Post: #1
Title: اشارات بلا اضاءة.
Author: Nidal Al-Anssari
Date: 02-25-2004, 07:44 PM
عندما نشأت وجدت نفسي ليست بين طيات السحاب لكن بين طيات الغربة و مجاهلهاو اسئلتها, التي اتمنى ان اجد ارد عليها عاجلا.
طفلة حضرت مع اسرتهاالمغتربة من اجل تحسين اوضاع المستقبل. كبرت و فهمت و شعرت و همت. اين الوطن و حتى و كيف العيش في تراب الوطن؟
و حتى لا ابعد كثيرا عن الاشارات التى قصدها. هنالك من هم يزرعون الخوف من العودة للوطن بل و باكدون على ذلك و يا للاسف ان هؤلاء هم داخل الوطن. فعندما تجالسهم تشعر و كانهم قد حبس عنهم الهواء و منعت الارزاق من بين يديهم, شوية كراكيب و هدايا تخدعهم و يحسبون باننا قادمون من الجن, ناسين كم نحن نعاني من لهيب هموم الغربة و للعودة للوطن.
فاين نتجه و الاشارات غير مضاءة, انظل في نعيم الغربة و لوعة الفراق من الاهل و التراب ام نعود و الخوف يعتدينا لما يروي اهل البلد؟
|
Post: #2
Title: Re: اشارات بلا اضاءة.
Author: ali othman
Date: 02-25-2004, 07:56 PM
Parent: #1
الأخت نضال
كثيرة هي التساؤلات حول هذا الموضوع ولكن تأكدي بأنك لن تقتنعي باجابة مهما كان نوعها ..
فأذكر ذات مرة سألني احد اصدقائي عن السعودية وامكانية العمل لأنه نوى ان يقدم للعمرة .
قلت له على بركة الله شد الرحال فقال : يعني تمام ؟ اجبته لو قلت ليك تمام وجيت لقيت العكس حتقول غشيتك ولو قلت ليك ماتمام حتقول انا ماعايز مصلحتك ومادايرك تبقى ذيي ولا خائف اني استقبلك في بيتي عشان كده تعال جرب وشوف بنفسك .
وهنا اقول لك ان لم تجربي بنفسك ولفترة طويلة دون قطع خيط العودة فلن ترتاح نفسك ومثلما قلتي يعتقدون بأننا قادمون من الجنة لذا هي ارحم من السودان مليون مرة .
مع تمنيات العودة الغانمة للجميع لوطن حر معافى
|
Post: #3
Title: Re: اشارات بلا اضاءة.
Author: waleed500
Date: 02-25-2004, 07:58 PM
Parent: #1
الف اهلا وسهلا
حاليا كل الاشارات خضراءءءءءءء
وكل ما يروى عن البلد لهو خاطى
تعالى وشوفى واحكمى
|
Post: #4
Title: Re: اشارات بلا اضاءة.
Author: nazar hussien
Date: 02-26-2004, 09:09 AM
Parent: #3
نضال الانصاري
اولا مرحب حبابك...في المنبر ...
الموضوع يعتمد يا نضال علي شكل الاضاءة المطلوبة...هل بنجف...لمبات ...نيون...رتاين...لمبات جاز...نيون
فمن يشعل لك شمعة بالخرطوم...قد لا يستطيع حجب الهواء عنها
في اقصي الشمال...ولا ذرات المطر في اقصي الجنوب...
جربي ان تداري شمع اضاءتك لوحدك...سافري هنا وهناك
وجربي كل المناخات والطقوس...سيتبين لك...الامر...
بسهولة.
|
Post: #5
Title: Re: اشارات بلا اضاءة.
Author: Nidal Al-Anssari
Date: 02-26-2004, 10:38 AM
Parent: #4
حبابك عشرة بدون كشرة.
يا اخ نزار,
المشكلة ما في الاضاءة بل في مصدرها العام, يعني اذا الابجورة في الخرطوم مضاءة , لازم ناس الخرطوم يطفئوها عشان انا مغتربة, لكن لو كنت انا جاية من اي جهة داخل السودان طبيعي سوف يزيدوا قوة التيار.
ببساطة ناس السودان بحسو ان هم بدفعوا المغترب اللامام, و ما عارفين معناته. بس عاوزين يرسليهم.
لكن بستغرب في الناس اليغتربوا لهدف, و نمن يكونوا عاوزين يرجعوا في ناس بطممليهم بطنهمم , يعني مثلا ( يا زول الحياة غالية, الدفاع الشعبي,الضرائب, فاتورة العلاج الخ) خليك قبلك الجايليه شنو.
اتمنى ان تكون فهمت سبب قطع التيار؟
|
Post: #6
Title: Re: اشارات بلا اضاءة.
Author: nazar hussien
Date: 02-26-2004, 10:58 AM
Parent: #5
نضال الانصاري
حياك الله
وانا كذلك اقصد المصدر...واقصد ان لا تعتمدي علي مجرد توصيفات وتحذيرات...فاهل الشمال سيعطونك الصورة بي ضوء رتينة واهل الخرطوم بلمبة نايلون..واهل الجنوب,,,بنار ابنوس...وكل له في مصدره سبب يراه هو...وبمعني اوضح...ان قررت ان تسكني وتستقري,,,,فطوفي وجيثي خلال الدار من شرقها وغربها وشمالها وجنوبها...ستلقي حتما مستقرا ومتاعا اطيب من الغربة...
فتوصيفات الناس لك وتحذيراتهم منطلقة من جانب واحد...وتجربة واحدة في اغلبها وانت لديك صورة ذات ابعاد اكثر ...بحكم معيشتك وتنقلك في البلاد...وانك حتما لديك ما يمكن مقارنته....
فلا تعتمدي علي من يقول لك الدفاع الشعبي والضرائب والكهرباء بتقطع والحر شديد...والحاجات مافي...والتعليم غالي والصحة متدهورة...فهي كلها تقديرات ...
انا شخصيا اكره المدن واذا حدثت احدهم عن الاستقرار والسكن يجيبني بان البيوت اصبحت بمئات الملايين...دون ان يعلم كراهيتي للمدن ام بيوتا بي ملايين...وان زحفت بنفسي صوب الشمال قليلا لضرعت الارض مجانا وبنيت فيها قطية وراكوبة مجانا...فاين وجه المقارنة بين سكن صاحبي اب ملايين وسكني الفي راسي.
|
|