صحبي راسه ضارب داير وما عارف

زميلي في العمل وصديقي ( فلسطيني الجنسية) مولود وتربي في السعودية تعرف علي بنت سودانية ( كيف كيف ما عارف) ايضا مولودة في السعودية وتربت فيها تعارفا قبل اكثر من عام ونشأت بينهم علاقة جادة كما يقول ولان صديقي ود ناس كما نقول دخل البيت من بابه تقدم لخطبة البنت والتي ايضا امها غير سودانية ( جنس شربكة) ولكن والد البنت( دق جرس ) اي رفض بحكم ان الشاب غير سوداني بالرغم من ان ام الفتاة ( ما عندها مانع ) الا ان الاب السوداني وهو للعلم شخص متعلم وصاحب مركز جيد في عمله الا انه يريد البنت لقريبه السوداني المغترب في امريكا او احدي بلاد( السقط) الثلج الاخري لا ادري ايهما وبما اني قد رايت البينت يوما وهي للعلم ( نجاضة بس من يومها نار منقد ) او كما تقول المهترشة علي لسان المجنون في ذلك البوست اي البنت شرط للارض الا ان ابوها حالف ستين يمين ما تعرس الا ود عمها
صديقي الفلسطيني راسه ضارب وعاوز وما عارف ؟؟ يعمل شنو؟؟
المعطيات :-
في السعودية لا يمكن الزواج الا بواسطة الولي اي لو كانت في غير السعودية لكان الامر مختلف ؟
البنت تريد الشاب بقوة ؟؟
الام لا تمانع اطلاقا؟؟
الاب متزوج من اجنبية ويمانع زواج ابنته من اجنبي ؟؟
عريس الغفلة السوداني( الداقس) في ارض الاغتراب البعيد لا يعلم عن العلاقة بين قريبته والفلسطيني ؟؟
محاولات :
حاولت اقناع صديقي بان يتزوج من قومه فالطباع المختلفة والعادات قد تكون سببا في فشل الزواج.
اجابني بانهما كلاهما من مواليد السعودية والبنت امها غير سودانية اي تطبعت بطباع امها وبطباع البلد التي هم فيها اي صديقي والنجاضة من يومها نار منقد.
قلت له قد تريد انت والفتاة ولكن اسرتيكما قد تصطدمان وبما ان امر الزواج امر اسر فلابد ان تضع هذا في حسبانك
قال انه سيعيش هو والفتاة وليس هو واسرتيهما وهي حياتهما ؟
كسر مقاديفي كلها
في النهاية نصحته بالدعاء خاصة وان ابوها اي الفتاة راسه قفل وبيني وبينكم انا البنت لما شفتها نجاضة قلت اولي بيها واحد من اهل العوض وفي ذهني التساؤل لما فلتات بناتنا ياخذها الغريب واهل العوض يقنعون بالتاية وام الحسن وام شلاليف ؟؟ مع الاعتذار للاغنية
انتو رايكم شنو في الشربكة دي

ملحوظة مهمة :
اهل العوض المشار اليه لست انا او اهل العوض زميلنا في المنبر
هذا للعلم

أســـاسـى
ســــــلام
انا رأي البنيـــه تحـاول و تـــــاني تحــاول تقنع
ابــــوهــا
امـا ناس اهل العوض القلتهم ديل...
خــلــك منهم...حجتـن مـيـتي...
قـــاعدين فـي بلاد السقط كـمـــــــان..
اليقدرو علي القاعدات مـعـاهــــــــــم...
ولا شــــــــــــنـــــو......?

الاخ محمد عثمان
والله الابو راسه وستين سيف انا المحيرني واحتمال عنده منطق لكن ليه يتزوج اجنبية ويرفض لي بنته بيني وبين نفسي قلت امكن عشان التجربة حقتو لكن الغريبة انه لما سالت صحبي قال لي عايشين علي احسن ما يكون وما عندهم مشاكل هو مرته الاجنبية
اما اهل العوض ديل زي ما قلت وقرض علي ولا شنو دي بالزات

اساسى


قلت لى فلسطينى ههههههههههههههههههههههه يكة

عارفك يا فيصل عارفك فهمتها كيف
اصلو مخك الشغال علي كيفوا دا البخوفني
يا زول الراجل ( مقرش) ومرتاح
يعني ما فلسطيني حقتك الفهمتها دي
فلسطيني بتاع رفح ودير البلح
هاهاهاهاهاها
اها قول لي شايقي
يلعن ابو الفلس الخلا الاسماء تتشابه عندك
لووووووووووول

ظهيرتكم
بشكل المنقه

انا غايتو مع الاب ، ما مفروض يعرسها للفسلطيني دا
عنصريه كده عديل

يااساسي
صحبك دا لو حصل ليهو مشكلة حيرحلو وين؟
بعدين ديل اكثر جنس عنصري
فهل اسرته سوف تتقبل هذه السودانية؟؟
الفلسطينين اكثر الناس عدم احتراما للزوجات
انا مع الاب في عدم الموافقة
و انصح صحبك المريش دا يدور ليهو علي منقد فلسطيني
سلام

أساسي ... والله أنا أرى أن تغير المهنة في الإقامة وأن ترجع للراجل قروشو .. وأن تخليك من الفلس والطين ، ما بتقدر على شيل الجراكين. لأنو هناك في جلاكين .

عزيزنا اساسى

بنحـب مـن بلـدنا ومـا بر البـلد

ياخوى ابوها خايف يلقى بنته فى رفح وإلا فى جنين
كمان مفجرة نفسها فى موقف سيارات

أسألك أساسى، الراجل ده لمن حاء طلبها جاب اهله معاه ؟

حقو تدى للبنت وصية ما تركب راسها وقول ليها دى حتكون زواجة مخستكة

وتسلم