Post: #1
Title: زووم ان...كلوز اب...اكشن....حملة تجميل!!!!!!!
Author: مريم الطيب
Date: 01-08-2004, 10:43 PM
الكاميرا تدور فى لقطة بانورامية واسعة لمنطقة السوق العربى الخرطوم
زوم ان على كومة كبيرة من ركام عربات تجرهاالايادى(طبالى)..ماركة مسجلة المنطقة الصناعية..عربات مقلوبة..متراصة..متراكمة فوق بعضها..
زوم ان (سيرى وعين الله ترعاك)كلوز اب(ياناس ياشر كفاية ار)..(ياابو شراء)..من راغب الناس ماتهما)(دار ام بادر يحليلا)...(هذا من فضل ربى)
(قطع)
لقطة السوق العربى الجهة المواجهة لاجرخانة سعد الدين كلوز اب على باب صغير اقصى اليمين(ممنع الدخل....لأتبل هنا ياحمر )الكاميراتلتقط بص برى الكحلى على الجانب الاخر من الطريق زوووم(انت كلك زينة وعايمك الوزينة)كلوز اب (واقفين تحننوا راكبين تجننوا)
(قطع)
البرندات الامامية للكوندة الحرمين لقطة متوسطة...(رجل جالس على كرسى يحمل مرأة متوسطة الحجم يلتف حول عنقه بشكير بمبى كبيرمسدولا حول كتفيه مغطيا صدره ...وقد امتلأت صفحة وجهه اليسرى برغوة بيضاء ناصعة....مستسلما للمسات الحلاق الجمالية ....فجأة يصاب المكان بحالة هرج ومرج...اصوات اقدام..ينتبه الرجل الى خطوات الحلاق تتسع متباعدة...صارخا فيه ( اجدع المراية....اجدع المراية.......اجرى اجرىيتلفت حامل المرآةويسقط قى يده فقد هجم جماعة تجميل العاصمة
القوميةوهاهو رب الجمال بهراوته العتيدة تسبقه الكشكشة الرهيبة الصادرة من صناديق صبية الاورنيش تملأ المكان...يقفز امامه صبى اخر متضاحكا يحمل فى يده فردة حذاء يلحق به شاب مهندم ينتعل الاخرى....تتضاحك صبيات المدارس من موقف الصحافة....(الكاميرا
مسهية..تنتبه للاسهاب).....(قطع)
كلوز اب على وجه شحاذ يجلس على الزاوية اليمنى للجامع الكبير قبالة عمارة الذهب وهو يصدح بصوت شجى (اللهم نجنى ومن معى ........مستشفى سوبا الجامعى)ينتقل الكلوز الى يد معروقة ترمى بورقة مالية مهترئة.....فى علبة فورموست مطفقةامام الشحاذ....تغادر الكاميرا المكان الى داخل بص الحاج يوسف...تستعرض
وجوه الركاب مااستطاعت فالزحام على اشده.....يعلو صوت شجار....زوووم..كلوز اب (ماقال ليك ماعندو ياوهم..........) (قطع)
تتخذ الكاميرا موقع استراتيجى يمكنها من اخذ لقطات اكثراتساعا للمنطقة...تفتح الكاميرا على خلق تتجارى من جميع الاتجاهات....هراوات ...عصى..أًصوات متداخلة...احذية متطايرة...ترابيز مقلوبة..كراتين محمولة على الاكتاف..شمس تقلى الحبة
وغبار يلف كل شئ......غادرت الكاميرا والعاصمة القومية يتم تجميلهاعلى اسنة الرماح قطع
فى شارع نائى نظيف نسبياتجلس الكاميرا ساهمة فى احد الاركان. تنتبه على صوت مدوى لعربة هرمة....تقترب العربة..عتيقة..مكشوفةتسير مسرعة ناثرة حولهاكميات مهولة من الاوساخ التى تحملها ...بفعل الحركة والهواء....تنهض الكميرا بسرعة تتسلط على العربة...زووووم.....كلوز اب( ولاية الخرطوم............تجميل العاصمة القومية.... )
(قطع)
|
Post: #2
Title: Re: زووم ان...كلوز اب...اكشن....حملة تجميل!!!!!!!
Author: هدهد
Date: 01-08-2004, 11:00 PM
Parent: #1
انت يامريم مدهشه كده مالك
|
Post: #3
Title: Re: زووم ان...كلوز اب...اكشن....حملة تجميل!!!!!!!
