هدية العيد للبشير, ثوار دارفور يجتاحون الطينة

وردنى من مصدر خاص قبل قليل أنَّ حركة تحرير السودان قد إجتاحت بلدة الطينة وإستردتها من الجيش السودانى بعد أن دمرتها تدميراً كاملاً, وكانت الحركة قد إنسحبت من البلدة وأخلتها من الأهالى المدنيين مع بقية مدن وقرى شمال دارفور بعد القصف المكثف التى قامت بها طائرات الجيش السودانى, وقد أعلنت الحركة بعد دخول الجيش السودانى للبلدة أن هديتهم لجماهير دارفور هو كيف سيتمكن الجيش من الخروج من المدينة مرة أخرى, وها هم يحققون وعدهم.

أما البشير الذى صرح بأنه ينوى صلاة العيد فى الطينة عليه أن "يموصها ويشربها", فقد سبق وأن صرَّح قبل 4 سنوات بأنه سيصلى العيد فى هموشكريب وها هى البلدة ما زالت تحت قبضة الجيش الشعبى لتحرير السودان.

ويا أسفى على السودان الذى كان...

___________

عمى بصر ولا عمى بصيرة

ود البلــد،
كل سنــة وإنت طيب..
هل سيعى سياسيــونا الدرس؟
أرجـو تعليقاتكـم على الصـورة المنشـورة
على الموقـع: http://www.sudan.org

Quote: بعد أن دمرتها تدميراً كاملاً

لا تعليق ...


ملاسى

Quote: دمرتها تدميراً كاملاً

هل هذا يفرح00 وهل الطينه ملك البشير000

ناس دارفور ديل زي ناس العراق، كانو قبل الحرب في أمان الله، بعد الحرب تشريد وقتل وتدمير، ظروفهم صعبة ما قلنا حاجة ، لكن منو الفي السودان ظروفو كويسة؟ يعني أسي ظروفهم خلاص بقت كويسة؟
قائد المتمردين يواصل تصريحاته المضحكة في البي بي سي،
الناس مفروض تفصل بين كراهية الحكومة ومناصرة كل من هب ودب،
For God's sake, quit blind following
أحمد الريح

نعم هؤلاء سودانيين و هؤلاء سودانيين والخاسر هو الوطن اولا واخيرا.
الاخ احمد الريح كيفك.عزيزي السودان قبل الانقاذ كان علي الاقل بخير لانه في طريقه لممارسه الديمقراطيه اتت الانقاذ.....! وهل حكومه السودان الوصي الشرعي علي السودانين؟
وهل حكومه السودان ليست هي من هب ودب؟
صدقني يااخي العزيز الحكومه هي غير شرعيه وهم السارقين وهم قطاع طرق لانهم سرقوا وخانوا الشعب السوداني في ديمقراطيته .اما جيش تحرير السودان لهم افضل من الحكومه. واسفي لماذا نقول لها حكومه السودان بل هم سدنه السودان.هم الغاصبين وهم الذين غيضوا الديمقراطيه .
شكرا ياود البلد علي هذا لبوست.

الأخ Mohamed Adam
ذكرت عن ناس الجبهة

Quote: واسفي لماذا نقول لها حكومه السودان بل هم سدنه السودان

هذا أكبر مدح لهم! فالسدانة هي شرف كبير لا يستحقونه و معناها أقرب للرعاية و الحماية و الخدمة و ما إليه و يقال سدنة بيت الله الحرام للقائمين على شرف العمل لأجل ضيوف الرحمن.
إستخدم الإعلام السوداني كلمة سدنة مايو للترابيين لأنهم كانوا {سند النظام} الوحيد الأوحد و انتشرت الكلمة من بعد كمتلازمة لتلك الجماعة
و في ذلك خلط.

الأخ/ ود البلد.

أن الذي يحدث في دارفور ألان كان يحدث في جنوب السودان,جنوب النيل الأزرق , جبال النوبة, والانقسنا وما أشبه الليلة بالبارحة. هذا نظام فاسد ويجب أن يقتلع من جذوره فقط لا أقل. يجب تصعيد الحملة على النظام لوقف حملات التصفية العرقية في دارفور فوراَ.

Deng

شكرا لك ود البلد ولكل من وقع هنا
الأخ الذي يستنكر تصريحات الثوار بالبي بي سي
ويسميها مضحكة
لم أفهم ماذا يعني

وفبلها بعشرة سنين قال حيصلي العيد في الكرمك
يمكن ناس السودان بطلوا يعيدوا يا بروف!

