خيانات من خلف كواليس البورد وخوة البورد حدها الكيبورد

صديق تعرفت عليه فى سودانيز اونلاين وفعلا هو الشخص الذى يفتخر الواحد بمعرفته انسان بمعنى الكلمه ما حصل ضربتا ليه لى عمل خير الا وسبقنى عليه وبقى سيدو شفيف
راقى ورغم انه من اسره ميسورة الحال لكنه متواضع
لدرجة العوراه طيب وراقى ومن انبه واشطر الطلاب
السودانيين المروا على الكليه التى يدرس بها

ما اطول عليكم الزول دا تعرف على واحده من اجمل
البنات وتعلق بها لدرجه الوله وخطبها من والدها
الذى رحب به ترحيبا شديدا ورغم قناعته الشخصيه بعدم
منطقية الارتباط بالنت وافق عليه بدون اى تردد
نجى للجزء المؤلم والذى ألمه اكثر من فقده لحبيبته
تعرف على احد اصدقاء البورد ولانه انسان ذو نوايا
بيضاء فلقد كان معتزا بحبيبته وعرفها بهذا الصديق
هذا الصديق للاسف طلع ما عندو اصل والجارح فى الموضوع
والذى يسبب الغيثان ان هذا الصديق من البورد وللاسف
الشديد طعن الانسان الذى آمنه ليس هذا فحسب ولكن دخل
بينه وبين الانسانه المفترض انها ستكون زوجته فى خلال سنه
وشويه بعد ان يخلص دراسته
الزول الجبان الانانى دا آثر ان يفوز بهذه البنت والتى تشير كل الوقائع على غرابة اطوارها وحتى اليوم والكلام
دا حصل ليهو اكتر من 3 شهور ولليوم مافى زول عارف
ليه عملت كدا مع العلم انه لا توجد اى اوجه مقارنه
بين الاتنين فى كل النواحى الاخلاقيه والماديه والعلميه وحتى
التقارب العمرى
الزول دا هسى عايش فتره تكاد تكون مدمره بس داير يعرف
ليه عملت كدا كده دى عايشه اجمل قصة حب مع هذا الصديق
الذى أتومن عليها قدر ما قلت لو خليها ياخى ديل شبه
بعض وانت ما بتشبهم والله وفعلا الطيور على اشكالها تقع
الاسئله التاليه تحتاج الى اجابات وبالحاح
هل انعدمت اخلاقياتنا لهذا الحد
اين النخوه والثقه بين الاصدقاء
هل هذا ما نجنيه من معرفة البورد كما قال ديك الجن
اخوة البورد الحدها الكيبورد
هل تستحق هذه الزعل من اجلها انا مقتنع لكن البقنعو
شنو
المشكله لسه بتكذب عليه وبتقولو فى حجج واهية ما
عارف قصدها شنو
هل وصلت الدناءه والانحطاط لهذه الدرجه
معليش نقحمكم فى المشاكل الداخليه والخاصه لكن والله غلبنى
اقنع الزول دا انو ما كل الناس زى بتو دى ولا كل
الناس زى صاحبو دا
الحازى فى نفسى انو الحبيبه قاعده هنا وبالتاكيد
الصديق الصدوق قاعد برضو والغريبه الكل بحسب انهم
ملايكه
الناظر للترابط الاسرى السايد فى البورد يتالم لوجود
امثال هؤلاء
والله من وراء القصد

الاخ ود الجعلي

ياخي الواحد اسف جدا ان يسمع عن مشكلة مثل هذه تحدث في البورد

وقول لصديقك عسى ان تكرهوا شيئا وهو خير لكم

العزيز قرجه تحياتى وحبى والله انا موجعانى اكتر من صاحبى لكن ماكلا فى حنانى والله
قايتو عزانا فى البورد انو بنتواصل مع امثالكم يا
قرجه وليذهب امثالها وامثال حبيبها الجديد الى الجحيم
اها نجى للمهم الغيبه الطويله دى انشاء الله فوق عمار
وتسلم يا عزيز