Author: Adil Osman
Date: 01-08-2004, 11:42 PM
Parent: #1
سينما سينما يا مريم الطيب
هل هذا الفلم منجز أم متخيّل؟
واذا كان متخيل كيف يمكن انجازه؟ وان كان منجز اين يمكن الحصول عليه؟
أشدّ على يدك الممسكة بكاميرا حساسة وفصيحة!
|
Post: #4
Title: Re: زووم ان...كلوز اب...اكشن....حملة تجميل!!!!!!!
Author: Tumadir
Date: 01-08-2004, 11:50 PM
Parent: #3
هذا عشق مرصود..ومكثف..
وياعين الكاميرا الصاحيه..احكى لنا عن تعاساتنا المنسيه,,كى نفيق من غفوة.."الانقاذ"
|
Post: #6
Title: Re: زووم ان...كلوز اب...اكشن....حملة تجميل!!!!!!!
Author: mohamed elshiekh
Date: 01-09-2004, 00:27 AM
Parent: #4
الاخت مريم لك التحايا
مشاهد مؤلمه حقاالتى رصدتها عدستك القديره
اما اذا صعدتى الى اعلى قليلا واخذتى لقطه بانوراميه سترين ان
الوضع كما وصفتى فى جميع انحاء الوطن.
ارجو ان لاتذهب عدستك الى الشوارع الخلفيه.واعنى قصور الحكم عندها مستوى البشاعه والقذاره يمكن ان يفجر عدستك .
ولك ولعدستك الصادقه كل مافى الارض جمال,
|
Post: #5
Title: Re: زووم ان...كلوز اب...اكشن....حملة تجميل!!!!!!!
Author: esam gabralla
Date: 01-09-2004, 00:12 AM
Parent: #1
امك...الفنانات جو
نتضاير بعد ده
دنيا صفا بورد انتباه
|
Post: #7
Title: Re: زووم ان...كلوز اب...اكشن....حملة تجميل!!!!!!!
Author: Abureesh
Date: 01-09-2004, 00:28 AM
Parent: #5
فى زول نازل؟
طـوااااااالى يــا
والله يا مريـومــة..
رجعتينـا 14 سنــة لى ورا.
شـكرا جـداً..
أبوالريش
|
Post: #8
Title: Re: زووم ان...كلوز اب...اكشن....حملة تجميل!!!!!!!
Author: إيمان أحمد
Date: 01-09-2004, 00:46 AM
Parent: #7
مؤلم!
لكن لمسته بي يدي، بعد "فقدان الحواس الخمسة"!!!
إيمان
|
Post: #9
Title: Re: زووم ان...كلوز اب...اكشن....حملة تجميل!!!!!!!
Author: maia
Date: 01-09-2004, 00:51 AM
Parent: #1
وسلطي الكاميرا يا مريم على العربية الزرقاء الدخيلة علينا بتعت النظام العام وتلك الوجوه الصعبة الملامح تترصد الشعر المشكوف والاكمام القصيرة
بئس الوجوه وبئس العربات
|
Post: #10
Title: Re: زووم ان...كلوز اب...اكشن....حملة تجميل!!!!!!!
Author: مريم الطيب
Date: 01-09-2004, 06:49 AM
Parent: #9
هدهد
احمد لهذا النص ادهاشك.....
عادل عثمان
هذا سيناريو احلم بانجازه ذات يوم
تماضر....
وهل يفنى عشقنا لهذه الاماكن المضرسة
فهى تسكننا...
محمد الشيخ
اوافقك..وراء هذا..ماتنؤ بحمله العدسات
عصام جبرالله
هسى الفنان منو؟؟؟؟انشاء الله يتضاير عدوك
ابوالريش..
14سنة يا ابوالريش......too much
ايمان احمد
ما اخشنه..ما اخشنه..ما اخشنه يا ايمان
مايا..
كم عدد الكاميرات التى نحتاجهالرصدهذا الواقع
المؤلم..لاتحصى يامايا.
|
Post: #11
Title: Re: زووم ان...كلوز اب...اكشن....حملة تجميل!!!!!!!
Author: بدرالدين شنا
Date: 01-09-2004, 06:51 AM
Parent: #1
| Quote: اللهم نجنى ومن معى ........مستشفى سوبا الجامعى |
عجبتني الحاجة دي شديد وتمنيت لو سمعتها بالصوت واللحن
كاميرتي باردة ما أسحرك
|
Post: #12
Title: Re: زووم ان...كلوز اب...اكشن....حملة تجميل!!!!!!!
