بيان.أساسى.خالد الحاج.جمال عبد الرحمن.الطيب بشير.(كلك بإسم الحب اجمع هنا)

الناس فى بلدى يزرعون الحب

الاحباب الطيبين
بدون ترتيب وفرز وإنحياز

فى البدء لكم حبى وتقديرى
سعيدٌ انا بلقياكم فى هذا البورد الطيب ....وماجمعنا إلا حبنا لبعض حتى نزيد من مساحة المعرفة حيث معرفة الناس كنز لايقدر بثمن.

حقيقة ما دعانى لكتابة هذا البوست هو اصرارى على وجود الجميع هنا بروح طيبة رغم اختلاف وجهات النظر(ودحين كلنا بنعبى الشكلة فى البيت...لكن مافى زول يوم خلى البيت عشان اختلف مع اخوهو...وبنجى تانى نضحك ونحب بعض)....هذا ما اود حدوثه هنا برغبة وايمان الجميع .

اعزائى
لا اريد ان اخوض فى تفاصيل ولا اريد ان تخوضوا ايضاً فى تفاصيل علما وايمان منىً بانكم تكنون لبعض الحب والود مع احترام الرأى.
بل اريد منكم ان تتصافوا وتتحابوا ... وكل منكم يسابق اخيه فى السلام والمحبة.
ارجوكم ان تقبلونى (واسطة خير) وانا واثق منكم بانكم لن تخزلونى لان حبى لكم كبير(بعدين الدنيا عيد).
اعرفكم جميعاً واعرف قلوبكم البيضاء....استحلفكم بالله ان تتصافوا هنا وان نهدى لبعض زهور العفو والحب وان ننسى مامضى ونفتح كلنا مع بعض صفحة جديدة.

شعور جميل منك
نتمني ان يسود الحب بين الجميع رغم الاختلاف

ربنا يسمع منك ياعصام وداعة...والناس دى تجى تتصافح وتتسامح لانو الدنيا اخيرها كوم تراب
شكراً ليك تانى

الكلام يا عثمان انا شاعر انو كلام كويس .... بس ما قدرت اقراهو ...

ملاسى

النداء لكم مرةً اُخرى ايهاالاحباب

أخي عثمان..تحية طيبة..
لست أدري لما ورد إسمي هنا..

الزملاء الأفاضل/
بيان..
أساسي..
جمال..
الطيب بشير..
لا أكن لهم إلا كل مودة واحترام ولهم مني أصدق تحية..
ولك مني الود لروحك الطيبة..

الاخ العزيز خالد الحاج

الف شكر لتلبيتك لنداء الحب والتصافى

حقيقة فقط لاحظت من خلال متابعتى للبورد وبعض البوستات والنقاشات لكل من ورد اسمه هنا ان سخونة النقاش واختلاف الرأى لقد اعطى فرصة الدخول لشيطان الخصام ..وودت ان ادخول كماقلت( واسطة خير)..لتصافى النفوس وطرد شيطان الخصام.
هذا كان هو تحليلى وانا اعتذر ان فهمت ان سخونة النقاش واختلاف الرأى قد ادت لرخوة المشاعر الطيبة بين الناس.
شكراً لك لتوضيح...وعارف انك وكلكم تحملون الحب لبعض.

كما انتظر الاخرين ليوضحوا لى فهمى ان كان على صواب او خطاء..حتى لا اكون اوقعت بينكم دون قصد وفعلت عكس ما اريد(يعنى ما اكون جيت اكحلها..اقوم اعميها)
ولك ولهم الحب وانا فى الانتظار

عمك حسبو
سلامات يا رايق

يازول والله انا مع عندي مشكله مع ايييي زول وحتى الأخوة "الأعداء" لا أكن لهم الا كل تقدير واحترام فما بالك بالأخوة " الأصدقاء" المسجلين بعاليه؟

لك الشكر علي مشاعرك النبيله ... وارقد عافيه الأمور علي ما يرام

شكراً عزيزى هوبفل
هذا مااريد سماعه منك ومن الجميع
وتسلم مليون مرة
وكفارة قالوا متألم شوية ..ياخى بعد الشر عليك
ولك الحب

العزيز عثمـان حمـد عثمـان حمـد
أنا إسمي مكتوب؟
طيب,
أشكر إهتمامك
أهديك و الجميع بطاقتي المتواضعة و جدها علي إبراهيم اللحو ملقاة بقارعة الشاعر فغناها على الملأ
{نحن ناس بنعيش حياتنا الغالية
بالنية السليمة
و كل زول دايرين سعادتو
تشهد الأيام عليمة}
و بلاش الجزء بتاع كسلا لأنو أم بشير صاحية
تسلم يا حبوب

الاخ الطيب بشير
الف شكر لك
متمنياً دوام المحبة بين الجميع
ولك كل التقدير

شهوة ان تكون الخصومة في عزها واضحة
غير مخدوشة بالعناق الجبان
قبلات من لا اود منشار بس
وابتسامته مديدة في كنيف..


كنيف...كنيف عديييييييييييييل

وتجي تقول لي البورداب اعلاه يتسامحوا..
ديل كان بقو اصحاب البخش البورد تاني منو؟؟

الاخ دكين
علينا ان نجمع الاحبة
وان كان هذا غير ممكن فى نظرك فالواجب نحونا ان نجرب فالارضة جربت الحجر كمايقولون

ارجو توضيح كلمة (كنيف)

ولك شكرى

الأخ عثمان..
كنيف تعني (أدبخانة) أو توليت
وما يعنيه دكين هنا أننا ننافق بعض..
وله أن يعتقد ما يشاء. إلا اللفض سلطان.

Quote: كنيف تعني (أدبخانة) أو توليت

هي ما كنافة بالله ....

ملاسى

الاخ عثمان
ليك الود

وشكرك لمساعيك الحميدة

لكن ما اعتقد انو فى اى علاقة بين الاسماء الفوق دة وبين خالد الحاج

خالد تحديدا لانو ما عندو اى مناكفات مع الزملاء هنا فى البورد عكس الرباعى الفوق

وليك الود تانى

محمد

..
.

كن بالغت يا ملاسي ,,قلت لى كنافة ..

ربنا يالأف القلوب ..هى الناس دى كلها زعلانة
انا افتكرت اساسي بس عشان سحبو البوست الما بتاعو
لكن علق عليه ..

بعدين هو البورد دا بتاع منو لمن كل واحد يحرد للتانى
ما هى لمه ناس فى ساعة فرح واحيانا حزن


تحياتى .. بطعم الكنافه

شكراً للاخوان محمد وتبلدينا

شنو ياناس