حروف للبلد

كيفنكم الحال ... الضمير ....البال .... لعلكم عال
وحاتكم حبـــــل الشــــوق ضاق عليه الحــــــــال

وديمه بناجي ذكراكــــــــــم انا ورفيقي الــخيال
دي الغربة شينه جد مره مابتتصـــوف لو كتبت مقـــال
اصلو شوقي ليك يمه لا بتوصف ولا بتــــوزن ولا بتكال
دا الزمن فرقني عنك يمه الله يلعن الدولار كان الريال
كيف اتحمل فراق عيونك يمه راجعلك حتى لو بفرد نعال
يامــــا عديت الليالي وانتى فــــــي عينية خيال
والعبرة تنحر فــــي الحشى والدمع مـن عينيه سال
مصنقر فـــــــي الارض وحيد لازولاً يسامر لا قولة تعال
لا طفلاً مرسومه فـــــي وجيهـــــو بسمة لا صياح عيال
بدور اسال عن البلد عمـــــوم اصلو شوقي ليها طال
كيفن حبوبه ست الدار وخيتي امـــونه وبقية العيال
كيفن بنيات اخــــــوي يوسف والعـــــــــم والخال
كيفن الجيران عموم مــــــن الترس حتى ناس عبدالعال
وكيفن الكنوز عمـــــوم اولاد رباط المابيعرفو خصال
كيفن الجروف الــــخضار الشتوي الصيف إنشاء الله شال
كيفن مــــــــــراح البهيمات المعيز وبقية الجمال
شوقي لاهل البلــد عموم الجنوب الشــــــرق والشمال
وحاتكـــــــم حبل الشـــــــــوق ضاق عليه الحال

حبينا بامسيكا
تبكيك البلاد من العاصمة لي شندي
ولما خلااااااااااااااص فاض بينا الشوق جاتنا كلماتك كاريج نسمات الشمال
اجمل مافي النص الحلو انك تشتاق للبلد
ونحنا الجوه بندور نمرق من جلدنا للمخارجة بعد ما ضاق بينا الجلد والاخلاق قاعدين فيها بالايجار

الحبيب بامسيكا
تحياتي لك
والله خطير، متين جيتوا وبقيتوا تبكوا
ربنا يرجعك سااالم ومليان لماما وبابا
تحياتي وياريت ترسل تلفونك، منتظرك