اسألك الهم ان تقدرني علي لساني

أسبوع المحبة .... وأسس جديدة لفرز الكيمان




رساله من الكيزان لعموم أهل البورد!!




ياجماعه ..صلوا على النبى

انا زاتى اللهم قدرنى على لسانى
اساسى يااخوى مالك مابتقول لى كل سنه وانت طيبه
مالى سويت ليك شنو كعب

الاخت العزيزة راوية كل عام وانت بخير وان شاء الله عام خير وسعادة عليك (العام الهجري )

عيد الميلاد برضو كل سنة وانت طيبة
تعرفي عندي راي في عيد الميلاد انه الانسان خسر سنه من عمره
لكن برضو كل سنة وانت طيبة

..
.
سلام يا اساسي
والله انا زاتى داير اقول ليك سطرين بس الا هنا
اولا لكل مقام مقال وبلاش تهمهم ..
تانى حاجة لو ما قدرت على لسانك دا ستنصف
تالت حاجة لو عرفتك وصاحبتك وختيت الدرب ما بقدر
اديك بالتقيل الا بالترس الخفيف نان شنو ما شعب مجامل والواحد
خدوده السوداء تبقي زى الورد لو داير يفتك .. حسي انا بقيت محمد وردى عديل
وتانى شنو ؟؟ بجيك تانى

راوية
انت عندك عيد ميلاد فى البورد ؟؟
كدى كل سنة وانت طيبة ونجرى بهناك قبال ما تفرزى كيمانك ديل ..


لكم شتله ود وكيمان من الورد ..

العزيز تبلدينا
كل سنة وانت طيب من امس
تانى حاجة لو ما قدرت على لسانك دا ستنصف
والله دي شهادة سمحة بالحيل

تبلدينا
انا ما مثاليه لكن ومن غير مبالغه كومى البورد دا كله

آمين، واياكم..

اللهم اربط لسانه ..
ولا تفكه ..
ذي الركشات في سوق امدرمان ..
امين ..

والله لسانك ده عشان ربنا يقدرك عليهو ..
إلا تكتبا ستة مرات في ستة بوستات ...والسابعة بالتراب








اللهم ارضى عني ، وعن اساسي ، وعنها، وعن آلبو..


الواو في آلبو ..واو جماعة لا تعود على اي شي

اللهم قدر لسانو عليهو
اللهم اجعل لسانه متبرى منه

الصاوي
ربنا يقدرنا علي السنتنا جميعا ان شاء الله

حميدة
ودكين
انا كان دعيت الله يحفظ لساني هنا في البورد انتو الاتنين مفروض تمشو مكة تجاوروا الحرم وتدعوا ليل نهار الله يجعل حارس علي السنتكم فيرتاح عباد الله وانا منهم.... ويا دكين واو الجماعة دي بدون الالف بترجع وراء.. وراء شديد.. شديد خالص.... وبتفارق الجماعة

الاخ اساسي
الود والامنيات
المهم ان نقول ونكتب مايرضينا وما لا يسئ الي الاخرين..هذا هو المنبر كما الوطن اتفاق واختلاف ويعطي كل ذلك للمنبر مذاقه الخاص ونكهته الخاصة جدا..بك وبالاخرين...
ويديك العافية
عبد الله جعفر

هوب فل
دي دعوة باطل اريد بها حقا ولا كيف ما عارف يا هوب


الاستاذ عبد الله جعفر
تحية واحترام
اولا شكرا حزيلا لمرورك من هنا تفرحني مشاركتك جدا وتفرحني اكثر وهي تطلقني من قيد لساني والحفاظ علي نكهتي وكما قال تبلدينا وطمانني عاليه علي اني اعتقد ان الوقت في المنبر وبما اننا دخلناه طائعين للحوار وايضاح وجهات النظر مع المحافظة علي الاحترام المتبادل
ولك ودي وشكري علي فك اسري

أساسي
ابن أخي
لك التحية
وكل سنة وانت طيب بمناسبة اسبوع المحبة ، والسنة الهجرية ،
أساسي لسانك عندك وأنت مطالب بأن تصونه حتى يصونك ،، ومن أهم ما يعينك على صيانته :
1-لا تعيّن نفسك حارسا للفضيلة .
2- لا تترصد عورات الناس .
3- هناك أمور كثيرة يمكنك تجاوزها بالصمت تجاهها .
4-لا تجزم أبد بأنك المالك لناصية الحقيقة .
5- التزم جانب الوضوح ، أو اختر السكوت .
6-لا تضيّق العام إلى الخاص .
عليك السلام .

الاستاذ ود قاسم شكرا للنصيحة وباذن الله احاول العمل بها
فكلنا محتاج للنصح وجزاك الله عني كل خير