إلي الأصدقاء/نقد وحافظ خير.(اللهم إن كان هذا فسقا فاحشرني في زمرة الفاسقين)

Quote: اللحن في اللغة هو الخطأ و قد سئل الامام مالك عما يحله أهل المدينة من الغناء فقال انما يفعله الفساق منا ورد عن الامام ابن حنبل (والعهدة علي الراوي) بان الغناء فسق و التلذذ به كفر و اورد الامام ابن القيم الجوزية في كتابه تبليس ابليس حديثا يقول" ان من يستمع للغناء يصب في اذنيه يوم القيامة الأنك" و الانك ياعزيزي هو الرصاص المذاب. صديقنا محمد احمد محمود حدثني ذات مرة انه ينوي دراسة صور التعذيب التي وردت في مثل هذه النصوص دراسة نفسييا ليعرف من اين اتوا بهذا الخيال الفظيع

جزء من رسالة بعث بها لي الصديق محمد نقد من لندن..
ولحافظ خير (فردة) والصديق نقد أهدي اللحن وأقول..
اللهم إن كان هذا فسقا فاحشرني في زمرة الفاسقين.

العزيز خالد
ما أكثر تأدبا مع الله منها اللهم إن كان هذا فسقا فاغفره لي و أحشرني في زمرة التائبين.
أخي
مجرد خاطرة أحببت بثها و هي لك خاصة لأني أعلم أنك لن تتهم نيتي.

أخي العوض..
سلامات..لن أتهم نيتك يا إبن عمي..
لكن البيني وبين الله عامرة أمرق منها إنت
وأهديك اللحن إن سمعته كاملا فادعو ما شاء لك
ومع اللحن أهديك من المحبة أكوام..

يا خالد مالك هيجت لي الذكريات
احس اني اقف الان في شارع كمشكاتو(اسمرا)
في الساعة تمنيه مسا
وكل المدينة تقطعه ذهاباوايابا
وعلي الوجوه تلك البسمة الحلوة
يحفظك الله يا ارض الثوار

وياربنا احشرنا مع الطيبين

نهار

تشكر يا خالد على الرد الظريف، لكن ما مارق منها عسى أن تعمر البيني و بين الله

اميييييييييييييييين

العزيز نهار..
تسلم يا زول يا زين..
وما تثيره الأغنية من ذكريات..كتيييييييير يا نهار يا أخوي

العوض..
الله يديك العافية..

SAdo7 ...

اخي خالد
اكن لك احترام كبير ولكن اتحفظ علي الدعاء بهذا الصوره واتمني ان يتم حشرك مع الطييبين يوم القيامه وكلنا اجمعيين . انا عن نفسي احب الدعاء بالاشياء الطيبه وارجوا ان لا يكون فاسق بيننا.
تحيه وحب من محب
والسلام.

سلام يا أخى خالـد،
الخطيئـة دائمـا فى العقل، وليست فى الأعيان، والمـوسيقى فى بـدايـة سـلوك المسلـم على نهـج السنـة، تشغل عن الله، ولكن فى نهايـة الســلوك، فإن كل شـئ يـدعـو الى الله بإلحـاح.. ولا أحـد يستطيـع أن يدعى هـذا المقام، لأنـه سـوف يمتحن.. ومن يمتحنـه الله فإن سـقوطــه مضمــون..
وليست الموسيقى وحـدهـا التى حرام فى الشــريعـة، وإنما أيضا التصـويـر والتشكيل والنحت.. كلهـا حـرام فى الشــريعـة بنصــوص قاطعـة.. وغنى عن القول المكرر، أن نقول أن الكثيـر من أوامـر الشــريعـة لم يقصــد منهـا زماننا هـذا، والواجب يقـع على عاتق المسلمين.. والنقص سيظل نقصهــم وليس نقص الشــريعــة.

أبو الريش..سلامات..
لا علم لي بهذا يا أبا الريش..
ولكن ما أعلمه هو أني حين أستمع للحن جميل تبدأ أرجلي تهتذ..
وأصابعي (تطقطق) وأهذ رأسي في نشوة صوفية..وأكون حينها مبتسم وقالوا أن الأخيرة صدقة..
ولا يتأذي أحد من ذلك.
وبعيد عن كل ذلك...
رايك شنو في الغنية بالله مش شديدة..

