محمود عبد العزيز 000 والمشاركة في ذكري مصطفي سيد أحمد

أولا التحية لبورداب الامارات000 لنجاح الليلة التي اقيمت
بمناسبة الذكري الثامنة للراحل المقيم الاستاذمصطفي00000

في نفس تاريخ الامسية تلقي الاخ جريفاوي تلفون يفيد برغبة

الفنان محمود عبدالعزيز بالمشاركة في هذا اليوم0000
خلاصة الامر ان الفنان محمود لم يشارك نسبة لارتباطه بحفل ولم يستطع
التنسيق بين الحفلتين000 علما بأنه قد اعطي الضوء الاخضر من اللجنة
المنظمة0000 علي اثر ذلك دار حوار بيننا( مجموعة من الاصدقاء) حول
هذا الموقف وما هو القرار الصائب الذي يجب اتخاذه في مثل هذه الحالة00000
اختلفنا 0000 واتفقنا00000
والان أطرح هذا الموضوع ليأخذ حقه في النقاش بين مجموعة البورداب

الاخ عبد الرحمن000
لك التحايا0000000
لقد ذكرت ان الاخ جريفاوى تلقى اتصالا تلفونبا بمشاركة الفنان محمود
عبد العزيز .
معنى ذلك ان الفنان محمود هو الذى سعى للاشتراك بعد ان وضعت اللجنة المنظمة برنامجها واعطى الضوء الاخضر ولم يأتى ليشارك وهو يدرك تماما انه مرتبط فى حفل فى مدينة العين وعندما علم ان حفل العين ملغى لعدم وجود تصريح من الامن لاقامة الحفل اتصلوا بكم للمشاركة وانتم قبلتم بطيبة اهلنا السودانيين بعد ان وضعت اللجنة برنامجها كاملا ووضع الاستاذ محمود فى البرنامج 0 وبعد ان استلم المسؤول عن الحفل تصريح الامن لاقامة الحفل فى مسرح البلدية بالعين باع الاستاذ محمود القضية ونسى انه ارتبط فى المشاركة فى تخليد الاستاذ مصطفى سيد احمد وركب متوجها للعين ليصل فى الوقت المناسب 0
لماذا تختلفوا وتتفقوا يا اخ سوركتى القرار الصائب ان تتفقوا على ان الفنان محمود ليس لديه ادنى مسؤولية فى الارتباط باى حفل وبمقاطعته سوف بتعظ وان الناس ليس العوبه فى يديه 0
وقد فشل حفل العين وكان الحضور قليلا جدا لعدم استلام التصريح فى الوقت المناسب 0
ويكفى حفل النادى السياحى بابو ظبى عندما انتظرناه ارضاءا لابنائنا اللذين كانوا مبهورين بيه انتظرناه اربعة ساعات ونصف موعد الحفل الساعة الثامنة وجاءنا الساعة الثانية عشر والنصف وغنى ثلاثة اغنيات بعد جهد جهيد( وانتم تعلمون لماذا ) واقفل النادى ابوابه فى الساعة الواحدة يعنى دفعنا الاف الدراهم لثلاثة اغنيات لو سمعناها من اصحابها الحقيقيين لاستمتعنا بها تماما0

ولك التحايا
امال
ام وضاح

العزيزة امل ام وضاح

الفنان محمود مرتبط مع الشركة المنفذه للحفل بي عقد مع العلم انهم هم الذين اتو به من السودان .

وهذه للتوضيح فقط حتي لا نظلم الناس مع ملاحظه ابداء حسن النيه في المشاركه

ولكم الشكر

يعني شراكم...ما قلتا ليكم....الزول ده مبدع و فنان جدا لكن شراااااااااااار...
أها انا أحكي ليك القصة دي..

