إما طويل.. وإما غني!

أعلن باحثون مؤخرا انه طالما ان المرأة تفضل الرجل طويل القامة فانه ليس أمام الرجل قصير القامة أية حيلة سوى ان يصبح غنيا.. او صاحب جاه وسلطان او شخصية مشهورة. فحسب الاحصائيات التي أجراها الباحثون وجد ان طول قامة الرجل يجذب انتباه المرأة التي عندما تقابل الرجل طويل القامة تنظر اليه وكأنه يمتلك كل شيء، وحتى الأسماك تنجذب الانثى فيها الى الذكر الطويل ذي الزعانف والذيل الطويل، فالطول عند السمكة يعني الصحة الجيدة والقدرة على الانجاب.
وتؤكد الدراسة ان الرجل طويل القامة تكون فرص إنجابه للأطفال اكثر من الرجل قصير القامة، كما ان فرص زواج الرجال طوال القامة اكبر من فرص زواج الرجال قصار القامة، وذلك بعد ملاحظة ان معظم الرجال الذين لم يتزوجوا حتى سن متأخرة هم من الرجال قصار القامة.
لكن المال والجاه والسلطان قد يعوض المرأة عن طول قامة الرجل، كما ان الرجل قصير القامة قد يكون من الذكاء الكافي لكي يعلي من قدره في نظر المرأة فيصبح في عينيها من اكثر الرجال جاذبية واكثرهم شهرة ونجاحا، واستديوهات السينما في هوليوود تمتلئ بمثل هؤلاء الرجال قصار القامة، فالممثل داني دافيبو على الرغم من قصر قامته إلا انه يمتلك جاذبية خاصة وروحا مرحة جعلت افلامه من اكثر الأفلام مشاهدة.
والرجل قصير القامة يكذب عندما يجيب على سؤال يخص طوله خصوصا اذا كان السائل امرأة تحدثه عبر الهاتف ولا تراه.. والرجل القصير ايضا في حالة انتظار دائم، فإما ان يزداد طوله قليلا.. او يأتي من هو أقصر منه في الطول فيأخذ معه عبارات الانتقاد بعيدا عنه.
وقد سخر أحد الكتاب من قصار القامة من المرأة التي تفضل الرجل طويل القامة قائلا: «لماذا تفضل المرأة هذا النوع الطويل من الرجال.. ألا تعرف انها سيكون عليها بذل المزيد من الجهد في كي بنطلوناته، فضلا عن انها سوف تحظى بمساحة اقل في فراشها؟.. ألا تدري انها في اللحظات الرومانسية عندما ترقص مع الرجل الطويل فانه لن يتسنى لها النظر في عيني حبيبها كما يفعل المحبون لأنها ستكون منشغلة بالنظر الى ازرار قميصه التي تقع في مستوى نظرها؟!».
ويعلق كاتب امريكي آخر حول انتخابات الرئاسة الامريكية التي يفضل الناخبون فيها الرئيس صاحب القامة الطويلة وهو في الغالب الذي يكسب الانتخابات، ويقول ساخرا: «كيف أذن اختار الامريكيون جورج بوش الابن الذي هو أقصر من سابقه بيل كلينتون واقصر كذلك من آل جور منافسه في الانتخابات؟».. معه حق!
عبد الله باجبير.. نقلا عن الشرق الاوسط..
هل هذاالاعتقاد صحيح ام لا?
وهل هذه المعايير تنطبق ايضا علي المرأة السودانية ويكون احدي مواصفاتها ي اختيار شريك العمر?
نرجو ان نري افادات صريحة من الجنس الاخر..
ودمتم...

ايهاب كل سنه وانت طيب


يازول كان القروش فى مشكله مافى

بعدين مع البوره بتاعت الايام دى اى راجل بقضى

عندنا قريبتنا بايره بوره شديده

المهم بعد جهد جهيد جاها عريس

يازول انبسطت الف قامو الجماعه قالوا ليها

م الف مبروك والله لكن العريس مالوا قصير ؟

قالت ليهم قصير قصير انا عايزه اعرش بيهو


لوووول



ديكو

وانت ب 1000خير يا ديك الجن وربنا يحقق الامانى..
بالنسبة للموضوع وقصتك الحكيتها دي ذكرتنى بحالات الاقتصاد ,اقتصادالندرة واقتصاد الوفرة ,هذا بعد اسقاطه علي وضع النساء في العالم وتعدادهن ..
المهم دراب كبير كدا تبع ناس الاقتصاد ..
وفي انتظار اراء اعضاء البورد..