العزيز محب..
ولكلامك الطيب يا محب سأشرح لك..
أعتقد مؤمنا أن الغناء غذاء للروح..
وأري أن الموسيقي هبة من الله لغسل أحزاننا.
وأحس بنفسي أكثر جمالا وشفافية عند إستماعي لجميل النغم..
وأعتقد كذلك أن دعائي لله تعالي وهو عليم بما في الصدور..
فمن ظن أن الغناء والموسيقي فسق فاليدعو الله بالهداية له ولي..
ومن كان مثلي فله أن يدعو ما يشاء..
ولك مني أرتال من المحبة.

الخال خالد الحاج
وللفاسقين في زمان التكفير مكاناً طيّبا في لظي المعرفة التي نشتهي للانسان المعافي
و
اللهم امين فيما يخص حزب الانسان المتين
و
ولتلك الديار الغنّايه اطيب السمع منّّا
و
سلام الي مطلع الامر

ياه ..يا عاصم..
لو تعرف طلتك صنعت جواي المطر..
وخالك بيهديك كل الغني..كل المني..

**

خالد الحاج العزيز

قبل ساعتين من الآن سمعت :

Figrey , Indiminnish

سمعتها شفاهة من الباب للباب ، و ها أنت تكسو الصورة إطارا بأغنية هي ( أفريقيا ) بحالها ، هي هذه السحنات بلون طين أفريقيا
تسلم ، و نيتك صافية زى اللبن إن شاء الله و مع زمرة البررة الكرام آمين

انت ظاهر عليك زينا..

ما بستحمل الطرب.


خالده الجنيد قالت ..نحن وهم(ناس بيتم وناس بيتنا)..ما بنستحمل الطرب.

الحكايه دى بتعمل احراجات مرات.

اخوي خالد : اللحن جميل ذكرنا أفريقيا و الجوع و الفقر و الحزن المستدام .
ياخوي الفنانة دي اريترية وللا اثيوبية ؟؟ و اسمها منو ؟؟

الاخ خالد
هل هذا تحدي للخالق
نحن في أيام حرم والحجاج يلبون لبيك اللهم لبيك


نرجو التراجع


مع خالص مودتي

يا خالد الحاج
الموسيقي عندك
شايف شيخنا نقد مامقصر معاك بالفتاوي
وربنا يكضب الشينة

العزيز أبو جهينة..
ليت كل القلوب تحمل من الحب ما يسعه قلبك أيها النبيل..
القومةليك يا أباجهينة والله ..

تماضر..
برضو أصابعيكي بطقطقوا براهم..
من لم يرق قلبه للحن جميل فهو حجر يا بت الشيخ
ويظهر إنو نحن من زمرة واحدة


العزيز خالد الطيب..
الفنانة إسمها Hamelmal Abate
وهي أثيوبية..ويقال والعتب علي الأخوان زملاء البورد أحمد أمين ومعاوية الوكيل
أنها فنانة أثيوبية الأولي وقد سحبت البساط من بين أقدام Aster
والسي دي من ضمن مجموعة أهدانيها الأعزاء الزملاء حنينة وأحمد أمين..

العزيز رضا..
يا زول إستهدي بالله واسمع الغنية الحلوة دي
لا تحدي ولا يحزنون يا إبن عمي..ومن أنا حتي أتحدي الله
إنت أظنك قايلني إبليس عديل كده

أحمد أمين..
شيخي نقد الله يديه العافية

*

يا لك من مُحرضٍ على الفرح يا خالد الحاج ....
لك محبتي على صُحبتك الممتعة في لندن ،
وعلى الموسيقى التي تقولُ كثيراً !! ومثلما قال شاعرنا سيد أحمد بلال :

الموسيقى لا تقول كلاماً
ولكنها تَرْدِم الهاوية
الموسيقى لا تقول كلاماً
ولكنها تَفْتَح الطرقات
مابين مركز القلب
وأطرافه النائية
الموسيقى لا تقول كلاماً
ولكنها تَفْرُش الدَّرب للقدم الحافية
الموسيقى لا تقول كلاماً
ولكنها تصْحَبُ الروح وهي تعتلي القافية
الموسيقى لا تقول كلاماً
ولكنها تَمْنَح الصَحّة والعافية


لك محبتي على صُحبتك الممتعة(جداً) في لندن.