قبل سنتين كنت سكرتير مالي لاسرة الطلاب السودانيين بجامعة مصر و الحفل السنوي كان يحييه مجموعة كبيرة من الفنانين( حسين شندي , سلمى العسل " دي من فنانات مصر " و محمد السمري و كان منهم محمود عبدالعزيز.....الزول قال داير قروووش خيالية لكن وافقنا نزولا عند رغبة الطلبة( ما الطالبات لانو الجنس اللطيف بكرهو) ..اها اتفقنا معاهو على الساعة تسعة ...الفنان الكبيييير وصل الساعة 12....و كان خيالو واسع جدا( الرمزية عشان الرقابة)...غنى تلات اغاني..و نزل قال مرتبط ...مرتبط بشنو يا محمود...والله بي عيد ميلاد..أمك؟؟؟ عيد ميلاد ؟؟؟..و الهيلامانه الهنا دي و السفير و ناس السفارة و ناس الجامعة و أهل الطلبة القطعو تذاكر و جو بي طيارات عشان يشوفو اولادهم الليلة ...و الله ياخ ما في طريقة . أدوني قروشي عشان أمشي ...

بس كان في واحد أحمق كده من المنظمين واقف ....دلللللللللللللل ...قشط محمود بنية احترافية...و الهيلامانة قامت...غايتو في النهاية دفعت ليهو نص المبلغ بس..750 جنية مصري يعني الغنية بي 250 جنيه مصري ..40 دولار تقريبا..ههاها..

انا باعتبر محمود من الفنانين الشباب الافضل في السودان...لكن ما تخش معاهو في ارتباطات ..يعني كتيرو شرايط ولا تلفزيون..و بس ...يديكم العافية رفعتو راسنا في تابين الراحل مصطفى و لي قدام نتمنى انو الشغل ما يكون حفلات و بهجة بس....

يا جماعة حفلة محمود اللي في العين قربت تتلغي
لولا بعض التدخلات

اين هو ابداء حسن النيه يا استاذ عباس ؟
انا لا اكتب الا حقائق .
وانا ادرى بان محمود متعاقد مع ناس معينيين وجابوه من السودان .
وشهد شاهد من اهل العين والحمد لله وبارك الله فيك يا سارى الليل .
رغم العقد الحفل اتعمل بعد صعوبة بالغة لعدم وجود تصريح امنى وكان ملغى لحد الساعة العاشرة .
محمود اتصل بى منظمى حفل الشارقة بعد ان علم ان الحفل العين ملغى وبعد الاتصال به بان الحفل قائم بعد ان تدخل بعض المسؤولين فى العين ذهب للعين مباشرة .
1-اين الظلم يا استاذ عباس ؟
2-هل اتصل بمنظمى تخليد الاستاذ مصطفى سيداحمد واعتذر لهم ؟
3- وما هو القرار الصائب فى مثل هذه الحاله كما ذكر الاخ سوركتى ؟
4-ولماذا يقبل المنظمين فى الشارقة مشاركة فنان فى الدقائق الاخيرة من غير بروفات او اتفاق مع الموسيقيين المشاركيين ويوضعوا فى مثل هذا الموقف المحرج ؟
5-لماذا لم يعلن مقدم البرنامج للجمهور الذى كان ينتظر محمود عن اعتذاره وارتباطه بحفل اخر حتى لو لم يتنازل الاستاذ محمود ويتكرم
بالاعتذار ؟
6-والسؤال الاخير هل يستطبع محمود عبد العزيز ان يغنى للاستاذ مصطفى سيد احمد ؟

اما بالنسبة لحفل ابو ظبى انا من الناس الحاضرين وبرضه منظم الحفل متعاقد معاه وجابوه من السودان ولما احتجينا طلبت مننا ادارة النادى تقديم شكوى للشرطة ورفضناكعادة السودانيين ورضينا بثلاثة اغانى لسيت له زى بتاعت ناس مانديلا لكن ناس مانديلا بقوا شاطريين واخدوا حقهم وحقنا بالبوكس بتاع الجعلى .
والله يا اخ مانديلا يا دوبى اتفشيت من القروش الكتار الدفعناهم بعد ما سمعت قصة ناس مصر وما خفى اعظم .

