Post: #1
Title: ورحكوم ... امثال معاصرة
Author: omer ibrahim
Date: 02-16-2004, 03:45 PM
Parent: #0
سلام ياشباب
لي كم يوم بفكر انو الامثال السودانية المشهورة و المتداولة في حياتنا اليومية دي جات من وين وكيف بقت متداولة بالصورة دي؟
في كم مثل او مقولة بتطلق في موافق محددة وبعد كدة بتبقي تتردد كلما مر الانسان بموفق مشابه صاح؟
طيب ياشباب نحنا ما حياتنا دي كلها مواقف .. ايشمعني يعني ما ننجر نحنا امثال ونقول دا يطلق للموقف الفلاني .. ولا المثل دا لازم يكون عمروا (كم) و مية سنة؟
اها الكلام دا لو كدة فعلا .. بعد مية سنة كدة ما حا يكون في امثال و تطلق للمواقف الفلانية و قيلت باحد افراد جيلي انا؟
|
Post: #2
Title: Re: ورحكوم ... امثال معاصرة
Author: Ibrahim Algrefwi
Date: 02-16-2004, 04:06 PM
ابو عمير
موضوع الامثال ده ما اصلا يعني هو طوله الحاجات والخبرات وشنو
ولا اقول ليك مافي داعي للتنظير
يعني اسه انا عندي امثال كتار وحاجات ومواقف حصلت مع الاصحاب وناس البيت وشنو بس ما مذكرهم كلهم بس انته ابقا صاحبي وخليك جمب البوست ده,,,
اوريك مثل شبكه اخوك
لمن كان عاطل داك فقالو ليه تعال اشتغل فولنتير
سالهم بكم ؟: قالو ليه من غير قروش
قال (المشتهي الفولنتير اطير)
فبقي يطلق علي اي موقف لحاجه طوعيه مجانيه
ده واحد
عندنا اصحابنا بقعدوا بالليل اسهروا مع بعض فلازم بعد شويه امشو يجيبو لحمه للعشي فاالبمشي ده بتاخر وبجي
فــ في نص القعده بجي بلقي الحاجات كملت بجوط
فخرجوا حاجه اسمها (اللحمه بتحرق الواطيها)
اقيف لكن امشي واجي اصلح ليك
|
Post: #3
Title: Re: ورحكوم ... امثال معاصرة
Author: omer ibrahim
Date: 02-16-2004, 04:22 PM
Parent: #2
ايوة يا قرمبوز
انا فهمت قصدك لكن المثلين المنجورين برضو اتوا علي وزن
1- المشتهي الحنيطير يطير
و
2- الجمرة بتحرق الواطيها
بس نحن لسة ماعندنا الامثال حقتنا - شايف كيف - انا داير واحد/ة ي/تقول لي مقولة تكون self experienced and made
ياخ اقول ليك كلام ....
في ناس كتار هنا بقدر يكون عندهم امثال زي دي.
كدي نخلي البوست دا فوق لاغراض المساهمة البوردية
عمر
|
Post: #4
Title: Re: ورحكوم ... امثال معاصرة
Author: الطيب بشير
Date: 02-16-2004, 09:41 PM
Parent: #3
عمر يا عريس
خلاص بديت التنظير
خليت نفسي ف ولد؟ بقيت علي الأمثال؟
طيب كدي أنجر ليك واحد هسسسي دي
البينصلع قبال ينخلع ..... يا هميم يا دميم
و يطلق على الشافع البتقوم ليهو صلعة قبل الناس الكبار فهو إما هميم جدآ بمعنى كثير الإشتغال بحل مشاكل الناس.....أو شين سااااي خلقة الله! أها كييييف؟
|
Post: #8
Title: Re: ورحكوم ... امثال معاصرة
Author: omer ibrahim
Date: 02-17-2004, 04:03 PM
Parent: #4
كمبس
البنصلع قبال انخلع دا مثل تعبااااان لكن مقبول برضو
ملحوظة
امثال موجهة و مستهدفة -بكسر الدال- ما معانا.
|
Post: #5
Title: Re: ورحكوم ... امثال معاصرة
Author: Ibrahim Algrefwi
Date: 02-17-2004, 01:46 PM
عمر
عاين ده
المثل
( الجلت من التلاته تسعات تقع في الالزاميه)
اول حاجه 999: ديل ناس النظام العام والنجده وشنو اسمهم كده
عشان رقمهم
بعد ما عملو للبنات خدمه الزاميه بعد ما فترو من قبيضن ناس النظام العام !!!
