القدس العربي: حذف سورة الكافرون من منهج القرآن في السعودية

صورة عن صفحة بالمنهاج الجديد من منهج القرآن الكريم والتوحيد والفقة، حيث تم حذف سورة الكافرون من برامج التوعية ومحو الامي، لأنها تضمنت البراءة من الكفار وما يعبدون.
وتم وضع سورة الكوثر بدلا من سورة الكافرون بعد ما تم حذفها من المنهج، بل وتم تثبيت توالي سور القرآن الكوثر و المسد بالخط العثماني للمصحف في منهج 1423 والجدير بالذكر ان ترتيب المصحف توفيقي وليس اجتهاديا وبأجماع الصحابة حيث تأتي سورة الكافرون بين الكوثر و المسد . وقد كانت الولايات المتحدة طلبت في وقت سابق من العام من الحكومة السعودية تغيير المناهج الدراسية، وحذف الاجزاء التي تتحدث عن البراء والولاء.

ولن ترضى عنك اليهود ولا النصارى حتى تتبع ملتهم

دى زاتا ماشين يحزفوها يا كبسيبا..

انه التكالب على الدنيا فى ابشع صوره
آل سعود احرص الناس " على التشبث " بالحكم و لو ادى ذلك لتنازلات عديدة " و رئيسية " فى العقيدة الاسلاميه السمحاء
الآن اصبح الاختلاط و على اعلى مستوياته فى اللقاء الاخير للتفاكر الوطنى حيث ظهرت لاول مرة امرأة سعودية دون ان ترتدى الحجاب فى استفزاز واضح للمسلمين و لبلد الرسول صلى الله عليه و سلم مما حدى بمفتى المملكة باصدار تصريح يستنكر فيه ذلك .
المرحلة القادمة ضم " الرئاسة العامة لتعليم البنات " لوزارة المعارف و بذلك يتم القضاء على هذه المؤسسة العريقة و التى كانت تعنى بتعليم البنات وفقآ للضوابط و التقاليد الاسلامية ، و هذه خطوة فى طريق " الابتعاد التدريجى " عن النهج الاسلامى القويم .

لا تستغربوا اذن اخوتى لو تم حذف سورة " الكافرون " او جزء كبير من السور القرآنية التى لا تخدم مصالح امريكا و الغرب ، فهم لا يريدون جيل اسلامى يكون عقبة امام مشاريعهم فى امتلاك العالم من خلال تفكيكه " اخلاقيآ " و الاستيلاء عليه " ماديآ " بعيدآ عن " الاخلاق .. و الاديان ..و الروحانيات " .. و هذا كما يعلم الكثيرون هو تخطيط " يهودى " بعيد المدى ( انظر مثلآ ما فعله اليهود بالشباب المصرى الذى يزور اسرائيل حيث يتم جذبهم باستمرار و بذكاء نحو الجنس و المخدرات و قد حكى بعضهم عن تجارب شخصية حدثت لهم عقب عودتهم لمصر ) .
و الشاهد ان الامريكان - و من خلفهم اليهود - يريدون ان يدمروا الاسلام فى منبع و اصل منشأه فى بلد الرسول حيث يسهل بعد ذلك تمرير مشاريعهم - و بضاعتهم - الى بقية البلدان الاسلامية الاخرى .
و المشكلة ان " دلافين الخليج " يتبجحون بذلك و بضرورة " التحديث " و " الاصلاح " ... و نحن لا نعترض على ذلك و لكن فليكن الاصلاح و التحديث فى المجالات السياسية و يجب ان لا تمس " معتقدات و مبادئ " الاسلام الغراء ارضاءآ لذوى " العيون الزرقاء " و الذين لن يرضوا عن السعودية و لا غيرها من البلاد الاسلامية حتى يتبعوا ملتهم ... فهل نحن منتهون ؟؟؟؟ و لا حول و لا قوة الا بالله العلى القدير ، و حسبنا الله و نعم الوكيل .

