الحكم على خالـد الحـاج(أبـا) بالقتــل

الاخ العزيز...الرائع
خالد الحاج

لقد قررت ان اقوم بقتلك تعبيراً عن شكرى لك لما تقدمة من ابداع ومساعدات فنية لنا فى هذا البورد دون ملل او إستياء.

يلا ياجماعة اى زول يجيب ادة قتله ..... ونقتل كلنا مع بعض خالد الحاج (تعبيراً لشكرنا واعجابنا به)

انا عشان جمبك وجمبو
بدخل حجاز وبحكم عليو
بالسجن في معتقل الحب الابدي
التحية ليك يا رائع
والشكر علي كل المجهودات بانواعها المختلفة


نهار

نهار
باقى ليك السجن الابدى كفاية ليهو

بعد الاجهاز عليه الرجاء اعطائي القلب الكبير ....

ملاسى

نحن ياملازى قاتلنو عشان قلبو دا

Quote: ÈÚÏ ÇáÇÌåÇÒ Úáíå ÇáÑÌÇÁ ÇÚØÇÆí ÇáÞáÈ ÇáßÈíÑ .... ãáÇÓì

ملاسي قصدك شنو بالقلب الكبير؟؟؟؟؟؟؟؟؟؟؟ظ

والله حكاية نكتلوا دى مابنقدر على التفكير فيها . لكن والله أنا خايف من كترة
المساسقة والشغل نتعبه بس
وجميل منك ياخالد ونرد ليك المعروف دا
موش نعمل زى ملاسى اللى رداه دبل
صديق

والله حكاية نكتلوا دى مابنقدر على التفكير فيها . لكن والله أنا خايف من كترة
المساسقة والشغل نتعبه بس
وجميل منك ياخالد ونرد ليك المعروف دا
موش نعمل زى ملاسى اللى رداه دبل
صديق

حقيقي خالد زول مختلف و متميز و كل الناس {مشركة} ليهو عشان تصاحبو
يبدو إنو ح يبقى ملك عام زي الهوا و الموية.
تحية ليو

و الله يااخوان رغم فترتي القصيرة في البورد
الا انني احس بمعرفتي القديمة بهذا الشاب
اتمني ان يوفقه الله دائما
بعدين حكاية القتل حبا دي علي وزن بحبك موت والله شنو ؟؟؟

الاخ ضرار
انا ما قلت بدل نتعبو بالمساسقة...اخير نقتلو مرة واحدة(الكمدة بالرمدة)

الاخ الطيب بشير
لك الشكر على مداخلتك...وحقيقة خالد يستاهل كل خير(اقصد كل قتل)

الاخ وداعة
ماقلت الا الحق...وشرفتنا بزيارتك

خالص التحاياشباب
عزيزى Osman Hamad بصراحه كده بقول ليك اطلع انت منها وموضوع خالد خليهو لى لانى انا ناوى عليهو..ولا اقبل عليكم كلكم تحذير

عثمان حمد عثمان

بدل ما تكتل خالد الحاج ايش رايك نكتلك انت
و انت خصيمى و انت الحكم،
عليك الله زول زي دا بنكتل،،
كلامك دا رجعنا.. اتق شر من احسنت اليه..
فكدى النكتلك انت بالاول و بعدين نشوف

عثمان حمد..

خالد الحاج ده نحن(قتلناه) بحثا..و(اغرقناه) حبا..و(غمرناه) احتراما

حتقتلوا تانى من وين؟؟؟


لك الشكر ياعثمان..على اجبارنا على الاعتراف بجميل الرجل.

الاخ معتز
يازول جيب اداة قتلك وتعال معانا ساى
الاخ المسافة
الف شكر ليك وخالد الحاج يستاهل كل الحب القاتل
الاخت تماضر
تانى نقتلو مالو...وهو تانى ح يحى بالحب وتانى نقتلو عشان الحب

خير مكافاه له الحريه

و كلام ود الامين ياخي بعد الشر عل...........

عثمان حمد
اؤيدك فى الحكم ولكن القتل يكون لكل من لم يعرف خالد الحاج وينكر جميله واسوق له اسمى ايات الشكر فلقد كان ومازال من ضمن كوكوبة من الاعضاء يستقبلون كل عضو جديد وحروفهم ترسم ابتسامة وتعبر عن فرح غامر نتيجة ولووج عضو الاخ خالدالحاج كنت مثل البلسم الذى يشفى الجراح فى البورد تنداح البوستات بأناملك وحروفها وبفنها وخطوطها وتعطى الذكاء الاكترونى وتمنح خبراتك لتضيف للبورد فصل كبير لمحو امية فنيات الانترنت فلك الشكر ولك الود وكل الامل ان نتحفل بك فى مهرجان سودانيس اون لاين بالسودان نقلدك وسام البورد مع الكوكبة الفريدة وعليه ترى المحكة قتل المدعو عثمان حمد لكتابته هذا البوست الرائع وما توارد الروائع الا دليل على روعتك يا عثمان
تحياتى

وانت يادووب عايز تكتل خالد ياعثمان ؟
نحن قاعدين نتكتلوا كل يوم : زحمة وسهر واسئلة لا تنتهي . وصيانه بالتلقين أو مباشرة ... الى غيرها من وسائل القتل الرحيمة وغير الرحيمة .
ولكنه ينجح دائما في قتلنا حباًًً .
انا ميت في هواه .

