Post: #1
Title: فرسان وحرائر البورداب0000تحية شكر وتفدير ومعزة برائحة المسك والصندل والعنبر
Author: essam&amal
Date: 01-12-2004, 07:11 AM
احبائى سادة الزمن الجميل
من علايل ابوروف للمزالق
من فتيح للخور للمغالق
قدلة يا مولاى حافى حالق
بالطريق الشاقى الترام
00000000000000000000000
نجلس بعدها على اطراف المدينة بقارعة الطريق نتمرد ونتحكر ونحكى ،،
ننسج الحكايا ، والعطايا ، والقضايا ، والسجايا ، والخطايا ،،،،،،،
ونغنى فى الشاطىء يا حبان ساهرتوا بينا ،،ونتوسد تراب هذا الوطن الجميل ، فى الهزيم الاخير من الليل ، نشد اوتار المغنى ، وندوزن الحانه الشجية بطعم الوطن ،،لا عساكر ، لا مظالم ، لا تفاتيش ، لا نقاط عبور ، لا تصاريح عمل ، لا اذونات دخول ، لا اختام خروج ،لا اعتقال ولا تعنصر .
نتذكر بعد طول غياب 000
نحن اولاد بلد نقعد نقوم على كيفنا
فى لقى فى عدم دايما مخدر صيفنا
انحنا الخرج بنملاه وبنكرم ضيفنا
ونحن الفوق رقاب الناس مجرب سيفنا
0000000000000000000000000000000000
ها قد عدت لهذه الاوجه النيره السمراء
اخى وصديقى ابو ساندرا!!!!!
اكون سعيدا لو غضبت يوما ورميت عصا الترحال وتركت الريالات والدراهم والمظالم والغرف الكندشة لراكوبة قشها من حصير بها بعض عنقريب وبنبر وبرش وسعن ماء على مروبنات ،،
وصحت باعلى صوتك ملعون ابوكى بلد ،،،ونراك بين اسرتك اللطيفة تشق بهم زحام الخرطوم فالخرطوم بدونكم عميانة وتكابس ،،
الخرطوم بدونكم جميعا عميانة وتكابس عميانة وتكابس عميانة وتكابس .
شكرا لكم سادتى ،،،
ولعيونكم مثنى وثلاث ورباع فرادى وجماعات ،، على احساسكم الطيب النبيل ،،وعطاءكم الانسانى الذى ازاح عنى بلوى المرض ،، فكلكم مساحين اسية ،، وجمال شيل ،، وحلالين شبك ،، واخوان بنات ،، فقد ساقنى عطفكم الكريم الانسان ان اتداعى واتمنى المرض ثانية حتى انعم بسؤالكم الدائم واصواتكم الدافئة الجابرة وانفاسكم العطرة التى تزحم المكان بانسانية غلابة وابتسامة تعيد للنفس هدوئها وبهائها ورونقها وجمالها ،،،
ابنتى ماهيتاب سؤالك عنى طمأننى على زهرات بلادى ،،،،
متعكم الله بالصحة وادام عليكم بواعث الرضا والسرور والعافية 00
الخرطوم
عصام الدين محمد الحسن
ابو وضــــــاح
|
Post: #2
Title: Re: فرسان وحرائر البورداب0000تحية شكر وتفدير ومعزة برائحة المسك والصندل وال
Author: abumoram22
Date: 01-12-2004, 02:02 PM
Parent: #1
ربنا يديم عليكم وعلى الجميع نعمة الصحة والعافية وأمنيتك بعودة المرض ان شاء الله ما يصادفها ملك وربنا يسمع منك الثانيةويعود الجميع لحضن البلد الغالي وترد فينا الروح وتعود الإبتسامة الحلوة نشنق الطاقية ونقعد في البنبر ونشرب موية الزيرونسمع حكاوي الحبوبة والخالة. يا حليلنا الزمنا راح في الغربةواشتقنا لقعيدة الصباح وقهوة الضحوية أدعو لينا يااخوي الله يسمع منك ويردن جميعا وقد انزاحت الغمة وانجلى البلى وارتاحت البلاد والعباد
|
Post: #3
Title: Re: فرسان وحرائر البورداب0000تحية شكر وتفدير ومعزة برائحة المسك والصندل وال
Author: almohndis
Date: 01-12-2004, 06:25 PM
Parent: #1
الحمد لله على السلامة
ابوضاح لغاية ما اجيك
بالدرب العديل
|
Post: #4
Title: Re: فرسان وحرائر البورداب0000تحية شكر وتفدير ومعزة برائحة المسك والصندل وال
Author: essam&amal
Date: 01-13-2004, 08:15 AM
Parent: #1
الله يديك العافية يا ابو وضاح وحمد الله على السلامة
والله شوقت الناس للقدلة فى شوارع ام درمان .
ويعنى ابو ساندرا ده مالك عليه من دون الناس بس
تقول ليه ازعل وتعال راجع ما يرجع من غير زعل.
والله المفارق عينه قوية فعلا .
والله انتوا يا ناس الديم ، ولا اخير اسكت .