الأخ كوستــا،
الإســلام هـو أســرع ديانـة نموا وإنتشــارا فى أمريكـا، حسب إستطلاع ِمحمطــة ABC News قيل عـدة سنــوات.. ولقـد نظمت جماعـة أمـة الإســلام مسيــرة مليـونية أمام الكنقرس الأمريكى وقريبا من البيت الأبيض.. والحكـومـة الأمريكيــة تـدفـع ملايين الدولارات سنـويا على المسـاجـد فى أمريكـا، وأيضا على المدارس الإســلاميـة الخاصــة.. ولقـد أصـدر عمـدة نيويورك السـابق (فتوى) لمنـع رجال الشــرطـة فى المدينـة من إصـدار غـرامات على سيارات المسلمين التى تقف بصـورة غيـر قانونيـة فى أيام أعياد المسلمين.. الحالـة النادرة التى لا تنطبق حتى على سـيارات ممثلى الدول فى الأمم المتحــدة والدبلوماسيين.
أعياد المسلمين إجازة رسميـة لكل التلاميــذ فى المدارس الحكوميـة الأمريكيــة.. والمدارس ملزمـة بالقانـون أن يوفـروا للتلاميـذ المسلمين الطعام الخالى من الخنزيــر..
وقبل زمن ليس ببعيــد، زارت حاكمـة نيو جيرزى بزيارة باترســون وإجتمعت بالجاليـة العـربيـة والإســلاميـة، وبحثت مشـاكل الجاليـة.. وكانت ترتـدى الطـرحـة.
والأمثلـة هنا كثيـرة التى تدل على إحتـرام الغـرب لمـواطنيهـم، بصـرف النظــر عن دياناتهـم أكبـر مما يجـده هـؤلاء فى بلادهـم الأصليــة!!
أنا لم أســرد هـذا الحديث لتجميل وجـه الغـرب، ولكنى أريـد أن أعـرف أين تضـعـه أنت فى نقـدك لهـم.

المصـائب التى تتـرى على المسلمين هى (من عمايلهـم).. وســوف تحل فى اللحظـة التى يعـودون فيهـا إلى أنفسهـم، ويفهمـون أن عـدوهــم الأول هـو أقـرب إليهـم مما يتصـورون.

that the point Abu-reesh

ليست صوره الكافرون وحدها يجب ان تحذف بل ماده التربيه الاسلاميه والتربيه المسيحيه وكل المواد التي تتعلق بالعبادات ويترك امر تعلميها للاسره والبيت لان هناك كثيرين يرون في مايدرس في المدارس يتعرض مع افكارهم في تعليم ابناهم انا واحد منهم سوف اترك الخيار لهم في اختار الدين الذي يرون بانه اصلح لهم

فى زمن التخاذل
والفتاوى المذلة
وتداعي الامم علينا كتداعى الاكلة على قصعتها
لاننا غثاء كغثاء السيل
ليس ما نخشاه هو تغيير منهج المسلم ليتماشى مع اهواء الغرب
بل نخاف ان يطل علينا صباح ونجد من يحدثه عقله بتغيير مفرادت سورة الكافرون ليرضو عنا
وانه ليس بغريب
لطفك يارب - ونعوذ بك من فتنة المحيا والممات

التحــدى كبييـــر يا ملكـة سبــأ..
ولقـد لخص الأستـاذ محمــود طبيعـة هـذا التحــدى فقـال:
"والعــرب اليــوم - شـأنهــم فى ذلك شـأن البشــريـة التى تعمـر هـذا الكوكب - يقفـون فى مفتـرق الطـرق.. فهـم إما أن يدخلـوا التأريـخ الجـديـد بفكــر جـديــد، كما دخلـه أوائلهـم بفكــر كان على عهـدهـم جـديـدا، أو أن يـخرجــوا من التأريـخ، كما خـرجت شعـوب من قبل، طال عليهـا الأمـد، ففقـدت حيـويتهــا، وعجـزت عن المـواءمـة بينهـا وبين بيئتهــا"

الدنيا هي دنيتنا ونحن الاحياء اولي بتنظيمهاتحت مظله (الاستقامه)
ولكن صنيع ال سعود هو الاستكانه بعينها لانهم لم يحذفوا هذه السوره الا خوفا من السجاد الاحمر.وليس لديهم ذود عن الاسلام.و لكن للاسلام رب بحميه.

