Post: #1
Title: أفتتاح المول العصري والدمار والابادة في دارفور؟
Author: maryoud ali
Date: 02-20-2004, 10:40 AM
أفتتاح المول العصري والدمار والابادة في دارفور؟
تجار الجبهة الذين امتصوا ونهبواالوطن
تجار الدين
يحتفلون ويعربدون ويحلمون بانتفاخ الجيوب
الجفاف في الشمال
التيه والخراب في الجنوب
العطش والمسغبة في الشرق
والمار والموت في الغرب
اي مول هذا؟ اي عفراء في صحراء الحزن؟
دارفور والحريق الطويل؟
معا من اجل اسبوع للمناصرة
|
Post: #2
Title: Re: أفتتاح المول العصري والدمار والابادة في دارفور؟
Author: hamid hajer
Date: 02-20-2004, 10:58 AM
Parent: #1
العزيز ... مريود علي
كنا في دارفور ..
تشرئب اعناقنا الي اعالي
اشجار الدليب .. والهراز
في مواسم عودة البجع ..
تمتلئ اساريرنا بهجة ..
بقدوم الخريف ..
و الحصاد ..
لنغني في حلقات النقارة ..
وزغاريد الفرح ..
اما اليوم ..
فلنا في كل بوست متضامن ..
خريف النماء ..
ولا عدمناك اخ الوطن مريود ..
|
Post: #3
Title: Re: أفتتاح المول العصري والدمار والابادة في دارفور؟
Author: Kobista
Date: 02-20-2004, 11:46 AM
Parent: #1
Let'em do make thier Blood money...
let'em build departments stores,malls or shopping centres
It's a honey-moon of comon interests...the moment of truth is ticking faster
let'em learn from Sadam's fate..deeper hide-outs
|
Post: #4
Title: Re: أفتتاح المول العصري والدمار والابادة في دارفور؟
Author: maryoud ali
Date: 02-20-2004, 03:07 PM
Parent: #3
الاخوة الاحباء كوبيستا و حامد
اخوان الوطن والغربة
والامل
شكرا لهذا المرور النبيل
دارفور وكل ارض من وطني نزعة من دمي
شكرا لكم
ولنجعل التضامن ممكنا
مريود
|
Post: #5
Title: Re: أفتتاح المول العصري والدمار والابادة في دارفور؟
Author: theNile
Date: 02-20-2004, 05:43 PM
Parent: #1
ياخوي دى شركه خاصه وعلي حسب علمى وانا غير واثق منها شركه تركيه يعنى ناس الجبهه ماعندهم صله بيها والله حاجه تفتح النفس ياجماعه الحاصل شنو ليه يقيتو كده مافي حاجه حلوه عاجبكم ياناس هو انا مجبهى واحد مشرد ليه 14 سنه وذول ماعندو دين عديل كده لايؤمن باي شى بس ناس الانقاذ ديل كويسين بس فتح البلد الاستثمار حاجه تمام
|
Post: #6
Title: Re: أفتتاح المول العصري والدمار والابادة في دارفور؟
Author: doma
Date: 02-20-2004, 06:47 PM
Parent: #5
يا رب اخمد نار الحرب بدارفور وآمنهم وارفع الظلم عنهم
|
Post: #7
Title: Re: أفتتاح المول العصري والدمار والابادة في دارفور؟
Author: maryoud ali
Date: 02-20-2004, 08:15 PM
Parent: #6
الاخ العزيز اخ الوطن والتراب the nile
شكرا لمساهمتك واسلوب الهادئ الرصين
ايوة الشركة تركية لكن لازم تكون مطبوخة مع تجار الجبهة
واجزم ان الفايدة الاولى للتماسيح
لايفعلون شئ عشان خاطر المواطن
مجموعة من الموهوسين
الاستثمار جميل اذا كان في مصلحة البلد
الاستثمارا اذا
كان الهدف منه جمع المال للتقتيل
والتشريد وزالابادة ترف واساءة في حق الناس
هل المواطن محتاج لمجمعات تجارية؟ وهو في العراء عطشان جيعان وحفيان؟
طيارات تضرب واطفال لا ملاذ لهم
كيف يرضئ كائن من كان ان يسمح لنفسة المتع والتجول في مجمع تجاري وهو لا يملك حق دواء الملاريا؟
ومواطن لا يجد ساتر من هجمات التتار؟
مرة اخرى شكرا لك لمرورك الجميل
ربنا ينهي تشردك
لا لدمار
دارفور
مريود
|
Post: #8
Title: Re: أفتتاح المول العصري والدمار والابادة في دارفور؟
Author: theNile
Date: 02-20-2004, 08:57 PM
Parent: #7