العزيز/ ايهاب
شكرا ليك لانة البوست بتاعك استطاع نزع الضحكة مني
بالرغم من دوي القنابل في العراق/لكن تعال قولي
المرة القصيرة .مهرة كم اي هل هي مرغوبة ..

العزيزة علياء:
عاطر التحايا..
وكويس جدا انني قد رسمت البسمة ..
لكنى محتار زيك ..
يعنى هل الكلام دا حقيقة ولا نظريات..
وعندى ليك سؤال الصورةالحلوة دي حقت منو?
ودمتى...

UP

Ehab Eltayeb شكراً على الدراسة اللطيفة...

بس والله ما تشرب مويه في زمن "شم العود" وبا قي لي الزمن ده جاي بأسرع ما كان متوقعاً والله ما يحضرنا ليه.

....

Quote: وبا قي لي الزمن ده جاي بأسرع ما كان متوقعاً والله ما يحضرنا ليه

عزيزي الشايقي:
عاطرالتحايا وخت الرحمن في قلبك وشكر لمرورك الكريم

الأخ العزيز ايهاب
لك التحايا
والله موضوعك شبق وظريف جدا
استأذنت صديقتى فى نشر حوار دار بينها وبين ابنى وضاح
قبل سنوات ولم اكن اتخيل ملاحظة طفل سوف يأتى ذكرها بعد
هذه السنوات .
وهذا هو الحوار بالنص :-
( انت يا خالتوا عمو ده مالو قصير كده ( واشار بيده على مستوى طوله هو ) فقالت ليه قصير لكن عاد يا وضاح ما قدر ده لكن ابوى اسوى ليه شن ، قصير ومفلس شفت مصيبتى انا، فقال لها لكن ابوكدقاك ؟
قالت ليه عاد اكضب ما دقانى يا ولدى ، لكن الطوال ما جونى اخيرالقصرولا البوره فرديت انا اخير البوره فردت على والله كضابة كضب اسى امسكى ولدك نكير ده وخلونى فى مصيبة القصر اللى وضاح سأل منها
فرد عليها وضاح خلاص انا سكت لكن تانى ما تعملى كده ، فردت عليه احيييييى يا وضاح (مع عضة شديدة لاصبعها ) كان فى تانى ماكان فى مغصة ) مصيبتى يا ام وضاح قلت مدام الراجل مفلس فى مثل بقول القصير
يا حكمة يا فتنة ولى حسه ما شفت لى جكم ورضيت بى حكم الله .
اها رأيك شنو يا ايهاب منذ زمن طويل يقولون ان الغنى يغطى على العيوب سواء فى الخلقة او الاخلاق ولكنها نظرية خطأ مية فى المية .
وتحكى احدى الجارات ان بنتها جات فرحانة من الجامعة وقالت ليها صديقتى قالت عاوزة تخطبنى لاخوها فردت الام اهله من وين فقالت ما عارفه شغال شنو فقال ما عارفة فردت الام سمح فرحانه كده على شنو قالت ليها والله يا ماما طويل طول ، الرجل الطويل هو اختيار المرأة
ودى حقيقة ، والحكاوى كتيرة لكن الاختصار واجب .
وما تنسى انه فى قصار فى القمة ولهم تحياتى .
وفى طوال الطول طول النخلة والعقل الخ 00000000
امال
ام وضاح

العزيزة ام وضاح:
شكرا للمداخلة الظريفة ويراد المثل الذي يتمسك به القصار دائما الطول طول نخلة والعقل عقل سخلة.
رغم انه يقرر ان الطول نعمة..
ودمتى..

العزيز ايهاب وضيوفه الظريفين..
ليه ما يكون طويل وغني.. ؟

لي رجعة لموضوعكم الظريف ده..

رجاء يا بت الأستاذ
الله يستر ما يجيك قصيروني و مفللللس
اووووووبس

Quote: لي رجعة لموضوعكم الظريف ده..

العزيزة رجاء:
لك التحايا وجعتك دي طولت انشاء الله تقصر.
[احدي فوائد القصر]...

