ماشين في السكه نمد ... انا شيوعي

العاطلين عن الفكر كثر
ولكن سنغني ... ماشين في السكه نمد
من سيرتك للجاين ... شايفنك يا حزبنا الجميل
ماشي تسد ... كل الدروب .. في وجهه الحاقدين
سنظل نحفر في الجدار...
خلونا من كل الشعارات ...
ومن القصر لمزبحتو .. لاستشهاد عبد الخالق والشفيع وجوزيف..
منو البقدر على حزب ظل صامد كل السنين دي برغم حقد الحاقدين لسه في زملاء عايشين ما ماتوا ماسكين في جمر القضيه ..
كبروا من معاولكم ولا اقول ليكم اعملوا ليكم كراكات وبلدوزرات من نوع تاني
عشان يتهد ليكم .. حزبنا...
واتحداكم .. ما حتقدروا عليهو ... باقي بالمناسبه هو تمه اكثر من خمسين سنه عندو جريده وعندو قياده ... قديمه وقادرين ننتقد عدم قدرة تغير قيادتوا وقادرين نحتمل عذابات الانتماء ليهو ...
ما بين سجن وبيت اشباح
وعطاله ودم مباح
ومزله تودي الغربه والغربه جراحه جراح
الحل في بلدك ذاتها تتحدى سلاح بسلاح
وشكرا لهذا الاستفزاز

الله عليك ودالجمام لو لا صمود وقدرة هولا الرجال ونكرانهم للذات وتضحيتم بما طاب والذ في هذا الزمان الصعب لما كنا جالسين نتحدث عن نضال الشعب السوداني ومعانانته ينبح الكلب والجمل ماشي فليذهب مشوهي العقول وهم الخاسرون

الاخ المحترم

(منو البقدر على حزب ظل صامد كل السنين دي برغم حقد الحاقدين لسه في زملاء عايشين ما ماتوا ماسكين في جمر القضيه)
تحياتي

الأخ معتصم
لك التحايا
هنالك قطاع متمثل فى مدارس الهوس الدينى والتصفويون الجدد ومن لف حولهم يتفقون جميعا فى تصفية الحزب ويتهربون من النقاش الموضوعى ويستغلون ظروف ازمة الحزب ووجود السلطة الفاشية يبنون حجحهم على هذه الظروف , والحزب الشيوعى وبكل شجاعة جماهيرية يعالج فى ازمته امام جماهير الشعب عن طريق ادبياته الجماهيرية والحزب الشيوعى ليس فوق النقد وتاريخه وتجربتة امام الشعب وهذا هوسر بقائه هو النقد الموضوعى من قبل الشرفاء من ابناء وبنات الشعب السودانى وهاهم فى اصعب الظروف يحمونا جسد الحزب وكادره ؟ اما الأعداء وبوعى كامل يريدون عزل الحزب من الجماهير ونقول لهم هيهات...هيهات

ما شفتو ود الزين الكان وحيد
امو...

أهلآ بيك يا معتصم..
مالك ما كنت كويس..
كايس تجيب لي روحك الهوا..
طول عمرك جميل وكلامك وجيه..
أها خم وصر..
يا ظلامي .. يا... يا...
أها أركز وأرجي الجاياك..

التحية لكم
والحب
مع تمنياتى لكم بالتقدم

معتصم تحيه وود
لاشك ياماريل ان النجوم العسكريه افله
فلتعلني ان الديالكتيك بوصله
لعمال العوالم ضد تيه القافله


اها دي كيف معاك
ود وشوق

اني اؤمن اكثر منهم اهل الصدقة
ان الدين لباري الدين
وعلى الارض صراع الطبقة
ود الجمام
في احتفالات خمسينية ج د وقف محجوب شريف قبل ان يصدح باشعاره امام الطلاب الشيوعيين والديمقراطيين وقال لهم انتم طمي هذا الشعب

خالص التحايا
من ينكر دور الحزب الشيوعى ويريد ان يحجمه لاشى اقول غير..
شوعيون شوعيون..
وحتى الموت شوعيون..
بنادق وين تمنعنا العديل والزين..
ويتواصل المد الثورى..