فبقي ده المثل
وبتقال لي الحظ الكعب بعد ما تمرق من ورطه وتقع في اختها
|
Post: #9
Title: Re: ورحكوم ... امثال معاصرة
Author: omer ibrahim
Date: 02-17-2004, 04:10 PM
Parent: #5
| Quote: الجلت من التلاته تسعات تقع في الالزاميه |
دا كلام ما بطال
يعني بعد كم سنة كدة امكن يكون في شافع بسأل ابوه: يابا انت الالزامية دي شنو؟ ايقوم ابوة يقول لية: زمااان كان بودو الناس حاجة اسمها الجيش .....وووو
عرفت كيف؟
مبسوط منك انا يا قرمبا ... حا اوديك كورس فرنسا
|
Post: #6
Title: Re: ورحكوم ... امثال معاصرة
Author: almulaomar
Date: 02-17-2004, 03:24 PM
الأمثال هي البلاغة في التشبيه والإفادة والتصوير ، والمثل مهما كانت لغته أو لهجته لكنه يعد لغة الشعوب الفصيحة التي تعبر عن أفكار ومعتقدات سادت تلك الشعوب وتعبر عن بلاغة تعبيراتهم وذكاءهم وفطنتهم. والأمثال الشعبية تُعْتَبر أقوالاً مأثورة تقال في مناسبات معينة. وهي احد عناصر الثقافة الشفوية ومصدراً للحكمة والمعرفة والثقافة وتمثل جانباً من ثقافة المجتمع ومن خلالها نستطيع أن نعرف رؤية هذا المجتمع للحياة والإنسان والطبيعة.
وعادة ما يكون مؤلفو تلك الأمثال مجهولين لدينا وهي حقيقة كلام الناس الأوائل وتنسب لهم دون تحديد للزمن الذي عاشوا فيه وقد تمتد إلى مراحل مختلفة في التاريخ وعمرها بالضرورة من عمر الشعب وما رأوه خلال تاريخهم من
وليس بإمكان احد أن ينسب الامثال الشعبية لشخص ما أو أشخاص معينين فمؤلفو هذه الأمثال عادة ما يكونون مجهلولين لدينا، ونحن نقول عن الأمثال بأنها (كلام الناس الأولة) أي كلام الأولين فهى تنسب للأجيال السابقة دون تحديد للزمن الذى عاش فيه هؤلاء الناس فالأمثال الشعبية الليبية تمتد إلى مراحل مختلفة في التارخي الليبي وعمرها من عمر الليبيين وما رأوه في تاريخهم من تجارب وما عرفوه وما اكتسبوه من خبرات ومعارف ومعلومات وحكم فيها تتجسد التراكمات الحضارية التي عرفوها عبر مراحل تاريخهم المختلفة وعلى صفحات كتاب الأمثال الشعبية تنعكس صورة الذات الجماعية هذه الذات التي تتشكل وتتجدد عبر تفاعلها مع محيطها بكافة اشكالها وما يطرأ عليه من تغيرات ومستجدات.
والأمثال الشعبية عادة ما تكون غير مكتوبة وتتناقله الأجيال جيلاً بعد جيل وهي تقدم القيم الاساسية التى تشكل جزءاً من الهوية العامة للمجتمع تساعد الأجيال المتعاقبة على الاستفادة من تجارب الأولين على اعتبار أن هذه الأمثال تركز على ما هو جوهري وثابت في حياة المجتمعات وما يمكن ان نطلق عليه مجازاً بمثابة القوانين العلمية التى تنظم حياة المجتمع.
|
Post: #7
Title: Re: ورحكوم ... امثال معاصرة
Author: omer ibrahim
Date: 02-17-2004, 03:59 PM
Parent: #6
الملا
تحياتي وشكرا علي الافادة
| Quote: وليس بإمكان احد أن ينسب الامثال الشعبية لشخص ما أو أشخاص معينين فمؤلفو هذه الأمثال عادة ما يكونون مجهلولين لدينا، |
لكن الكلام دا ما دايما صحيح و هناك نماذج لمقولات تنسب لاشحاص بعينهم وتراثنا مليان نماذج.
علي العموم هسة في كم مقولة جات من الطيب و قرمبوز لكن انا لسة بتخيل انو قاموس الامثال البوردية دا يكون عامر باسهامات بعضكم
وين فاضلابي تماضر شقرور سجيمان مراويد الطيب و البقية
|
Post: #10
Title: Re: ورحكوم ... امثال معاصرة
Author: omer ibrahim
Date: 02-17-2004, 04:20 PM
Parent: #7
اقول انا؟؟
|
Post: #12
Title: Re: ورحكوم ... امثال معاصرة
Author: Mandela
Date: 02-17-2004, 04:25 PM
Parent: #7
سلام عمر...
