ليه كدا يا بورداب الرياض . . ما كان العشم

أها ياجماعة الخير
ما كان العشم
بالله عليكم تعملوا الحاجات الحلوه دي من ورانا
وما تقولوا العجوز المتصابي حمزاوي وين
ياودقاسم كتر خيرك غايتو ما نيستنا انت الوحيد الجبت خبرنا
يا ابوجهينه يا ابن بلادي يعني ما تسأل مننا
ما تقول الزول دا وين
ما تقولوا الشاب الوسيم حمزاوي الحاضر معاكم كل الاحتقالات
وينوا ما شايفنو . . ليه ما شايفنو يرقص في الحلبه ويكشف
معليش يا اخواني الأعزاء انا كنت في جدة المنطقة الغربية
اهو العمل والتكاليف طبعا نحن ما نقدر نقول الا سم وحاضر
كان بودي ان احضر واحضن واتمعن في بهاء وروعة اخواني
اللذاذ علاء ودشاموق وخالد ودعويس
أودع أودع أودع كيف أفارقكم أودعكم لا لا ما بقدر
ودي فرصة كمان الواحد كان يلاقي ودشندي الشيعي دا
يا جماعة ود شندي دا لذيذ ذي كتابتو في البورد
والله فرصة وضاعت
الأخوان تايقر وشتات انتو برضوا معانا في الرياض نتمنى
ان نلاقيكم في فرصة قادمة وسعيدة
الحمد لله رجعت اليوم للرياض ، وكان بودي ان اتلقي ببورداب جدة ولكن الشغل كان كتير ومتعب

وأكرر أسفي للاخوان علاء ودشاموق وخالد ودعويس

حمزاوي الرجل الركن في مجموعة بورداب الرياض ، والله افتقدناك في الترتيبات وفي الحفلة وفي العرضة ، وافتقدنا ابتساماتك وتعليقاتك البهيجة ،
لكن الجايات أكثر من الرايحات .

شكرا ليك يا اخوي
ودفعتي يا ودقاسم اهو ذي ماتعرف تكاليف الشغل
بس فوجئت بسفر اخونا علاء ودشاموق
الله يوفقهم جميعاً

حمزاوي

حقك علينا وخيرها فى غيرهــا
الجايات أكثر من الرايحات
وأحلى الأيام هى التى لمن نعشـــها بعــد
ولك منا فنجان قهوة وأنت تطل على ساحل الصــباح
ولنا لقاء ان شاء الله

صـلاح / شتات

اخونا حمزاوي
فقدناك والله
لكن ما عندك حظ
فاتتك جنس ربة
وصاحبك ود قاسم ما قصر
اخد ليك حقك معاهو
وعلي العموم زي ما قالو ليك
الجايات اكتر من الرايحات
واستعد لوداع وداع ود قاسم لما يجي الخريف
مع تحياتي

معلش يا حمزواي ، برضو كان أملي أن أحضر هذا اللقاء وأشوف بورداب الرياض ولكن ظروفي (القاهرة)حالت دون ذلك .

حمزاوي الرجل الماكن المكين المتمكن
حمدا لله على السلامة
أوع يكون قابلوك الحجاج بي هناك ، سمعت إنهم بيفتشوا ليك.
تصدق يا حمزاوي ، إنت أول واحد رديت في بوست الإجتماع ، أها بعد داك ، رحبت بعودة حبيب بلدو ، و كنت متأكد 100% من حضورك لأننا ما عندنا خبر بسفرك ، و فوجئنا بعدم حضورك ، قلنا يمكن عذر طاريْ
على كل حال فاتتك حفلة ( هجيج ) , وداع ( حار) و ( مواهب )
خيرها في غيرها يا حمزاوي ، و أعفا مننا.

عزيزي الأخ
شتات
لك تحياتي وودي
فنجان جبنا (قهوه) بي شمال يسوى الدنيا بي حاله
نشربها سوا عند عمدتنا ودقاسم
فعلا كنت في حاجة إلى لقاءكم ولكن الظروف
والبركة في الجايات

عزيزي الأخ
احمد حنين
سلام وتحية ليك
انا فعلا ما عندي حظ عشان ما كنت معاكم في الهجيج
قلت وداع ودقاسم في الخريف
بتجي الخريف واللواري بتقيف . . قال يسافر قال
كدا يا اخوي احمد نشاور ام طلال لمن نزورهم في العيد
ونشوف رايها شنو طبعا هي صاحبة الرأي والقرار

شقيقي ولياب
لك حبي وتقديري
ياريت نلتقي في العيد ونفرح بلقاءك
وكل الأحبة
والمناسبات الحلوه اكيد حتكون كتيرة
ونشوفك وانت زايد حلى

يا ابا جهينة يا ابن بلادي
سلامي ليك ولمن معك
فعلا انا كنت متابع ومهتم بس جاتني السفرية دي فجأة
وذي ما قلت خيرها في غيرها وربنا يكتر الافراح في الاستقبال
مش في الوداع
ان شاء الله نلتقي في الافراح

جدو
حمزاوي
البردابي المتشبب
اها اجيك من الآخر
شيعي وجعلي من مواليد جوبا
عندك شنو ليك
مك والا ماني مك،
خايفين ندخل حرف اللام علي كلمه مك
تقوم تبقي انتحال شخصيه
ويبقي لي بالخروج النهائي
زي ما قال حسن المك
خفيف الظل

اخوي الكبير
ود شندي
سلام من قلبي ليك
أخوي خليك مك بدون حرف لام
واللام يلم
والجعلي يقضي يومه خنق
بس هم حسع خانقننا
اذا عدتم إلى الرياض فكرمونا بزيارتكم

الأخ حمزاوي

تحية الصباح ..
كنا في شوق شديد للقاء الأحبة ..
وحين إجتمعنا لم نشعر ببرودة الطقس من حرارة اللقياء ..
وبحق إفتقدنا كل من لم يحضر ليلتها ..
فلك العتبى حتى ترضى ..
والجايات أكثر من الرايحات ..

اخوي معتصم دفع الله
كنا نتمنى لقاءكم والهجيج معاكم
وأجري أبشر فوق اهلنا واحضن اصحابي اللطاق
بس ذي ما قلت الجايات اكتر من الرايحات
ولك الشكر والتقدير