Post: #1
Title: رودا .......
Author: Hussein Mallasi
Date: 02-24-2004, 11:26 PM
Parent: #0
نسأل عن اختنا رودا ...
فقد اختفت منذ عيد الاضحى و لم تظهر .... نرجو ان لا تكون الشيات قد غلطت عليها
نفتقدها تماما ... و نشتاق لاختلافنا مع ارائها ... و نطرب لشجاعتها و اقدامها ...
و تسميتها الاشياء باسمائها .... و نقعد في علبنا – و نمتلئ رعبا - لمن تهرشنا و تحمر
لينا ...
بالله لو في زول شافها يسلم عليها و يقول ليها ما تطولى الغيبة ... و لو في زول زعلها
- و ما اظن زول يقدر او يتجرأ حتى و ان رغب - فبنقول ليها معليش ...
نتمنى قرب عودتها فمكانها شاغر ...
و تحياتنا لها ...
|
Post: #2
Title: Re: رودا .......
Author: HOPEFUL
Date: 02-25-2004, 01:24 AM
Parent: #1
الأخ ملاسي
سمح المليس في خشم سيدو
والله تصدق ايها الملاسي بأني قد فكرت فيما فعلته أنت ولكن....
خفت من الفهم الخاطئ .. والتفسير الجاهز .. وبيني وبينك حصلت معاى قبل كدا .. عشان كدا رقت في علبي وسكته.
Quote: و نقعد في علبنا – و نمتلئ رعبا - لمن تهرشنا و تحمر
لينا ...
|
قصدك بالكلام دا لما اكون انا مافي صح؟؟؟ 
----
بس بيني وبينك رغم اختلافنا مع هذه الرودا والتى بدأت تترود شيئاً فشيئاً في الأوان الأخيره .. لا نكن لها الا كل خير كبنت من بلاد بلدي الحبيب .. وإن كنا قسونا عليها سابقاً فقسوة الأب مع ابنته
أملين أن يستمر مسلسل تحسنها .. حتى يكتمل بدر نضوجها في تناولها للأشياء وحكمها عليها ..
الي ذلك الحين الىىىىىىىى لقاء
محدثكم هوب بن فول
|
Post: #3
Title: Re: رودا .......
Author: kamalabas
Date: 02-25-2004, 01:31 AM
Parent: #1
الاخ ملاسي
تحياتي
حضرت الاخت رودا وبقوة وشاركت بكثافة في بوست
الاخت سارة منصور ـ تشويه في حق السودان ....
وبالتالي عوضت فترة تغيبها
ولك الشكر
كمال
|
Post: #4
Title: Re: رودا .......
Author: Roada
Date: 02-25-2004, 04:56 AM
Parent: #1
شكرا يا أخ ملاسى على السئوال،
فقد كنت مشغولة بالدنيا، و البورد كان مشغول بالآخرة....
لك الود
|
Post: #5
Title: Re: رودا .......
Author: HOPEFUL
Date: 02-25-2004, 05:03 AM
| Quote: فقد كنت مشغولة بالدنيا، و البورد كان مشغول بالآخرة |
صلي الله عليه وسلم
|
Post: #6
Title: Re: رودا .......
Author: bayan
Date: 02-25-2004, 05:20 AM
Parent: #5
والله جد رودا عندها وحشة
والف حمدالله على سلامتك
يا رودا
|
Post: #7
Title: Re: رودا .......
Author: Roada
Date: 02-25-2004, 05:27 AM
Parent: #6
و وحمدا للة على سلامتك أنتى برضو يادكتورة.
|
Post: #8
Title: Re: رودا .......
Author: tabaldy
Date: 02-25-2004, 05:46 AM
Parent: #1
يا ملاسي سألت منها تماضر برضو وحاولت أعرف وين رودا وإتوقعت إنهاتكون مشغولة في الدراسة , بس ما ختيت إنها ممكن تخلي البورد عشان زعلت من زول , ما رودا الممكن تنزل قلمها الشاهراهو سلاح لي قناعاتا . ما رودا .
رودا مرحب بيك حتى مجاهدة الدنيا نوع من الإستعداد لي الاخرة .
أبنوسي
|
Post: #9
Title: Re: رودا .......
