نموذج طيب من البورد...اعتذار عن خطأ لم يحدث

وصلتنى عبر الماسنجر هذه الرساله ..اعتذر عن ذكر اسم مرسلها حتى ياذن هو بذلك..والموضوع تعليق من الاخ المرسل..وحقيقه لم اخذه بكثر من انه مزحه لطيفه من اخ وزميل فى البورد ورددت عليه ايضآ على هذا الاساس,لكن المعارك "الفارغه" والمطاعنات والملاسنات الشخصيه المدوره هنا (ولا اعنى اختلافات وجهات النظر والافكار الحقيقيه مهما بلغت الحده والصفاقه فيها..فهذه شئ اخر) جعلت الكثيرين/ات يتخوفون من المزاح العادى
مجددآ احترامى للاخ وكما قلت له فى ردى ..اخد راحتك الناس الفاهمه الدنيا وبتعرف تتعامل معاها كيف مرحب بيهم..ان غلطنا فيهم..بيعدلونا..وان غلطوا فينا بنعدلم...والما اتعلم الادب والاحترام فى بيتو من هو صغير صعب يتعلمو وهو كبير والمثل بيقول "القرد الكبير ما بتعلم"

Quote: الاخ الفاضل مراويد تحياتي و تقديري ترددت كثير بعد ان كتبت تعليقي المازح (......) و فكرت بمسحه خشية ان تستاء منه .... و اشكر لك سعة صدرك و تقبلك للهظار بصورة جيدة .... تعرف بسبب المشاكل الحاصلة في البورد و الضيق بالرأي الاخر و تصنيف الناس باحكام مسبقة الواحد بقي حريص جدا و كمان خايف ازعل لي زول بدون ما اقصد ... او بالعكس الزول يزعل و انا اكون بهظر معاهو ... و فعلا زي ما قلت بالضبط النكتة لو اتشرحت حتبقي بايخة جدا . اكرر شكري و تقديري لسعة صدرك ... و لروح النكتة لديك .... و تقبل تحياتي و احترامي

وبرضك طيب ..لما تجيب..الرد الطيب.

يا تماضر شكرآ على التعليق
طبعآ لو كان الموضوع شكله و لا مشاط كان تلقى الزوار الف والمشاركون 900..
وتقول لى البورد مالو

اتخموا تعالو هنا قولو للزول ده انت زول كويس,بالذات فلانه اكان تتعلم شويه

Quote: ,بالذات فلانه اكان تتعلم شويه

شكرا ليك يا اخ مراويد
والعفو والعافية
الدنيا قبايل عيد ولو انى ما عارفة
ليه انت زعلان منى
لكن اننى اريد ان اكون نموذج طيب مثل هذاالاخ
فمعذرة اذا كنت قد وجهت لك اساءة غير مقصودة
واتمنى ان يكون
هناك خطا لم يحدث مثلى مثل هذا الشخص


واتمنى الا تكون هناك اغلاط املائية فى اعتذارى لك هذا تثير حنقك وغضبك

هسه يا دكتوره فى زول جاب سيرتك
يمكن قاصد اشراقه ولا بنت الاحفاد ولا بنات العباسي وبالمناسبه الاتنين قاصدنى وشايلنا معاى
اما الغلطات الاملائيه وليس الاغلاط فدى انا برضو ضعيف فيها
يازوله العفو والعافيه ومافى شئ وكان فى حاجه غلطان انا وسافى التراب