Author: bayan
Date: 01-09-2004, 07:06 AM
Parent: #11
يا سلام يا مريم
تصوير راصد ودقيق والله اتخيلتو فى راسى
شكرا ليك لهذا الامتاع
كميرتك دى بتشم؟
سألتا اخى الممدد فى عنقريب فى ضل الضحى وفى حافة الانتظار
لوظيفة 6 سنوات.. عن اين القمسيون الطبى
قال لى بصوت كسول ممطوط:
جنب بصات سوبا بتشمى ريحة بول امشى طويل كلما زادت الريحة معنها انت ماشة صاح...
وكان ذلك بالضبط حتى تفقد حاسة الشم لاسابيع
كما قالت لك تماضر استمرى فى هذا الرصد الجميل
|
Post: #13
Title: Re: زووم ان...كلوز اب...اكشن....حملة تجميل!!!!!!!
Author: مريم الطيب
Date: 01-09-2004, 07:15 AM
Parent: #12
بدرالدين....
عليك الله بى حوامتك الكتيرة دى ماسمعت مستشفى سوبادى!!!!!
الاخت بيان....
طبعا نحن كقطر نامى بنحتاج لى اختراع زى ده....
|
Post: #14
Title: Re: زووم ان...كلوز اب...اكشن....حملة تجميل!!!!!!!
Author: بدرالدين شنا
Date: 01-09-2004, 07:32 AM
Parent: #1
والله يطرشني كان سمعتها
إنتي ياختي النسعلك العافية بت نورين أخبارها شنو؟؟؟ شايفك خليتيها في مصيبتها وما رجعتي ليها تاني
|
Post: #16
Title: Re: زووم ان...كلوز اب...اكشن....حملة تجميل!!!!!!!
Author: haneena
Date: 01-09-2004, 08:36 AM
Parent: #14
مريم...النديانة(صح كدة؟)
كاني في نص الخرطوم و اري الناس تجري في كل اتجاه عند وصول الكشة
تصوير اعجازي وكاميرا نجيضة
بس المرة الجاية ما تنسي كشة الخدمة الإلزامية..أقصد الوطنية
ومرحب بيك يا مريم ...فاتني ارحب بيك في بوست ترحيبك
بجد إضافة ما ساهلة
لك الود كله
|
Post: #17
Title: Re: زووم ان...كلوز اب...اكشن....حملة تجميل!!!!!!!
Author: Tomader Habiballa
Date: 01-09-2004, 08:43 AM
Parent: #14
يا الله ..دا تشويق رهيب يا فنانه.
عارفه اتخيلت انى جيت ماشه فى السوق العربى ولاقانى عمى الراجل وزرانى فى الطرحه والاسكيرت المفتوح وشفت عربية التلفزيون وزغت لانه فيها مخرجين لكن خريجين الاسلاميه لغة عربية وديل بمشو يحكو فى الحيشان لى باقى الاخوان............
|
Post: #15
Title: Re: زووم ان...كلوز اب...اكشن....حملة تجميل!!!!!!!
Author: ودقاسم
Date: 01-09-2004, 08:29 AM
Parent: #1
مريم وجماعتها
من الواضح أنكم كلكم معارضة ساكت ،
وعين السخط تبد المساويا
وين إنجازات الإنقاذ ومن بينها حمامات عامة البولة فيها بألف جنيه
يعني الزول العندو سكري يكون عامل حسابوا على عشرة ألف في لفة واحدة داخل السوق ،
محمد الشيخ أنا حكيت ليك عن مدني التي أعشقها ، وقررت أنا أمضي فيها ليلة وفاء لهذا العشق ، لكن رائحة البول وال....... طردتني منها ،،
ولكن ألاتشمون رائحة البترول ، أم لأنه لم يصل إلى جيوبكم بعد ،
والمشكلة في ناس بيقولوا الوالي ده زول جاد جدا ،،
لماذا لا تحمل الإنقاذ أشياءها وتنصرف ،،
أنا في رأيي أن الإنقاذ دي معارضة ،، معارضة للمصلحة العامة ، ومعارضة للتطور والنماء ،
|
Post: #18
Title: Re: زووم ان...كلوز اب...اكشن....حملة تجميل!!!!!!!
Author: nada ali
Date: 01-09-2004, 12:31 PM
Parent: #1
الاستاذة مريم محمد الطيب
شكرا لهذا النص و لكل شئ
ومرحبا بك فى المنبر
ندى
|
Post: #31
Title: Re: زووم ان...كلوز اب...اكشن....حملة تجميل!!!!!!!
Author: مريم الطيب
Date: 01-26-2004, 09:10 PM
Parent: #18
كيفك ياندى ....انتى عارفة اسم( على )
دة لخبطنى شوية كدة....المهم كيفك انت
وكيف اخبارك...نجاحاتك تثلج صدرى....
