نحو سودنة اللغة العربية

لا يختلف اثنان ان اللغة العربية صارت اللغة الشائعة في السودان.. تم ّ ذلك بالتراضي ام المشانق أو الرصاص. ولكن حكاية المواطن السوداني مع اللعة العربية لها شجون.. يحدثنا السودانيون الذين رست بهم سفن الهجرة في دار يعرب انهم يعانون الامرين من جراء استهزاء اهل تلكم الديار بلغتهم العربية..و قد ذكر احدهم ان احدى الدول العربية قد قررت عدم توظيف سودانيين و (مصريين) كمدرسين في المدارس خوفا علي اطفالهم من اكتساب عجمة في اللسان فيخرجون من ملة لغة الضاد (زات الوذن السقيل) بين اللغات..
ولأن الجمل لا يري (عوجة رقبته)، فقد انبرى بعضهم دفاعا من منطلق ان العرب انفسهم لا يجيدون اللغة العربية، مقارنين خلط بعض العرب بين الضاد و الظاء بحق السوادنيين في الخلط بين الزاي و الذاء، او السين و الثاء و الادهى بين الغين و القاف.. والاخوة العراقييون هنا يتبسمون عندما تسالهم (دايرين شاي؟)، فيقولون (رايدين) شاي.. ليه ندور (من الدوران)؟.
غير ان ما دعاني الي روية (عوجة رقبتي الطويلة هذه)، هو الوقت الذي احتجته لمعرفت من يكون (جون جارانج) قائد المتمردين السودانيين.. الي ان اسعفنتي البداهة و اهدتني الي كونه هو (جون قرنق) بشحمه و لحمه.
هذا الامر جعلني انظر الي الكثير من حروفنا..
اذا اخذنا القاف مثلا اجدني اتسأل عن كيفية نطق العرب ( او السودانيين ممن لا علاقة لهم بالشوايقة)، اتساءل عن كيفية نطقهم للقرية (القرير).. و هل يعطي نطق القاف بلغة فصيحة للقرية حقها..و هناك الكثير الكثير من الكلمات السودانية التي اذا كتبناها باللغة العربية لتعرّبت الكلمة بصورة قد تؤدي الي الالتباس في كثير من الاحيان..و لان السودانيين سهلو الانقياد في مثل هذه الامور، و نسبة للانفتاح و الاستثمارات العربية المتوقعة بعد السلام، فانه من السهل ان تسمع في الاذاعة او التلفزيون بعد خمس سنوات (افتتح النائب الاول جون جارانج مستشفي....) فتبداء الحرب من جديد لخرق اتفاقية السلام و تعيين نائب جديد بدلا عن (جون قرنق).

عليه، اتمني من السودانيين، حفاظا علي ما تبقي من خصائصهم الثقافية ابتداع احرف جديدة للحفاظ علي الكلمات كما ننطقها نحن السودانيون.

اقتراحات:
حرف القاف(كما في قرنق\القرير) يمكن كتابته بوضع ('،~،`،¨) اعلي الحرف
كذلك مع الجيم كما في (كجن: انا مكجن الزول دا)، او جت (تعني كلمهم جميعهمابتعين علي جهات الصعيد).

interesting

شكرا علي الطلة يا تماضر ولكن ما رأيك
ليست هذه اول مرة.. تعرفين ان الجيم المعطشة دخيلة علي اللغة العربية

ايمن تحياتي
ماشاء الله لسه شباب ومبروك الزواج
ناصر

وينك يا ناصر الدنقلاوي (بالمناسبة دا لقب رغم ان الرجال ما دنقلاوي)
اين انت يا راجل
جميل ان نلتقي بعد كل هذه السنين

ايمن جيت (افاصل) معاك فى موضوع السودنه ..لقيت معاك رجال

بجى بعدين

دى حلوة شديد ياتماضر
عسسسسسسسسسسسسسسسسسسسل

ايمن
اولا بالتبادى
بالصح ات عرست آآزول داحين ولا معرس من زمااان ونحنا بى جاى ماجايبين خبر
وكان لى موضوعك الكاتبو دا , اها بمش وبجيك صادى

غير مسالة .. نطق الحروف ..
هناك ايضا افراط في استخدام البلاغة ..
مثل قولهم ..

قام قعد يتكلم ساكت .. !

العزيزة تماضر
والله كنت قاصد راجل طلعت رجال.. انا عمري ما فت الخليج، وما عارف ناس الخليج جدهم الكبير غلط زي غلطتي دي و الجماعة مسكوها والا شنو

الاب السعيد ابو الحلوة هالة:سمندلاوي
و الله ناصر دا صاحب عزيز من زمن داخلية الثانوي بس ما كان متابع الاخبار

العزيز حميدة

و القاموا طاروا نطوا قعدوا يتكلموا ساكت ديل تقول عليهم شنو

الاخ ايمن
اوجه انتباهك الى ان اخواننا في المغرب العربي ما زالو يستعملون احرف موجودة اصلا في اللغه العربية ولكن تستخدم في تعريب الاسماء الاعجمية فقط.
هذه الحروف تحتوي على الكاف المعطشة التي تكون انسب في سودنة او تعريب اسم اعجمي مثل Garang

Walid Safwat

والله يا ايمن ..
دي حولية .. عديل كدا بس .. !