محمد الحسن حسن سالم (حميد)


زي دم البُشرى الوديع
أحمد القرشي وصحابو
هاشم الواضح حبابو ..
وابتسامات الربيع
زي دم المحجوب وجوزيف .. طيب العشرة الشفيع
سيدي المحمود مشاعر .. أمنا الطفلة .. وجميع
ما كنس بالروح ترابو .. رشّا بي دمو ودموعو
دفّا بي ضمة ضلوعو .. حين سقط بالنار صريع
فيهو ما استكتر شبابو .. لا تعذر بي عَقابو
ولا حسب للموت حسابو .. لاقاهو في غبطة وشجيع
دمو كان عربون لدمك .. ودمِّ جايي ..
همو كان انساني همك للنهاية
يا زبون الشارع الما بيرضى ظلمك .. وعزمو عزمك .. يا هوايا
خوفي يا منبث في حلمك ..
فينا من إنبتّ نجمك .. خوفي في كل الربيع
ما نلقى نسمك .. وننسى رسمك .. حتى اسمك .. يا بديع
يا كوان أهلي الفقارى .. ونارها في البرد الصقيع
يا ملاذهم .. يا وجيع
وراحة المشتاق لضمّك .. وانت زولك مستطيع
خوفي يا علي يا ابن أمك .. خوفي دمك من يضيع
أيوة يا أطهر عريس .. يا وريث كل الشرائع والشعائر والطقوس
وانت سعدك .. لام مواكب
المناكب في المناكب
القطارات ... المطارات .. البحارات .. المراكب
والصحارى .. كرنفالات المدارات .. مهرجانات الكواكب
والفقارى بالفرح .. زي السكارى ..
العصي .. الصقرية .. السوط .. المواويل .. الزغاريد .. البلاليل
المناديل التأشِّر
خوفي من مرضى النفوس
الأباليس النجوس
الجواسيس اللصوص
يشغلوك بالقرمصيص .. ولما تبرى الداره بابشر .. هُمّ يختطفوا العروس
عطر افراحك يزفِّر .. نورك المشرق بصيص
من سمح محياك ينفِّر .. حافي جايع .. ودون قميص
في زحام سوقار تدفِّر .. من بعد سيرة ورقيص
أو تكاد تشبه غناي .. البائس الرث .. الرخيص
البالي والمهزوم معاي .. لما انت تروح فطيس
العديل والزين مقطّم .. بي ضريرتو الحُق محطّم
والوتر خانس تعيس
الطيور شُدرن يبيس
كل فرع ساوالا ميتم .. وانت زولك مستطيع
خوفي يا علي يا ابن امك .. خوفي دمك من يضيع
خوفي من غفلتنا اكتر .. ونحنا عزّل .. محض محضر
بعض منشور .. عرض بوستر
أو قصائد جوة دفتر
الوتر بينن مدردر
ميكرفونات .. صوت مودّر
في زمن لاهوت وعسكر
وانت زولك مستطيع
خوفي يا على يا ابن امك .. خوفي دمك .. من يضيع
وخوفي من عزلتنا عنو
شعبنا الإنساني ظنو
والتعالي الماهو منو
خوفي اكتر .. من تواصل خطوة يفتر
خوفي عذراً يا حبيبنا .. من ديالكتيك مدجّل
سيل ضجيج الأيدولوجيا اللاّوكِي والليل المهرجل
نهج عجّل ... بالتسامح والتصالح والتصافح ... والصراع زي المؤجل
يا حمام الوعي أكبر .. بي اللي خنجر واللي منجل
ويا جواد الشارع الدم المبجل .. كالحمى
بدأ الوقت المكرس للنماء
انتهى الموت الإضافي كما
آن للفارس فيك أن يترجل كالدمى
آن للراجل فيك أن يتفرس في السماء
والتراب الما اترمى
والسحاب الما هما
أو يحمّر بالغبينة .. في الشعارات المهينة
في العمائم والتمائم .. وينو دينا ؟؟؟
ده البيصطاد الحمائم من عوينا
البيقتاد النسائم والغمائم من جبينا
ونحنا نعتاد السمائم والهزائم والسكينة
والسكاتات الحزينة على العمايل والمهازل والتفاهات المشينة
وننتظر حسم المسائل من كتر .. كضب آبيجينا
سُبّة في أُولي الأمر فينا
في مقاطيع المدينة
سُبّة في بعض القبائل .. سُبّة في كل القطيع
لما يا ود أمي تارك من اصابعينا ويضيع
سُبّة في البفرش عليك .. والبيقبل فدية فيك .. يرضى بالوضع الوضيع
بيت إيجارك يبقى دارك من قصر سلطان وهيع
آه يا علي يا ابن امك ... خوفي دمك من يضيع
يا حُلانا ومُشتهانا المر .. فراقك .. مر مريع
كل حاجة ولا الحقارة وفيك يا واحد جميع
المغابين والفقارى .. يلقوا ايه ساعة تضيع
يبقوا زي طير الصحارى ينسوا صيادهم سريع
وانت زولك مستطيع .
خوفي يا علي يا ابن امك .. خوفي دمك من يضيع
آه دمك لو يضيع
ياما تتسع الحياة .. لما خلق الناس تضيق
وتنفجر في القال حياة .. والجاء للتاريخ يعيق
من وليدات حلتك لي بنيات الفريق
تدخل البسمة اللّتك ... تمرق الحزن الغريق
يا شمس هبدت بكانا .. شان توقينا الحريق
أو أريج البرتكانة .. فاح يشهينا الرحيق
خطوتك سبقت خطانا .. دار تورينا الطريق
ويبقى في الآخر لقانا .. والوطن فوق يا رفيق
..
لا يحيق المكر السيء إلا ....
الزمان العفو عنهم فات .. ولّى
والزمان الثأرو ..رد الصاع .. حلّ
فالذي لم يعرف الإنسان .. لن يعرف الله
أيها المبعوث فينا .. بالتجلة
سلم الدرب عليك .. الشعب صلى
خُذهُمُ بين يديك .. يا إلهي ما أُحيلى
شهداء الوطن الآتين .. يلا
يلا غنو ... ولا تضنوا ..
غنو للباسق كأنو .. شيل تميراتاً تكنو
رغم إنو .. المطور ما ترّو عنو
والرياح ما ريحنو
الحجار الفي قلوبن .. تندهش للحتحتنو
وحين تصنقع للمعلق واللوامين وهطنو
فوق جريداً مو مفرق .. لمة الزافين يهنو
شوكن السهم المطرق .. والصبيط نشاب حننو
التقول لا طير جاء حلق .. لا إيديات لقطنو
من نجاضو تقول محرق .. ماهو شيل مرسوم تظنو
في امو خلقة رب معتق .. خمر باخوس محننو
ساقن الفي الطين مغرق .. ثابت اكتر صبّحنو
سبّح التربال ورقرق .. من كَتر ما فرّحنو
غنا صفق يلا غنو .. يللا غنو
في السنين في اياماً اصدق ..... بالتعب ظلمك محنو
بالعرق يلا غنو
غنو عقبالكم جميع
غنو فالكم ما بيضيع

