Post: #1
Title: ضبحتوا؟
Author: omer ibrahim
Date: 02-01-2004, 02:16 AM
Parent: #0
تذهلني مقدرة بعضكم في اثارة بوستات تستقطب عدد من القراء او المشاركين.
اسوة بتماضر عاوز اسأل سؤال بسيط
ضبحتوا؟
|
Post: #2
Title: Re: ضبحتوا؟
Author: الطيب بشير
Date: 02-01-2004, 02:19 AM
Parent: #1
الرائع عمر
يا دوووووب فضيت لينا يا عريس؟؟
نحن ضبحنا إنتو سلختو؟؟؟
ما دايرين نزعجكم بالتلفونات اليومين ديل قلنا بعد شوية
تحياتي للفرح
|
Post: #3
Title: Re: ضبحتوا؟
Author: omer ibrahim
Date: 02-01-2004, 02:53 AM
Parent: #2
ياعمي الطيب كل سنة وانت وام بشير وهو طيب
الفقراء والمساكين عليهم ضحية كمان؟
انا خليني انت بتقدر تضبح؟ والله الخواجة يطفشك من البلد.
عندي واحد انا خالو .. مصر انو عيد بكرة دا مفروض يكون اسمو عيد الضبحية و ليس الضحية
|
Post: #4
Title: Re: ضبحتوا؟
Author: Ahmed Alrayah
Date: 02-01-2004, 05:22 AM
Parent: #3
نحن سلخنا انتو أكلتو؟
|
Post: #9
Title: Re: ضبحتوا؟
Author: omer ibrahim
Date: 02-01-2004, 04:26 PM
Parent: #4
احمد
ابدا و الله .. اتفضل
|
Post: #5
Title: Re: ضبحتوا؟
Author: Elwaleed Ibrahim
Date: 02-01-2004, 05:41 AM
Parent: #3
علك طيب يا عريس
طبعا في بلد الفرنجة دي نحن علاقتنا بالضحية ضعيفة خالص و وين و وين لما العزابة(الما كحيانين) يتلموا و يلموا الsharing عشان يجيبوا عدد واحد خروف ممسوخ ! .. ايوة ممسوخ من سلخانة اخوانا الباكستانيين .. طبعا اصعب حاجة هنا انو الناس يتلموا تخيل نحن اربعة ساكنين سوا ما بنتلاقى الا بعد صلاة الجمعة?
شفت كيف? اها و بعد ما نجيب الخروف انف الذكر مسلوخا وممسوخا نقوم يا سيدي الامانتي ليك نقسموا في اكياس صغيرة و نديه الفريزر و من ثم تتم عملية الاستهلاك التدريجي و العزابة طبعا يعجبوك في مسالة الحلل و كدا(وانت سيد العارفين)
طبعا و نحن صغار كان عيد الخروف دا عيد اساسي واهم حاجة فيهو صوت الخروف وهو يلعلع في جنبات البيت قبل تلاته يوم من العيد.. طبعا كنا بنهتم بي قش الخروف و موية الخروف و كنا نفاخر به وسط اولاد الحلة... نحن خروفنا حسو كبير و انتو خروفكم اطرش
.. دقيقة ياخ انتو خروفكم عجوز و كلامو كتير و نحن خروفنا صغير ولحمتو هشة
المهم كبرنا و عشنا لي زمن الجهجهة و الخرفان المرسيدس ..اللحكي ليك.. صديقي محمد عندو ولدين و بت و انفلونزا و فاضل للعيد يومين و ما عندو التكتح ولدوالكبير قال ليهو ياب انا خليت العجلة بس جيب لينا الخروف ..وطبعا الزوغة من الشفع صعبة المهم واثناء ما هم قاعدين يتغدوا البت الصغيرة جابت كبابي الموية و قالت يابا انت عشان عندك نزلة دي كبايتك و دي كبابينا انحن و ماما ..و دي كباية الخروف..لاقيت محمد يوم الوقفة يلعن ويعطس ..
مالك يا زول ? قال لي بتي الصغيرة في البيت راجية الخروف بالغدا و خايفة عليهو من النزلة
سبحان الله يوم الوقفة الناس كلها واقفة واحدين واقفين قدام الله يدعوا و يتضرعوا و واحدين واقفين قدام الخرفان يجسوا و يتمنوا ..
|
Post: #7
Title: Re: ضبحتوا؟
Author: omer ibrahim
Date: 02-01-2004, 11:11 AM
Parent: #5
ولي يا دكتور يا كبير كل سنة و انت ب 1000 خير
|
Post: #6
Title: Re: ضبحتوا؟
Author: hala guta
Date: 02-01-2004, 08:54 AM
Parent: #1
كل سنة والجميع بخير
البرة والجوة السودان
ويحقق امنياتكن/م
ويعيده على الكل بالخير واليمن والبركات
هالة
|
Post: #8
Title: Re: ضبحتوا؟
Author: Abdalla Gaafar
Date: 02-01-2004, 12:19 PM
Parent: #1
الاخ عمر
كل عام وانت وكل الناس بخير
المشكلة عندنا انو ما شئ يضبحوهو تصدق لا ضبيحة ولا طعم عيد..
سلام
عبد الله جعفر
|
Post: #10
Title: Re: ضبحتوا؟
Author: Tumadir
Date: 02-02-2004, 09:18 AM
مافى حتى مراره واحده
بيها اتمطق شويه..
والوعد بيناتنا انك
كل يوم تضبح اليا
عمر بخصوص البوستات ...وكثرة المشاركين "الكلام ع الشماعة"
تحياتى لك ولعروستك الجميلة..وكل عام وانتما بخير...
وشوف المثنى ده صعب كيف..السنة الجاية تكونوا تلاتة..عشان نعملكم جمع معسكر سالم..
هاهاها..
|
Post: #11
Title: Re: ضبحتوا؟
Author: Ibrahim Algrefwi
Date: 02-03-2004, 07:11 PM
Parent: #1
أي ضبحنا
وانتو انشاء الله كويسين؟
معناها (زعلان منك)
ضبحنا اها في شنو؟؟!!
|
|