*

حافظ خير..
إزيك يا زول يا زين..
يا ريت أقدر أسوق كل الحبايب..
ونقعد في لحظة هناْء ..نسمع صوت ملائكي..
ونشوف كل الجمال في زول وهبوه ليهو كما يشتهي..
ويكون عارف إنو جميل..والعيون تتبع خطاه..
والموسيقة منظومة علي إيقاع تقسيمة رقصتو..
وجدعة الراس..ورفعة الكتف..ورمية العيون..
وليلا نجومو خجلن من جمالو..والليل حلو..

ويا حافظ...الما رافقك أريتو بالخلا..
ورفقة الناس الحلا..والله ما أجملا

خالد الحاج سألتك بالذي ركز الارض معبد كان ما ختيت لنك الحفظ .


حمامة نيابةعن الجندريه !!!

Save @ PC

ولحمامة لنك الحفظ

أنا في زمرتك ياخالد . و المرء يحشر مع من أحب .
والله الرحمن الرحيم عند ظن عباده به .

تعرف يا نديدي ... ضغطت الصفحة دي ومنتظرها تكمل النزول وجاتني الاغنية .. ابتسمت ..وبدت هزة الرجل وحركة الراس ..قبل ما اقراء المكتوب
يا خالد ... متعة متعة والله .. وربك بعلم ما في الصدور ...

يا اخوانا بعد اللنك دا يجي واحد يترجم لينا ولو حاجة تقريبية كدا


تحياتي
تنقو

العزيز بحق تراث..
ونعم الرفقة يا عثمان..
وحبابك ألف في زمرة العاشقين..
نقدل (ويسبقنا الشوق قبل العينين)..

تنقو الجميل..
تعرف يا خالد..في ناس بتعصلج في العناوين..
وناس بيسوقها الغني..

الله يديك العافية وكان داير الشرح
عليك بالعزيز هشام يا زول يا زول..
أما لو داير تتبحر في اللغة فعليك
بابي جهينة والراجل بيسمع(من الباب للباب)..

ابا واللعين فرده
فى طريقه تحشرونا معاكم ؟؟؟
يا فرده انا جاييكم قريب..اتوصي بى

عصام..
الحجل بالرجل يا حبيبي تسوقني معاك

خالد الحبيب

فى أحايين كثيرة، وكثيرة جدا، تصبح الموسيقى عندى أهم من الأكل والله

وحين يستبد بى الطرب ويبلغ مداه ويتعمق فى مسام الروح، تجدنى أهتف صامتا

اللللللللللللللللللللللله

أذكر خالق الجمال فى مطلقه واسبح بحمده أن منحنا مثل هذا الجمال

لو استمعت الى ابوداود فى معظم أغانيه، تجده يردد نفس الكلمة "الله" وكانه يمارس فعل التمجيد ويسمو بأرض الطرب الى ذرى سماوات أخرى

لا عليك يا صديقى، فآفة العقول هى أن تنسى أنها عقول، وأن الله قد خلقها لتتفكر فيما خلق، ليس إتباعا مجردا، بل إعمالا وتدبرا "أفلا يعقلون"

بالله يا خالد، طبعا طولنا ما قلنا ليك "هبنا نفحة من نفحاتك المعطرة" عشان كده بالله لو عندك اى شى لماجدة الرومى، الينا بها، هذه المخلوقة من طين العذوبة ومعانى الشدو السماوى الحقيقى

وكان مافى كمان، برضه بحبك

أبوذر

مطر الخير عاود هطل...
إزيك يا أباذر..
كل سنة وانت طيب..