عثمان حمد
التحية لك و لخالد الحاج المقتول حبا

ابوجهينة الدور جايك

ايهاب الطيب
اشكر على هذا التأيد

سمنتال
الف شكر على طلتك

ملكة سبا
انتى الدور ذاتو جايك

حليمة(تو)
قوى قلبك وقولى الله اكبر على خالد

محمد ادم
يازول شر شنو دا كتل راسو عديل كدا

بلدى ياحبوب
الشكر الاف ليك..يازول ياسمح

تراث
نحنا قلنا بدل نتعبو..نرتاح منو مرة واحدة

بكامل قواي العقلية (اذا في عقل) اوويد قرار قتل خالد الحاج وصلبة بالقلوب واحاطته بسور عالي من المودة والالفة حتى لا تصل اليه يد الخونة والمارقين..

عثمان حمد..
إزيك يا إبن أختي..
خالك كان قرفان يا عثمان ..وقلت أرحل....
كلامك الزين رجعني مترين
وكان لي الحكم بالقتل ..
أموت أنا بيدي حبا فيكم.. وبيدي لا بيد عمك حسبو
تشكر للكلام الطيب..مرة كتبت لي أخونا سنتمنتال وقلت الشايقي لو داير تعقدو شكرو
وأنا أسة بقيت خالد عقد..
والله يديك العافية..

نهار..
نهارك يقوقي فيهو القمري
وتكون قعدتك في عنقريب منسوج من جلد تحت تبلدية
وريحة دعاش وهمبريب وهمسة حبيب ..
قول آمين

ملاسي..
يا حسين القلب مات..والباقي الفيه مليان محنة
لي حسين والناس الخير..لك ما تبقي من قلب وروح وجسد..

صديق ضرار...
أساسق في الدريب الماشي لحداك..
وما أحلي المساسقة لما الدرب يكون أخضر..
لك من الود أكوام.

الطيب بشير..
{مشركة} لي دي في..لكن كان لي صحبتي..أتمني كده.
لك من الود ما تشتهي .

عصام وداعة..
دعوتك حلوة..وخالك محتاج للدعوات
وربنا يوفقك ويعدل طريقك ويخضر ضراعك
دي دعوة حبوبات طبع ما تخرش المية

معتز..
طبعا يا معتز إسمك التاني ده إلا أدخل ليه
دروس خصوصية. وبما إنك صاحب ( الإختساس) دي ملطوشة من هوب فل
ممكن في شان الريد توريني تروتسكي يعني شنو
طبعا أنا بنطقها ترو تكسي .تكسي خصوصي..
لك مني أطيب المني..

المسافة..
وتذيد مسافة شوقي لي لقياك كل يوم متر..
الله يدي العافية ونكون قدر العشم..

محمد أدم..
الزول الزين ماهو كتر
شكرا ليك ومرحب بيك من جديد.

تماضر..
تعرفي يا بت الشيخ..ما عارف أقول شنو..
لما تبقي القصة تماضر..بتبقي الكلمة ضنينة..
وليكي كل الود الفي الدنيا والريد والغنا.

بلدي يا حبوب..
يا سلام يا بلد الخير..
وحبك للناس خلاني أحبك تاني..

تراث..
والعجب أنا يا عثمان..
والباقي نتمو بعدين فأنا أحوج ما أكون لسماع ضحكتك الحلوة

أبوجهينة..
والتحية ليك يا جلال والود أرتال..

إيهاب..
تشكر يا زول يا زين ..
يديك عفو الناس والوالدين..
وخير الدنيا كلو..

عم خالد

سلامات يا زول يا سمح

احذر يا عثمان .... من قتل يقتل و لو بعد حين ....

ملاسى

العزيز سنتي إبن منتال..
واحشاني حروفك..
حمدا لله علي السلامة.

ملاسي..الزول الراسي..
سلامات..وكتلة عثمان خليها علي خالك

تستاهل يابا

الملكي..
لكن البخل عندك..
أسة أستاهل شنو الموت يعني.
وما قلتي لي كفارة من البرمبوفي.