امال
ام وضاح

الاعزاء الغاليين ,,,
لكم التحية والود,,
مشاركة محمود عبد العزيز في حفل تابين الاستاذ مصطفي موضوع تم عرضة على اللجنة المنظمة في ظهيرة يوم الحفل عبر اتصال بالاخ الجريفاوي والذي قام مشكورا باخطار اعضاء اللجنة وكنت من الذين علموا بالخبر من الاخ جريفاوي و كان له موقف يشكر عليه فهو لم يعطيهم الموافقة قبل مشاورة اللجنة ,,
بعد ان تدارسنا الامر راينا انه لاغضاضة من مشاركة محمود عبد العزيز كضيف في الحفل شانه شأن الكثيرين الذين تم دعوتهم للحضور وليس كفنان مشارك في الحفل ,, علما بان جميع الامور ذات العلاقة بالموسيقي والغناء والفنانين المشاركين كان قد ترك امر الاشراف عليهاللفنان بهاء الدين ورفاقه وهم من كان له الحق في قبول المشاركة او رفضها ...
ودمتم,,

ماذا اضفت يا اخ شلبى تشاورتم وقبلتم المشاركة ثم ماذا بعد ذلك ؟
والفنان بهاء قبل هو وموسيقاه وذهب الذى اعطيتوه شرف المشاركه فى هذا المهرجان الرائع دون ان يعيركم اى اهتمام .
الى الان لم اجد اجابة لأى سؤال .
اين المشاركة ؟ واين الاعتذار ؟
لماذا تهربون من الحقيقة ؟
لماذا لم يتجرأ احدكم ويقول الحقيقة وهى ان تصرف محمود غلط ؟
نحن نبحث عن الموضوع الذى طرحه سوركتى وهو ما هو القرار الصائب فى هذه الحالة التى تتكرر يوميا.
والاعتراف بالحق فضيلة يا سادة .

اين انت يا سوركتى لماذا لم تقل رأيك ؟

امال
ام وضاح

الاخت ام وضاح
كل عام وانتم بخير , وفي البداية انا اسـف للخطاء الحصل بدون قصد.

والبحز في النفس انو انا ماكنت مرتاح لمشـاركة محمود ولكن ما تتخيلي كميت المكالمات التي إضطرتني أن احيل الامر للجنة (و كان الاخ سوركتي و الاخت يا بت يا نيل يشاطروني نفس الراي ) , وتمت الموافقة , واخبرت الاجاويد بتاعنو بذلك,, وبعد ذلك فص ملح وزاب

كلمة اعتذار ما سـمعناها وبرضو

الاعزاء الحلوين الفوق ديل

لكم /ن التحية

بصراحة انا طرحت الموضوع باعتبار ان هناك تكنيك محدد للقيام

باحتفال ما 00 لمناسبة ما 000

وجاء هذا الظرف 000 حقيقة حدثني الاخ جريفاوي عن هذا الموقف

بالتفاصيل يوم الحفل وفهمت وجهة نظره واحترمتها جدا0000

وما كنت اريد لهذا البوست ان يعدد اخفاقات احد ولكن اردت

ان نتفاكر حول اتخاذ القرار المناسب في مثل هذه الاعمال

الاحتفالية بأعتبار ان الكثير من الناس يظنون ان تنظيم احتفال

هو امر هين000 ذكرت للاخ الجريفاوي ان لو الاخ محمود يريد المشاركة

في هذه الاحتفالية علي نفس النهج الذي تتخذه اللجنة باعتبار ان

المناسبة هي لاحياء ذكري انسان صاحب مدرسة 00 و لو اراد المشاركة

هذا الاساس بان يتغني للراحل احد اغنياته لا ضرر من ذلك000 باعتبار

انه شاب سوداني يريد المشاركة00 ومصطفي ملك لكل السودانيين00

اما لو اراد ان يتغني باغنياته امام هذا الجمهور الذي اتي 00

لمهمة محدددة 000فعفوا000
تشاء الظروف الا يحضر الاخ محمود وان يكون اليوم كما رسمه المنظمون

اخيرا 000

السيدة ام وضاح 000 محمود سعي للاشتراك عبر بعض معارفه00 اما الاتفاق

والاختلاف فقد كان علامة صحة000 باعتبار السؤال الملح 00 ما جدوي

المشاركة لو لم تجيء في نفس المصب ؟

مانديلا لك الود

ولكن هل كانت البنية دلللللللللللل هي الحلللللللللللل

كان الشرطة احسن000 مش




شلبي الحبيب0000 لك الحب كله 00 عذرا محمود عندما اتصل كي

يشارك ولا ادري كيف قبلتوه كضيف وليس كمغني 0000 اسأل عاطف


جريفاوي 0000 الهميم

انا شايف انك تصرفت بحكمه في اتصالك بالشباب دون ان تتخذ رايا

فرديا 000 وهذا هو ما نبتغيه000

محمود ده زول بيغني .. لاكن للأسف ماعارفه بيغني كيف .. أنا حضرت ليهو حفل أبوظبي بتاع الكراون .. للأسف حضره جنابو جه متاخر كالعاده يطوطح شمال و يمين كالعاده .. و أنا استحملت بس عشان أستمع للفنانه سميره دنيا ..
غايتو ده رأي الشخصي .. خاصه بعد السمعتو عن حفله العين وو أبوظبي التانيه كمان ..