Quote: حذف سورة الكافرون من منهج القرآن في السعودية

...
....
.....
ولسسسسسه،،
دي بس البداية..

ننصح آل سعود بحذف كل الايات المكية
وكما ننصحهم بنسخ كل ايات التشريع المدنية
واجبارى لا يجب على المسلم ان يقرأ سورة الناس الى نهايتها لانه فيها تعريض بالامريكان الجنة والناس
وتبقى فقط السور الكونية لتبين الاعجاز اللغوى

أنتو الامريكان ديل معقدين كدا ليه ؟
او ذى ما قال النيل مافى داعى من اصلو الناس تقرأ دين
ويخلوه اختيارى لانه الدول الراقية المتحضرة العلمانية
ما بتدرس ديانات عشان كدا وصلو القمرة وبنوا بلادهم الحضارية
التى ينعدم فيها الامان..
المقدم الدول الغربية هو عدم الدين
يلا نحنا عايزين نتقدم ونحجز قطعة ارض فى المريخ
فاليمنع تعلم الدين المتخلف الذى ملئ بالعداء للكفار
وكمان ضد السامية.. حتى جهاد النفس نخليه ونباريهم لجحر الضب
مرحى مرحى ها نحن نلحق بركب الحضارة

الاخت الدكتورة بيان والشباب
سلامي

وصلو القمرة وبنوا بلادهم الحضارية
التى ينعدم فيها الامان..

انتي يا بيان مقتنعة بكلامك دا
وسمح الناس دي كلها منكبة علي الناس دي ليه وقت بلادم تفتقد لاهم حاجة
لحياة الانسان وهو الامان

وما هو الامان في نظرك؟

المشردين المعذبين والمضطهدين في بلادم
المالاقين ياكلوا
الممنوعين من ممارسة شعائرهم الاسلامية
اللذين حرمتهم دولتهم من الجنسية (البدون)
............الخ

دول توفر لك الماكل والمشرب والتعليم والصحة والحرية والمساواة
تاني في شنو في امن اكتر من كدا


مع تقديري واحترامي


و

يا تسنيم يا بتى
انا عشتا فى مكان تماس بتاع
افرو امريكان(عشان رودا) و بورتريكان
محلة كعبة جد البوليس ما بيجيها ولا الاسعاف
ليه؟
لانو ما عندنا قروش كتيرة نقدر نسكن فى حتة كويسة
فى الحتة ديك
بنقفل الباب الخارجى بتاع حديد وتانى بابا شبك وتانى باب خشب كل باب فيه كم قفل وبعداك نقفل باب شقتنا..
ولما الشتاء يجى من خمسة كل جدادة على راس بيتها
الا قتلت تلك الدجاجة او لاقاها زول شال قروشها
وبعدها رحلنا لان زوجى يحتاج يبقى فى المكتبة الى الكمبس
كنا بندفع اكثر من النص فى السكن ..
فهناك الامان بالقروش وما كثيرين عندهم القروش دى عشان كدا بينتهوا فى المشرحة
دى ناحية

Quote: دول توفر لك الماكل والمشرب والتعليم والصحة والحرية والمساواةتاني في شنو في امن اكتر من كدا

اناما بعرف الناس ساكنة كيف فى اوربا ولا استرالية لانها على ما اعتقد انها
ويلفير كنترى لكن ارض الاحرار عندك قرش تسوى قرش واى زول بيشتغل
بدون توقف عشان ياكل ويتعلم
فى وظائف لا تشبه ما تحمله من شهادات


والناس البتخمخم تمشى دى عشان الدعاية قوية
ومفتكرين المعروض فى التلفزيون دا الصاح
عشان كدا قالو غيرو اسمها للأرميكا

الحاجات دى برضو كان موفراها روسيا للناس
ليه انقلبوا عليها
لانه الامن بيتغير معناه من مكان لمكان
وحاجة نسبية
وشكرا ليك

Quote: دول توفر لك الماكل والمشرب والتعليم والصحة والحرية والمساواة تاني في شنو في امن اكتر من كدا

