To whom it may concern!

السلام عليكم ورحمه الله

الاخوه والاخوات الكرام

حبيت اوضح ليكم شئ عشان مافى واحد ولا واحده تكون شايله تجاهى لأعتقادهم بأنى مطنشاهم وما رديت عليهم/ن فى بعض بوستاتى ومداخلات لى اخرى

اعرف ان هناك الكثير من البوستات التى كتبتها او شاركت فيها لم تسعنى الظروف للرد على المداخلات الاخرى او حتى رديت بأختصار وقلت سأرجع للرد بالتفصيل ولم اعد, كما ان هناك الكثير من البوستات الجميله التى كنت انوى الكتابه فيها لكنى لم اتمكن, لضيق الوقت ولظروف خاصه امر بها هذه الايام...كما اننى وعدت ايضا بأيراد قصه حجابى فى بوست حجاب الفنانات ولم اتمكن من ذلك خصوصا اننى لا املك كيبود عربى وتستغرق الكتابه منى زمنا طويلا بهذا الكيبورد,
اعتزر لخاله بيان لعدم مؤازرتى لها هذه الايام, ولتماضر لعدم شدى على يدهافى بوستها الجميل ايتام ام سهى, وللأخ مكسب لعدم تمكنى من ايراد قصه حجابى وعدم تمكنى على الرد عليه هناك, وللأخت سودانيه التى تمنيت ان اشاركها احتفالها بيوم الجمعه وللأخوه والاخوات المشاركين فى بوستى عن الحرب على الحجاب, ولكل من شارك فى بوستى حول جمع التوقيعات لمحجبات فرنسا ان لم ارد على البعض او كان ردى مقتضبا, ولكل الكان مفروض اهنيهم بخطبه او زواج او ولاده وانتهذ هذه الفرصه لأهنئ الاخت روز بالخطوبه والاخ سمندلاوى بالمولوده الجديده والاخت مريم بنت الحسين للنجاح والتفوق وكل الاخوه والاخوات الذين لم تسعفنى الذاكره بذكرهم, اعتزر ايضا عن عدم ردى بالتفصيل فى بوستى عن احسن عمل فى تاريخ الجامعه تقدمه اربعه مسلمات بينهم سودانيه...واعتزر للذين طلبو نسخه من البروجيكت ولم اتمكن من الرد عليهم...واعتزر اننى ايضا لن اتمكن من الرد فى ايملات شخصيه ولكنى سأبذل جهدى لتوصيل البروجكت لكم بأذن الله, اعتزر ايضا للريس بكرى لأنى كنت انوى كتابه كلمه شكر وتقدير لما يقدمه لنا ولم اتمكن

لكنى اعدكم اننى سأبذل مافى جهدى للرد او التعقيب على البوستات المزكوره, بس براحه شويه على اصلى لسه طالعه من امتحانات وفى حاله كده زى الغيبوبه, الله ما يوريكم ليها...لكن انشاء الله يوما ما سأرد على كل زلك, فأعزرونى الى زللك الحين


وفى امان الله

لا اله الا الله

..
.
طيب ما انا برضو من الناس الطنشتيهم
شنو يعنى فاطه اسمي ولا فناس الشارقة ببصبصو
لعينتنا ديل ..

سمح مشكرة للاعتذار نيابة عن الجميع
والله عارفنك مزنوقه وشايلة يافطات دعم الحجاب وكدا

دمت
وفى امان الله

Assalamou alikum

i couldn't find your post about 7igab in france but i wanted to share an email that i got recently, sorry for cross-posting

and congrats on your graduation.. well done

khalid

===================================

السلام عليكم



بضغطة زر واحدة سوف تصل رسالة منك الى اكثر من خمسمائة جهة في فرنسا والتي
تشمل اعضاء البرلمان والرئيس جاك شيراك وعدد من الوزراء ... وذلك لتبيين وجهة
نظر المسلمين حول قضية منع الحجاب في فرنسا

هذا هو اقل ما نقدمه لهم

ارسلها الى اكبر قدرممكن في الانترنت

ادخل الى هذا الرابط واضغط على الزر الذي بالاسفل



http://www.islamonline.net/misc/petition/arabic/31-12-2003/petition.asp

..
.
نهاراتكم ضبابية
والله انا مووضوع لس
عارفه يا بت الاحفاد ،حمت كدا ما لقيت لى موضوع اعلق عليه
الا موضوع بن بن بتاع الغاء حقوق المراة المسلمة وقلت اجى احرشك
تمشى تقريه عشان لو جو ناس التنظير وحقوق الانسان والمراة - فى القوانين المدنية - ..الخ تديهم طله ..

وبرضو مطنشانى يعنى بس والله ناس الشارقة بقوا مش ببصبصوا ديل بحمروا عديل وبضربوا تلفونات بالساعات .. والكلام لى يا المطير عيني ..
وما طنشوا قولوا لا الله الا الله عشان نرد محمد رسول صلعم.
بالمناسبة والله شعبيتك الصين بس عارفه القراء البوست دا حوالى 200 لو خصمنا 3 منى و3 من ابي وتلاته ليك يبقى معدل شعبيتك 190 تقريبا ..عينى باردة

خالد
شكرا ليك على الوصلة

فى امان الله

الاخ الكريم تبلدينا

أعتزر عن التأخير فى الرد وعن طنيشك المن غير قصد, معليش مشغوله شويه حسه لكن بجى بعدين بقرأ موضوع الاخ بن بن, معليش مره تانيه للطناش اصلى اليومين ديل بقيت مشغوله ذى رجال الاعمال, وصدقنى مافى عين حمرا ولا خضرا بس المشغوليات, بمناسبه الشعبيه العين البارده ده ما بتنفع معانا, قول ماشاء الله ولا حول ولا قوه الا بالله, حسع لو شعبيتى نقصت بقت انين ولا تلاته بعرف السبب شنو, وتشكر


الاخ الكريم خالد

اشكرك كثيرا للتهنيئه , بوست الحجاب موجود بس بكون غاطس فى الصفحه السادسه ولا السابعه, جزاك الله خيرا على الوصله ومافى مشكله ابدا لوضعها هنا



وفى امان الله

لا اله الا الله