شكرا بكرى ..شكرا الخال الموصلى ...وما احلى طعم الانتماء اليكم

كمية من الكلمات وفيض من المشاعر التى تجول بداخلى الان ..لم احس بهذا الاحساس منذ ردح بعيد ..ربما ..لا بل بالتاكيد هو جزء من حضوركم الطاغى فينى ..وجدتكم ذات صدفة فكان اللقاء وبدات ادمنكم حقا ...ادمنتكم وانا اجول خارج حوشكم العامر اتنقل من هنا الى هنا ..من بوست الى اخر ..تتملكنى الدهشة حينا ..ثم شى من بكاء ..ثم اقهقه بصوت على عند المرور بهترشاتكم ...جل المنى كان ان اتواصل معكم ..ان اكون جزءا من هذا البورد الذى استحال وطنا ..اردت ان اكون معكم لاتدفاء بكلماتكم اشارككم ما يجول فيكم ...اسررت للخال الموصلى بهذا..فكان خير معبر لبكرى الذى اعطانى الضوء الاخضر لاكون بينكم ....فهل قبلتمونى ؟؟؟؟

اخوانا أشرف محمد..
ألف مرحب بيك حبابك عشرة
والبيجي من طرف أستاذنا الموصلي قطع شك زولا زين ورائع..
وأنا برحب بيك بإسم كل العضوية في س أون لاين وما تاخد علي خاطرك
الناس دي نفسها تشيلك علي أكفاف الراحة إلا سيد الحوش منع
البوستات الإجتماعية لأنو عمل ليها مكان منفصل
نسبة للضغط علي السيرفا اليومين ديل
مرة تانية ألف مرحب بيك أبقي داخل لي جوة..

الزول جدا ..خالد الحاج
كفيت ووفيت ...وشكرا على الترحيب ..ووامر بكرى على العين والراس وشكرا مرة تانية

مراحب استاذ اشرف ..وبالمناسبة اشرف هذا اسمي او (لقبي الثاني بهد اسمي الحقيقي محب ) بعض اهلي ينادونني اشرف رغم تمسكي باسمي الحقيقي ,,ولي قدام واستمتع بوقتك ..

نرحب بيك يا اشرف كان الموصلى خالك
ابقى انا خالتك
ابقى لى جوة

اشرف انت تشرف
يلا ورينا همتك

يامراحب

العزيز محب..عاشت الاسامى وهسه بقينا اتنين كان مافى زول تانى
الخالة بيان ..لى الشرف
الرائع ابدا ..الخال الموصلى ..ما عراف اقول ليك شنو وانا بخاطبك هنا اول مرة ..فتشتا كتير عن كلمة اكبر من شكرا لكن ما لقيت ...تانيا وابدا ...شكرا عميقا منى
على ...سلمت على الطلة