اختى تسنيم و البقية
نعم الماكل والمشرب والتعليم والصحة متوفرة جدا .
انتى ( على ما اظن) عايشة فى انجلترا و عارفه الاكل بكلف قدر شنو و برضو المشرب اما التعليم و الصحة فحدث ......
ممكن مواطن متوسط فى انجلترا يتعالج من غير تامين ؟ مستحيل . غايتو فى بلد العم سام مستحيل . و انتى عارفه قروش التامين قدر شنو فى الشهر
لما الكيزان و فروا كل الحجات دى بس بقروش العالم قام و ما قعد .
البلد دى موقف العربات فيها بقروش . اتخيلى فى السودان قالوا يا اخى الباركن ب ١٠٠ الف فى السنة ؟؟؟؟
و منو اللى قال ما فى تعليم فى السودان ؟
مامون حميده اكاديمية طبية بموصفات عالمية بس بقروش
اتخرجت من جامعه الخرطوم هندسة و لما سافرت خارج السودان للماستر ما حسيت انى متخلفة و لا كنت بدرس كلام فاضى
بس حتى جامعه الخرطوم الان مصاريفها خرافية
و منو اللى قال ما فى صحة فى السودان . فى مشتشفيات عبارة عن فنادق طبية
و ل كل الشباب فى البورد اللى بيصرخوا طلبا للحرية و الديمقراطية ذى الغرب . الحرية ما هى حرية الفكر و ( التنظير ) بس . اهم منها (حرية السوق) يعنى بالعربى ( سوق حر ) .
و الناس اللى فاكرين امريكا بلدعلمانى بقول ليهم امريكا ذى ما بيقولوا اهلها One nation under GOD

اللهم لا شماتة..

الذى يصفف شجرة ام الذى يجتثها من الجذور؟؟؟

اســـــــــــــــــــد على...................

الأخت بيـــان،
الحتـة الكنتو ســاكنين فيهـا دى هى وست فلى واللا حتـة تانية؟!! أنا عرفتهـا من وصفك ليهـا بس، وأنا زاتى سـكنت فيهـا قريب من سنــة.. صحيح الحتـة ما فيها أمن لأنهـا منطقـة فقيــرة، مثلهـا مثل أى مدينـة فى العالم بدون إستثنـاء.. و بعض الســودانيين يختاروهـا لأن البيـوت فيهـا ما غاليـة.
بعدين التعليـم.. فالتعليـم لغايـة الثانوى العالى مجــانا وقليل من الموســرين اللى يودوا أولادوم للمـدارس الخاصــة.. وبرضــو التعليـم العالى، الماعـندو قروش بس يقـول!! فى ستين فورم للمســاعدات الماليـة، يمشى يملآ بس..
العلاج الأساسى للطـوارئ متــوفـر للجميــع، حتى للمقيمين الغيــر شـرعيين.. وتشمل العلاج الأساسى ويومين تلاتـة فى المستشفى.. حتى لو ما عندك أى تأمين، والحقائف دى كلهـا أظنك عافاهـا.. الســـودانيين بيدرســوا الجامعات بإعانات من الحكــومـة لا تـرد، وهى لكل الناس متوفــرة.
هل سمعت بقصــة المـرأة التى رفضت إدارة المستشفى فى مدنى أن تولدهـأ لأنهـا لا تملك الرســوم للعمليـة؟ حتى أخذها الطبيب إلى منزلـه وولدهـا هناك، وإستقال من الوزارة فى نفس اليوم.. هـذا مثال فقـط، وبنت ذلك الطبيب أيضا طبيبـة وهى قـد تكون عضـوة معنا هنا فى هـذا البـورد.. لو حدث مثل هـذا فى أمريكا يمكن أن يسقــط الحكومـة فى اليـوم التالى.