Quote: الله يستر ما يجيك قصيروني و مفللللس

يا طيب يا بشير:
كيف الحال والاحوال ارجو ان تكون بالف خير..
ونسبة لان رجاء{ ضيفتنا} في هذا البوست نقسم البلد نصين وحاتدخل عشان تحذف مفلس وبعد دك اتفقوا علي .
الباقي
وذكرتنى دعوة يارب طاحونة ومرة مجنونة..وعرسة وفلسة..
مع تحياتى..

الاخ ايهاب
تحياتى
موضوعك ظريف
انا واقع فى العكس ...نحن من اسرة ذات طول فارع ..وكل ما اخطب واحدة
اخواتى يقولن قصيرة..لانهن بقارننها بطولهن...طيب انا قلت ليهن اها اسوى
فى النهاية خطبن واحدة قالن سمحة شديد لما توقف الطيارة..اونار منقد على
قول اساسى...قلت ليهن طولها كيف قالن ما مهم الطول المهم سمحة..قلت لهن انا عاوز واحدة طويلة..ساعدونى ياشباب البورد لوعندكم واحدة طولها 183 عشان تكون اطول منها بشوية ولما تمشى للجيران مع اخواتى تكون فى طولهن..

سوالى اذا كان المال يعوض المراة فى قصر الرجل ..فهل الجمال يعوض الرجل فى قصر المراة؟؟؟؟؟

ابو قوتة يا حبيب:
تصدق انا كنت مفتكرك قصييييير لانو عندي صاحبي بمنسوتا اسمه احمد صديق قصير..
شكر للمرور عبر البوست الذي افتقدك.

Quote: ساعدونى ياشباب البورد لوعندكم واحدة طولها 183 عشان تكون اطول منها بشوية ولما تمشى للجيران مع اخواتى تكون فى طولهن.

ومناسبة بحثك عن زوجة طويلة يحكي ان رجلا كان يبحث عن زوجة ولماسألته احداهن عن المواصفات قالليها تكون صفره ولجنه فبادرته قائلة توس تان تلدا{كوس اكان تلقي}
مع خالص تحياتى..

ايهاب وضيوفو..
جيتكم تاني..
في مقولة بالانجليزي عن مواصفات فتى الاحلام:
Tall, Dark and handsome
وهي جات وفق مقاسات نجوم السينما في فترة معينة - الاربعينات وحتى السبعينات - تقريبا، وبعدها بقينا نشوف نجوم قصار، أو غير وسيمين، أو ناس عاديين زيي وزيك..
المهم انو الشريك يكون متناسب مع الشريك الآخر، طولا، ووزنا ووسامة..

الطيب أبو بشير..
غايتو راجل أقصر مني، ولا مفلس اكتر مني، ان شا الله ما يتكتب لي..

يا رجاء شفتي ايهاب الطيب قال ليكي شنو؟

Quote: العزيزة رجاء: لك التحايا وجعتك دي طولت انشاء الله تقصر.

يا ربي قاصد ياتو وجعة؟

الحبيبة ندى..
تصدقي انا قريتها "رجعتك"..
لأنو أحمد الله ما عندي "وجعة"..

الاخت رجاء:
انت تبري من الوجع الوجع ما ليكي انت..
وشكرا للمداخلة الما طولت

الاخت ندي :
شكرا للمرور الظريف وان كان... مقبولة منك.
والموجع ياندي انا مارجاء ..

Quote: يا ربي قاصد ياتو وجعة؟

واتخيل لي يا ندى انك قصيرة عشان القصير يا حكمة يا فتنة
وانت اظنك الاثنين عان قصيرة شدييييييد..
بعد دا الله يختيك الفلس...
ولك النحاياوزوال الزهجة وكان ما فكت لسه عني ليك وصفات طبية اقصد هندسية..

طبعا يا جماعة أنا زهجانة و عاوزة أعمل أو اتسبب في شكلة، الكلام ده بمناسبة سؤالي "الخبيث" الفوق ده.

Quote: الكلام ده بمناسبة سؤالي "الخبيث" الفوق ده

ندي:
البركه الجات منك هههههههههه..