اليس في بلدنا عاقل رشيد0000عندما يندفع الناس ليخربون بلادهم ويحرقون ارضهم ويقطعون نسلهم ويهلكون حرثهم00ثم يقول اصحاب الصوت العالي هذا هو النضال 00بالله عليكم ماهو الفرق بين عصابات القتال في دارفور ومليشيات الكيزان التي يدعي المناضلين انهم يحاربونهم 00ان الكيزان ينشرون الرعب والفزع وكذلك يفعل مناضلي دارفور او عصاباتها سمهم ما شئت000ان للنضال اطروحات وللثورة افكار فاين افكار مقاتلي دارفور00هل كل هذا القتل فقط من اجل محاربة الانقاذ 00فهنيئا للانقاذ بالذين يعملون معها في خط واحد هو دمار الوطن00ان اشعال النار سهل ولكن اطفاء النار هي مهمة الرجال العظماء ان الذين يشعلون هذه النار لن يستطيعون اطفاءها هي تحرق في البسطاء اليوم وستحرقهم غذا 00ان النضال من خلف الكي بورد لا يحتاج الا لانامل 00اما اطفاء اللهيب فيحتاج لقلب كبير وارادة قويه وفكر متقد00ونظرة بعيدة المدي 00ان مشعلي الحرب في دارفور مجرمون من الدرجة الاولي000ان ماساتنا انا نعيش في ظل حكم مراهقي السياسه دائما 00وما ان يبلغوا رشد الفطام حتي يستولي علي دفة الامور مراهق جديد ويشعل النار 00ويعجز عن صب كوب ماء واحد عليها ناهيك عن اطفاءها 00والله ان العالم يسخر منا صرنا مدار نكات اليسوي والمايسوي وكلهم بسبب شعارات الكيزان والمجرمين الاخرين تحت اي اسم تسموا

من الذى أشعل النار يا عبأدالله.. سـؤال بسيــط، اليس كذلك؟
ثم إنك تقول: "0ن الكيزان ينشرون الرعب والفزع".. فهلا قمت ببعض التفصيل فى هـذه العبارة.

ولك الشكــر

يا ابو الريش
رجعنا للجدل البزنطي الدحاجة أم البيضة أيهما الأول
والله دي ما دايرة ليها درس عصر الكيزان هم أس البلاء
وعموما عندما يستحيل ويستعصي الحل القومي ينفتح الباب على
مصراعيه للحلول الاقليمية والجهوية و الحشاش يملأ شبكته
ليك حق ياخوي ما لسة بي ريشك ما نتفوهوا ليك لوووول
جني

دينق قال: "يجب تصعيد الحملة على النظام لوقف حملات التصفية العرقية في دارفور فورا"
يا دينق، بدون زعل
ممكن مرّة واحدة بس تتكلم كلام واقعيّ وتخلّينا من العبارات "الفضفاضة" بتاعتك دي؟
أرجو إنّك ما تقول عليّ "كوز"، وتمارس عليّ إرهاب فكريّ،
موضوع متمردين دارفور ده زوبعة في فنجان، ويا دينق ما أي زول شال سلاح وطلع الغابة عندو قضيّة
وبعدين انت بتدعو لتصعيد الحملة على النظام وبتأيد متمردين دارفور، أفهم من كده أنك "ضد السلام"، ولا شنو؟
أحمد الريّح

أستغرب حقيقة لمناقشة موضوع دارفور بالبساطة دي .هناك أسئلة يجب البدء بها قبل كل شيء

هل هناك مظالم من حكومة المركز على دارفور وكل الأطراف ؟؟؟؟

هل هناك عنصرية عرقية في السودان تجاه الأصول الأفريقية ؟؟؟؟

هل من حق أي أنسان أن لا يقبل الظلم على نفسه أم لا؟؟؟؟

أي واحد من الأسئلة يجيب على نفسه ويبرر لحركة التحرير أن تقوم..

أستعجب لمن قال أن أي واحد يشيل سلاح يمكن أن يكون حركة هذا كلام غير ممكن لان مواجهة الموت

ليست نزهة كما يصورها أعلام الخرطوم ...