اظن ان العيب فينا كمسلمين حيث نجد ان الظلم والفساد الرشوة والمحسوبية امراض مرتبطة ببلاد المسلمين و دول العالم الثالث رغم ان كل القيم الجميلة من عدل وتراحم من صميم الاسلام ولكن الفرق شاسع ما بين الاسلام وبعض مسلمي اليوم خاصة الحكام ولم يكونوا كما كان الرسول الكريم ومن اتي بعدة حيث قال الفارسى فيما اظن والله اعلم الذي ارسل لسيدنا عمر بن الخطاب عدلت فنمت يا عمر فالعيب فينا وليس في الغرب كما يظن البعض
مع ودي

Quote: الماعـندو قروش بس يقـول!! فى ستين فورم للمســاعدات الماليـة، يمشى يملآ بس

استاذ ابو الريش كيفك ؟
بس عليك الله قول لى الكلام ده و ين عشان نمشى نملى
القروض بتاعة القراية دى فوايدها خرافية . يعنى لو كنت امريكى سهل جدا تلقى واحد بل مستحسل ما تلقى واحد . بس بعد ما تخلص قراية ح تقعد تدفع فيه كم و عشرين سنة .
اما العلاج مبالغه .عندى تامين , بس ما فيه اسنان . قلعت ضرس ب ٨٠٠ دولار . موش حرام ؟؟
انا عايشه فى بلده صغيره جدا . المجتمع مسيحى ملتزم جدا . ما فى اى ولد و بنت منهم بيحوموا ساى مع بعض و لو حتى(كيس) ذى فى السودان . لو اكبر من ١٨ سنة ,الكنيسة بتعرس ليهم تانى يوم طوالى . ممنوع بنت ما عزراء تتزوج فى الكنيسة . و تعدد الزوجات عندهم حلال بس القانون الامريكى ما نعهم .بس فى امناطق البعيده و القرى بيتزوجوا اكتر من زوجة . عدنهم حرام الاختلاط بالناس اللى ما منهم . و تنظيم الانجاب برضوا شكلو حرام . لان الواحده بيكون عمرها ٢٥ سنه اكيد عندها تلاته اطفال او اكتر . القهوة حرام و الكحول حرام و السجائر و القممار . الجماعة ديل انصار سنة بس . لكن سعداء جدا . و ما فى زول بيطلع منهم بيقول انه فى بيغالط الكنيسة . الناس كلها محترمة روحها و ماشه عديل . اتخيل فى السودان انصار السنة يطلعوا فتوة يقولوا القوة حرام لانه بتنشط ذى المخدرات ؟ الناس ح تقول شنو ؟؟؟؟
و ين الحرية فى كل الفوق ده

والله يا ابو الريش بتحكى عن جنة
يعنى نجى قالبين؟

عارف انا قعدتا 4 سنة بفتش فى منحة ما لقيت خالص
وتانى الافرو امريكان العرفناهم كلهم مافى زول دخل الجامعة يا رب ليه؟
ما امريكان ولا شنو؟

اسع انا بتى عايزة تدرس قانون ممكن القى ليها قرض لا يسترجع ولا منحة
مع العلم وانها متفوقة ؟

smart_ana2001

الظـاهـر إنتـو فى سولت ليك ستى، أو حوالينا..
الشقــاوة شنــو.. متوكرين كدا مالكم؟
بعدين الـ Federal financial aid دا ما سمعتـو بيه؟ دا ما دين وقروشــو ما بترجــع.. الشــرط الوحيــد إنو دخلك فى السنــة اللى فاتت يكون فى سقف معين.. بعدين لو دخلكـم قـد السـقف دا ليـه ما تدفعـوا، مالو.. دايرين تملحـو سـاكت؟

ضـرس بـ 800 دولار؟ لا ما حـرام.. لأنـو لو الطبيب غلـط وقلـع ليك الضـرس الكويس حيـدفعـوا ليك 000و800 دولار.. شــوف الســودان، واحـدة إستأصلـوا ليهـا الكليـة الكويســة، وما معـروف هسى حيـة واللا أختارا الله عنـدو..
بعدين قارن دا بالدخل برضــو.. ثم أن هناك دكاتـرة أسنان بيدفعـو الزول حسـب ظروفـو.
لكن الشئ المحيــر إنو أمريكا دى الفيهـا ما دايـر يمرق منهـا بأخوى وأخوك، والبـرا دايـر يكســر رقبتـو عشـان يجيهـا!! هل دا ما مقاس أو مـؤشــر.