Quote: وحين يستبد بى الطرب ويبلغ مداه ويتعمق فى مسام الروح، تجدنى أهتف صامتا اللللللللللللللللللللللله

Quote: لا عليك يا صديقى، فآفة العقول هى أن تنسى أنها عقول، وأن الله قد خلقها لتتفكر فيما خلق، ليس إتباعا مجردا، بل إعمالا وتدبرا "أفلا يعقلون"

يا سلام يا مطر..
يا سلام عليك ألف سلام...

ولك ما طلبته ومن العيون الحدق..

الاخ شكرا لك وشكرا للمطربة ابونش
لو كنت بعرف تحميل الاغاني لاشبعتك من هذه الالحان
سوف احاول ارسل لك بعض الاشرطة بالبريد

ياخال غايتو سمعنا
لكن ان بقي فسق نتمنى ربنا يتوب علينا ويحشرنا في زمرة الابرار

ياخال .. ازيك كده ..
انا ما بقدر اسمع حسع دي ..
بس امل مل ابتا دي .. عندها اغنية اسمها حبيبي السافر بجيبه ليك حاجه كده
بتغنيها لي زول سوداني كان لقيت الشريط ده برسلو ليك .. وربنا يعينك عاد ويعينه معاك

شديدة يا خالد
الصور طبعا اشدا
طيب وينو الفسق دا
احنا الانك دا ورانا ورانا دنيا و آخرة
لك الياسمين ياخى على هزا الاعتزاز الجميل

العزيز عجب الفيا...
حمد لله علي السلامة..
إفتقدنا طلتك ويظهر إنو النت أخيرا تصالح معاكم..
أما عن الغناء..فلا كفاية حدية هنا يا عجب..
أجدع ساكت وخلي التنزيل علي أخوك..


الملكي..
نومي قفا يا بت عمي..
ما بتجيكي عوجة ضمة ضمة..
الأعمال بالنوايا..

تمبس..
بركة بالشوفة..
خالك كان جينا للنصيحة محتاج للمعونة..
والزومة متضايقي..

أسامة العزيز..
ياه.. ليك زمن..يا زول وين الحي بيك؟؟
ليك والله وحشة ولي ياسمينك كمان..
ليك المحبة وللحاقدين الرماد..

العزيز خالد
يا خطوتك
يا خطوة ضاعت
بين صراخك و الصدا
بين المشاوير و النوى
بينك وبين كل المشاعر
الفينا غرقت فى الغنا

( يحيى فضل الله )
وأنحنا معك و النغم الجميل .. لك الود

Jaja Jr
ولك الود يا عزيزي
وكل سنة وانت طيب..
وتشكر لقصيدة الرائع يحي فضل الله

عزيزي خالد،
آسف للطلب المتأخر، ولكن هل لي أن اتعشم ولو في موطئ قدم في هذه الزمرة الجميلة العامرة ؟؟
تحياتي وأتمنى أن ألتقيك وكل الجميلين هناك- إذا رضي عنا فردة ونقد طبعا!!.
مع الود،

ع ع

يا خالد، الموضوع ما شخصيّ ، أنا أصلا ما ممكن أقصدك ومافي سبب "لأنّي ببساطة ما بعرفك" ، لكن أحسن تكتب:
(اللهم إن كان هذا فسقا فاغفر لي)
أتمنّى استغلال هذه الأيّام المباركة فيما ينفع ولا يضرّ،
وبصراحة كده لو الغنا طلع فعلا فسوق، يبقى إيه موقفك قدّام ربّنا؟
وإذا سألك عبادي عني فإني قريب أجيب دعوة الداع إذا دعان فليستجيبوا لي وليؤمنوا بي لعلهم يرشدون
نسأل الله الهداية لنا وللجميع
أحمد الريّح

العزيز عادل..
يا زول مرحب بيك ونوم قفا..
نقد وحافظ راضين تب وابقي تعال..