كما اعرفت من البعض ان تكلفه المجمع التجاره 50 مليون دولار هى ليست من السودان يعنى مال داخل السودان مش حيضرنا بشي بل العكس سوف يخلق بعض والوظائف انشاء والله وظيفه واحده في عائده للسودان ثم ان المستثمر تاجر والتاجر يريد الكسب وليس من واجبه بناء ملاجى وفير مياه الشراب واطعام الجيعان ويكفيه توفير الوظائف واطعام ا سره من وفر له وظيفه لان هذا من واجب الدوله
هل المواطن محتاج لمجمعات تجارية؟ وهو في العراء عطشان جيعان وحفيان؟ مذا من واجب الدوله
ثم من حق اى انسان ان يختار فهناك من تسمح له نفسه في التجول في الاسواق غير عابئي بالملاريا وفتكر الحريه الشخصيه اهم شى في الدنيا وارجو ان تنتيه حكومه الجبهه الى ذلك وتترك الناس حره فيما تختار وفك حظر التجول الذي فيه اهانه الي كرمه الانسان الي خلق حرا عدم تحكيم قانون لايريده الكثير منا
مره مرحبا بالاستثمار الاجنبيه في السودان ونشاء الله نشوف فندق مثل برج العرب في مدينه الفاشر ومطار مثل مطار هيثرو في كريمه ومدينه سياحيه مثل صن سيدى في كسلا وبرج عالي مثل برج بتروناس الماليزيه في واو
|
Post: #9
Title: Re: أفتتاح المول العصري والدمار والابادة في دارفور؟
Author: maryoud ali
Date: 02-22-2004, 03:26 AM
Parent: #8
ونشاء الله نشوف فندق مثل برج العرب في مدينه الفاشر ومطار مثل مطار هيثرو في كريمه ومدينه سياحيه مثل صن سيدى في كسلا وبرج عالي مثل برج بتروناس الماليزيه في واو
الاخ the Nile
وان شاء الله نشوف حكام جابوهم الناس مش ناطين بالليل
وان شاء الله نشوف الانسان في السودان محترم محفوظة حقوقة
ونشوف بلد خالي من الهوس واالمهوسين
ومن تجار الدين
ومن امراء الحرب والدمار
وخالي من القوانين المقيدة للحريات
ونشوف بلد حر ديمقراطي
بلد اولادو وبناتو
يد بيد رافعين رؤوسهم في عين الشمس
بلد مشيد بابراج الحرية
مكان السجن مستشفي
مكان المنفي كلية
مكان الطلقة عصفورة
|
Post: #10
Title: Re: أفتتاح المول العصري والدمار والابادة في دارفور؟
Author: theNile
Date: 02-22-2004, 03:46 AM
Parent: #9
يازول نتمى يكون مافي دين ذاتوا
الحريه كلو زول يعمل في البيحبوا والي في مزاجه
ماكدونل النتاكي فري جكن
اخر افلام هليود
اخر صيحات الموضه
مسايقه ملكه جمال العالم في امدرمان
اخر حريه ومافي حظر تجوال والحبائب قاعدين كده علي
النيل اخر حريه واخر انبساطه
وقريق كره القدم النسائي السودانى
الاغريق يرجعواتانى يفتحو تجارتهم القديمه في ركن وفي كل شارع
|
Post: #11
Title: Re: أفتتاح المول العصري والدمار والابادة في دارفور؟
Author: maryoud ali
Date: 02-22-2004, 04:37 PM
Parent: #1
ومرة اخرى
ينزل المطر
ومحمد الآخر
مسجي على الرصيف
متهما بابواب الدكاكين
مولعا بواجهات الزجاج
والخبز عصي
على دمعة الكرامة
|
Post: #12
Title: Re: أفتتاح المول العصري والدمار والابادة في دارفور؟
Author: سارة منصور
Date: 02-24-2004, 05:56 AM
Parent: #1
والله يامريود تقول انت معاهم ونقيت فيها اها كسروه وانتهوا منه..
كده مشكلة دارفور اتحلت يا مريود؟؟؟؟؟؟؟
|
Post: #13
Title: Re: أفتتاح المول العصري والدمار والابادة في دارفور؟
Author: Nidal Al-Anssari
Date: 02-25-2004, 10:22 AM
Parent: #1
صراحة انا لا ادري لماذا هذا التشائم؟
لماذا لا ننظر الى الجانب المشرق. ان افتتاح مثل هذا المول في السودان سوف يؤدي الى انتشار التجارة و القضاء على البطالة. و غير هذا انجزاب الناس.
انا اتفق معك ان هنالك مشاكل في دارفور و حروب, لكن الحياة لازم تستمر.
|
Post: #14
Title: Re: أفتتاح المول العصري والدمار والابادة في دارفور؟
Author: essam&amal
Date: 02-25-2004, 11:35 AM
Parent: #1
ايه دخل المول فى الدمار والابادة فى دارفور ؟
كل الدول قامت على الاستثمار الخارجى انظر الى
دبى كيف اصبحت اكبر مدينة تجارية فى العالم لانها
مفتوحة للعالم كله اشمعنا نحن وعندناالخير كله
وعندنا مليون ميل مربع .