الاخ ايهاب الطيب
اعجبني هذا الموضوع كثيرا والغير تقليدي , طبعا الاهتمام بالشكل او المظهر الخارجي اصبح من الاساسيات في الاختيار من قبل الطرفين وفي رايي انه كل ما كان المجتمع منغلق كل ما ازداد الهاجس للمظهر الخارجي , وتاتي الخطورة من مرحلة الطفولة وصدى كلام الاخرين وانعكاس هذا الكلام على الطفل الذي قد يغلق باب غرفته بصمت ليتامل مدى او يعرف مدى امكانية قبولة في مجتمع يلقي كل الاهمية للقشرة الخارجية للانسان وتاتي الكارثة في التعليقات العفوية او الجاهلة من حوله , ليتحول الى شخص كثير الحساسية,او منطوي ,وطبعا يتوقف ذلك على اشياء كثيرة المهم انه كيف نتعامل مع الاشياء بوعي ومسؤلية, اما اختيار المراة للرجل الطويل طبعا النظرة السطحية للامور لها عواقب وخيمة بعد الزواج,علينا ان نكون اكثر منطقية في اختياراتنا , وفي النظر لهذة الامور بعمق....ولي عودة مرة اخرى

واحدة جارتنا خطبها زول ما من المنطقة , فلما سألوها العريس بيشتغل شنو ؟ قالت ليهم أخوهو دكتور !!!!
واحدة شايقية كبيرة وأصلها ما خطبها زول وجاءها عريس وصاحباتها لما شافوهو قالوا ليها العريس مالو قصير ومعوج كدا ؟
قالت ليهم أنا دايرة أسطر بو ؟؟؟؟
واحد قصير وشين وكل البنات رفضوهو ويقولوا ليهو عاوزين ندرس ( نقرأ )
اشتكى لصاحبه , وحن عليه وقال ليهو بديك أختى , وحأوريك ليها ونستشيرها بس أنا باقنعها ليك , والأخت أشنا من العريس , فلما العريس شافها قال لأخوها : أنا والله غيرت رأيى وعاوز أواصل تعليمى ....
***
لكن أنا بالصراحة فى رأيى الشكل عمرو ما كان مقياس , ونحنا السودانيين اتجاوزنا حاجات شكلية وفارغة كتيرة , بس الطرفة عندنا لسة لا تخلو منها ( أى الأشياء الهامشية ).بس هو الزول كمان ما يكون قصيييير.
سؤال : ممكن زول يشرح لى الجيم الفيها ثلاثة نقط ليه بيسموها المعطشة ؟؟؟؟

ست البنات:
شكرا للقفشات الجميلة..
واظن ان المجتمع السودانى لا يزال يعانى من تلك المشاكل ولكن هناك تطور ملحوظ في انماط التفكير نحو الافضل .

Quote: سؤال : ممكن زول يشرح لى الجيم الفيها ثلاثة نقط ليه بيسموها المعطشة ؟؟؟؟

اظن لان نطقها يأتى من مؤخرة الحلق بالقرب من المنطقة التى يحس فبها الانسان بالعطش وهى كذلك تسبب قليل من العطش .
والله اعلم...

Quote: انه كل ما كان المجتمع منغلق كل ما ازداد الهاجس للمظهر الخارجي

العزيزة يا بت يا نيل:
شكرا للمرور عبر البوست والمجاملة..
في الحقيقة لقد تطرقتى لمواضيع عديدة تختص بالسلوك الانسانى عموما وتصلح كل واحدة منها لموضوع منفصل.
اوافقك في تأثير المجتمع في سلوك ونمط الشخصية ..
بالمناسبة الuser name بتاعك ظريف جدا
لك التحية وفي انتظار المزيد...

أيهاب

أوتنا زمبنكي اندر أوتنا زمبنكي بحر

وهي أوردية تعني
أن مانراه من طول الرجل القصير فوق الأرض فيوجد له نفس الطول
تحت الأرض
أي لاتستهين بالقصير فطوله دبل (ضعف)
جني

ايهاب الطيب


تحياتى .... و موضوعك ظريف حتى الثمالة

بس اقول :

و من الطول ما قتل !!!


بالنسبة للبنت :

غراء فرعاء مصقول عوارضها لا يشتكى قصر منها و لا طول


اما بالنسبة للرجل :

اسكت قيس ( بكر القاف ) ... على وزن اسكت كب ( بكسر الكاف ) !!!!

الحبيب كوستا:

عاطر التحايا وكيف الحال ..
اهلنا بقولوالطول عز لكن ما يطول شديد وكذلك التشبيه بالنخلة كما امرأة نخلة..
وذكرتنا الشهادة السودانية
غراء فرعاءمصقول عوارضها
تمشي الهوينى كما يمشي الوحي الوجل.
ودمت..

