تماضر النقر

ذمان بتذكر في واحد إسمو منو كده عبدالحفيظ كان حكم كورة ومافي زول بيعرفو ولحظو الحلو حسب اعتقاده حكم كورة للهلال .. الوليد فكر يعمل شنو قام مسك ليك مصطفى النقر واداهو كرت احمر من غير سبب وتاني يوم بقى أشهر من نميري زاتو .

في هذه الأونةأحد الأبناء أنزل بوست يتهكم قيه على الأخت تماضر بطريقة مشمئزة وأعتقد أنه لم يدر بخاطره سوى الترويج لسلعته كديدن العديد من الأخوة .
ورغم إختلافي مع الأخت تماضر في مسألة الشفاعة ومسألة الحجاب ( بدون التدخل في خصوصيات الفرد ) إلا أنني ومثلي آخرون نكن لها كل التقدير والإحترام .
لذا من أراد الشهرة فعليه بالرأس الكبيرة ( بكري ) ياإشتهر ياإتشات برة هو وحظو

يا علي عثمان

انا ما داير ارد .. بس قلتا اسالك هو ليس للردود ليه.

الأخ ودالجيران
معليش فاتتني دي
لأنه ماداير أفتح لي معترك لنقاش مفتوح في محلات أخرى
وإنما كتبت ماكتبت للتفكير فقط .

طيب انتا ما كان ممكن تفكيرك دا تكتبو محل النقاشات المفتوحة اصلا؟

لا انا حاشارك ..لانه ده اسمى انا..

وهى الشهادة لى بانى .....

ما بطالة..


زمان قال لى احد العارفين: شاشتك بيضا واسمك بتشال فى الخشوم...

قول بس ان شا الله بالخير..

والشاشة البيضا فى كلام متصوفة السودان..معناها الشفافية..عند المثقفاتية..

هم لو جونى بالهداوه كنت وريتهم انه الشهره..بتتعمل كيف؟

الشهره ..ما بتمشى الا للزول "الماساكييها"..وده كلام مجرب ما كلام طبيب...

يعنى تشويه سمعة المشهورين ..برميهم بحجارة من سجيل. التاريخ..خاصه لما يكون "المشهور..بريء.."

حاصدر كتاب فى الشهره.."كيف تشتهر فى يومين بدون..مجهود...وعلى اكتاف الاخرين"

شكرا لملاحظتك الذكية..ولك السلام



توقيع: تماضر النقر

النقاشات المفتوحة في المواضيع دي بتنزلق الى درك الإساءات الشخصية لذا لا ارتادها بصورة مستديمة

الاخ العزيز على عثمان

لك الود
اعتقد انو انت قمت بتحليل الحاصل كلو بهذة المقارنة ما بين الحدثين
فمصطفى النقر كان نجم الهلال الاول فى ذلك الزمان

والاستاذة تماضر نجمة البورد الاول بدون منازع للعام 2003 وللاعوام الثلاثة القادمة (بعده حنفتش عن واحد جديد)

وانت ما دام فتحت البوست استعد للنقاش وما ترجع لوراء وما اعتقد انك الزول البرجع

نتلاقى
محمد

الأخ محمد
لك التحية .. لم أورد عبارة ليس للرد للأسباب التي ذكرتها وليس لأنني أهاب أحد ومستعد لكل النقاشات بشقيها .( سحبتها ) .
الأخت تماضر
انشاء الله خير