Author: siddieg derar
Date: 02-25-2004, 12:00 PM
Parent: #1
يا ملاسى واساسى والسياسى
والله فعلا وحشتنا لكن زى ما قالوا ليك اعمل حسابك ما تغلط
واسأل اخاك هوبفل كيف عملت معاه فى مسألة الألوان لزمته ليك ألوانه
والله البوست داك أنا دخلت آخر الليل وفعلا كان نقاش جميل مثمر
وطلعت بى حصيلة ثرة من المعرفة من كلا الجانبين رودا وهوب فول
وزمان اصحابنا التشكيليين ما استفدنا منهم بهذه المعلومات
أنا ما عارف زى ما قال الواحد الشباب ديل بيجيبوا الكلام دا\من فين
سلام ليكم جميعا
|
Post: #10
Title: Re: رودا .......
Author: عشة بت فاطنة
Date: 02-25-2004, 01:02 PM
Parent: #9
سلام ملاسي الزول الما حناسي
فعلا رودا تستحق السؤال ، زي ما قتو مو رودا البتحرد عشان يكون زول زعلا فرودا واعية بما تقول وما تكتب ومقاتلة شرسة لاتتنازل ابدا ، فالتحية لها في هذا البوست الجرئ الذي يسال عن رودا وجاء ردها كافي ووافي ..
|
Post: #11
Title: Re: رودا .......
Author: ABU QUSAI
Date: 02-25-2004, 02:05 PM
Parent: #10
تعجبني ، تعجبني ردودك لكن .. أنا كنت مشغولة بالدنيا لما البورد مشغول بالآخرة . وبالمرة يا ملاسي مر على مداخلتها في بوست سارة منصور حول مائة صفة وصفة يحبها الرجل في المرأة .
|
Post: #12
Title: Re: رودا .......
Author: mekki
Date: 02-26-2004, 07:24 AM
Parent: #1
المحترم ملاسى...دائما انت المبادر..فقد كنت افكر فى كتابة بوست للسؤال عن تلك النمرة...ه
النمرة رودة هى اضافة نوعية رائعة للمنبر..فمثلما صارعت لتثبيت وجود التجانى المشرف...افتقدت-والكلام لى- رودة....ه
الف حمداللة على السلامة رودة.....
وفى انتظار المزيد من مساهمتك...
لكن يبقى السؤال يا اخ حسين:من يرّوض رودة؟!ه
|
Post: #13
Title: Re: رودا .......
Author: Roada
Date: 02-26-2004, 07:58 AM
Parent: #12
يعنى يامكى لازم تخرمج؟
من الذى قال لك أن المراة تحتاج الى من يروضها مهما قالت؟
من الذى قال لك أن المرأة تحتاج الى من يروضها مهما فعلت؟
و من الذى قال لك أن هنالك من (الرجال السودانيين) من يستطيع ترويض (أرنب) حتى؟
|
Post: #14
Title: Re: رودا .......
Author: سارة منصور
Date: 02-26-2004, 09:18 AM
Parent: #1
هاهاهاهاها والله العظيم لكن روضة دي ضحكتني .. بقيت بضحك براي زي المجنونة
روضة دي ليه شايلاه ثقيل كده معاكم يااهلنا؟؟؟
فهموني ماانا لسه مستجدة ...
|
Post: #15
Title: Re: رودا .......
Author: HOPEFUL
Date: 02-26-2004, 09:23 AM
Parent: #14
الأخت سااااااره
انتي جديده صح ؟؟
انتبهي رودا دي فكي سروا باااتع هسي بتقوم عليك شواطين وعفاريت البورد ...
الليييييله الله قال بقولك
الوداك تهبشي شنو ّ؟؟
حولينا لا علينا
حولينا لا علينا
|
Post: #16
Title: Re: رودا .......
Author: سارة منصور
Date: 02-26-2004, 09:32 AM
Parent: #1
هاهاهاها والله الضحك قتلني عديل كده ..
روضة قولي حاجة يابتي .. عبرينا ياروضتي الغناء .
|
Post: #17
Title: Re: رودا .......