الاخ جنى:
شكرية (بالهندى) علي المثل.وقايلنا نحن هنود..
واظن ان هذا المثل يرفع معنويات القصار..
وتذكرنى بيت الشعر الذي يمكن اقتباسه للطول والقصر
تري الرجل النحيل وتزدريه وفي اثوابه اسد هصور.
ويعجبك الثخين فتصطفيه ويخلف ظنك الرجل الثخبن..

سلام؛
الله يطمئنك ، أنا قصير و مفلس . والظاهر نبوءة بشير صدقت في رجاء . الله يستر
ملحوظة:
اذا أخذت جواز أمريكي ، بحل حاجة؟؟

Quote: اذا أخذت جواز أمريكي ، بحل حاجة؟؟

لووووول يا آش..
NO WAY..

الحبيب Ash:
كيف الحال الجوازالامريكي بقي ما بكسب عيش دا كان في التسعينات
وزي ما بقولو الامريكانnice try (ولا ما كدا يا رجاء) .
شوف ليك زنةجديدة يا اخوي.
والله معاك ..

الاخت رجاء كيف الاحوال..
آش دا فردة عشان كدا نخش واسطة جواز امريكى ومعاه شهادات عليا وحبة قروش .
اها رايك شنو!!!

ايهاب يا صاحبي..
صاحبك ده طويل وغني.. ؟

ايهاب
الموضوع شيق وظريف ولكن فى بلد المليون ميل ننفاوت المقايس فى اختيار الزوجة او لزوج فبعض القبائل تشتهر بقصر القامة طبعا ديل ما عندهم مشكلة ولكن المشكلة فى بعض القبائل ذات الطول الفارع ديل داخلين فى المقال وعلى فكرة احكى ليك موقف عن طول الرجل الذى اصبح نقمة بدا عن نعمه
فى رحلة الى جنوبنا الحبيب حكى لى احد الاصدفاء واثناء هبوط الطائرة العمودية وقبل ان تقف مروحتها عن الحركة نزل رجل طويل ولم ينحتى تعرف مصيره كان انشطاره من الصدر طيب ده وضعه وين فى المقال الحلو ده .
تحياتى

بلدي يا حبوب:
شكرا للبوست والطرفة .
وطمأنت القصار لانهم سيتمسكون بمقولة ومن الطول ما قتل..

حقيقة قلقت يا ايهاب ببوستك هذا القصار و اصحاب الجيوب الافرغ من فؤاد ام موسى
لكن نطمنهم
فكل فولة و ليها كيال

Quote: فكل فولة و ليها كيال

الاخت لنا:
شكرا للمداخلة.
وصدقت .
وعموما الامور ترجع للتقييم الشخصي ومقاييس الجمال نسبية فما تراه جميلا قد لا يعجب شخصا الاخر..
لكن الا تتفقي معي بأن خير الامور اوسطها!!!

إيهاب يا حبوب
فارقت الحياد

Quote: لكن الا تتفقي معي بأن خير الامور اوسطها!!!

كدة ما عملتها ظاهرة؟
قول ليها
و أول حرفو إيهاب الطيـيـيـ.........؟؟

Quote: كدة ما عملتها ظاهرة

الاخ الطيب:
اتمنىان تكون كل الاشياء تمام.
قلنا لنا مهدي مزوجة واختهاعرسوها قبل فترة.
فاحتمال تكون عندها واحدة ثالثة خصوصا انه سوقن هابي
ولك كل الشكر..

العزيز ايهاب...تحياتي

القصير الغني امكن يفتقر بعدين وسوقو يكسد ..ساعتها نعمل شنو ؟ مافي مجال للهرب منو
لكن الطويل الفقير احتمال %99,9 يغتني وربنايفتحها عليه لمن ياخذني ,علشان انا بكون وجه خير عليهو اكيييد
ما قلت لينا يا ايهاب هو طولك كم ؟؟

الاخت Layon :
يازهرة بساتين الصومال..
شكرا للمداخلة وحمدا لله علي السلامة..والعود احمد
رايك شنو في بيوت الشعر دي
رأيت الناس قد مالو الي من عنده المال
ومن لا عنده مال فعنه الناس قد مالوا..
رأيت الناس قد ذهبوا الي من عنده الذهب
ومن لا عندهذهب فعنه الناس قد ذهبوا..
اكنت عايز اقول ليك الا تتفقي معي بأن....
لكن خايف الطيب بشير اكون لابد لي وبحسب.
ودمتى...