بس يا جماعه الحاجه حصلت وانتهت .. والحمدالله تجربه عشان الزول ما يضيع فلوسو ساكت تاني .. ههه و على قولك يا ام وضاح الأغاني كان حقتو الزول ما بيزعل ..

بس أنا عندي استفسار للجنه المنظمه .. عشان ما أكون طلعت من الموضوع .. محمود كان كانت سنحت الفرصه ليهو عشان يشارك .. كان حيشارك بي شنو ؟ يعي هل وضح الحاجات الحيشارك بيها أو كيف يعني ؟ أو كان حيشارك كضيف زائر متفرج ؟

يا ريت لو توضحوا لينا النقطه دي

وتســلموا

الزول ده مشوطن..ومجنون..واي شئ..لكن برضو بنريدو
اسمعوهو بيعمل شنو مع بتاع الساكس ده...بالله تقول لعبوا سوا من الاشبال!!!!
تقول لي جاء الساعه واحده..!!!؟انشاء الله يجي بكره الساعه اربعه الا

العزيزه ام وضاح ,,
لك التحية ,,

تواجد محمود عبد العزيز في الحفل بصفته الشخصية لاتستطيع اللجنة المنظمة ان ترفضها وله الحق كسائر ابناء الوطن ان يحضر كضيف عزيز..

المشاركة الفنية لمحمود لم توضع في برنامج الحفل وقد قمنا انا والاستاذ محمد سيد احمد باعداد كل فقرات الحفل بالتفصيل الممل وتحديد زمن كل فقرة من فقرات البرنامج قبل ساعات من بداية الحفل اي بعد ان طرأ موضوع مشاركة محمود , مع ذلك لم نفرد له مساحة مشاركة في البرنامج وتم تسليم البرنامج بصورته النهائية للاخ مرتضى مقدم الحفل وذلك يؤكد ماذكرته سابقا بان الموافقة على مشاركتة لم تتضمن المشاركة الفنية ,, وبرنامج الحفل موجود ويمكن لمن اراد ان يطلع عليه.
عدم اعتذار محمود عن الحضور امر يرجع له ، فعل ام لم يفعل فذلك لايعني لنا شيئا، نحن لسنا معنين بأمره,,

سادتي الامر لايتطلب ان نوليه كل هذا الاهتمام ,, فكم من مشارك في الحفل افردنا له المساحة في البرنامج وبعد التاكيد على المشاركة تغيب في اخر لحظة دون ان يعيرنا ادني ابجديات الاعتبار بان يعتذر ولو بكلمة ,, لماذا لاتتحدثون عن هؤلاء وهم من اخواننا البورداب ؟؟؟
عولنا عليهم كثيرا لكنهم خذلونا في الوقت الحرج ,,

ودمتم,,,

بس كان في واحد أحمق كده من المنظمين واقف ....دلللللللللللللل ...قشط محمود بنية احترافية

الزول ده ما أحمق .. ده زول بيجيد التعامل مع العينة دي. تصدق يا سوركتي .. أنا لو في محل الزول القالوا أحمق ده كان لحقت المغنواتي ده أكتر من دلللللللللل واحدة .. وبعتقد ده الحلللللل.

من كلامي ده واضح إني من الذين لا يطيقون صوت هذا المغنواتي .. Bakach-chinu moat ahmar. ده راي شخصي برضو .. شخصي خاااااالص.

