هل لاحظتم!؟

هل لاحظتم!؟


02-15-2004, 11:36 PM


  » http://sudaneseonline.com/cgi-bin/sdb/2bb.cgi?seq=msg&board=8&msg=1076884606&rn=0


Post: #1
Title: هل لاحظتم!؟
Author: مريم بنت الحسين
Date: 02-15-2004, 11:36 PM

الساعة الثامنة مساءاً....
تعج صالة التلفزيون في "سكن الخنساء للطالبات" في العاصمة الأردنية عمّان بالفتيات...
كل واحدة فيهن قد أنهت ما عليها.. تحضيراً لفلم السهرة....
ميساء تُمسك بجهاز التحكم عن بُعد... وقد سميّناها "الرقابة"...
تقوم بمهارة بتغيير القناة إن ظهر أي منظر قد يخدش الحياء....
في فترة من الفترات .. فوجئنا أن القنوات العربية أضحت تبث مناظر غريبة على عادات وتقاليد مجتمعنا الشرقي المحافظ... بعد أن كنّا نستخدم المنطق في فهم ما فاتنا فهمه بعد أن قطعه مقص الرقيب القريب.....
بعدها بقليل.. أصبح العرب أنفسهم ينتجون ما يتنافى مع مجتمعنا المحافظ.. أو أنهم كانوا يفعلون هذا طوال الوقت.. لكن الرقيب كان يجد الكثير من أكل العيش.....
الغريب أن ميساء صديقتي كانت تقوم بذلك العمل.. دون أجر... والأغرب أننا كنّا نعقد نقاشات مطوّلة حول أن هذا لا يجوز.. وما الذي يفعلونه بهذا الجيل....
وبت أتحدث بصوت ذكّرني أبواي وهما يقولان "الجيل فاسد"..

بعدها بفترة.. أصبحت المناظر شبه عادية.. مع بعض الطنطنه... والقليل من التأفف....

السؤال هو...
على طريقة عادل إمام "الناس دي جرالها إيه؟!".. لماذا فجأة عصفت هذه الموجه من السلوك الشائن.. ؟!



ملاحظة أخيرة:
وبالله يا جماعة شوفوا شغل للمسكين الكان بقصص الأفلام.. أكل عيشه.. ووراه أطفال....


بنت الحسين

Post: #2
Title: Re: هل لاحظتم!؟
Author: سجيمان
Date: 02-15-2004, 11:47 PM
Parent: #1




كلام زي الفالنتاين........


اما الزول البيقصقص..... يشغلوهو تاني عشان يلصق القصقصو

Post: #3
Title: Re: هل لاحظتم!؟
Author: مريم بنت الحسين
Date: 02-16-2004, 08:46 AM
Parent: #1

...
الله يخليك يا سجيمان.. والله لقيت للراجل مخرج...


بس .. زي الفالنتاين دي ما فهمتها...


بنت الحسين

Post: #4
Title: Re: هل لاحظتم!؟
Author: سجيمان
Date: 02-16-2004, 08:49 AM
Parent: #3



الجماعة في الاردن ما احتفلو بعيد الفالنتاين؟..... بدل اقول لك زي كلام زي الفل.... اقول لك زي الفالنتاين

Post: #5
Title: Re: هل لاحظتم!؟
Author: ايهاب
Date: 02-16-2004, 09:15 AM
Parent: #4

Quote: اما الزول البيقصقص..... يشغلوهو تاني عشان يلصق القصقصو


loOoOoOoooOoOOoOoOoOooOoOoOoOooOoOoOoOooOoooOLZ

دا هو الغزو الاعلامي
ويعتبر في اعتقادي لبنان واللبنانيين وقنواتهم الفضائيه هم المغذي الريئسي لهذا السخف والانحطاط والله الواحد بقى يتمنى لو الحرب بتاعتم دي كانت قرضتم كلهم
من الملاحظ انو كل المشاهد العربي اصبح بسببهم وبعد انتعاش اعلامهم وقنواتهم ساذج سطي يهتم بكل التفاهات و يقبل كل الانحطاط بي صدر رحب والان كمان الحكايه بقت عديل
بعد ما الامريكان عملو القناه بتاعتم الاسمها الحره من الملاحظ ان كل المذيعين لبنانيين الاصل مخطط واضح حد السذاجه والمصيبه انو شويه شويه حا تكون النتيجه زي ما هم عايزين ان االقايظني في القناه دي انها مسلمه بي سذاجه المشاهد العربي يعن يوالله كل شي واضح والاسولوب واضح والهدف متجسد في كل كلمه في كل برانامج او حتى في كل اعلان
حاجه تفرس والله

Post: #6
Title: Re: هل لاحظتم!؟
Author: Tabaldina
Date: 02-16-2004, 09:38 AM
Parent: #1