هاك ده مثل بتاع ناس مهجني الثقافات...
الفي بطنه something
براهو dancing
وهو على وزن الفي بطنه حرق براهو برقص ..يعني تتجلى لك عملية تطوير المثل الشعبي و استسلامه لعالم متقولب وواقع متعولم...
انت يا الجريفاوي.....الحاجات البجي صاحبك بلقاها كملت دي شنو....؟؟؟؟!؟!؟!
بس ما تقولي ..
الفي بطنه something
براهو dancing
|
Post: #14
Title: Re: ورحكوم ... امثال معاصرة
Author: omer ibrahim
Date: 02-17-2004, 04:29 PM
Parent: #12
مانديلا ياخ اديك العافية
تعرف ذكرتني أسأل قرمبوز السؤال دا ..
|
Post: #15
Title: Re: ورحكوم ... امثال معاصرة
Author: omer ibrahim
Date: 02-17-2004, 04:34 PM
Parent: #12
بس دي زي صعبة شويييية علي أخوك يا مانديلا
| Quote: يعني تتجلى لك عملية تطوير المثل الشعبي و استسلامه لعالم متقولب وواقع متعولم |
|
Post: #23
Title: Re: ورحكوم ... امثال معاصرة
Author: Ibrahim Algrefwi
Date: 02-22-2004, 03:35 PM
Parent: #12
مانديلا
دي الفنايل
|
Post: #11
Title: Re: ورحكوم ... امثال معاصرة
Author: esam gabralla
Date: 02-17-2004, 04:21 PM
اي رايك فى ده:
العريس مرتاح بال قاعد يألف فى أمثال
يا جماعه اول مره اشوف زول يخرف فى شهر العسل(وهى من الخرف بمعنى التقدم فى العمر وليست من الخروف,وان كان الاثنان ينطبقان على عمر)
|
Post: #13
Title: Re: ورحكوم ... امثال معاصرة
Author: omer ibrahim
Date: 02-17-2004, 04:26 PM
Parent: #11
جبرالله
قلنا
Quote: ملحوظة
امثال موجهة و مستهدفة -بكسر الدال- ما معانا. |
لكن عوجة مافي مثلك مقبول لكن الخروف دا ... مش صعبتها شويييية
|
Post: #16
Title: Re: ورحكوم ... امثال معاصرة
Author: omer ibrahim
Date: 02-17-2004, 04:36 PM
Parent: #13
(أخو البنات شناف)
ويطلق للشاب اللي بينتقد اصناف اكل بيت العزابة.. ليه؟؟
لأنو ببساطة ساكن في بيت فيه بنات حريفات في الطبيخ و بعملوا اصناف اكل ممتازة.
|
Post: #17
Title: Re: ورحكوم ... امثال معاصرة
Author: عوض الله الفولانى
Date: 02-17-2004, 04:45 PM
Parent: #13
الاخ / عمر
ولله موضوع الامثال ده موضوع رائع و ظريف جدّا
هاك المثل ده !!!
النفوس لو اطايبت الفيديو يشيل شريطين
اها رايك شنو !!!!
الفولانى
|
Post: #18
Title: Re: ورحكوم ... امثال معاصرة
Author: omer ibrahim
Date: 02-17-2004, 04:48 PM
Parent: #17
عوض الله
ياخ و الله ضحكتني
| Quote: النفوس لو اطايبت الفيديو يشيل شريطين |
مبالغة
فيديو دبل كبينة
|
Post: #19
Title: Re: ورحكوم ... امثال معاصرة
Author: Mandela
Date: 02-17-2004, 04:54 PM
Parent: #17
والله يا عمر...انا زاتي ما عارفها دي شنو.؟؟؟؟ لكن ده ما الجريفاوي ده جاط لينا راسنا ... زكرنا الخرطوم بالسهرات مع الاصدقاء والحاجات البتجي تلقاها كملت دي
ده كيف....