العزيز جريفاوى لا داعى للاعتذار بين الاخوة
لك الشكر ولك التحايا0000000000000000000
والجايات اكثر من الرايحات يا عزيزى ان شاء الله

الاخ جريفاوى0000
لقد ذكرت فى كلامك الآتى :-
انا ما مرتاح لمشاركة محمود ويشاركنى الرأى سوركتى ويا بنت يا نيل
هل كانت مشاركته بالحضور ويجلس مع الجمهور ؟ وكل الاتصالات دى والهيلمانه دى عشان يحضر محمود ضيف ؟

الاخ شلبى 000
( الله شافوه بالعين ولا بالعقل )
من هو محمود عبد العزيز عشان يحصل ده كله وهو مشارك كضيف ؟
محمود مشارك بصفته الشخصبة ومشاركته الفنية لم توضع فى البرنامج
اين هى الحقيقة يا استاذ شلبى ؟
هل استأذنك اى من الحضور على ان يحضر ام لا ؟
مشوطن ومجنون دى حقيقة ولكن هذا المحمود لا ينتمى للفن بصله ولا يحترم جمهوره ابدا .
وزى ما قالت الاخت سكوتاويه قبل ما يجى مطوطح اايد يمين وايد شمال يفكر الف مرة .

امال
ام وضاح

الاعزاء الحلوين

ما اردت لهذا البوست ان يسير لهذا المنحني 000 ولكن كان قصدي كما
ذكرت في بداية البوست 00 ما هو القرار المناسب في مثل هذه الحالة
00000 المهم انا اري انه في هذه الحالة 000يمكن جدا التعامل مع اي
شاب سوداني يريد المشاركة محمود او صديقي موسي جادين او اي احد000
ولمن شريطة ان تصب المشاركة في فلسفة الاحتفال00000 وهذا هو المطلوب
ما ذكرتموه من سلوك يمارسه الاخ محمود معروف وهذا ما يحدد علاقة معجبيه به000 اي هل هو فنان قدوة يحمل رسالة وله قضية ام ( انتيكة)
يديك العافية 00 واتمني ان نكون قد وصلنا لفهم مشترك لموضوع المطروح00000000000

سلالالالالالالالالام

العزيز سوركتي ,,,

Quote: من هو محمود عبد العزيز عشان يحصل ده كله وهو مشارك كضيف ؟ محمود مشارك بصفته الشخصبة ومشاركته الفنية لم توضع فى البرنامج اين هى الحقيقة يا استاذ شلبى

عزيزي ،،،انا لا اقبل التشكيك في مصداقيتي ،، و لم اورد غير الحقيقة المجرده والتي تعلمها انت جيدا بان محمود لم يكن ضمن برنامجنا المعد للحفل ولم نفسح له حيزا في المشاركات ,, وان كان لك رأي آخر اكثر صدقا فات به واثبت ماتقول بصورة من برنامج الحفل الذي قمنا بتسليمه للاخ مرتضى مقدم الحفل والذي لم يحتوى علي فقره خاصة بمحمود عبد العزيزّّّ!!!!

لماذا الاصرار علي نقطة واضحة جلية ؟؟؟ كيف ومن كان سيسمح له بالمشاركة ؟؟؟
ودمتم،،،،

إخوتى جريفاوى وسوركتى وام وضاح
وبقية الاخوه الكرام

دعونى أقص عليكم حادثة كانت بينى والفنان محمود عبدالعزيز فى العام 89 أو 90 على ما اذكر