سقف شنو يا ااااخى احنا نوع الناس اللى بيرجعوا ليهم الضرايب كلها الا حته .احنا طلبة .م
يا اخوى امريكا دى حدنا معها نخلص قريتنا و تانى الله بينا و بينها . السودان مالو ؟؟؟؟
و الله بينا و بين ال Federal financial aid . احنا ما امريكان .

Quote: ضـرس بـ 800 دولار؟ لا ما حـرام.. لأنـو لو الطبيب غلـط وقلـع ليك الضـرس الكويس حيـدفعـوا ليك 000و800 دولار..

عارف مضونى و رقة طول بعرض فيها تفاصي خطورة الموضوع . و انى عارفه كل التفاصيل و انه لا يحق لى ان اقاضى لو حصل لى حاجه . ذى تغيير فى شكل الوجه او ارتعاش غير ارادى دائم فى الوجه و لسته كده تعمل نفسيات . بس اسوى شنو ؟ مضيت و اتوكلت
لو بتشوف برنامج اوبرا ح تعرف المصائب اللى بيعملوها حتى الدكاترة هنا . و الله مليارات الدينا ما تعوضها
على كل حال الحجات دى بتخصل فى اى مكان و ربنا يرحم كل الناس

الاخوات بيان وsmart
تحياتي

في البلد الغربي الذي اعيش فيه يوجد نظام الاعانة الشهرية لمتطلبات
الحياة وهي من الضرائب العالية من المواطن المستطيع

العلاج مجانا في كل الحالات ولا توجد مستشفيات خاصة
وحتي الترفيه متاح للانسان الفقير مثل ممارسة الانشطة مثل السباحة
والتزحلق علي الجليد......الخ

الاطفال لديهم اعانة خاصة وايضا الاطفال حديثي الولادة البامبرزاوdiapersعلي الحكومة بالاضافة الي ان الحامل لديها ميزانية خاصة
للتغذية

الدولة ملزمة توفر ليكbabysitter او daycare
اذا كانت الام طالبة او تدرس اللغة او حتي اذا كانت تعمل في عمل تطوعي وكذلك الاب

توجد مساكن حكومية للاسر الفقيرة
التعليم مجاني الي المرحلة الثانوية

الدولة لديها اهتمام خاص بالوافدين الجدد وعندما ياتي الوافدون
يوضعوا في بيوت ضيافة لفترة زمنية تتراوح بين الشهر والشهرين
يتم فيها عقد الندوات لتعريفهم بالاشياء الضرورية مثل التسوق
البنوك ......الخ
وايضا الاهتمام بالناحية الاجتماعية والنفسية عن طريق الصديق او الاسر
الصديقة المتبرعة وذلك لمساعدة الوافدين

وحتي اللذين يدخلون البلاد بطرق اخري غير الطرق القانونية
الدولة ملزمة باعاشتهم وتعيين محامين للنظر في حالاتهم

والدة واحدة سودانية قامت بزيارة ابنائها في عدد من الدول اليمن
مصر السعودية وختمتها ببلدنا هذه وكان عندنا سودانية والدة ومرضت
لذلك الدولة عينت لها من يقوم بخدمتها والطفل اعجبت هذه الحاجة
بهذا الموقف وقالت والله الناس ديل لو نطقوا الشهادة ما حيخلوا لينا محل في الجنة
البلد دي وناسه براهم كوم والبلاد التانية كوم

تقديري واحترامي

شهيتونا امريكا جنة الله في الارض ..... كان ما عشنا فيها ان شاء الله بس نندفن فيها ...

فبالتأكيد حقوق الموتي تحت التراب - او كرماد - ايضا في منتهي الرفاهية ...

