فِلانة.. وحفظ السلام في السودان

فِلانة.. وحفظ السلام في السودان


فِلانة لو تتدخّل
كل شى يتخلخل
وإنتو بي وحدتنكم
كل العقد تتحلحل
وبين الأشقه حقيقة
بعض الخلاف قد يحصل
دخول الغريب بيناتكم
كل الأمور تتبرجل
مشكورة يا ((استاذة ))
وشكرنا ليكم يوصل
والله ما قصّرتو
ومقاسكم علينا مفصّل
عملتوا كل اللازم
وخططتوا للمستقبل
وشكرا كتير والله
من غير زعل وتنصُّل
خلونا نبني سلامنا
من غير حفظ وتدخُّل
*****
فلانه فاهمه شديد
ولي كل الحلول تتوصّل
بس ضرباتها قاسيه شديد
ومرماها ديمه مؤجّل
وغرورا و الجبروت
ما بنجو منو مغفل
وخطواتها ديمه وئيده
وأصلو ما بتتعجّل
****
بس سؤالي القايم
بل في المقام الأول
هل السلام في بلدنا
محتاج لي جيش يتخوّل
ما بلدنا كلها جيش
والباقي هاجر طوّل
خلوا السلام اليحصل
ونضوق ثمارو الأول
وبعدين يحلها الله
ومافي زول يتقوّل
ويقول حرسنا بلدكم
بي جيش عتادو مموّل
يا حكامنا ( هوي ) انتبهوا
وخُتو الشروط من أول
حفظ السلام دا حكايتو
بيها البلاد تتدوّل
القدامنا شربو المقلب
والقوات هناك تتجوّل
لو ما اتعظنا حقيقه
حتى الكلام يتأوّل
ولو ما عملنا حسابنا
وضبطنا الحساب من أول
نتباع ضحا الأعلى
ويمكن كمان نتسوّل
ونكون زرعنا بديل
وحروبنا بس تتحوّل
من بين أشقه أختلفوا
لي وضعاً ميصيرو يهوّل
من بين أشقه أختلفوا
لي وضعاً ميصيرو يهوّل
******
أم مجاهد
راس تنوره

ام مجاهد
وينك يا الطال غيابك
وكل سنة وانتي طيبة والسنة الجاية ربنا يحقق الاماني السعيدة
افتقدناك في احتفالنا السابق ولم تتركي تلفونك رغم ان الاخ نادر اتصل عليك بالماسنجر وانا اتصلت ايضا
عموما حصل خير ولازم تحضري معانا احتفالنا التاني يوم 20 فبراير
مع حبي واحترامي

ام مجاهد
سلام وتحايا
ده عمل معبر جدا ومقاوم لاي تدخل اتمني ان يسعي الجميع
لنشره حتي نستخدم سلاح الدبلوماسية الاهلية امام فلانة
شكرا مرات كثيرة.

سيدي الفاضل الأخ ابا يزيد
لك تحياتي الطيبة وكل سنة وانت بخير
لك الشكر يا سيدي على هذا التعقيب الجميل ..وليحفظ الله وطننا الغالي من كل سوء ..مرة اخرى لك الشكر الجزيل مع فائق تحياتي

ام مجاهد

العزيزة ام سهى
لكٍ تحياتي وكل سنة وانتي والاسرة بخير
حقيقة انا اتلومت معاكم .. لكن والله ما بيدي ظروف خارجة عن الإرادة هي المنعتني ان اشارك الأحبة افراحهم ..وكمان شغالة لحدي يوم الوقفة ..المهم يا عزيزني الجايات أكتر ومرة اخرى كل سنة وانتي بالف خير ..ولك ودي
أم مجاهد