--------------------------------------------

انتو جادين فى انكم شيوعيين ؟؟؟؟؟
فى الزمن ده ؟ شيوعين ذى شنو يعنى ؟ قصدى عملوا شنو الشيوعيين ( ما فى السودان ) فى الدنيا كلها؟ . الاتحاد السوفيتى يتسول الطعام الان من امريكا . قولوا اشتراكيين على الاقل , لكن \شيوعيين \ ؟؟؟ كتيره و الله . يعنى لو مسكتوا حكم فى السودان نتوقع مزارع جماعية و كده ؟؟؟؟ و حكومة حزب واحد ذى فى روسيا زماااااااااااااااااااااان . و لا قصدكم شنو ؟ اقول ليكم الكلا م اللى بيقولوه كل الناس ( يا اخى الشيوعية دى اهلها خلوها )? . لكن اظن انكم عارفين الكلام ده ! و لا ما عارفين ؟؟؟؟؟؟؟؟؟؟؟؟؟؟؟؟؟؟؟؟؟؟؟

الاخ خالد عبيدوالاخوان
يا شمس هبدت بكانا .. شان توقينا الحريق
أو أريج البرتكانة .. فاح يشهينا الرحيق
خطوتك سبقت خطانا .. دار تورينا الطريق
ويبقى في الآخر لقانا .. والوطن فوق يا رفيق
(حميد)
تحياتي

ما بتقدروا
تاريخنا ، إنتو تغيروا
ورصيد تحوروا
يا عصبة مهما تزوروا
وتتآمروا
يانا البنرجع تانى للشارع عديل
ونثوروا
ما هو الحبيبنا و نحنا درعه
ومن زمان يانا بنناضل
شان نعزوا ونستروا
حنقولا لا
ونعيدا لا
ونشيلا لا
والما بيرضى لا ويتحملا
كيفن بدور يحكم بلدنا الفيها لا متغلغلة
عشرين سنة
ونحنا بنوعى الشعب شان يعرف صحيح يستعملا
ما تكون كتيرة مكررة
ما تكون حكاية هرجلة
ولامن وعى الشعب ورفض حكماً بلا
جيتوها بس زى القدر
وقلنا ثورة للثورة الكبيرة موصلة
ما كنا دايرين وبى فورة ـ حماس عابر ـ
نقوم نستعجلا
بالصبر والعمل الدؤوب
لامن تخضر فى النفوس
بى جوا تنبت بذرتها
شان تنفجر تملا البلاد
بى نور صباحها وصحوتها
كل البلاد ، أنجولا ، موزمبيق ، فيتنام ،
وإربد ترضى وتعانق ضحكتها
موش ثورة بى نص العصاية
يكون مقادها ومسكتها
* * *
ولو تسمحوا
قولوا الحقيقة ووضحوا
ما تهددونا
وبالسلاح تتبجحوا
ما قبلكم ناس نوفمبر
السبعة العظام
كانوا بيهينوا ويجرحوا
ويصرحوا
ويضبحوا
لكنه اكتوبر صلد
هدم العرش
من فوق رؤوسهم طوحوا
روحوا اسألوهم
برضو يمكن
ينفعوكم وينصحوا