الجاتك في موبايلك سامحتك
بالمناسبة انا شايف الناس تبارك ليك في العرس ساكت..مبروك الف مبروك
ان شاء الله عقبالي
|
Post: #22
Title: Re: ورحكوم ... امثال معاصرة
Author: Ibrahim Algrefwi
Date: 02-22-2004, 03:34 PM
Parent: #19
يا زول والله انته بتاع مشاكل
اصحابنا ديل اساسا بمشي بجو بلقو الجبنه والزيتون والطعميه
كملت دي الحاجات
اديك مثل  الشراني شراني كان يضحك عمرو ويكشر ثواني)
ده بقولو لمن يكون في زول ذي ما نديلا ده بتاع مشاكل
وفضا ئح وبعمل فيها عادي بيهزر
|
Post: #20
Title: Re: ورحكوم ... امثال معاصرة
Author: الطيب بشير
Date: 02-17-2004, 05:15 PM
الدكتـور ود الـبروف
واقـف لـينا كع وكف
لي أمو ما قال أف
من أيامو الماسكو أب بف
ــــــ
عموري
ناس المدينة المنورة أيام الكشة بيخافو من حي إسمو السيح فيهو جيب بوليسي كتير , فكان الما مقيم لما يزهج بيطلع من البيت و يقول للشباب:
الليلة يا السيح......يا الريح
ــــــ
زمان كان عندنا في بيت العزابة في شمبات مهندس طباااخ -يرحمه الله-
كلما نعمل حلة الغدا يقول للجايين من المكاتب متأخرين:
خير الغداء ما كان بجلابية و سفنجة, و سبقته نومة و لم يعقبه شيرينق!
ــــــ
ودة غير نظريات
الحلة بصل,و الكورة أجنحة,و الحفلة إضاءة,و ال......,.....
you know
|
Post: #21
Title: Re: ورحكوم ... امثال معاصرة
Author: omer ibrahim
Date: 02-17-2004, 05:23 PM
Parent: #20
الليلة يا السيح......يا الريح
خير الغداء ما كان بجلابية و سفنجة, و سبقته نومة و لم يعقبه شيرينق!
الجاتك في موبايلك سامحتك
النفوس لو اطايبت الفيديو يشيل شريطين
أخو البنات شناف
العريس مرتاح بال قاعد يألف فى أمثال
الفي بطنه something
براهو dancing
الجلت من التلاته تسعات تقع في الالزاميه
البينصلع قبال ينخلع
يا هميم يا دميم
المشتهي الفولنتير اطير
اللحمه بتحرق الواطيها
اي اضافات يا شباب ؟؟؟؟
|
Post: #24
Title: Re: ورحكوم ... امثال معاصرة
Author: Ibrahim Algrefwi
Date: 02-22-2004, 03:45 PM
عمر ابصلعه
اسمع انا ما منتظر تأشيره الكورس بتاع فرنسا
ولا اقول ليك
فرنســـا الموضوع دهيازول انساهو نهائي
شفت بتاعي القلتو لمانديلا جديد لنج
|
Post: #25
Title: Re: ورحكوم ... امثال معاصرة
Author: Mandela
Date: 02-22-2004, 06:25 PM
Parent: #24
مكسب يا الجريفاوي ...مكسب..
بقيت تضرب بي المثل...انا أقول ليك اتذكرت الخرطوم و السهرات الخريفية و الفنايل البتكمل..تجي تطلعني زول بتاع مشاكل..؟؟
|
Post: #27
Title: Re: ورحكوم ... امثال معاصرة
Author: Ibrahim Algrefwi
Date: 02-23-2004, 06:59 PM
Parent: #25
انته عارف يا مانديلا
انته والله بذكرني واحد صاحبي ما بعرفو ولا شفتو بس مفروض من زمان يكون صاحبي
يا ربي تكون ده انته
اسمع لكن انته براك شراني ,,,اليوم داك قلت لي اسه القرمبوز وينها
واسه تسأل من الفنايل !!!!
انته لسه في سته اكتوبر
|
Post: #26
Title: Re: ورحكوم ... امثال معاصرة
Author: mohammed alfadla
Date: 02-22-2004, 10:42 PM
البعيش في أروبا
نسيانو ...بيتربا
أها كيف
|
Post: #28
Title: Re: ورحكوم ... امثال معاصرة
Author: Ibrahim Algrefwi
Date: 02-23-2004, 07:04 PM
والله بكره عندي ليكم مثل
دينااااااااااااااااااااااااااااااااااااااااااااااك
|
Post: #29
Title: Re: ورحكوم ... امثال معاصرة
Author: Mandela
Date: 02-24-2004, 00:55 AM
Parent: #28
و أنا أقوووووووووول
شايفك وين يا الجريفاوي......؟!؟؟!؟!؟!؟!؟!!؟!؟!
بالله يا أبوعمير أيه رايك..؟؟؟؟
الراكب الركشة...يستحمل الهمبريب..
اها يالجريفاوي الليلة أبقو حداشر على الشيرتات و الفنايل...عشان المثل بتاع بكرة...مكسب؟؟
|
|