لك الحب
|
Post: #19
Title: Re: زووم ان...كلوز اب...اكشن....حملة تجميل!!!!!!!
Author: الجندرية
Date: 01-09-2004, 04:18 PM
Parent: #1
مش قلنا السنة دي حتكون مختلفة ؟
اها
|
Post: #20
Title: Re: زووم ان...كلوز اب...اكشن....حملة تجميل!!!!!!!
Author: مريم الطيب
Date: 01-10-2004, 05:04 AM
Parent: #19
بدرالدين
برية من الطرش
الحنينة السكرة
شكرا على الترحيب...وكشة الخدمة الالزامية دى
فى النص المسرحى...مصيبة العافية بت نورين
لكن برضو عاوزة ليها كاميراشديدة كدة
تماضر حبيب الله
ليك وحشة ومشتاقين لاخبارك
ود قاسم
لو انصرفت الانقاذ ده حيكون من اكبر انجازاتها
ندى على
شكرا ليك ياأخت ندى
الجندرية
البورد عامر بى ناسو..ومنور بوجودك
|
Post: #21
Title: Re: زووم ان...كلوز اب...اكشن....حملة تجميل!!!!!!!
Author: elfaki
Date: 01-14-2004, 09:39 AM
Parent: #20
up
|
Post: #22
Title: Re: زووم ان...كلوز اب...اكشن....حملة تجميل!!!!!!!
Author: عشة بت فاطنة
Date: 01-14-2004, 09:54 AM
Parent: #21
مريم حاعمل زووم اوت وارجع
|
Post: #23
Title: Re: زووم ان...كلوز اب...اكشن....حملة تجميل!!!!!!!
Author: garjah
Date: 01-14-2004, 09:59 AM
Parent: #22
مريم
كاننا كنا هناك
شكرا على الرحلة الجميلة
|
Post: #24
Title: Re: زووم ان...كلوز اب...اكشن....حملة تجميل!!!!!!!
Author: يازولyazoalيازول
Date: 01-14-2004, 10:22 AM
Parent: #23
مريم دايرين زوووم زى ده لى برى أبو حشيش بالليل وياريت واحد للقضارف وصلحووووووووو
|
Post: #32
Title: Re: زووم ان...كلوز اب...اكشن....حملة تجميل!!!!!!!
Author: مريم الطيب
Date: 01-28-2004, 06:44 AM
Parent: #23
طبعا ياقرجة لانك مرهف
|
Post: #30
Title: Re: زووم ان...كلوز اب...اكشن....حملة تجميل!!!!!!!
Author: مريم الطيب
Date: 01-26-2004, 08:32 PM
Parent: #22
عشة وانا بكتب في الحاجة دي كأنى
بكتب قى حوامتنامع بعض ومشاورينا
المكتحة ..........
زمن..................
|
Post: #25
Title: Re: زووم ان...كلوز اب...اكشن....حملة تجميل!!!!!!!
Author: بلدى يا حبوب
Date: 01-14-2004, 07:16 PM
Parent: #1
مريم الطيب
شكرا على الزوم والاكشن
تحياتى
|
Post: #26
Title: Re: زووم ان...كلوز اب...اكشن....حملة تجميل!!!!!!!
Author: إيمان أحمد
Date: 01-14-2004, 07:31 PM
Parent: #25
وانا عايزة للمنبر في هذه الأياااااام 
!!So that you would probably give the actors/audience some insight
إيمان
|
Post: #27
Title: Re: زووم ان...كلوز اب...اكشن....حملة تجميل!!!!!!!
Author: haneena
Date: 01-14-2004, 08:37 PM
Parent: #26
| Quote: !!So that you would probably give the actors/audience some insight |
very well said Iman
|
Post: #28
Title: الى مريم
Author: خالد العبيد
Date: 01-15-2004, 07:40 AM
Parent: #1
العزيزة مريم
لك تحيات الورد
عمل اكثر من رائع
وصدقيني قليل من الامكانيات
مع وجود خبرات ناس سليمان ومنار والطيب مهدي
سنعيد لايام الافلام القصيرة مجدها
اكتبي اكتبي يا مريم
يوما ما سنشاهد هذا الابداع على شاشات
نادي السينما في الخرطوم
خالد
|
Post: #29
Title: Re: الى مريم
Author: مريم الطيب
Date: 01-26-2004, 00:15 AM
Parent: #28
قرجة
يازول يا هشام
بلدى ياحبوب
ايمان
حنينة
خالد ابواياس
شكرا للمتابعة
ياقرجة...اذكرك جيدا..يافنان
|
|