لى اصدقاء فى المورده طلبوا منى الاحتفال بنجاج إبنتهم واحضرت معى أخوتى وزملائى شمت محمد نور ومحمد العصامى والاخ مجاهد عمر وحملنا عودنا وذهنبا لمكان الحفل وجلسنا فى صالون ننتظر بداية الحفل
فحضرن لى بعض زميلات المحتفى بها واخطرونى بأن محمود عبدالعزيز وفرقته فى الخارج فذهب لاستقبالهم ودعوتهم الجلوس معنا فلم اجد محمود بينهم وقالوا لى إنه فى الحافله وحتى ذلك الوقت كنت اسمع عن محمود كشاب فنان لم احظى بسماعه او لقائه ولم يكن حينها بحكم هذه الشهره
جلس الشباب فى باحت الصالون رافضين الجلوس بالداخل عندما علموا بان ناس معهد الموسيقى يجلسون بالداخل ولا أعلم السبب حتى الان .. فجلست معهم اسامرهم وسألتهم عن بعض الزملاء والاخوان من مركز شباب بحرى واذكر حينها تحدثنا عن الاخ عمادأحمد الطيب والاخ فتحى نصرالدين (جيتار) وعندما بدأ الحفل أخونا الفنان محمد العصامى كنا نجلس فى الصف الامامى أنا ومجاهد وشمت وفى الداخل أعضاء الفرقة المشاركة مع الفنان محمود عبدالعزيز
وحضر الفنان محمود عبدالعزيز وقمت مسلما عليه وسألته محمود عبدالعزيز؟؟ فرد على لا محمود عبدالله فأسأنى ذلك كثيرا وجلست مكانى إذ به يأتينى راجعا بعد أن اخطره رفاقه بأننى فنان وموسيقى وبمعهد الموسيقى والمسرح
فأعتذر منى وقال لى معليش يأ أستاذ أناقايلك زول ساكت
فرددت عليه قائلا أنا فعلا زول ساكت والناس الساكت ديل هم الذين سيصنعون منك فنانا فأعتذر للمره الثانية وقال بانه يريد أن يأتى للمعهد وحديث كثير عن المجاملة والاعتذار
ولكن من حينها تأكد لى بأنه سوف يكون فنانا مستهترا غير محترما لمستمعيه
ولكن كل هذا لا ينفى بأنه فنان جميل الاحساس له مذاق فنى فريد وأنا شخصيا من المعجبين بفنه كثيرا وكل ما يردده وامتلك له معظم انتاجه من الشرائط ولكن لم ولن افكر يوما فى مقابلته او حضور حفل حى له وكان منذ سنوات معنا بهولندا وكم مره كان معى الاخوه العازفين قبل ذهابهم للحفل ولكن لم افكر ولو لمره أن اقدم على هذه الخطوه لأننى لست واثق من التزامه بموعد الحفل
الفنان سلوك واخلاق وإحترام لجمهوره قبل أن يكون موهوبا ومبدعا
ولنا فى الفنان الخلوق ابوعركى البخيت اسوه حسنه

يا جماعة هو كان عندو حفلة تانية امس
وتصوروا بدات الحفلة الساعة كم ؟؟
11.45

وفشلت يا سارى الليل الحضور بعدد اصابع اليد
عارف ليه ؟
لأنه غنى بدون سميره دنيا.
فعلا يا اخ عزيز هذا هو محمود عبد العزيز .
اما انا ما زلت ابحث عن الحقيقه لماذا الاتصال والاجاويد وجريفاوى المسكين ده ما قدر بقرر لوحده واتصل باللجنه المنظمة وكان رأيه هو وسوركتى ويا بنت يا نبل رأيهم واحد ولكن احترموا رأى اللجنه ووافقوا على ( المشاركة المشاركة المشاركة ) اذن ماهى المشاركة ونحن ليه ما عملوا لينا كده ولا نحن ناس ساكت يا عزيز ده كله عشان محمود يقعد معانا ويتفرج على العرض الجميل ده .

معليش يا سوركتى الموضوع انحرف عن الهدف الاساسى لكن انت ما معاى انه فى حقيقه ضايعة .

سؤال مباشر للأخوان جريفاوى وسوركتى
هل الاتصال بمشاركة محمود كان بالغناء ام بالحضور ؟

امال
ام وضاح

الاخت ام وضاح

تحية طيبة ,

الاخ شـلبي اتضدح إنوما كان عندو خلفية عن كيفية مشاركة الفنان والحقيقة العارفنها كلنا اننا وافقنا له بالمشاركة بشرط
أن يلتزم (حلوة دى ) بخصوصية المناسبة (لا يغني بغير اغاني مصطفي ) , .

ههههه .. أيوه والله يا أم وضاح تصدقي المشرفين قالوا الحفله كانت فاشله و الحضور بعدد أصابع اليد .. وده حال طبيعي و ماكان غير متوقع ... هو بس لو خلى المطوطحه اليمين و لشمال دي بيمشى لقدام ..