Author: adil amin
Date: 02-26-2004, 10:34 AM
Parent: #1
ملاسى العزيز
سعيك مشكور
العزيزة رودا
اذا حزام قالت امرا فالخير ما قالت حزام
والله ردك ده يدل على انك فعلا ذكية جدا..ذى جون قرنق..لكن الناس الزمن ده ذى ما قال عبد الوهاب الصادق (كلام الحب كلو قلتوه بس كلامى انا الما عرفتوه)..واذا قلت الحقيقة ظنك الناس مجنونا
وفعلا تتصورى ناس التوجه لحضارى ديل اتفوقو على كل حكومات العالم اجمع بما في ذلك امريكا بان الحكومات الغربية وفى جل العالم برنامجها خدمة مواطنها فى هذه الدار..الدنيا..لكن الانقاذ تمتد خدماتها الجليلة بين دارين وتزف احبابها الى الحور العين فى الجنة بحفلة كبيرة تولول..وترسل اعدءها المفترضين الى جهنم وبئس المصير ولا ندرى هل اطلعوا على الغيب ام اتخذوا عند الرحمن عهدا
والناس الاذكياء زييك البستهجنوا هذه الخزعبلات يقولو عليهم مجانين
عشان كده..كلمى لى مدير المسشفى او مدير قسم الامراض النفسية والعصبية فى البورد يحجز لينا سرير فى عنبر الرجال جنب دينق...عشان نحن مجانين وما بنستوعب الابعاد الميتافيزيقة لنظامنا الرشيد
طبعا ناس قريحتي رحات حيقولو دى فتنة وكلام فارغ ودعوة لمهاترةلكن دي لزوميات ما لا يلزم وتفسير لحديثك الحكيم
وما رايك فىتوقيعى الجديد
لما رايت الجهل فى الناس فاشيا
تجاهلت حتى ظن انى جاهل
المعرى
|
Post: #18
Title: Re: رودا .......
Author: hanouf56
Date: 02-26-2004, 11:53 AM
Parent: #17
العزيزة سارة
ليك الود
لا اعتقد ان هناك شيئا يضحك فى كلام الاخت رودا
وذى ما هى قالت هو خرمج فى النهاية بعد ما كان كلامو فى الاول جميل
| Quote: لكن يبقى السؤال يا اخ حسين:من يرّوض رودة؟!ه |
ويمكن الرجوع للارشيف لتفهى الاشكال بدون ان تقوم الاخت رودا بالشرح لك
ما اعتقد انو فى شيل ولا حاجة هنا وذى ما قال حسين ملاسى
Quote: و نطرب لشجاعتها و اقدامها ...
و تسميتها الاشياء باسمائها .... |
هنا مشكلة رودا انها تسمى الاشياء باسمائها الحقيقية دون لف ودوران
وليك الود
محمد
|
Post: #19
Title: Re: رودا .......
Author: mekki
Date: 02-26-2004, 12:39 PM
Parent: #1
أؤكد-اولا- انى فتراااان وما فاضى للمشاكل....
لكن....!ه
فكرة الترويض ليست للنساء فحسب...بل لكل الذين يعتدون على مشاعر ومعتقدات الغير....!ه
لكن يبدو ان (النمرة) لا تفكر إلا بعقلية إمرأة تحس بالغبن....ه
والغبن- عادة- يحجب التفكير....
هناك رواية شهيرة بعنوان: ترويض النمرة...استوحيت منها فكرة الترويض....!
لكن-عشان ما تزعلى يا رودة- خلينا نغير عنوان الرواية الى:ترويض النمور...!ه
واظنك سوف تزعلى وتقولى: لية صيغة الجمع فى اللغة العربية (ال.... ) لا تستوعب الإناث....!!!!!ه
|
Post: #20
Title: Re: رودا .......
Author: Roada
Date: 02-27-2004, 03:30 PM
Parent: #19
يابروفيسور مكى،
أنا التى لاتحترم مشاعر و معتقدات الغير...و أنت الذى يقول أن الفاتحة ترفع جماعيا بارجل النساء يوم الجمعة...و تكرس لمقولات و مفاهيم أن المراة عاجزة و دون ، و ماألية...و رغم هذا فأنت تخترم مشاعر و معتقدات الآخرين....
فاليكن..فهذا زمن العجائب.
|
|