و يغمرني حنين منتصف الليل اهديكم ونفسي..

ابدعـــــــــــــــــــــــــــــــــــــت

نوف
ابدع معي الحنين حين غمرني في ليل غربتي
لك الشكر

اساســــــــــــــــي
المشكله انو حنين الغربه عندي انقلب لي
وحشـــــــــــــــــــــــــــه
نوف

سلام يا اساسى

ليه كده؟
سامحك الله على الحنين الهطل بلا رحمة

وتصبح على وطن

ام واصل

استاذة اشراقة
ليس باليد حيلة
رغم انه لا يفصلني من اصل حنيني (الوطن) سوي ايام
ولكن سطوته تزداد قوة كلما كان البعد اقرب
وليتنا جميعا نصبح وطن يحبنا مثلما نحبه

ياخينا اديتنا السهر وبيتنا بعيد ..

انا بوستك ده قدر ما قلبتا ليهو ما لقيتو

لكن لقيت ده ..
وكسرت ركبة عندو .
اوركسترا فظيعة عديل ..


بلاي لو عارف محلو ورينا اخوك جهازو بنتيوم ون ..يعني داير اسبوع لحدي ما القي الحرف الاول من اسمك ..


بعدين انتا عندك نفس تهدي لينا بوست وما عندك مروة تهدي لينا سبعة الف ريال يا( ....ساي )
تعرف في واحدة في البورد ده علاقتي بيها زي علاقتي بي (ماوتسي تونغ) رسلت لي الف ريال لامن قرت شحدتي ليك اليوم داك يا وهم..

الف ريال عدييييييييييل

انا الاغنية عارفها سمحة واوركسترا مبالغة ما راجيك تقول كدا

بعدين انت لا عندك وش لا بتخجل تشيل من البنات قروشهم اصلو قلبك ميت

انا كان لميت فيك بديك السبعة الف بس ما اظن ريال سبعة الف سوط

لانك محتاج ليها عشان تبطل دناوة

بعدين عرفة نت ساي انت لا شفتك لا شفتني اديك سبعة الف ريال

انا متغرب وقاعد ومتحمل بلد السجم دي المها عشان اديك ليها انت؟

والله كان راجيني ارجا الري

قال سبعة الف قال انا ما عارف كان ما عرفة دجيتال اسع كان صحبي جد

انت كان قلت لي اعرس ليك ولا كيف ... في زول عاقل يدي زول بحب

بالديوك قرش احمر خلي الاف الريالات؟

اساسى حبيبنا .. مالك علينا

ياقلب انا كنت قايلك تبت من نبض الشحتفه.. وسيرة البحر

ياوجع .. فك البنج ؟

يا جرح .. منو الصحاك تنحت فى الدواخل ازميل وتساهر بالعيون

الليل وتتوهطنى ...

اساسى ..ادينى من ريدك مدد ..انا فى هواك درويش غرام

ماسك حروف اسمك عدد ..



ديكو

لك..
من شواهد ليلنا
حلقا....
ترتل سورة
تستكنه التاصيل....
من عشق دفين
لك...
من شواهد ليلنا..
عينان...
رتبتا طوالع لقية
بمواقع الوعد
المعلق في السنين
لك... ما تشاء...
فانما هي ومضة ..

اتدري من الوامض باسمي هنا ديكنا؟؟