دعوة لانشاء محكمة فى البورد

كثرة المشاكل وتشعبت
ارى ان نقوم بأختيار عدد من
ثقاة البورد للنظر وتقويم ما يحدث
وتحديد من المخطئ وفرض عقوبة
محددة على المخطئ بعد تمحيص
للاحداث

وانا ارشح

1- سلطان
2- نصار
3 ابو جهينة
4-دورنقاس
5- فتحى الصديق
6-نادوس
ومن النساء
1-دومة
2- ام سهى
3- لنا المهدى
4-ندى على
5-مهيرة

اها دي كما مشكلة جديدة عشرين بوست ماحيحلوها .....
الأخت بيان
لن تحل الخلافات بمحكمة او بقرارات ، فإن لم نغير مابأنفسنا فسيظل الحال على ماهو عليه .
ولو التزمنا بأخلاقنا السودانية السمحة لن نحتاج لحلول اخرى
ولك ودي

عارف يا على يا اخى
المشكلةالناس ما بتكون ملمة بالحاجة
يعنى الشكلة بدت وين وفى بوست من ومنو قال لمنو شنو
بس كل شلة تجى تقول زولنا مظلوم والطرف التانى لازم يعتذر وكدا
لو عملنا محكمة ذى دى
الزول يترافع ويجب البوست والادلة
لانه فى ناس بتجى تشتم ويكون البوست الزعلهم كان السنة الفاتت
بس غيرو موقعهم الجغرافى ويبدوالهجوم والضحية بتكون
ما عارفة الزول دا مالو
الا يجى الاجوايد الماسنجرات يقولو ليك سنة 99 لاقيتو فى بوست علان وحدرتالى عشان كدا محكمة دى مهمة شديد ولا قلتا شنو؟

الاخت بيان سلامات


والله فكرة جيده
بس حتدي انطباع سىء وكأننا كسودانيين لانطيق إلا وان ننقل خلافاتنا الى الفضاء السايبري !!! وبعد شوية نقوم نطور المحكمة وتيقى زي بتاعت لاهاي ( وتبقى محكمة جرائم مجرمي البورد ) ونسمع بعد شوية ان الزعيم بكري ابوبكر وقع اتفاقية مع الانتربول لتسليم المجرمين لمحاكمتهم

لوووووووووووووووول
يا الملك
عارف
طبعا ناس الاسماء السرية ديل معلوماتهم عند الزعيم
طوالى حكمت المحكمة بفت بيانات فلان الفلانى
اها بعد داك اى زول بيعرف دا فلان من اهالى وين كدا
والله فكرة تمام عللى كلام القصير ما بيتسمع
اسع لو الاقتراح دا جا من العضوية ام خمسة نجوم كان وصل 100 استجابة

فوق

سلامات
المحكمة لمن يااخت بيان؟
السواد الاعظم من الزملاء لايحترمون حقوق الاخر
الخلافات الشخصية يتم تناولها في البورد نهارا جهارا دلالة علي عدم وعي ورمزية للتخلف والرجعية
سياسة معي ومعك هي الغالب اذن في ماذا سنحتكم ؟
نحن نحتاج الي اشياء كثيرة تنقصنا يجب ان نتعلمها اولا ومن ثم الشروع في تأسيس قوانيننا البوردية
الوضع مزري يااخت بيان انه فوق كل التصورات
..
سؤال بريء
هل فعلا نحن السودانيين شعب طيب كم يتداول الان؟
اقسم بالله ثلاثة انه قد تملكني الشك في هذه الكذبة

يا ود رملية يا ولدى تقول شنو

المسألة وما فيها فى ناس بتفتكر انها فوق للقانون ويعتدوا جهارا عيانا والفراجة تتفرج..

