Post: #1
Title: الخروف راجيني في الخرطوم
Author: كبسيبة
Date: 01-24-2004, 11:52 AM
Parent: #0
والله فرحان .. فرحان
الأسبوع شتات للسودان بعد غياب 4 سنوات بحالهم طق طق
وأحلى حاجة الواحد ماشي وعيد الأضحى على الأبواب لأن صراحة
لي 4 سنوات ما أكلت لحمة.
غايتو يا خروفنا أمانة ما جاك بلاء أنا من هسي شامي ريحتو
غايتو يمكن أجيكم ناقص سنين كمان.
وكل سنة والجميع بألف خير .. وربنا يحقق أمانيكم
لحدي ما أشوفكم بعد الإجازة إنشاءالله
والعندو وصية للسودان يقول
مع حبي..
|
Post: #2
Title: Re: الخروف راجيني في الخرطوم
Author: hamid hajer
Date: 01-24-2004, 12:05 PM
Parent: #1
اخي العزيز / كبسيبة
ربنا يتم فرحك يا رب ..
اذا ضبحت الخروف بالله ما تنسي اهلي المهجرين في دارفور ..
بس ادينا الفرته .. ام فتفت .. فشفاش ..وحته من الام كرمكرم
بتاع الرقبة .. و الباقي حلال عليك .. وما تنسي حقت الجيران
كومين تلاته .. والجلد اوعك تديه لناس الله اكبر اياهم سويه ،
فروة للصلاة ..
مع خاص ودي ............... حجر
|
Post: #3
Title: Re: الخروف راجيني في الخرطوم
Author: كبسيبة
Date: 01-24-2004, 12:32 PM
Parent: #1
أخي hamid hajer
تسلم أخي والله السودان كلو على البال
وإنشاءالله أجيب ليك معاي أخبار حلوة عن الأهل في دارفور
وما حنساك في المرارة بالشطة والدكوة والبصل لمن النخرين تسخن
والجلد يا فردة يشمووووه قدح ... حتى لو صريتو جبتو معاي
وكل سنة وانت طيب وربنا يفرج الكرب عن أهلنا في دارفور.
|
Post: #4
Title: Re: الخروف راجيني في الخرطوم
Author: سمندلاوى
Date: 01-24-2004, 01:03 PM
Parent: #1
كبسيبة
بختك وبختك ثم بختك
انا لى اربعتاشر سنة ما اكلت لحم الضحية وهسى الخروف المعلق دا , ماااالك عليا شوشوتنى
عليك الله صحن بتاع شية جمر كدا وصحن مرارة اكلهم لى
لما ترجع بديك هدية
كلو سنة وانت طيب والجميع طيبين
تحياتى
|
Post: #5
Title: Re: الخروف راجيني في الخرطوم
Author: sentimental
Date: 01-24-2004, 01:09 PM
Parent: #1
الخروف ده منو يا كبسيبة ??!!
الكان بقول بااااااع والان بقول بووووووع
|
Post: #6
Title: Re: الخروف راجيني في الخرطوم
Author: كبسيبة
Date: 01-24-2004, 01:49 PM
Parent: #1
سمندولاي
لكن ما بالغته عديل كده اربعتاشر سنة ياخي أنا هسي الأربعة
دي راسي شطب فيها عديل كده.
لكن ليك علي أكل ليك صحن المرارة والشييييييييييية
وإنشاءالله يا أبو هالة نشوفك في العيد الجاي وانت جاري خروووفك وراك وناكل الشية سوى.
يا سينمنتال
أنا خروفي غايتو ببعبع يعني بقول باااااااااااع كأحلى موسيقى
أما خروفك الببوبع ده شوفو أكلتو شنو قبل ما يحصل التوج.
وكتيرين الأكلو نيم يوم العيد.
ونحن عندنا خروف يا سمندلاوي كب الزوقة لحدى يوم الليلة ما عارفين لما فيهو يا تو جزار.
وناس جيرانا الحرامي جاهم وسرق الخروف بتاعهم تصدق.
نصيحة بورتية
اشتري السلبة والبصل قبل ما تشتري الخروف
باااااااااااااع
|
Post: #7
Title: Re: الخروف راجيني في الخرطوم
Author: خالد الحاج
Date: 01-24-2004, 03:31 PM
كبيسة..
وحيات فلجتك الحلوة دي حاسدك..
ولا بقران ولا حاجة حاسدك عديل أو حاسدك ضمة ضمة و (ضمة ضمة) دي أسأل منها ملكة سبا
أحضن لي أي زول لابس جلابية بيضا ومكوية..وأقعد لي في كرسي جنب الجزار و(الأتي) ما تكبو كلو في
أم فتفت شيل الباقي وأعطنو فلفل وعلقو في فرع شجرة لو ما عندكم راكوبة.وأرجاني بيه في الزمن السمح..الله يكتب سلامتك..
والفلجة عندك
|
Post: #8
Title: Re: الخروف راجيني في الخرطوم
Author: Raja
Date: 01-24-2004, 03:40 PM
Parent: #1
كبسيبة الوسيم....
كر علي الخروف  ..
امنيتي ان تقضي عيدا سعيدا وأياما جميلة مع الأهل.. وان تحافظ على بقية السنينات ..
رجـــــــــــاء
|
|