الاخ الصحفي فايز السليك معنا...فلنرحب به جميعا

الاخوة الكرام

إستجاب الاخ بكري ابوبكر, مشكورا, لرجائنا ووافق علي منح العضوية للاخ فايز السليك, والذي سوف يكون, بلا شك, إضافة حقيقة لهذا المنبر الوطن.يقيني ان هناك الكثير من اصدقائه وزملائه هنا, اكثر معرفة به مني يستطعون الترحيب به افضل مني.إلا اني انتهز الفرصة لارحب به من واقع معرفتي به سواء علي المستوي الشخصي او المهني,ورغم قصر مدة العلاقة بيننا زمنيا, لكن اعتقد انها كانت كافية لي لاخرج بانطباع عالي عن مدي إنسانية ووطنية الاخ فايز,وانحيازه لقضايا الغلابة.
اخي فايز الف مرحب بك وفي إنتظار مساهماتك.
نسيت ان اضيف انه يقيم حاليا في اسمرا,إرتريا.وهو مراسل الحياة اللندنية كما يمثل العديد من وسائل الإعلام الاخري.

مع الود

نهار

مرحبــا وألــف سلام بللأخ فائز وهــو بالحق أضافة للمنبر

مرحبآ بالاخ الصحفي فايز السليك

مرحبا بفائز السليك الصحفى القدير وعايز الايى ميل بتاعو مين يخدمنى فى المسالة دى وكمان لو عندو رقم جوالو يكون كويس وفى الانتظار
عثمان عابدين

مرحبا بالاستاذ فايز الشيخ السليك وسطنا بالبورد ..
استاذ فايز ارسلت لك قبل مدة رسالة بالايميل هل وصلتك ؟

عادل

مرحب بسفير الصحافة بأسمرا
والله وحشتنا يا فايز وأها بقى لازم يكون لك حضورا باهرا مثل عهدنا بك
أخحوك صديق ضرار

ألف مرحب بالأستاذ.فايز السليك
والبيجي من طرفك كلو خير يا نهار..
وحبابك ألف يا سليك أبقي داخل.

مرحب بالزميل النشط جدا فائز السليك
والذي هو اضافة حقيقية لهذا الوطن البورد

التحية موصولة ليك ياجارو
وده برضو عشمي فيك

مع الود

نهار

الاخوة
نيوسوداني
الطيب بشير
ودعابدين
عادل عبدالعاطي
صديق ضرار
خالد الحاج
هدهد

الشكر لكم علي هذا الترحيب الحار
واكيد الاخ فايز في طريقه إلينا بين كل لحظة واخري

مع الود
نهار

العزيز نهار. نهارك ومساءك وصباحك كلو سعادة. شكراً لك صديقى حين التقطت من رسالتى اليك زمام المبادرة ورميتنى فى الحوش الكبير. بس اتمنى ان اكون عند حسن ظن طبعاً الاحباب لانو ما ممكن اكون عند حسن ظن الجميع الا اذا ارتضينا قاعدةاختلاف الرأى لا يفسد للود قضية. وحقيقة لقاءتنا كانت قصيرة بس مثمرة ومليانة بالود والتفاهم ويكفى يا نهار بينا الدكتور الرائع.وحاجات تانى كتيرة ولا ايه رأيك؟. اكيد موافقنى. المهم اشكر لك المبادرة والتى كانت نتيجة لاهتمامك بدارفور واخبارها ساعة بساعة. ودا مجهود عظيم وجبار لانو الناس بتيحث عن المعلومة الجديدة . وكمان دى هزيمة لكل الحرس القديم وحراس البوابات البظنو انهم ح يسدو الافق ويحظروا تدفق المعلومات. بس فاتت علبيهم لاننا فى عصر الستلايت وصحافة الانترنيت. وكمان حوش اخونا بكرى ابوبكر واسع وكبير ومتمدد زى نيل بلادنا.
الاخ نيوسودانى. اشكرك واتنى ان نكون كلنا مثل لقبك الجميل.بس السودان الجديد دى عندنا فيها طرفة انا وبكرى الجاك. فى يوم كنا فى اسمرا مع احد ابناء الصحافى فتحى الضوء الذى سافر الى اميركا ضمن قافلة النزوح الجماعى. المهم كنا بنشرح فى خريطة افريقيا ايام الحرب الاريترية الاثيوبيةووصلنا للسودان. صمت الولد الصغير ولدهشتنا قال اها دى خريطة السودان القديم طيب السودان الجديد وينو؟؟؟؟؟؟! فاصابتا هاء السكت فسكتنا على حد تعبير الرائع المجنون بشرى الفاضل.
الاعزاء الطيب وخالد وهدهد لكم محبتى وبالتأكيد كلنا ح نعمل مع بعض.
ود عابدين... ود عابدييييين؟؟. اظنك ولدنا ولا اسم على اسم؟لو كنت انت وين ناس اسامة وامين وعثمان وعصام؟؟. المهم سنتواصل ايميلى [email protected]
صديق ضرار لك تحياتى وكل الناس الرائعين سفراء ورسل.
العزيز عادل عبد العاطى لك شكرى وللأسف لم تصلنى الرسالة والحمدلله انى عرفت انك رسلت وانت عرفت انى ما استلمت. مرحب بيك والعنوان موجود وسنتواصل . وطبعاً كنا ذات يوم نتواصل بشكل غير مباشر.
ولا انسى ان اشكر صديقى ابو آمنة الذى رحب بى قبل ذلك. ويا ابو آمنة نحن موعدنا الرسائل والونسة الدقاق والعنوان معاك وتحياتى الى ابومنذر وشبندر والعقد الفريدوعاش نضالالرائعين وتلك الايام. قل ما تشاء كن ما تقول. ارجو المراسلة.
والمبدع دوماً فى الصحافة والادب والسياسة خالد عويس الذى ادهشتنى استيره وادهشنى اكثر فى محادثة هاتفية حين قال انه لم يذهب الى اديس ابابا ولا حتى الى اسمرا!. من اين نهلت هذا الابداع؟. والتحية للجميع.
فايز السليك

