الدنيا ليل

استأثرت بعض المفردات بتركيز عالي في الأدب الغنائي السوداني وحازت على اهتمام الشعراء الغنائيين وورد ذكرها بصورة مكثفة حتى صارت معالم في الشعر الغنائي السوداني، مثل العيون.... الليل... الزهور.... الطيور..... وغيرها.
تميزت مفردة (الليل) باتساع دائرة الاهتمام بها وتكاثف حضورها في الأغاني ، ربما لأن الليل هو رفيق العشاق والمعذبين، نلاحظ ذلك في انتشار رائعة زيدان إبراهيم (في الليلة ديك) في السبعينات حين تبارى المغتربون في تحطيم قلوب الشباب بخطف محبوباتهم تحت تأثير الريال والدرهم حين كان للمغتربين (شنة ورنة).
ولعل من أشهر الأغنيات والتي ورد فيها ذكر الليل بكثافة ، أغنية إبراهيم الكاشف
الليل ما بنومو لأني أنا حارس نجومو
طول يا ليل وهود عاجبني طول الليل
الليل كلامه كتير الليل نسيمو عليل
الليل به العشاق تتأمل الأفلاك
والكثير الكثير من الأغنيات مثل:
من بعد ما عز المزار والليل سها وملت نجومه الإنتظار
*-*-
والساقية طاحونة الأنين طول الليالي بتنتحب
-*-*
عزة ما بنوم الليل محال وباحسب النجوم فوق الرحال
*-*-
يا حسن إتذكر طيب ليلتنا ديك
والصباح السكر زي بدر التمام
*-*-
عينيك سفر مكتوب اعيش في غربته واعشق عذابو وحرقته
وليله الطويل
*-*-
شوف نسيم الليل صاحي ماله شوف فريع الشاو مين أماله
*-*-
الدنيا ليل غربة ومطر وطرب حزين وجع تقاسيم الوتر
*-*-
يا نجوم الليل أشهدي على لوعتي وتسهدي
*-*-
يا ليل أبقالي شاهد على نار شوقي وجنوني
*-*-
ليالي يا ليالي ليالي عودة تاني
*-*-
الليل هدا والجو صفا وغاب الأتر
*-*-
عد لينا يا ليل الفرح داوي القليب الإنجرح
*-*-
ما بنسى ليلة كنا تايهين في سمر بين الزهور انا وإنت والنيل والقمر
*-*-
أريت النوم يزورني اليوم أنوم لو ليلة في كل عام
*-*-
يا حبيبي كن طبيبي أمري حيران
طول نهاري ثم ليلي ساهي سهران
*-*-
وكتين يقاسم الهم عزا وكتين مدامعي تكون جزا
تفتح مباهج الليل ظنون
*-*-
الليلة لاقيته ملأ السرور قلبي وبي إسمه ناديته
*-*-
سطوة محاسنك عندي وكتين شوقي يصبح في هواك
ليل عزة ما بتعرف هوان
*-*-
سحابات الهموم يا ليل بكن بين السكات والقول
*-*-
ليالي هناي جد عاكسوني متين في الطيف يصفو ويجوني
*-*-
عمت بشائرنا دام الفرح لينا ضاءت ليالينا
*-*-
الليل الهادي يذكرني حبيبي الغالي من بدري
*-*-
في الليل الهاجع غرد يا ساجع اذكر أحبابي وهيج أشجاني
*-*-
في دجاك يا ليل الطيب هبالي دا الجنن قيس وكثير قبالي
يا غزال الروض
*-*-
يا جمال روح الليالي وومضة الفرح الحزين كل شيء بعدك يبكي ويسري في الأرواح حنين
لي لياليك أو صفاتك أغنياتك يا حنين والصدى وذكراك معانا والحنان طول السنين
*-*-
ليالي الأنس لذاذ بلحيل
*-*-
الشجون بالليل نادموني الأنين والنوح علموني
*-*-
يا عيون إنتي لون الليل زي لونك سواده كحيل
*-*-
شايفينه بريدني والشوق في عينيه ليل الوحدة قاسي وانا خايف عليه
*-*-
سهران بهاتي انا طول الليل بنادي على الحبيب الراحل زايد نار فؤادي
*-*-
الليل ما بنومه لأني أنا حارس نجومه
هذا قيض من فيض في ذكر الليل ، وما أدراك ما الليل في مخيلة الشعراء ، أو كما يقول المثل السوداني الصميم
طول يا ليل على الواعيك ، ويا جمرة أحرقي الواطيك

اللليييييييييييييييله

بوست سمح سماحه!!


اب اب اب اب

شكرا يا Hopeful على التشجيع

بس إنتي (أشرقي)
وإشراقة (الأخرى)
وشوفو كان الليل يلقى فرقه!

أوع تصدقن وتعملنها ، باقي انا من عشاق الليل الما بنومو لأني حارس نجومو.
بوست حلو وأرشحه للبقاء فوق دائمآ.

الاخت اشراقة
بداية رائعة اهنئك عليها واتمنى ان تواصلي بنفس هذه الهمة.فالكتابة يا عزيزة -كما قال المرحوم علي عبدالقيوم-وجع جميل يسعد الروح ويهلك الجسد.
اود ان اشير الى رائعة ابي فراس الحمداني التي شدا بها الاستاذ عبدالكريم الكابلي(اراك عصي الدمع) والتي يقول فيها:
اذا الليل اضواني بسطت يد الهوى واذللت دمعا من خلائقه الكبر.
اشراقة
راجعي البريد الداخلي. ولك الشكر.

الصديق أبو ساندرا
عشت يا صاحب القلم الرشيق
والعبارات الغنية
وينك؟؟؟ ناس الإمارات في الانتظار

الحاج فتحي الصديق
شكرا ليك وفي اتظار المزيد بعد الحج إن شاء الله

ليل البعد والغربه
---
كلام جميل يااشراقه وبعتقد انوالليل مصدر من مصادر الالهام الشعرى وعشان كده بتلقى الليل وتوابعو من قمر ونجوم وغيم ومطر ورحيل وسهر ليها تأثير كبير فى معظم قصائد الحب

الأخ بشرى سليمان
تشكر على المشاركة
الليل رفيق العشاق والمحبين
الليل رفيق الغربة والهم
ورفيق الألم والحزن
لكن لليل أيضا عشاقه ... أو كما قال أبو ساندرا

الليل
مااجمله هناك
حين ناجيتى نجومه وحكيتها احلامى واحزانى
الليل والسماء المفروش يحتضن همسات العشاق
هناك حيث تلك النجيمات الجميله التى اختلست الهمس والنظر وانا اتدفأ بكونى مع حبييى فى تلك الليلة البارده..
بارده.. هل كان ذاك بردا ام سلاما
وماذا يعرف ليلنا ذاك من هزيع الروح فى ليل لا يفترشنى سماه ولاتغازلنى نجيماته
الليل المحروق بالنيون
الليل البارد
الليل الذى لايشبه ليالينا تلك
حتى ليالينا تلك تغيرت
ليالى تكثر فيها الهموم ويغلب فيها حل الحزن المرابض فى حشا الام المهمومه

الليل

... وساعود ان هون ليلى

اشراقه