الزول ده ما جا ؟ الزول ده منو ؟ الزول ده حبيب

بسم الله الرحمن الرحيم
بسم الله أحاول أن أبصر شكل المداخل
وبسم الله يكون المخرج الي المتّسع
وبسمهِ أيضاً يكون الملتقي
الاستاذ بكري أبو بكر أظنهُ علم علي رأسهِ فكرة
قبل هذا وذاك


أمتلكُ احتراز اودُّ الافصاح عنهُ في مطلع هذه الورقة , و أصوغهُ في

تساؤلي عن مدي صدق مقولة ان الكاتب

لايعود أليه وعي الحروف أبداً مهما طالت عليه سنوات الابتعاد عن القلم

وفي الحقيقة أن الكاتب مثله مثل لاعب الكرة

لا يرتفع مستواه الفني ,, الا وهو في عمق الموسم التنافسي

و لكن مجرد اصابة او أيقاف مفاجئ

يبعده من التشكيلة ويطيح بكامل مستقبلهِ الرياضي

لا أملك أيي جواب عن سؤال يفترض أن أعيهُ قبل أن اطرحهُ

وفي الوقت نفسهُ أجد نفسي غير متصالحاً مع الكثير ومضطراً

للاعتراف بأستمرار وجودي تحت صدمة تغييب قلمي

ولو شئت أن اناور هذا الاحتراز و ألولب قليلاً و ألج البيت من الباب الخلفي

و أتحدث عن تماهي الذات والموضوع في شخوصي

أجدني قد راوغت المفهوم العام ,, او التصوّر المثالي لشكل المرحلة

التي تمت قمت فيها بقصقصة أجنحتي و ان ظل الطيران حلم مشروع لنعامة

أواصل سؤالي أنا !!! و أستفسر بنفس درجة المكر مردداً

هل كتبت كل الماضي عن ذات ام عن موضوع ؟

وهل حقن قلمي عروق الجنس الادبي بعقار الدهشة ؟ ام تغلبت التلقائية

علي طعم المفاجأة ؟ فأرتدّ قلمي مملاً وهو رتيب ؟

الدهشة في قاموسي هي بيضة ديك لا تتكرر مرتين !!

أما التلقائية فهي سرب دواجن في مزرعة ( مرافعين)

وبين الاثنين يتمحور عالمي الذي لم تطأهُ أقدامي بعد ...

أذن انا أعترف بعدم أمتلاكي ( لبيوغرافيا) واضحة اوضح بها سيرتي الذاتية

ولكن لابد من أستئناف حفرياتي و أشتبك مع الصوت الذي يرجح كفّة

مدي تأثير البيئة في انشائي ...و من ثم أفتراعي للاخيلة لتكوّن مع

السليقة أتحاد زرتي هيدروجين وزرة اوكسجين لترتفع في الاعلي سبعة

افكار في كل فكرة مئة قضية وقضية ... وعندما ينفضّ النزاع

ويرفع أصطراعي الراية البيضاء ... اعود لحيرتي.. و انتزع وجودي من

ترشيح البعض لي ( كأنتلجنتسيــا) ليس تواضعاً ...ولكنها محاولة

للعودة الي قواعدي الطبيعية

و أمدّ فكرتي علي قدر فهمي

أحب ان يكون أنتمائي أن شئت الانحيـاز

ان يكون لمؤسسة بحجم سودانيز اون لاينز

أو لا يكون

حقيقةً كثرت محاولاتي لصناعة نفسي هناك

حيث كنتم فكان أشتياقي للحظة أنصهاري في ماعون العطاء العريض

قمت بحالة أستدعاء عاجل لكل الشرفاء الذين بهم أفاخر

استاذ هشام الزول الزول

تماضر شيخ الدين التي هي بحجم وطنيتي
وختامه مسك

وحدث ولا حرج

ولأول مرة يكون الفنجان الاخير هو ( البكري)

وتم الكيف

وجفت الفناجيل ورفعت الجبنة

السيرة الذاتية تقول

ياسين جبرة جدة المملكة

شوية قراية كدي في كم جامعة ومعاها ربع قرن ثرثرة في المقاهي

وجاييك بي الباب المتسع

ومتظر كلمة واحدة منك

خش

لا فصيح ولا بي لغة المواثيق والأتفاقيات

بي البلدي

والبلدي أوي علي قول اهلنا في مصر

خش

وبس

وختامه أيضاً الفنجال الرابع

كما يكون الاول

البكري

سلام

خاطرات بحجم الكيف في جلسة جبنة عائلية.

معنى قريب .. بعيد..

نكتمل حين نرضى..

الزول ده منو؟ الزول ده كييييييف!!

لك ما ترمي ولنامرام القعدة في حضرة عبق الكلام- على بساطته.

الزول ده حبيب.....

