جون قرنق يعد ليس بوقف ضرائب المغتربين و انما بأعادتها كاملة

فى بيان "للحركة الشعبية لتحرير السودان", نشر أمس فى الصحف العربية, تم التصريح بأن الحركة لا تطالب بوقف الضرائب التى أثقلت كاهل المغتربين السودانيين, و انما بأعادة كل الأموال التى دفعوها عبر السنين على دائر المليم.

فكرة البيان بسيطة و ذكية, فقد أدركت الحركة الشعبية أن ما خسرته حكومة "الأنقاذ" من أموال فى قسمة الثروة, ستقوم بأسترجاعه بواسطة الضرائب و رفع الأسعار و التضييق على المغتربين و عدم التساهل معهم فى دفع المفروض عليهم من ضرائب. و كل ما فعلته الحركة بهذه "الحركة", هو أنه بعد أن أحكمت "الرباط" على "الأنقاذ" من هذه الناحية فى قسمة الثروة, القت بطرف "الحبل" الى الناحية الأخرى من مصادر الثروة من أجل مزيدا من "الزرزرة" و أحكام "الرباط".

أبعاد البيان فى أوساط المغتربين من كل الفئات, أنه لو حدث و نفذ هذا الوعد لأنضموا كلهم الى حزب "الحركة الشعبية" بلا شك, هذه الأبعاد مما قد يكون وراء فكرة بيان "الحركة الشعبية".

لا أعتقــد أن الحكـومـة سيكــون لديهـا إعتـراض على هـذه الخطــوة.. وأتـوقـع أن تحصل مزايـدات على المغتـربين..
نشــوف سعــرهم حيرســى على كم.. لكن ظاهــر إنو الأسهــم بدت فيها الحمى.

قرنق شديد ولضيد

الكلام دى يعنى انو قرنق دخل خلاص في الحكومه يعنى الجماعه اتفقوا عليهم بس يبصموا بس المشكله حيشوت وين

كان كدا نجهز الوصولات الزرقاء .. يا ربي برجعو لي قروشي الشالوها في الميناء ؟؟؟

لا ادري لم تذكرت وعود السيد هاشم بامكار الانتخابية عندما كان يعد سكان مدينة بورسودان بانة

سيعمل عقب فوزه بالانتخابات علي انشاء جسر يربط بين جدة و بورسودان !!!

تتذكر يا ابو الريش


ملاسى

يا قريبى،
كيف ما بذكــر ياخى، لكن أظن (أعـداء) الجمعيـة التأسيسيــة ما وقفوا معاه!

يا أخوان الجبهة الأسلامية هي المستفيدة الأول من هجرة كل هذه الكوادر المؤهلة وأنتم منها لذلك عندما تتبنى الحركة الشعبية هذا الطرح اهي تدعو كل الكوادر للعودة الى الوطن للأسهام في خط التصحيح للمسار الوطني والتحول الديمقراطي..

كم من الكوادر موجود خارج الوطن لأسباب أقتصادية؟؟؟؟

كم من كوادر الجبهة أرجعته حكومة الجبهة الى السودان على حساب أموال الشعب السوداني ؟؟؟؟

كم من كوادر الجبهة عندما ياتي الى الخليج يحمل معه أموال تفوق مدخرات أي من المغتربين فقط للتسوق؟؟

يا أخوان الحال ده ما بتعالجه أتفاقية أو غيره بيعالجه رجوعنا جميعا والعمل المؤسس لبناء وطن جديد ولهذا أعتقد أن خطوة الحركة الشعبية بداية التصحيح

معنى كدا جون قرنق يريد ان يبنى له قاعدة عريضة فى الشمال
وهى من المثقفين وكوادر البلد المرموقة...معنى كدا عاوز يفوز فى
الانتخابات بعد 6 سنوات ومن حقو يفكر فى كدا ما دام هو وطنى ووحدوى
لكن بينى وبينكم الحرامية ديل يعيشوا من وين والبلل دى يفرشوها من وين وسفراء الحكومة فى دول الخليج يبيعوا بصل... عارفين جون قرنق دا داير يقصر عمره ساكت الناس ديل بلحقوه الزبير وابراهيم شمس الدين اخيرلكم بدل قروشكم ترجع ليكم تكونو ليكم لجنة من ناس الشمال عشان يحمو جون قرنق دا من الناس ديل او تكونو لجنة من ناس الشعبى اصحاب الخبرة عشان يصفو على عثمان دا قبل ...ان يلحق زولكم الجماعة ويسموه عليه شارع كوستى لانه الشارع الوحيد البشبه جون قرنق لانه طوييييييييل ومبارى النيل
الى ملكال واويل
وتسملو
خرمجة زول طارى المرارة