اى ياخال الموت







لكن الموت على طريقة عمك حسبو






وسلامتك من اب عجيلات



ورايك شنو بالمناسبة دى نديك عقدة تانية
وهوب نرفع البوست دا فوق

ودى عشانك يا سبأ

والله عجبنى اهتمامكم وتقديركم للاخ خالد وبستاهل دا كله واكتر..
لكنى اتحفظ على كلمة قتل وحكم ،،وارى ان نعلن حبنا واعجابنا بنشاطه بدون قتل ،،،عليكم الله واحترامى للجميع
اختكم الخوافه حليمه2

الملكي..
والله يا بت عمي الخرطوم خربتك وبقيتي حنكوشة
قلتي لي (أب عجيلات)
الشي إسمو أب عديلات يا الملكي..
ألحقي رقبتك وأمشي البلد شهر أخديلك كورس بتاع لغة

الأخت حليمة2 ...
كل سنة وإنت طيبة
وتحياتنا لزوجك الزول اللطيف..
وأرجو إنو الزعلة تكون راحت..

كتبت مساهمة مطولة يا خالد أول ما وقعت عيني على لفتة عثمان البارعة هذه. فأنت رجل جدير بالموت-الحياة. ولأمر ما ضاعت المساهمة حين نقرت على مفتاح ما عن طريق الخطأ. فقلت لنفسي الحمد لله، أنني فقدت المساهمة، "فقد" -أقول "قد،" يعني "قد-لا" أيضاً، فلا تشب لي في حلقي- يفهم خالد أنها كانت رشوة لتليين موقفه "المتعنت" بشأن اللجنة والمؤتمر. مدحتك يا خالد في تلك المساهمة بما تستحق. ولكنها تصبح الآن مساهمة فانية-الباقية. نعم، هي باقية، بهذا التوثيق لها، بمثل بقائك بعد الفناء بيننا.

المهم يا عثمان، أيها العزيز، الذي يعرف أقدار الناس، لقد كفاني "الحلاج" محاولة إعادة تركيب مساهمتي الفانية-الباقية، بحديثه بقوله عن فناء-الباقي، وبقاء الفاني في شعره البليغ. فهو حي بيننا، حياة أبدية، حين يقول:

أقتلونى يا ثقاتى
ان فى قتلى حياتى

و مماتى فى حياتى
و حياتى فى مماتى

أنا عندى محو ذاتى
من أجل المكرمات

وبقائى فى صفاتى
من قبيح السيئات

سئمت روحى حياتى
فى الرسوم الباليات

فأقتلونى و أحرقونى
بعظامى الفانيات


وقد كان له ما أرد من حياة أبدية، باقية، بفنائه عن نفسه!

وإني لأرجو لك يا خالد، ولنا جميعاً، أن نبقى، ونحن فانين عن ذواتنا الدينا في ذواتنا العليا. وفي هذا يكون التفاني في خدمة الذات عن طريق خدمة الناس، كما تفعل أنت. وقد سمي الأستاذ محمود هذا الفن، فن خدمة الناس، بكسر النفس لهم، بالأنانية العلى، في مقابل الأنانية السفلي.

وما عليك، وعلى، وعلى كل ما يشرب من هذا المعين المصفي، غير المزيد من التجويد!

أخي الفاضل دكتور حيدر..
أشكرك كتير لكلماتك الطيبة ويا عزيزي حيدر يعلم الله لم أشك يوما في نواياك
وأعرف جيدا أنك شربت من نبع الأستاذ محمود الصافي وهذا يكفي حسب معرفتي بهم ليقيهم
شر النفاق والرشوة..ويا دكتور أهلنا المصريين عندهم مثل حكمة(الكفن ما لوش جيوب) ونرجو أن يديم الله المحبة في القلوب فهي نعم الذاد في دنيا أغني من فيها سادتها الفقراء..
أشكرك كتير
وأشكرك أيضا علي قصيدة الحلاج وإن أعطتني أكثر من حقي
أين أنا من هؤلاء يا دكتور صعب الطلب نسأل الله الرضي والغفران..
لك عميق مودتي وتقديري

ياخالد ابا اسى اقرب انا للبلد
ولا الجيم للدال ؟
خلى بالك يا خال الكورس دايرنو فى ( التايبنج)
وبعد العدلة نقول تانى سلمتك من اب عديلات

يا أخـونا بالله العايـز فيكم يمـوت (أى نوع من الموت)، اليمـوت، واللا يتكتل، بس خلـو لينا خالـد دا..

الملكي..
سميناها رضينة يا بت عمي
والكي بورد إن شاء الله يتجازي..

أبو الريش..
الله يديك العافية يا زول يا زين

العزيز عثمان

الحكم علي خالد صدر زمااااااااان

بالتربع علي قلوبنا حتي الموت00 (موتنا)

الاخ سوركتى
شكراً لك على الزيارة

كلامك اخ سوركتى يمكن للقارئ ان يفهمه كلاماً سلبياً عن الاخ خالد(وقد يكون هذا ليس قصدك(ربما العكس))...فافصح باى شكل يوجد خالد فى قلبك
ولك شكرى

الحبيب عثمان حمد

يديك الف عافية000 عشان خاطرك حا اوضح

انا اقصد انه خالد الحاج متربع علي عرش قلوبنا حبا من زماااااان حتي نموت نحن000 وربنا يديك العافية