العزيز الاستاذ عثمان عابدين.
عذراً ان اختلطت الاوراق لتشابه الاسماء. لا ادر لم رجعت الى البروفايل؟ وكم سعدت ان وجدتك ود عابدين الصحافى الجرئ ايام الانتفاضة قبل ان نتطرق نحن ابواب صاحبة الجلالة. كنا نقرأ ونركز على الايام واظنك مشيت السودان الجديد او السودان اليوم مع الدكتور مرمتضى الغالى. اظنى ما بعدت كتير. بس المهم بتذكر عثمان عابدين ايام الانتفاضة والتحول الديمقراطى ومقالات الناس الشرفاء.
لك ودى واعتذارى ان لم انتبه لاسمك كاملاً. وود عابدين الآخر كان زميل دراسة وانقطعت اخباره. اهو برضو نحن بتضمنا ثلاثة حاجات. السودان الكبير. والجزيرة والصحافة.
فايز السليك

حبابك ومرحبيك والف مراحب يا اخي فايز رغم طول الزمن والافتراق لكنك في الذاكرة والقلب محفور واخبارك لم تنقطع منناواهلين

مرحبتين والف بزميل المهنة .
ارجو ألا تكون زميلي في الفلس وتراكم الديون . وكثرة النكد .

رحبنا بهناك و نعيد الترحيب بيجاي ....

مرحب بيك يا استاذ السليك و شكرا يا نهار ...

ملاسى

الشكر ليك يا ملاسي
اول مرة نتلاقي وجها لوجه
سعيد برؤيتك بهنا

نهار

الاعزاء لكم الشكر.
ود الجبل. لن ننسى ايماً مضت لن ننسى ذكرها. وتلك الايام الخضراء.وهل وهل؟؟؟. وانت فى الخاطر يا صديقى وكل الرائعين.ارجو منك ارسال ايميل للتواصل.
تراث. واضح انك صحافى فعلاً.. الفلس. النكد. وكمان تراث عديل. يعنى ما فى مينشيت يفرح ويدخل الطمأنينة فى قلوبنا يا تراث.؟. التحية لكل الشرفاء من صحافى بلادى ولك الشرفاء. والصحافة هى مهنة التعب والنكد والبحث عن الحقيقة والانحياز الى الشغب.
وملاسى شنو الكرم الفياض والترحيب الدافئ؟ حبابك مليون. ومليون مراحب
فايز السليك

اهلا بالاستاذ فايز ,ونتمنى ان تكون اضافة ثرة للمنبر .
وجرعةاعلامية للجميع .
والملعب جاهز..

الاخ ايهاب لك الشكر على الترحاب ونتمنى ان نضيف جميعنا الى المنبر حتى تعم الفائدة.
فايز السليك

مرحب بنهر المعلومات والاخبار والنشاط فايز .. نقرأ لك في الصحف باستمرار ونثق في المعلومة ونستفيد من التحليل ونعجب باللغة .. إقامة طيبة بالمنبر ومجددًا الف مرحب

العزيز بنبون. اجزل الشكر واعطر التحايا لذوقك الرائع مرتين. الاولى لترحيبك بى فى حوشنا الكبير والثانية على الاشادة والتى تزيد من ثقل الاعباء الا ان العزاء سنكون جميعاً املاً واحداً من اجل وطن فسيح بقدر احلام البنيات الجميلات والاولاد الرائعين بغد اروع وافضل. وكلنا على مسؤلية كاملة ووعى كبير وبصيرة متقدة من اجل بكرة والحلم الجميل. لك التحايا ولك الرائعين من بلادى.
فايز السليك