سهاد ساكت

اظننى السودانى الوحيد المستيقظ حتى الان . نحن فى قطر حكم عليه بالنوم باكرا . لا باس هذه ضريبة الاسلمة والادب المفروض علينا بفعل اخوتنا القابضين على جمر الحكم فى وطنى . جزاهم الله عنا كل خير . فقد تحملوا مسئولية تاديبنا بعد هذه السن . نحن خير امة اخرجت للناس وهم يريدون منا ان نكون هكذا ملائكة او انصاف ملائكة. نحن السودانيون غير الجنوبيين سنتحمل هذا الابتلاء وحدنا فقد حدد اخوتنا الجنوبيين مصيرهم بشكل من الاشكال قسموا لقمتهم عنا وسيكون لهم دولتهم داخل هذا القطر غدا لن يحاكموا اذا شربوا او اقاموا حفلات الرقص وعادوا لطقوسهم البهية فى افراحهم واتراحهم . سيكون لهم توقيتهم المتفق مع التوقيت العالمى المعروف بينما نحن ننعم بفلسفة البكور المفروضة بعناد من قبل الناس الفوق . (السوبر ناس) تؤلمنى هذه القشور . اقتسام السلطة والثروة فى بلد واحد . تؤلمنى ان تحكمنا فى هذا القرن تقسيمات لم نخلقها نحن بايدينا يؤلمنى حقا ان نجلس لنقسم ما ورثناه من ابائنا بمفاهيم موروثة من المستعمر . يؤلمنى هذا الليل الطويل الممدد اهدابه على صدرى . والعيد يبارحنا فى اخر ايامه (ليلى) الجنوبية اخذت كميات من لحوم الاضحية و(ابوك) من بنات الدينكا طالبتنا بالشربوت . وقبل ايام احتفلنا معهم باعيادهم . وساستنا الاجلاء يقتسمون السلطة والثروة . لأجل من ؟ لاجلنا .
احاول ان اجد لنفسى مخرجا فى هذا الليل. الليل مخلوق من نبضات قلوب الشعراء والام العشاق واشجان السراى الجافوا النوم وعقدوا الراى . ومخلوق ايضا للندامى والكاس وللصوص التقليديين. وانا بكل تواضع لست من الشعراء ولا العشاق ولست من من يكلفون انفسهم بالسهر لذكر الله . انا مسلم كسول اؤدى صلاتى بعناء ذلك حزنى الذى لا استطيع الفكاك منه . ولست لصا تقليدى ولم ينعم على الخالق بان اكون من زمرة اللصوص الحداثيين .ابحث فى كتبى القديمة لعلها تساعد عزلتى على او تساعدنى على عزلت . ما بال هذه الكتب عقيمة
تيارات الفكر الاسلامى –د. محمد عمارة
مذكرات ارنستو تشى جيفارا
انا معارض على الصعيد العالمى – القذافى
دراسة نقدية فى الرواية السياسية العربية – احمد محمد عطية
اه وجدت ضالتى
كتاب الطبقات فى خصوص الاولياء والصالحين والعلماء والشعراء فى السودان-محمد النور بن ضيف الله
اذن سأقرأ (الطبقات) لا تهتموا كثيرا بحديثى. ازعجتكم بسهادى.

نحن معك يا ود العجمي في الهم و السهر

معاوية الزبير
يسعد مساك

كلنا فى الهم سويا

والله من يوم قريت سهادك ياود العجمى..وانا مشغوله بالفكره الانت طرحتها فيه..
فكرة الملل والكتمه..وعدم الفرص لتبديد الطاقات العقليه والبدينه للشباب..والذى تختص به وزارة الثقافه والاعلام..والرياضه عادة..ويطنون انها مسالة هامشيه يمكن تجاوزها بالاهمال..وعدم الاهتمام..ولايعرفون اى منقلب سينقلبون..من جراء هذا التغاضى..واى طاقة سلبية يمكن ان تنتجها..هذه النظرية المتهاونه فى حق شعب كامل وامة تكنتز العباقرة..والخارقين..

اهديك موقع: مسرحيون

www.masraheon.com/makalat.htm

تصفحه فهو ممتع

good luck

الزنجى
تماضر



بيجى وفق حتمية الاشياء ومنطقيتها ويبقى الصوت العالى صوت الناس التحت الواطى الما مسموع . بيجى بدون تدخل من زول وبدون خطب وشوفونية وظهور . بيجى بالرجوع للوراء قليلا.

واما ما بنفع الناس فيمكث فى الارض

ولا شنو ؟؟؟


تماضر الموقع ما فتح معاى

والله ياعجمي كان مساهر بي ضرس حاميني النوم تلاتةايام
لكن احسن منك .. علي الاقل انا بره .. ممكن اتحاوم زي ما داير لانو اصلو مافي مكان الواحد يتحاوم فيهو .. حتي كان قبضوك بتتحاوم مامهم .. لكن للاسف الشديد ياعجمي .. ناس بيقبضوها هناك ماشا تجيب دواء اززمة لي شافعه ما عدت سنتين بتسحب في انفاسه بي صعوية محتاجه ل كل ثانية .. تموت في دقيقه تاخير ومحاطه بي مليون كلاشنكوف ودبابه بيحركو فيها شان الجنزير ما يتصلب من كترت الوقوف ..
قلبي معاك .. وسهاد الليلة ده حاجزو منك .. اسهد علشاني .. لحدي ما ربنا يفرج

اول مرة اشوفه
انشاء الله الناس دي نامت بس
مشكلة والله

ود العجمى

ياخينا انشاء الله عافيه

ساهر واتأمل وأتالم.... واقرء. الحاجات البسيطه السمحه فى الدنيا دى عملوها الناس

العندهم عداء للقبح واحساس عالى بالجمال

غايتو شيل شيلتك الجن بنداو