ملاسى

تسنيــم،
يـديك العـافيــة،
الشهــادة دى إلا الواحـد ينطق بيهـا.. هم قاعـدين يعملـوا بيهـا، ومشكلتنا نحن إننا قاعـدين (ننطق) بيهـا وبس، إلا من رحـم ربـى؟!!!
وأظن هـم خايفين اليـوم اللى نحن نبتـدى نعمل بيهـا ما حنديهــم قـدم فى الجنـة.
ودونك النصــوص:
"الخلق كلهـم عيال الله، أحبهـم إلى الله أنفعهــم لعيالــه"
"ليس منا من لم يرحـم صغيـرنا ويوقـر كبيــرنا ويأمـر بالمعـروف وينهـى عن المنكــر"
"إن الذين أمنـوا والذين هـادوا والنصـارى والصـابئين، من أمن بالله واليـوم الأخـر وعمل صـالحـا فلهـم أجـرهـم عنـد ربهـم ولا خـوف عليهـم ولا هـم يحـزنــون"
أنظـرى من الذى بادر بالإنقـاذ (الواحـد بقت عنـدو حسـاسيـة ضـد كلمـة إنقاذ دى)
من الذى بادر بالإنقـاذ فى كارثـة مدينـة بام الإيرانية الشهــر الماضى؟ اليســوا هم الأمريكـان، (الشيطـان الأكبـر) كما سماهـم الخمينى؟ ولكننا نحن المسلمين، لا نهـرع إلى المســاعـدة فى كوارثهـم، بل لا نخفى سـعـادتنا بهـا، وإنتشــاءنا بهـا!! يا للصغـار (بفتح الصـاد) الذى أصـاب المسلمين.. النبى (ص) زار اليهـودى لأنـه تخلف عن ترك الأذى أمام بابـه، فوجـده مريضـا..
إستمعى إلى أئمـة المســاجـد الذين يقولون عقب كل صلاة.. اللهـم يتـم أطفالهـم ورمل نساءهـم وأجعل أمـوالهـم غنيمـة للمسلمين!!
لست أدرى عن أى مسلمين يتـحدثــون..

smart_ana2001

تقـول إنتـو نوع الناس اللى يرجعـوا ليهـم الضـرائب كلهـا إلا حتـة..

يعنى تقصــد زى الحاصل فى الســودان، الناس ما قاعـدين يرجعـوا ليهـا الضـرائب كل سنــة عشــان عنـدهـا عيال ودخـولها ليست عاليـة!!

الله يجازيك يا بيان اللى خليتينا نصـرف زمنا فى الدفاع عن أمريكا

الاخوه الكرام
لم أجد أكثر دقة في التعبير عن ايجابيات الغرب من
مما قاله الاخ الخاتم عدلان في أحدي مداخلاته هنا بالبورد
حيث يقول

Quote: غادرت السودان متخفيا، " بجلدي وأحزاني" كما قال مظفر النواب، واحتضنتني مجتمعات اخرى وأكرمت وفادتي ووفادة اسرتي. تعلم فيها ولداي، وداويت فيها أمراضا كانت ستفتك بي. ووجدت فيها حقوقا لم أجدها في بلادي. لن أنسى ذلك ما حييت. ولن أنسى أن الحضارة الإنسانية واحدة، تظلنا وتحمينا عندما يهجم علينا التتار من أبناء جلدتنا ولساننا وسحنتنا. لن أعود إلى السودان لأنقل العداء لدول الإستكبار، ولا لاردد لغو الحديث عن الخواء الروحي للحضارة الغربية. بل أعود متحدثا عن حكم القانون، وحب العمل، واحترام الفرد، وصون الحقوق، وعن حق المواطنة الذي يساوي هذا اللاجيئ المنبوذ بحكام البلاد،أمام القانون. أعود برسالة الوفاء لا الجحود، مع أن الجحود يكون في بعض الأحيان أعلى صوتا من الوفاء. أعود للتغني بوحدة الحضارة الإنسانية المعاصرة وقيمها الكبرى في الحرية والديمقراطية والعدالة

أنتهي
للغرب وحكوماته سلبيات لاتخطيهاعين كما له من الايجابيات
ما يحتم الاعتراف والتقدير والاخذ بها في بلداننادون
تحرج
.. كمال ـ...

"وتانى الافرو امريكان العرفناهم كلهم مافى زول دخل الجامعة يا رب ليه؟
ما امريكان ولا شنو؟"

أنا زاتى لما كنت فى الـ ساوث-وست ما شفت زول قرا جامعـة.. لإنو البقرا جامعـة يمشى يسكن فى النورث-إستويجيب أهـلـو هناك looooool.
فى زول ساكن القمايـر واللا المويلـح قـرا الجامعـة؟ (أنا إتكلم قبل 15 سنـة!!)