الأخ ود الجعلي


مع احترامي لكل ما جئت به هنا واحترامي الكامل لمشاعر صديقك... لكن ألا تظن بأن كل المسالة هي مرتبطة بصديقك هذا ... الذي لا يبدو انه صغير في السن وليس لديه تجارب و لم يستطع ان يختار الافضل سواء الحبيبة او الصديق ولا اعتقد انها كارثة كما يظن فهي فعل يومي يحدث في كل انحاء العالم ويمكن حدوثه لكل البشر وليعتبره احد التجارب الفاشلة ولكن هذا لا يجب ان يؤثر في ثقتخ بنفسه وبالاخرين ولتكن تجرية فالحياة عبارة عن تجارب ... وعموما لا يمكن الحكم علي رواية من طرف واحد ولا يمكن مطالبة طرف اخر بالحديث عن اموره الشخصية ..



لكن صدقني يا ود الجعلي قصتك دي عبارة عن ( لعب شفع) مقارنة بالبحصل .. لكن في الاخر ليست هذه قضيتنا ولا الدخول في الامور الشخصية هو ما اتي بنا هنا

مع تحياتي لك مرة اخري
واحترامي لمشاعر صديقك

أبو آمنة

ود الجعلى سلام
دا حال الدنيا وبتحصل من زمان قبل النت
مرة واحد رسل مع صاحبو حاجات لحبيبتو.. وصاحبك ساسق فى الدريب وعرس البت ومشى بها مكان داك قاعد.. واحد قال لصحابو عشان تختبر مدى حب حبيبتك دى شاكلها وفرتق منها شوفها كيف صاحبك شاكلها طوالى داك اتحول لحائط مبكى وخلط شديد واسع متزوجين وصاحبنا داك
طفش خلا البلد
يعنى عادى ذى الزبادى
وقول لصاحبك القسمة تضحك على الصفاح

وربنا يعوضه الاخير والابرك
واحر من الشاكوش خيانة الاصدقاء

ودالجيلى آربع
انا من القلائل الذين يستطيعون الشعور بما يحسه صديقك لان منذ ما يقرب من العام خسرت صديقة عزيزة وغالية...فقدت اخت حبيبة غالية بسبب احد البورداب الذي آبى نفسه الضعيفة الا ان يحطم ما بيننا ليبنى لنفسه ما يريد....
حتى هذه الثوانى لم اعرف سوى ان الاخت الصديقة غيرت كل من تلفوناتاها وايميلاتها حتى لا اتصل بها...واحمد الله انها لم تغير عضويتها في البورد... حيث بين الحين والاخر اري اسمها مشاركة واطمئن على انها بخير...بالرغم انها تتجاهل مسنجراتى البوردية السلامية
فنعـــــــــــــم
مثل هؤلاء موجودون بيننا وهم جزء منا مندسون وسطنا...
انها الحيـــــــاة بكفيها الخيرى والشرى
كل ما استطيع ان اقوله لصديقك...تجاوز ألم اليوم بأمل الغد ...برغم الألم ابتسم للحياة فان اجمل واقوي وأصدق الابتسامات هى التى تخرج من الألم .
يقولون: ان جروح الحب لا تبرأ... وحطام القلب لا ترمم
اقول لك:ايمانك بالله ...و صدق مشاعرك نحوها وحسن نيتك نحوه سيعيد الشباب لحياتك والحب لقلبك والثقة لنفسك
اخيرا
صدق المتنبى عندما قال فيمن وشى بينه عند سيف الدولة:
لو كان ما بي من حبيب مقنع لعذرته.لكن ما بي من معمم
تحياتى لك لشجاعة الطرح ووفاء الصديق
وأسفى الشديد لصديقك لما حصل

يا جماعه هووووي غايتو دي ما انا

الاخ الكريم ابو آمنه تحياتى
كيف يعنى ما جيتو من اجل كدا ممكن تقول انك ما جيت لكن الزول دا برضو لو هسى سالتو يقولك نفس الكلام
وانا ما طرحت هذا الموضوع من اجل صديقى ولا اظنه
بالذى يحتاج تعاطف او شئ من هذا كما اننى اعلم تماما
ان العالم ملى بالتجارب القاسيه لكنى طرحته لابين
لكل الاخوه والاخوات فى البورد طبعا الشرفاء منهم فقط
ابين لهم انه ليس كل من ابتسم لك فى هذا البورد فهو
صديقك فقط تطرقت لهذا الموضوع لينتبه الكل الى ما يحدث
فعلا اتفق معاك انو الحاجات دى بتحصل بى كثره لكن ونحن
كمجتمع سودانى كنا ولا زلنا مضرب الامثال فى الوفاء
للصديق كل ما قصدته من جلب قصة الاخ ان ابين ان
الصداقه فى سودانييزاونلاين يكسوها بعض من زيف
لك تحياتى اخى الفاضل

