الحل

Post: #1
Title: الحل
Author: willeim andrea
Date: 02-08-2004, 01:06 PM
Parent: #0

احبتي قالوا يحلوا موضوع العنوسه والعرس للجنسين من الموظفين .... اها بالنسبه للمغتربين مع تجديد الجواز يصرفوا ليك عريس او عروس حسب الجنس اما الموظفين في البلد مع الراتب اها اول الشهر يسالوك اول حاجه انته متزوج والا اعزب ... اه لو لقوك اعزب خلاص صرفوا ليك عروس او عروسه اه اذا كان النوع ذكر ليك حتي اربعه صرفات حسب الرغبه ... اه رايكم شنو مش برضوا حل بسيط لحكاية العنوسه والعادات والتقاليد والحفله والفنان والشيله والقيدومه وفتح الخشم والصبحيه ..... الخ .... الخ ولكم كل احترامي وحبي

Post: #2
Title: Re: الحل
Author: ali othman
Date: 02-08-2004, 01:15 PM
Parent: #1

الأخ وليام أندريه
Quote: اها بالنسبه للمغتربين مع تجديد الجواز يصرفوا ليك عريس او عروس حسب الجنس

منو القال ليك حيرفعوا ليك الزكاه ..
لو ده حصل حنطالب بحقنا بأثر رجعي

Post: #3
Title: Re: الحل
Author: najma
Date: 02-08-2004, 02:01 PM
Parent: #1

اها ياوليم الحل بالنسبة للغير متزوج انو يصرفوا ليهو واحدة اتنين تلاتة لحدى اربعة ودة الحل بالنسبةللعازب للغير متزوج والمتزوج يصرفوا لى كم ؟ولا يدهو كم مع تجديد جوازسفرو قول لينا الحل والمساهمة من قبل المتزوج فى رايك تكون شنو؟
مع خالص احترامى

Post: #4
Title: Re: الحل
Author: willeim andrea
Date: 02-08-2004, 03:49 PM
Parent: #1

هلاااااااااااا بالحبيب عادل عثمان ... وشكرا علي الطله ياخوي قلنا حل يعني تخفيف والا رايك شنو يالحبيب

Post: #5
Title: Re: الحل
Author: willeim andrea
Date: 02-08-2004, 03:55 PM
Parent: #1

هلااااااااااااااا بالنجمه ... طبعا الموضوع حل مشكلة العنوسه والعذابه ... اها المتزوج وبرضو لتخفيف العنوسه ... حسب الرغبه ... اما اذا الموضوع غير كده ... افتحي بوست وانا اكون اول المشاركين والحكايه حل وتخفيف ودمتي عزيزتي

Post: #6
Title: Re: الحل
Author: willeim andrea
Date: 02-10-2004, 09:42 AM
Parent: #1

احبتي .... لم اقصد تناول هذا الموضوع الشائك بهزليه ... انه فعلا موضوع مؤرق لما سمعته من صعوبات في هذا الخصوص... العنوسه ومصاعب ومشاكل الزواج وتسمع عن الزواج العرفي كحل في طبقات الشباب والشابات ... والفكره اقتراحات لمفهوم تسهيل الزواج ولكم مني كل الحب والاحترام