أنا شـاعـر إنـو نحن إنحرفنا كتيـر عن الموضــوع الأسـاسى اللى نسيت هو كان شنـو زاتو.. فخلينا نرجع ليه.

حالة متصلة من الغزل في امريكا التي كانت قبل وقت قريب نموذج الامبريالية والاستعمار....وهي اليوم سند الطغاة في مصر والخليج

ماذا فعلت امريكا عندما قالت الديمقراطية كلمتها في الجزائر ؟

ماذا فعلت عندما الغيت الاحزاب في تركيــــــــــــــا ؟

كيف نقف مع مناصرة الاحتلال الاسرائيلي لارض عربية وتصف كل من يقاوم الاحتلال بالرهاب ؟؟

الأخ قـرجــة،
إذا تختـزل كل ما ناقشنـأه بأسلــوب موضــوعى ومفصل عن حال المسلمين والعــرب، وبذلنا فيـه من الوقت والتحليل ما لا نمتن بـه على أحـد.. تختـزل كل هـذا فى عبارة: "حالة متصلة من الغزل في امريكا" بدل أن تستعـرض ما قلناه وتمارس حقك المشــروع فى الرد عليـه، فأنا أعتقـد أن هـذا ليس فيـه أى تقـديــر لأراء الناس، بل إستخفاف وإزدراء بهـا.. فأين إذا الأرض المشتــركـة للنقاش؟
مدار حديثى كان: إذا لم يكن للمسلمين معاييـر أخلاقيــة أكبـر مما لأعـدائهـم، فإنهـم ( يهـود يحاربـون يهـودا)..

...............



.....................


..دي لسه المناظر الولى قول يا رب

..دي البدايه والله لا يورينا النهايه.

ام العنود

مصدر الخبر صحيفة القدس ...صحيفة عبد البارى دولار ..الذى لا هم له الا الاساءة للعرب وتمجيد شيخه اسامة بن لادن الصحفى الوحيد الذى يطلق علي اسامة لقب شيخ .
من يعرف عبد البارى ويتابع ما يقوله فى الجزيرة عن العرب لا يستغرب ان يجد مثل هذا الخبر المثير فى صحيفته .
كثيرون يستغربون لهذا العبد البارى هجمته علي العرب ومحاولته المستميتة للتخريب وجعلهم لاجئين مثله .
انه الحسد وضيق الافق ظنا منه ان الجواز البريطانى هو كل شىء وبعده الطوفان .انه عين التنكر للامة وشعوبها ومحاولة قذرة لتشتيتها واثارة الفتنة بين بنيها ..واعنى بالعرب هنا الخليجيين بالذات الذين يستهدفهم فى كل ما يقول ويفعل .

"مصدر الخبر صحيفة القدس ...صحيفة عبد البارى دولار ..الذى لا هم له الا الاساءة للعرب وتمجيد شيخه اسامة بن لادن الصحفى الوحيد الذى يطلق علي اسامة لقب شيخ .
من يعرف عبد البارى ويتابع ما يقوله فى الجزيرة عن العرب لا يستغرب ان يجد مثل هذا الخبر المثير فى صحيفته .
كثيرون يستغربون لهذا العبد البارى هجمته علي العرب ومحاولته المستميتة للتخريب وجعلهم لاجئين مثله .
انه الحسد وضيق الافق ظنا منه ان الجواز البريطانى هو كل شىء وبعده الطوفان .انه عين التنكر للامة وشعوبها ومحاولة قذرة لتشتيتها واثارة الفتنة بين بنيها ..واعنى بالعرب هنا الخليجيين بالذات الذين يستهدفهم فى كل ما يقول ويفعل ."

الأخ الكيك،
أعتبــر أن الخبـر أعلاه أتت بـه جريـدة يهـوديـة تصــدر فى إســرائيل، فهل تريــد أن تنفى أن الخبـر صحيـح..
هل كل ما ذكرتـه عن القـدس وصاحبهـا ينفى أن الخبـر صحيح؟
هـذا هـو الســؤال.