الدكتوره بيان تحياتى وانت دوما تستخلصين ما يرمى له الشخص وهذا دوما يزيد حبى لك وتقديرى والله انا ما اوردتا هذا الخبر الا تالما من سلوك الصديق ولا يهمنى من
البنت الكثير لانى بفعلتها هذه ايقنت انها لا تشبه هذا
الصديق الجميل بينا والله كنت ارجو ان يسمح لى بكتابة
اسمه لتعلموا كم هو جميل بيننا وانه لا يستحق هكذا
عقاب لكنه دايما يتسامى وكان رده ان عددا من اصدقائه
سيعلمون من هى وربما تتاذى من ذلك
كل التحايا والود

العزيز عادل لك تقديرى والتحيه
والله ربنا يعوضك احسن وافضل لكن بالله مش حاجه تقرف الحركات الزى دى
اسمع قلت لى غيرت تلفوناتا وكمان الايميل معناتو انت كنت
ساكيها بعد قالت ليك مع السلامه ودا بدل على اصلك
وانك كنت شاريها لكن هى بايعه بايعه
بينى وبينك احسن ليك كدا والله

معقول...هســـــــع هي قاعده هنا.....
وبتقرأ في الكلام ده...
لاحــــــــــــــــــــــــــــــــــوله...
لكن ليه عملتي كــــــــــــــــده.....؟
لحـــــــــــــس مخـــك....؟
غشــــــــــــانـي ياعمــــده...
قال لي بعرســــــــــــك....
دي منـــــــــــو يا ود الجعلـــــي؟
مــتـورينا ليها..عشــان نعمل حسـابنا...
يمكـــن تفرتـــــــك قريـــب..................
منو هو زاتــــــو...
ان كيدهــــن لعظيـــــم....

العزيزه دومه لك تحياتى وتقديرى معقول ياخ انتى تعملى كده واذا انت عملتى كده تانى نضمن منو
بعدين انا زعلان منك وخوه فرتك ا داير معاك اى كلام
كيف تضربى لى اشراقه وانا العرفتك عليها ما تضربى لى
بعدين الله يكتلنى انتى اكتر زول سقانى مقلب فى البورد دا
ووقت جيتى هنا خلينى النفتو هنا دا واقطعو معاك ناشف
انا زمنى دا كلو فاكرك زوله كبيره وكمان خاتك فى خانت
البروفات عشان اى حاجه بتناقشيها دايما بتكون البق
المتحدثين ان لم تكونى افضلهم ودايما ما تكونين المهم
احببت فيك هذا البروف والمضحك فى الموضوع قلتا اشوف
طريقه اجكس بت ولدا والله بت بتها شروق دى الخاتاها فى
التوقيع ومن هنا اتى المقلب فزمنى دا كلو الى ماقبل
بوست اشراقه كنت فاكر معنى التوقيع انك حبوبة شروق
يعنى عندك حفيده اسمها شروق ويوم واحد ما فكرتا انك
انت رقبتك اسمك شروق وفعلا لما قريتا حبوبه وليست حبوبة
ضحكت ضحك وشروق راحة من راسى نهائى بعد ما كنت
راسماجواى

لووووووول والله لكن يا ود بكرى لكن ما بتريح انتا اصلو
بعدين حكاية تفرتق دى ما ياخدك فيها شك وانا دخلتا معاها فى تحدى وقبلتو وحا وريها انو حيبيعا مقابل
حاجه تافهه جدا وحا تشوف يا محمد عثمان

مؤسف مؤسف للغايه والله بس قل لصديقك ليحمدالله انه ما ارتبط بيها الاوكانت خانته في اول لفه