أحمد الريح..
(قل يا عبادي الذين أسرفوا علي أنفسهم لا تقنطوا من رحمة الله)
صدق الله العظيم..
أخوك ماسك في دي شن قولك؟؟

خالد الحاج

انت دانانا؟؟

ودي بالامهري يعني انت كويس ؟

كل مااشتاق اسمع نغم يهز اوتاري

ويدمع عيني و لو قليلا

ازور هذا البوست

لك الشكر يا "خال "

ماتجي راجع و تقول لي " يخلخل مصارينك "

من هذا المنبر نطالب بكامل الشريط و الترجمة

مش يمكن تكون الفنانة دي بتدعو للفسق و الزندقة ؟؟

يا خالد
...ونعم بالله
لكن إنت الجابرك شنو تدعو على نفسك كده وبعد داك تكوس الرحمة!!! قال الرسول الكريم(ص): (ما من مسلمٍ يدعو بدعوةٍ ليس فيها إثمٌ ولا قطيعة رحم، إلا أعطاه الله بها إحدى ثلاث: إما أن يعجل له دعوته، وإما أن يدخرها في الآخرة، وإما أن يصرف عنه من السوء مثلها)
وبعدين ببساطة شديدة دعاك بالصورة دي معناهو: "يا ربّي لو الغنا ده حرام وفسوق أنا ما بخلّيهو، أحسن أكون مع الفاسقين"
وعموما علاقة المرء بربه خاصة، لكن الذكرى تنفع المؤمنين، والمؤمن مرآة أخيه المؤمن، ده من ناحية،
والناحية التانية المهمّة: لو ما اعترض زول على الدعاء بالصورة دي ممكن ناس تانيين يفهموا أنو صاح وتبقى دخلت في المعنيين بحديث المصطفى(ص): (سن سنة سيئة كان عليه وزرها ووزر من عمل بها إلى يوم القيامة).
والله من وراء القصد
ويا ناس الدنيا قبايل عيد ما يجوني الجماعة ويطلّعوني "ظلامي" ، أقرو كويّس أنا بتكلم عن الدعاء، ما بحرّم في الغنا
وكل عام وانت بخير يا خالد
أحمد الريح

حاشاك الظلام ياأحمد يا أخوي..
لكن وبما أنك تدعوني لسمح الفعل بادر بالسلام يا إبن عمي..
ثم هل قرأت حواراتي مع الإخوة الأفاضل قبل أن تهديني سواء السبيل؟؟
يا أحمد يا أخوي ما صغته ليس دعوة في حد ذاتها بقدر
ما هي محاولة لتأكيد أن الموسيقي والغناء هبة جميلة من الله
وإستنكار مني لمحاولة إعتبارها إثم يستوجب الغفران..

وعسي الله أن يتقبل منك دعاءك ولا تنسي أخاك من صالح الدعاء..
ولك محبتي..

خالد الطيب..
دانانا أنا يا خالد..دانانا في عينك
كل سنة وإنت طيب..ولك من خالك كل الغنا
وتعال في الهوت ميل ما بتلوم معاك تب..

خالد الحاج

والله كتاب " تلبيس ابليس " ده عجيب

يعني تسمع غنية زي دي و تكون من الفاسقين

غريبة و الله

فتشت في بروفايلك مالقيت ليك هوت ميل و لايحزنون

يعني فوتني ساكت

وبعدين لقيتك من مواليد 1961

يعني ما خال و لا حاجة

نقول ليك ياود العم

هوت ميلي هو http://[email protected]

طلب اخير : مابلقي لي نسخة من " تلبيس ابليس "

كل عام و انت بخير

يا خالد يا أخوي ده حسين ملاسي
الله يجازي محنو قال نحن علي مشارف الخمسين..
خمسين في عينو والجوكر بايظ
[email protected]
ده الإيميل بتاعي..
وتبليس إبليس ما عندي لكن كان داير إبليس زاتو نتفاوض

يا خال
انا معاكم رجالة و ضكرنة و طق حنك...
و غناء و طرب للصباح، شربوت بالنهار و مزز و عضام باليل،،، و كان دايرين تفزعوا بنفزع معاكم،،، طيارات اخت الموت.

لكم الياسمين على قول اسامة الخاتم.