استهدوا بالله يا جماعة وادعوا لى بلدكم بالخير.
امال
ام وضاح
|
Post: #15
Title: Re: أفتتاح المول العصري والدمار والابادة في دارفور؟
Author: Nidal Al-Anssari
Date: 02-25-2004, 02:40 PM
Parent: #14
و انا بضم صوتي لصوتك, فعلا عشان نقدر نبني و طنا لازم ننفتح للعالم. بس الامارات بلداتحدت و بنت نفسها. لكن شو في السودان عشان بنوا "مركز تجاري ضخم" بعضهم اخذ الموضوع بسخرية, و البعض عملوا مناحة و بيت بكة عشان ناس دارفور, و البعض ده عشان التماسيح, و الخ.
هسي الناس بدل ما تقعد تتكلم, تواصل مسيرة الانفتاح و طور البلد لقدام عشان نقدر نوصل لدرجة "امارة دبي".
يا اخت امال, شوف عيني ده, ما اظن ان حنمشي لقدام, لان في نظرت تشاؤم في اولاد بلدنا. دايرين يحلوا مشاكل الجنوب و دارفور, و قاعدين يتذكروا الماسي, و ما دايرين يتفائلوا لقدام.
|
Post: #16
Title: Re: أفتتاح المول العصري والدمار والابادة في دارفور؟
Author: maryoud ali
Date: 02-25-2004, 07:55 PM
Parent: #1
الاخت العزيزة أم وضاح
شكرا للاضافة والتعليق
فقط اريد ان أوضح ان ما يعرف بمدن الملح هذة
لا تصلح مثالا يحتذى به؟؟؟
الاخت العزيزة نضال
الشكر موصول للمشاركة
سؤالي:
كيف تأمن لصا؟ على دارك؟
وتصدق من خانك؟
كيف لا تنظر في يده ولاترى دمك؟؟
ودمتم
مريود
|
Post: #17
Title: Re: أفتتاح المول العصري والدمار والابادة في دارفور؟
Author: Nidal Al-Anssari
Date: 02-26-2004, 08:26 AM
Parent: #16
الاخ مريود,
ابعث لك التحايا.
انا اظن انك من الذين انظلموا.
لكن انت عملت شنو عشان اللص ياحذ جزاءه, و هل ضممت جراحك؟
÷ل احذت السكين منه و عاقبته؟
بلاد الملح هذه كبرت و ترعرعت, و احنا يا اولاد النيل عملنا شنو؟؟؟؟؟؟؟؟. بس نتكلم و عاوزين نغترب عشان نصلح و ضعنا بره حتى لو في بلاد الملح.
|
Post: #18
Title: Re: أفتتاح المول العصري والدمار والابادة في دارفور؟
Author: Rawia
Date: 02-28-2004, 03:30 AM
Parent: #1
من اجل اهلنا فى دارفور
|
Post: #19
Title: Re: أفتتاح المول العصري والدمار والابادة في دارفور؟
Author: Alia awadelkareem
Date: 02-28-2004, 06:22 PM
Parent: #18
حريتي :
قمامة النظام
قلبي:
انشوطة الاحلام
ودمي:
سفكة ليست حرام
ووطني :
هادئ ينام
وربما تتلالا
براسة الاحلام
ففيما الخصام
والارض ادمنت
الحطام...!
|
Post: #20
Title: Re: أفتتاح المول العصري والدمار والابادة في دارفور؟
Author: hanouf56
Date: 02-28-2004, 06:53 PM
Parent: #19
اضعف الايمان
رفع البوستات الخاصة بالاسبوع
محمد
|
Post: #21
Title: Re: أفتتاح المول العصري والدمار والابادة في دارفور؟
Author: falcon
Date: 02-28-2004, 07:06 PM
Parent: #1
مادخل افتتاح المول و حرب دارفور؟
بعدين دا استثمار تركي كما ذكر الاخ نايل
ثم ثانيا لماذا لا نحاسب متمردي دارفور علي تشريد اهلهم
و هاهي الحرب في الجنوب هل بعد كل هذه السنوات من الموت و الدمار
وصلنا لحل بالبندقية؟؟؟؟؟
يعني بكرة لما يفتحو كبري او طريق جديد نقول كان اولي به ناس دارفور
ارحمونا و ارحموا السودان
|
Post: #22
Title: Re: أفتتاح المول العصري والدمار والابادة في دارفور؟
Author: Raja
Date: 02-29-2004, 04:36 PM
Parent: #21
|
|