الأخ الحبيب التبلدى

الحقيقة فاجأتنى الكلمات التى تنم عن (كييف) عملاق ، شرب من (جبنة) حبنا (البكرى) وما انتبهنا لأن نناوله (التنى) فطلبه منا حتى استحت القهوة منا ، ولم نتبع قوانينها معه ، فأنت يا صاحى تستحقها شرابا سائغا بين عبق البخور وبركات دعائها فى الهضاب الأمهرية ونحن حينها نغنيك أحلى نشيد وندنن معك بأجمل الألحان حتى نفيق من سكرة حبنا اليك

سلمت يا غالى

ونعم المقُدم والمقَدم
مرحبا به في داره اصيلا فيها
مرحبا بيس حبيب نورة
لو انا ما كضاب

زي ما قال اساسي
نعم المقدم والمقدم (مع التشكيل)
يا زول انت بعد كلامك دا لو ما خشيت بيكون بكري بالغ معاك ومع البورد
غايتو لو في طريقه تخش مكاني انا حا اكون شاكر ومستمتع
نناشد اخونا الكبير بكري وهو دون شك ما بقصر
شكرا يا ابنوسي

أستاذ جورج بنيوتي
بعد السلام , ألف شكر لي وجودك هنا مع الزول المنتظر سلفا ودوما , جبنة وبكري الجبنة كيف ممنوع عنه الصغار , التني يزيد النضمي , التلتاوي عدلة مزاج وصبر علي طول إنتظار الزول الغياب , والبركة طلة ولمة , فرحة بي طعم حلو لي عالم حلو , صغار , طقس صباحي , وسيرة الحلة , ناس الحلة , ويا دوب ما قعد هجد بيناتنا بعد هجعتو أو كدةيخال لينا إنو بينا .
قهوة وإنتظار زاد رونقو حضورك
شكر ليك تاني


أبنوسي
زول صاحب زول

يا زول يا زول يا زول ها , سيرة الجبنة الأمهرية تثير شجون من عالم مليء بعبق البن وبنات أمهر حسناوات الحبش .
إلا الزول المرتجى هنا كان وفي عز إنتظاره يمشي بيننا هنا ويمسي حتى صباح مقلبا صفحات المنبر رامياً بتعليقاته هنا وهناك ,مجادلاً يناقش , يجلس القرفصاء متحفزاً , حتى خفت علي باندويدث بكري عند حضوره .
كيّــيف قهوة بس !!! , صبرنا لحضورو يازول حرق البن وقعدنا ممحنين وراجين .

يا زول شكر كتير ليك


أبنوسي

ونعم المرحّـــــِب ونعم المرحّـــــــــب به يا أساسي
ماكضـــــــــــاب يا أساسي وفعلاً ياسين , فرقة الشغب , أو حبيب نورا زي ما بحب ان ينادى , وددت أن يكون بيننا في داركم العامر , ولم يخذل رجائي , لكن أمدّ حلا إنتظاري حتى هذا الحين , رغم تكرار وتكرار . زول سوداني , العزّة حتى هنا ما داير يخلّيها , مرحب بيهو في داركم كمان مرة تانية بس يا ريت نشوف الضوء الأخضر من صاحب الدار


أبنوسي

إيهاب
وزي ما قلت لي أساسي نعم المرحّبين ونعم المرحّب به .
حيجي يا إيهاب مادام في حضور في قامتك قدّمتو لينا هنا , وبيني وبينك يخش محلك عشان يخش ولا عشان داير تزوغ
يا زول شكر تاني ليك برضو
ومنتظر أسمع نيابة عن دكين رد علي سؤال سابق , متذكرو ؟

أبنوسي

تبلديييييييييييي

والشوق الجاري عليك
قطعت نفسي عديل كدا
وأنا ألاحق بغض من إنثيالك الطليق صوب الدعاء جهارا بحمد اناك
صوب بريقك الرفيع
وأردد
أردد
أسمك أهزوجة من فرح

والريد نيلين

زوريا ؟ يا زوريا ؟
فضل ننادي باقي الدهشة شان تحضر وتشوف بينا هنا من تاني عيد أو موسم فرح حرفو زوريا , شكلو زوريا , وصفو زوريا , شوقو زوريا , زوريا زوريا
التقوا النيلين وما التقيت بي البت ديك , أديتا وردة في الفالنتاين رجعتا بي ضحكة وجرت , عليك , وصلت ؟ لسة هنا المطرة والغيمة والأماني السمحة ديك , ولما كان يفيض الشي المجازاً سموهو حب بديل عذاب , كنت برجع خطوات لي وراء هناك وقتين حضورك زوريا.
زوريا ؟
يا سلام لو تظل دوام كدة
زوريا ؟
أبنوسي

الزول ده حبيب...

وقد دفعتنى الحظوظ الورديه لان اكون فى هذا المقام الجميل..بين البوابه والدخول..حيث لا تعبر الا السوامح..والايماءات النديه..


اهلا..بالتشريف..ويا تبلدى..الشكر موصول لك بالاختيار..


ولبكرى تعظيم سلام...



حللت اهلا يا حبيب...