انت ليه مضطرب...

ابقى عشرة و تعال
نستحيل في الشوارع مسارح و نيل..
تنفجر في عروقك اغاني الخليل..
وتهز النخيل..
و الحزن باقي ليل..

ابقى انت الحكاية..البداية..الخفوت..
انتظار الشجر في خيال الجداول
نهارات تشر الظلال في مكانها و تفوت..
ابقى انت الوحيد منتظر..
والمطر..ينقط وراك الثواني و يبل العمر..

ابقى انت و تعال
وانا..ببقى انت
واشيلك معاي مرتين..
نحاول نفتش درب..
انت ليه مضطرب..

ابقى صورة و مرايا..
وغيب في المراية..
و تغيب المرايا..
تلقى انه الحقيقة..كضب

يا شعر انت
الابداعات دى جديدة و لا من زمن داك و دا
لا زلت اذكر ..
وأشهد انى تورطت فيك..... تواريت خلف اشتعال القوافى قليلا
و مارست حلما عنيدا قليلا..
او تذكر...
لك الياسمين

اسامة يا ذاكرتنا يا عجيب ..و جادعينك ليه الناس ديل؟ انا مرات لمن اعاين للمراية بفتش لثوني كدا الزول دا انا شفته وين؟ جد.. خليك معانا.. الفي الصورة دا منو؟ كتر خيرك على الطلة لانه الكشك بتاعي ما قاعد يجيب لي دخل و عايز اقفله و اجيب لي حافلة..

من كل القلب
لك الاشواق
و السلام
و الفى الصورة دا خالد أسامة الخاتم ذو السنتين
تحايا الى احبتك
و الشعر الشعر يا توفيق

و الله اتلومت معاك يا اسامة ، اخوك خرف بدري شوية ارجو المعذرة، علم خالد كلام الياسمين، و لك الجمال، و آسف مرة تانية علي تاخير الرد،