ولي قدام

الاعزاء الحلوين الفوق

لكم /ن جميعا الود
للمرة الثانية ما اردت لهذا الموضوع ان يسير في هذا الاتجاه
ولكن لابد من بعض الردود00000000

الحبيب شلبي0000
ليس انا من سأل السؤال وردك من المفترض ان يكون لام وضاح وليس
لي 00000 لك ودي

الغالية ام وضاح 0000

احيطك علما باني ليس من اعضاء اللجنة المنظمة0000 وكما ذكرت انفا

ان الاخ جريفاوي هو من تلقي الاتصال وفي رايي انه تعامل بمسئولية

وفعلا الاتصال جاء من الاخ محمود برغبته في المشاركة0000000

ارجو ان اكون قد افدت0000

جريفاوي الحبيب0000

كلامك واضح ومرتب يا مرتب00000
انت الوحيد شايت في الاتجاه الصاح00000
يديكم العافية00000000000000

الحصل حصل يا جماعه .. و المهم انو الإحتفال كان ناجح .. و البورداب تألقوا في اليوم داك ... وأوفيتم هذا الفنان العظيم مصطفى سيد أحمد حقه .. ويا ريتنا كنا حاضرين عشان نشارك

بس الأخ شلبي كان بيتكلم عن انو في ناس تخلفوا عن وعودهم اليوم داك .. أنا صراحه ما فهمت حاجه .. ممكن توضحوا لي لو مافيها مشكله ..

وبنعتذر يا استاذنا سوركتي انو النقاش مشى بعيد من النقطه الأساسيه .. عذرا مره أخري

لكم ودي و احترامي

الحصل حصل يا جماعه .. و المهم انو الإحتفال كان ناجح .. و البورداب تألقوا في اليوم داك ... وأوفيتم هذا الفنان العظيم مصطفى سيد أحمد حقه .. ويا ريتنا كنا حاضرين عشان نشارك

بس الأخ شلبي كان بيتكلم عن انو في ناس تخلفوا عن وعودهم اليوم داك .. أنا صراحه ما فهمت حاجه .. ممكن توضحوا لي لو مافيها مشكله ..

وبنعتذر يا استاذنا سوركتي انو النقاش مشى بعيد من النقطه الأساسيه .. عذرا مره أخري

لكم ودي و احترامي

العزيزة سكوتاوية 000

شكرا لك 00 انت برضوا ماشة في الاتجاه الصحيح00000

والحمد لله الاحتفال كان ناجح000

وبصراحة ما يقصده اخونا شلبي في من غابوا دون اعتذار0000 هو
الاخ عجب الفيا زميلنا في البورد الذي اتمني ان يكون الذي منعه
خيرا000 له الود000 ولك يا سكوتاوية000 وطبعا اسمك دة عزيز علينا
00000 والا شنو يا محمد سيد احمد ؟

مشكوره يااستاذ سوركتي ...

ربنا يديكم العافيه كلكم ... لكن ورونا حكايه السكوتاويه دي شنو ؟؟؟؟؟

وتســلموا

مشكوره يااستاذ سوركتي ...

ربنا يديكم العافيه كلكم ... لكن ورونا حكايه السكوتاويه دي شنو ؟؟؟؟؟

وتســلموا

اعزائى
اولا الشكر والتقدير للاعزاء جريفاوى وسوركتى على التوضيح الذى كنت اتوقعه بان المشاركة هى بالغناء ولا يمكن ان تكون غير ذلك .
الأخ العزيز شلبى0000000
والله انا لم اشكك لحظه فى مصداقيتك لكن فى شىء غائب لأنه الحاصل
ده ما منطقى والموضوع أعلاه انا الكتبته وليست سوركتى .
وفعلا يا عزيزى اتضح انك ما عندك خلفية عن الحاصل وانت كتبت كيف ومن سيسمح له بالمشاركة واللجنة سمحت له واشترطت عليه كمان ان يغنى للراحل المقيم مصطفى سيد احمد فقط .
وفعلا انت كنت مشغول جدا بتجهيزات خارجية وانا عرفت كده بعد اعتذارك لى بعدم علمك بوجودى فى الحفل لذا لم يكن لديك الوقت لمعرفة الحاصل وهنا حصل الخلاف بيننا .
حصل خير عزيزى شلبى والله انا بس زعلانه على تكرار هذه الاشباء من محمود عبد العزيز وعدم احترامه للناس وحتى معجبينه ما سلموا من المعاملة السيئة وعدم الالتزام بالمواعيد .
اكرر اعتذارى للأخ سوركتى عشان الموضوع انحرف قليلا عن المسار الصحيح .
ولك العتبى حتى ترضى عزيزى شلبى .
امال
ام وضاح