الناس الانا رشحتهم ديل ناس اصلا ما حصل دفقوا ليهم موية
ومحايدين شديد

نتمنى انه الفكرة دى تدعم

اقوليك سنة 1985
انا اكتشفتا اكذوبة السودانين ناس طيبين
لا طيبين ولا حاجة

ديل عندهم عقلية ريفية قروية
ما بيتصالحوا
مع النسوان ولا الناس البيفتكروهم اقل منهم عنصريا
تخش معاه فى حتة ضيقة مرة طوالى تظهر الطيبة السودانية
يحاول يصفيها بانها سيئة السمعة وكعبة وينعتها بنعوت عجيبة
حتى لو لاقاها فى المواصلات بدون سابق معرفة ممكن يقوليها نفس الكلام
والبورد دا ذى المحطة الوسطى
يتناقش الشمالى مع زول من حتة هو بيفتكر الناس المنها اقل منو
طوالى ياطرهم ويشتمهم بعرقهم
عشان كدا يا ولدى
نحنا لو ما خلينا عقلية الريف والقرى دى ما بنبقى
موضوعين
الله يدينا الصبر و يآجرنا فى مصيبتنا

دكتورة بيان
لك التحية
بارجع بعدين انشاء الله..

دكتورة بيان لك التحية والتقدير
حقيقة المحكمة مهمة مع كثرة المشاكل التي بدأت تنشب بين الاعضاء
وتصفية الحاسابات والضغائن على المنبر
والظاهر الحرية الممنوحة في هذا المنبر لا يستحقها البعض ومحتاجين واحد زي (بكري أقصد عمر بشير) يقيد حرياتهم
المحكمة الحقيقة في ضمير وأخلاق رواد البورد وإذا أعتبرنا أنفسنا شريحة مثقفة وواعية من المفترض أن تختفي الخصومات والمشاحنات ومقارعة الحجة بالحجة والمنطق والكلام المقنع دون الاساءة الشخصية والمهاترات التي لا تفيد وكذلك إنتقاء المواضيع المفيدة ومناقشتها بطريقة واقعية وعلمية حتى الخلافات السياسية التي يمكن أن تؤدي للمشاحنة
وأنا أناشد وأرفع صوتي مع الدكتورة بيان في محاربة هذه الظاهرة بكل قوة حتى إذا أتفقنا جميعا بأننا نقاطع كل بوست في مثل هذه المهاترات وعدم التعليق او المشاركة معهم
وأنا عن نفسي منذ زمن طويل أتخذت هذا الموقف وبمجرد إحساسي بأن هناك تصفية حسابات أو خروج عن النص أقاطع البوست ولا أشارك فيه
مع شكري الجزيل للدكتورة بيان على الفكرة

Sudanese are nice people is a lie? Nah, I ain’t buying that. Some grown ups are yet to mature. They come over and fight tirelessly. But it’s a teething problem. Soon they will adapt and start to ignore the not-so-nice posts (to them) and carry on. Court? I surely do not fancy that.

دكتورة بيان
لك السلام
عدت يا سيدتي لأقول:
ان قناعاتي الشخصية هي ان هذا المنبر ساحة حرة للحوار والنقاش والمثاقفة.وبهذا الفهم فان اختلاف الاراء وارد.وتباين الرؤى متوقع.لكن ان بصل مستوى الحوار الى ما وصل اليه في الايام الفائتةفهذا مالم اتوقعه صراحة.
اثمن كثيرا المبادرات التي طرحت للصلح بين الاعضاء المتخاصمين.واقدر كثيرا الافكار التي طرحت من اجل الارتقاء بمستوى الحوار هنا.ومع احترامي الكامل لكل ما طرح الا انني ارى ان الامر لا يعالج هكذا..محكمة .. انذار ..فصل مؤقت.. الخ.وغيرها من وسائل الاصلاح التى طرحها بعض الاعضاء بدافع حرصهم على مستوى الحوار هنا.
ليكن كل منا رقيبا على ما يكتب.وليحترم كل منا الاخر رغم اختلاف الاراء.وليوجه كل منا قلمه للتنوير واضاءة جوانب ما عتم علينا وهو كثير جدا.
وليتذكر الاخوة الاعضاء ان بلادنا تمر الان بادق مراحل تاريخها.وان من يتفاوضون باسمكم الان في كينيا ليسوا باعلم منكم.ولا هم احق منكم في تحديد امر الوطن وما سيؤول اليه.
وليتذكر الاخوة الاعضاء ما يجري في دارفور والدمار الذي سببته الحرب هناك.وليوجهوا كل جهدهم من اجل دعوة طرفي القتال لايقاف الحرب وتجنيب المواطنين العزل ويلاتها.
دكتورة بيان
الرجاء مراجعة الماسنجر ولك الشكر.