الاخ الطيب بشير مرحب بيك مره اخري في هاالمنتدي العامر.
وشكرا علي ملاحظتك الدقيقه لكلمه سدنه التي استعملتها في المداخله اعلاها.
1- سادن بفتح السين والدال معا وبتسكين الدال يعطي معني سيد,خادم(الحرم او المكان المقدس).
ومنهاساد بضم الدال و سدن وسدنه.و هذا المعني قصدته انت بضبطك لقراءه الكلمه في فحواها بينما لم اقصده انا.
2- ساد(بفتح السين و تسكين الدال) يعطي معني عائق,مانع وبشده.وهي صفه.ومنها سادن و سدنه للجمع وهم المعوقين للشيئ و العائقين له بقوه و بشده وهذا الذي قصدنه للمعني.وبهذا تكون العباره كالاتي:-
(سدنه السودان) ويكون الفحوي لهذه الجمله انهم معوقين وبشده للسودان في مسيره التقدمي.والمعذره اذا لم اصيب واذا لامست الصواب فان معرفتي بالغه لا تطيل الي قامه معرفتك بها فينطبق علي قول الشاعر( لست باعجمي يلوك لسانه ولكني سليقي اقول فاعرب). بالمعني الاخر لم ادرسها نحو وبلاغه و لكن تعلمتها بالسليقيه,فلذا اذا اخطات اعذرني و سوف اتعلم من خطاي.
هذا لان الكي بورد بتاعي لا يطاوعني في تشكيل الحروف .
وشكرا اخي ود البشير.

من غير غلبه كتيره ومنو البدا ومنو الخاتي ناس دارفور برضهم عايزين حقهم في السلطه والثروه والرجال البلهاء مصممون علي تكرار التجربه الخاسره كما فعلوا بجنوب السودان علي مدي ما يقارب نصف القرن من الزمان.
والشئ البستغرب ليه المسكت ناس الشمال شنو ؟؟؟يلا اصحوا وكونوا حركه مقاومه الجماعه ديل ما بفهموا الا البندقيه.

شكرا ود البلد ...
وانت تذكرنا بأهل البربون ...
لا يستفيدون من تجاربهم في الجنوب ...
ولا يتعلمون شيئا من حربهم مع الثوار ..
بوركت ...........

..
...
كل عام وانتم بالف خير...
العيدية ناقصة انتظروا المفاجاة

لك التحية ود البلد

الاخ الكريم بوش كل سنه وانت طيب

صدقني لم يعد هناك شيئا يشكل مفاجاه في السودان

الا اذا عقل الثوار000000000000000000

الاعزاء

لم يكن الوقت مناسبا لإطلاق رصاصة الآن من إخواننا فى دارفور
وبالشايفو انا يبدو لى بدو الحرب قبل ان يشتد عودهم ، مما حيدى
فرصة لحكومة الإنقاذ لمسألة الإبادة يعنى التكافؤ العسكرى كان مهم
وانا بشوف إنو طالما الحرب بدت الكلام ما حينفعهم فى حاجة،
الناس حقو تشوف قنوات دعمهم عسكريا حتى على الاقل يتم التكافؤ
وتقوم لجان لجمع تبرعات لشراء اسلحة ومواد تموينية فى الوقت الحالى.

Ahmed Alrayeh wrote:
ويا دينق ما أي زول شال سلاح وطلع الغابة عندو قضيّة
وبعدين انت بتدعو لتصعيد الحملة على النظام وبتأيد متمردين دارفور، أفهم من كده أنك "ضد السلام"، ولا شنو؟
Ya Mr. Ahmed what make people take the arms and shoulder the burden of the war and all the unpleasent expectations that comes with it!!????,I think the brave worriors of Darfor have a justified cause to do that,while you come from a quite and more modern city ,copmaratively,in the Sudan,that doen't give you the right to look down at others' blight.
About your second qustion to Deng, I think the SPLA,has so far, succeeded in forcing the GoS to sit down and give them what they want,dirctly or indirctly, which is their right to live as respected citizens of this country,and I believe this would't have happened had they took it easy against the GoS anf did't take the arms against this fascist government
regards.

لم تنجح حركة قرنق في تحقيق شئ في الاصل 000مايحدث الان هي ترتبيات امريكيه مفروضه علي قرنق وحكومة الكيزان000لم يكن قرنق الا مشعل حرب ولن يكون ابدا رجل سلام فالسلام يحتاج للمبادئ وقرنق بلامبادئ اصلا 00وكذلك حكومة الكيزان000

لقــد نجـح قرنق فى إدخال الأمريكــان إلى المنطقــة، بعـد ان نجـح الكيزان فى إخراجـه إلى الغـابـة بلأسـاليبهــم الرعنــاء.