشوف الشوط التاني

سؤال ياركوبه مسؤل من الخير انت قريق المريخ دا فيه خواجات والله ديل ضابغيين شعرهم سى

شكرا راكوبه
فى انتظار المزيد

بعض أحداث الشوط الثاني-منقول:
- فرصه واحده في الدقيقة العاشره أهدرها زكريا، المريخ يعيد أحمد السيد للارتكاز وصلاح الياس للطرف اليمين.
- الدقيقه 15 انذر الحكم صلاح الياس بالكرت الاصفر هنا سخط جماهيري عام علي الاداء، الفريق الزامبي مسيطر بسبب سؤء اداء خط وسط المريخ.
- الدقيقه 20 الشوط الثاني المريخ يعود لطريقة اللعب 4.4.2 تم استبدال نيتو الذي كان عالة علي الفريق بمشاوي وكان الجميع يتوقع مشاركة كنيد.

الامنيات بالتوفيق للمريخ
أحمد

انتهت المباراة بهدف الشوط الأول الوحيد، لتصعب مهمة المريخ في لوساكا، مع تمنياتنا لقطب الكرة السوداني الهلال تحقيق نتيجة جيدة غداً بأديس.

مبروووووووووووووك

موردة حديييييييييييد

شكرا يا راكوبة على النقل الحي والدقيق لأحداث المباراة وتمنياتنا للمريخ بتحقيق نتيجة مرضية في لوساكا وللهلال بأديس ابابا

شكراً للجميع على المؤازرة والدعم.
الزميلة رجاء،
مبروك لنا جميعاً، وعقبال مباراة الرد.
العزيز أحمد حنين،
الحال من بعضو ، والحمد لله اللي لسه في كورة من أصلو في البلد .
الحبيب نايل،
الخواجات في والصابغين شعرهم في ، حتى سودانيي الشتات شاركو الموسم ده في المريخ .
أوسلي،
شكراً على المرور ومبروك.
الحبيب أحمد الريح،
شغلك نضيف والله، وتمنياتنا اليوم لهلال السودان بفوز صريح، المباراة الساعة الرابعة عصراً.
مانديلاً،
وينك ما ظاهر، أبقى ورا الموردة لحدي ما تهبط الموسم ده شكراً ليك يا لذيذ.
ديامي،
شكراً لك أيضا، وسودانا فوق.

مبروك يا راكوبه

وعقبال هلالنا اليوم بالنصر المبين