..
.
سلامات يا بت الحسين وسجيمان ..
والله لاحظنا واتمغسنا ..
بس نعمل شنو ما دى الرأسمالية العربية واصبحنا نحن فى مهب الموج
بين ما يحبه صالح كامل الى ماجد الإبراهيم انتهاء بالوليد بن طلال
حقيقة اصبح هناك استلاب فكري وثقافي بجرعات متزايدة ومسألة القنوات الفضائية العربية دى بقت حاجة تحير
يعنى بقي فى مسخرة وبث لبرامج وفقرات لا تفيد المجتمع العربي والاسلامي
لامن قريب ولا من بعيد بل لا تنفع الفرد ثقافيا او ادبيا.. وكلها برامج اروبية وامريكية.
فمنذ فترة قام العالم العربي ولم يقعد ببرنامج سوبر استار ،، نعتبره برنامج يبحث عن المواهب والغناء كاستديو الفن بكل ما حمل من صور ومشاهد ما كاد ان ينتهى حتى ظهر ما اعتقده اتفه برنامج وهو استار اكاديمى .. برنامج به كمية من الفجور والسفور والفساد والمياعة والنياصة - وما خفي كان اعظم - بصورة ما عادية والله بذلت جهدا لاجد شيئا مفيدا فى هذا البرنامج وبانه يخلق النجوم ولكننى للان لم يسعفنى عقلي بما يفيد ..
ثم هناك قناة تبث برنامج ما يسمى بعلى الهوا سوا .. يعنى شنو حابسين
ليهم سته فتيات فى فيلا وهن يتراقصن ويتمايلن ويبرزن مفاتنهن بين اروقه الدار وتتابع الكاميرات حركاتهن وسكناتهن يوميا بحثا عن شنو ؟؟ عن عريس ؟؟ دا كلام دا ..!!؟؟
ولسه فى دعايات لبرامج قادمة زى بيك بروزر و ستار سيرش ..الخ سوف
نشهد العجائب ..
بس والله يا بت الحسين دا كله ما محيرنى زى نسوان كلام نواعم ديل
الحريم ديل بدوا محترمات - ان صح التعبير - وقعدوا يستضفوا نساء ويتحدثوا
عن قضايا المراة ومشاكلها شوية كدا عدلوا لاستافضة رجال شوية كدااتطورا للفنانين والتغزل فيهن .. الاسبوع الفائت اندهشت وانا اراهن يتراقصن مع احدى الفنانين ومجموعة من الصبايا والصبيان ..
بالجد هى العالم دا جرالها ايه ؟؟؟
اما قناة الافلام المتكررة بلا منافس القناة الثانية دى بقت بتبث المشاهد الجنسية المريعة كما هى بلا حذف ولا مونتاج والله فى لقطات الواحد
لو قاعد مع ناس يدخل فى اضافرينو ؟؟
بالمناسبة انت قناتنا السودانية حاصل فيها ايه ؟؟

سلامات ..





Post: #7
Title: Re: هل لاحظتم!؟
Author: مريم بنت الحسين
Date: 02-16-2004, 09:41 AM
Parent: #1

دكتور سيجمان...
ناس الأردن ديل محضرين للفالنتاين من قبل عيد الضحية... لكن العتب على الفهم عندي بي جاي...


أخونا إيهاب...
لكن في رأيك الغزو ده هدفه شنو بالضبط.. انا الأمر واضح لي من فترة .. أيام الحرب على العراق كنت قد كتبت موضوع في سودانيز أونلاين عن راديو سوا.. وعن إنه ببث رسائل بين الأغاني.. كتبت عن الموضوع باعجاب شديد بالأمريكان... لسبب بسيط.. وهو إنهم عرفوا كيف يوصلوا للشباب العربي.. يعني عارفين الشباب العربي جنّوا غنى.. عملوا راديو.. أربعة وعشرين ساة غنا.. ببث أخبار كل نص ساعة .. الأخبار دي (على قول الوالد.. زي الديسكو...) سريعة جداً... خلال الأغاني بعمل ليك "نصيحة من راديو سوا"... وهنا مربط الفرس.. الإعجاب طبعا غير ناتج عن اعجاب بالغرب كحضارة (بغض النظر عن الرأي فيها).. لكن ناتج عن التخطيط الجيّد للأهداف... خلال دراستي في مجال الكومبيوتر في المرحلة الجامعية كنت أتبع أسلوب (العرب.. مجازاً) تخطر لي فكرة.. وانفذها فوراً.. أقعد في الكومبيوتر أطبّز فيهو لحدي ما يشتغل البرنامج.. بعد يومين أفاجأ بأنه البرنامج هش.. وفي لحظة ممكن ينهار.. ما بعد الجامعة اتعلمت (أسلوب الأمريكان)... أخطط لكل شي قبل ما أجري للكومبيوتر... التخطيط.. ده الفرق بيننا وبينهم.. ولأجل هذا أحترم عقلهم.. وعلمهم.. أحتقر جهلنا وسطحيتنا... وانا شخصيا مسلمة بسذاجة الشعب العربي.. إلى أن يُثبت العكس....


دوماً
بنت الحسين