وستجد هنا الكثير ..
اللهجة العامية في السودان

الاخ وليد
لا اعرف ماذا تقصد بتعريب اسم مثل قرنق، و لكن بالتأكيد نحن لا نستطيع سودنته فالاسم سوداني علي الاقل منذ ان اصبح الانسان (homo sapien)
و لكن ما اريده انا حقنا في ان تكتب اسماء اهلنا و قرانا بالطريقة التي ننطقها بها

اسف اخي ايمن فقد خانني التعبير
ماقصدته هو تعريب النطق وليس الاسم وبذلك يصبح لدينا نطق صحيح لاسماءنا

شكرا يا ايمن علي هذا الموضوع الهام

سودنة العربية يكون بالتمسك باللهجة السودانية
في كلامنا وفي اعلامنا
وعدم تقليد اللهجات العربية الاخري تقليد اعمي لمجرد انهم عرب
لقد لاحظت اثناء اقامتي في الخليج ان كل الجاليات العربية
يتمسكون بلهجاتهم عندما يتخاطبون مع غيرهم من العرب او فيما
بينهم ،الا السودانيون فانهم يقلدون لهجة من يخاطبهم من العرب
حتي ادي ذلك الي تكوين اعتقاد عند البعض باننا لسنا اصحاب لهجة
اصيلة وانما تعلمنا العربية في المدارس مثل الصوماليين

شكرا علي الطلة الاستاذ القدير عبد المنعم
اتصل بي احد الاصدقاء في النرويج لمباركة الزواج.. و تحدثت زوجته الي زوجتي.. وبعد المكالمة سالتني زوجتي من اي دولة عربية اتت زوجة صديقي فقلت انها من الابيض و هي لم تخرج من السودان الا لتاتي الي النرويج قبل 3 سنين..
و اغلب السودانيين الذين يجاورون او يصاحبون اناس من الدول العربية تتغيير لهجتهم
اما انا فقد اضطررت اصدقائي تعلم (يا حليل..)و(كجن) و حتي (الدبرسة)..
و اعتقد اننا نحتاج ان نكون اكثر ثقة في(من نكون)

العزيز وليد
فهمت قصدك

انا بتخيل لي نحنا بنقلد الناس او نتكلم معاهم بي لغتهم لانهم صنج الصاد دي مضمومه الواحد فيهم يحرق روحك يتتجم يقيف ما يفهم انت بتقول في شنو اها الزول عشان يتخارج من علتهم يقوم يتكلم معاهم بي لغتهم يااخي بالعديل كدي :السودانيين لماحين" اها رائك شنو في المبتدا والخبر المنصوبيين ديل لوووووووول

العزيزة شروق
والله صحي ان السودانيون لماحون لاكييين ممكن نلقي العزر للما بنعرفه فنؤثر عليهم الا الجيار و الاصدقاء البجبرنا علي مجاراتهم دون التاثير عليهم شنو؟
والناس الفي الدول العربية معذوريين حسب قانون الغلبة لكن لا عذر للمقيمين في اوروبا

Up

ل يا ايمن يا ولدي انا في اوربا الجابرني علي صحبتهم وجيرتهم شنو ؟؟؟!!! البعد ولا البلاد ام سعد كفي الله الشر. نتكلم لغه محايده لو تقاطعت طرقنا

الاخ ايمن سلامات و لعلك بخير.
الموضوع بتاع اللغه السودانيه او اللهجه السودانيه وسط المتكلمين بها سواء متخلجنين او متغربنين(المغرب العربي) هو موضوع في غايه الاهميه للمثقف السوداني في حاضر ايامنا.
انا عشت في الخليج و في المغرب العربي بالذات ليبيا وما جاورها .
فهؤلاء الاعراب لايفهمون اللهجه السودانيه علي الاطلاق و السبب فيما يبدو ان السوداني اتي من دوله غلبانه وبالهجه الليبيه يقولون السويديني راقد ريح وكلمه راقد ريح معناها ومضمونها عند الليبي زول معلم الله(بضم الميم وكسر الام في معلم) وفي الخليج يقولون دول تعابه دول غلابه(بضم الدال وتسكين الام).فنظرتي للسوداني كشخص هو غير مسؤل علي فرض هذه اللهجه علي الغير وان وجد له دور فيكون ضعيف جدا اذا ما قورن بالدور الرئسي لوضع السودان نفسه . ولكن السبب الاساسي هو وضعنا الاقتصادي ليه اليد العليا في مد وجزر اللهجه السودانيه. فاذا تمعنت النظر وعملت بحث بسيط ومتواضع في استقراء الماضي من اواخر القرن التاسع عشر والي يومنا هذا,عن السودان وعلاقته بالوطن العربي تجد السودان كان في طليعه ومقدمه هذه الدول في كل النواحي اقتصاديا وسياسيا واجتماعيا.وكان كلهم يخدمون في السودان ويتكلمون باللهجه السودانيه بل يفضلونها عن سائر لهجاتهم .واخر عمال سعوديون في اقليم الجزيره كانوا يلقطون القطن. طويت ملفاتهم في اول السبعينيات1973 ثم غادروا الخرطوم ايام الملك فيصل. وكان الخرطوم وكل المدن السودانيه مليئه بلاعراب .
فخلاصه الموضوع اذا اردنا ان ننشر ونفرض اللهجه السودانيه بين الشعوب فعلينا ان نبني وطنا اولا.(انت غلبان و راقد ريح ابدا ما حتجد شخص يقلد كلامك) و تقليد اللغه هي بلمعني البعيد تلاقح حضارات بكل ما تحمله كلمه تلاقح من معني.
وشكرا الاخ الامين علي هذا البوست القيم.