امال
ام وضاح
|
Post: #5
Title: Re: فرسان وحرائر البورداب0000تحية شكر وتفدير ومعزة برائحة المسك والصندل وال
Author: AnwarKing
Date: 01-13-2004, 08:25 AM
Parent: #1
الحمد لله على السلامة
AnwarKing
|
Post: #6
Title: Re: فرسان وحرائر البورداب0000تحية شكر وتفدير ومعزة برائحة المسك والصندل وال
Author: أبو ساندرا
Date: 01-13-2004, 09:42 AM
Parent: #1
عصام ، متعك الله بالصحة والعافية
وهكذا هم زملاء المنبر الحر ، شهوني المرض عندما تدعوا من كل فج عميق من أجل عاصم الحزين ،وبورداب الخرطوم جمالهم وروحهم ومشاعرهم كافية تمام لهزم أي مرض ما أن ترى أي منهم حتى تجري العافية في العروق ، أما ماهيتاب هذه فيكفي أن ينسرب لك صوتها عبر الهاتف وينداح ليغمر كل أسرة مستوصف النيل ، لا يكون أمام المستوصف سوى ان يغلق أبوابه وكذلك إبن سينا فالعافية سائدة في المدينة.
يا صديقي لم يبتل شوقي وعطشى لشوارع الديم أثر غيابي الطويل عنه مرغمآ ومكرهآ ، عدت بعد عشر سنوات من التيه في اكتوبر1999 ومن وقتها أجيء كل عام بل مرات في العام مرتين ومازلت مشتاق أصلوا العطشة الدخلت فيني سكنتني ، مازلت أتوق لطقسي اليومي في رحابه من الصباح إلى مكتبة علي فقير وأتأبط كل الجرايد ،أقرأ بعضها عند حسن عثمان ريثما يجهز لي أم فتفت والسمك الساخن ،وفطور مع ست الحبايب أسماء بت السرة ، بعدها يتوزع يومي بين البيت والحي والمنتديات ووو
عصام حتى القاك في مارس سلم اي على ميادين الديم العامرة ابداها من البرنس حيث تهجيت الركلات الأولى للمستديرة ، ثم الرعد والنصر والنجم الأحمر والطليعة والوطن والعاصفة والحرية والدينمو والربيع والإتحاد والمجد والكفاح والأمل والمؤتمر والزهرة
ولا تنسى ان تغشى دار فرقة جاز الديم وسلم لي على إبراهيم حسين ، ثم إلى أولاد القنا أحضن سيف بشير وأبكي معه طويلآ رحيل الوسيم الجميل بدرالدين حسن عباس (بدر القنا) ثم غني معه ( حبيب مالو جفا ،، فارق ديومنا الوالفه ،، ما قلنا بنريدو وكفى ،، دمعاتنا فيهو بنذرفه
في مارس يا عصام حا أطوف بكالديم (المربد) وأكشف لك عن أمكنة وناس وحكايات وأشجان بعدها سوف تدمن صحبتي ، وسوف تستمتع آمال بغيرتها وتضاف إلى قائمة ( بنات المغيرة ) رشيدة والجندرية قادمة جديدة ووسيمة .
|
Post: #7
Title: Re: فرسان وحرائر البورداب0000تحية شكر وتفدير ومعزة برائحة المسك والصندل وال
Author: mahitab barakat
Date: 01-13-2004, 01:56 PM
Parent: #1
أبو وضاح
شكرآلله....شكرآلأنك بيننا
ولنشهد أننا تعلمنا الحب هنا
وانشاء الله واصلاك مع المهندس
اها يا ام وضاح مش تجى أنت و أبو ساندرا تنثروا العبير فى
شوارع الديم
أبو ساندرا
اذكره جيدآيوم عدت بعد غياب تسع سنوات سفرن الدفء عن قلوبنا
كان مطار الخرطوم مكتظ بنا
تعالت الزغاريد حين طليت....والكل يسأل
انتو جاييكم عريس؟
.
.
.
أحبك ...وكفى
|
Post: #8
Title: Re: فرسان وحرائر البورداب0000تحية شكر وتفدير ومعزة برائحة المسك والصندل وال
Author: بلدى يا حبوب
Date: 01-13-2004, 03:05 PM
Parent: #1
ابوضاح
حمد الله الف على السلامة
متعك الله باكتمال وتمام الصحة
تحياتى
|
Post: #9
Title: Re: فرسان وحرائر البورداب0000تحية شكر وتفدير ومعزة برائحة المسك والصندل وال
Author: Tumadir
Date: 01-13-2004, 03:27 PM
Parent: #8
اهل وضاح العزاز...
الف حمدالله على صحتكم...
والف سلام..
واكتر حاجه عجبتنى بعد السلامه...كلمة حرائر...
ظاهر فيها تاثير بروح البورد اليومين ديل...
|
Post: #10
Title: Re: فرسان وحرائر البورداب0000تحية شكر وتفدير ومعزة برائحة المسك والصندل وال
Author: ملكة سبأ
Date: 01-13-2004, 06:21 PM
Parent: #9
الف حمد لله على سلامتك استاذ عصام
والتحايا لام وضاح
|
Post: #11
Title: Re: فرسان وحرائر البورداب0000تحية شكر وتفدير ومعزة برائحة المسك والصندل وال
Author: mustafa mudathir
Date: 01-14-2004, 04:13 AM
Parent: #10
عصام كيفك؟
بغران من شوفتك للسودان يا بختك بالديم لكن هل رحت
امدرمان بلد الحبان؟ ياخسارة السنين برة امدرمان.
آمال كيفك و حمدالله سلامة ابو وضاح يا ريت توروني
أخباركم في رسالة خاصة.
مصطفى مدثر
|
|