Quote: غلط الغَلَطُ أَن تَعْيا بالشيء فلا تَعْرِفَ وجه الصواب فيه ، وقد غَلِطَ في الأمر يَغْلَطُ غَلَطاً و أَغْلَطَه غيره ، والعرب تقول : غَلِطَ في مَنْطِقِه ، وغَلِتَ في الحِساب غَلَطاً وغَلَتاً ، وبعضهم يجعلُهما لغتين بمعنىً . قال : و الغَلَطُ في الحِساب وكلِّ شيءٍ ، والغَلَتُ لا يكون إِلا في الحساب . قال ابن سيده : ورأَيت ابن جني قد جمعَه على غِلاطٍ قال : ولا أَدْري وجْهَ ذلك . وقال الليث : الغَلَطُ كل شيءٍ يَعْيا الإِنسان عن جهة صوابه من غير تعمد . وقد غالَطَه مُغالَطةً و المَغْلَطةُ و الأُغْلُوطةُ الكلام الذي يُغْلَطُ فيه و يُغالَطُ به ؛ ومنه قولهم : حَدَّثْتُه حديثاً ليس بالأَغالِيطِ و التغْلِيطُ أَن تقول للرجل غَلِطْتَ . و المَغْلَطةُ و الأُغْلُوطةُ ما يُغالَطُ به من المسائل ، والجمع الأَغالِيطُ وفي الحديث : أَنه ، نَهى عن الغَلُوطاتِ وفي رواية الأُغْلُوطاتِ ؛ قال الهرويّ : الغَلُوطاتُ تُركت منها الهمزة كما تقول جاء لَحْمَرُ بترك الهمزة ، قال : وقد غَلِطَ مَن قال إِنها جمع غَلُوطةٍ وقال الخطابي : يقال مسأَلة غَلُوطٌ إِذا كان يُغْلَطُ فيها كما يقال شاة حَلُوبٌ وفرَس رَكُوب ، فإِذا جعلتها اسماً زِدْتَ فيها الهاء فقلت غَلُوطة كما يقال حَلوبة ورَكوبة ، وأَراد المسائل التي يُغالَطُ بها العلماء ليَزِلُّوا فيَهِيجَ بذلك شَرٌّ وفِتنة ، وإِنما نهَى عنها لأَنها غير نافعة في الدِّين ولا تكاد تكون إِلا فيما لا يقع ، ومثله قول ابن مسعود : أَنْذَرْتُكم صِعابَ المَنْطِق ؛ يريد المسائلَ الدَّقيقةَ الغامِضةَ . فأَما الأُغْلُوطاتُ فهي جمع أُغْلوطة أُفْعولة من الغَلَط كالأُحْدُوثةِ والأُعْجُوبةِ .

أنظر يا فتى ومافى داعى لسف التراب الاغلاط خطا شائع
فلا تغضب منى لانى لا اعرف لغة الضاد

غلطى وغلطك دخلوا الخلاطه غلطى خلط غلطك يقدر غلطك يخلط غلطى زى ما غلطى خلط غلطك

بلى يا اخت نسيبه

هلموا يا قوم لتتفقهوا فى امر لسانكم
والله انا لمقددنها و مشمرنها

لبيك وسعديك
يا فتى

اسع نعستا نمشى ننوم نجى ندور شكلة تانى
الصباح رباح

لبيك وسعديك
يا فتى

اسع نعستا نمشى ننوم نجى ندور شكلة تانى
الصباح رباح

يا مراويد صاحبك دا مالو حساس كدا ....

يعني الواحد لو عمل زيو كدا اصلو ما حيهظر ليهو مع زول ...

و بعدين تعرف لو النفوس اتطايبت مافي زول حيزعل ليهو من زول ....

و زي ما قلت انت حقو نطير لينا شكلة كدا عشان بوستك دا يولع و تاني ما يتلحق ...

تحياتي لك و له و للجميع

ملاسى

تعرف ياملاسي الراجل حساس جدآ,يااخ ى لو الناس كلها بقت كده....
بعدين القصه مافيها عداله,يعنى فى ناس يوم قسمو الاحساس التقول كانو داكين,عينتك دى مثلآ ,او ....
الدنيا بخير يازول
لكن كمان النوع المهذب اكتر من اللازم ده بضايق ياخى لانهم بكشفو "مساوئ" نوعى ونوعك ده يخلوها فى السهله والناس تتفرج
احترامات

مراويد و الله ضحكتني باين عليك زعلان من ناس البورد

Quote: طبعآ لو كان الموضوع شكله و لا مشاط كان تلقى الزوار الف والمشاركون 900

و فعلا يا ريت كل الناس تحذو حذوك و تظهر محاسن بعض مش المساؤي.

تحياتي

اخوات نسيبة ايها المروايد
تحمل الكثير الكثير من الاتهامات المضمرة
وانا ارى انك مازلت غاضبا
بسبب تلك الاخاطى اللعينة ولغة الضاد
التى يبدو ان غيرتكم عليها شديدة شديدة

يا اخوانا ادفروا معانا دايرين نوصل النقرات لالف ....

خليك يا مراويد من عدد المشاركين و ركز بس علي عدد الزوار ....

ملاسى

ملاسي شكرآ على الدفره
ندفر ليك وانت قايم الحج
اها فضل لينا كم نقره باقى انا بليد فى الحساب والتاريخ والفنون

Quote: انا بليد فى الحساب والتاريخ والفنون

باقي ليك الانسان و الكون ....

ملاسى