اجتماع بورداب الخرطوم وبالصور كمان... كيف معاكم؟

عقد اجتماعا بالامس بحدائق القصر غرب شارع القصر المعروف وكان الحضور هم:

- البعيو (والذي شرفنا كثيرا، وعزمنا علي بيتزا الحفاوه علي وزن الزقني بتاع ناس لندن وخالد ابا)
- حضور جميل آخر لمكي والذي كسي الشيب رأسه.
- المهندس
- ود عقاب
- دريمز
- سبأ
- ابراهيم الجريفاوي
- زاريا
- شمهروش
- ماهيتاب وساندرا بنتا الرائع ابدا ابوساندرا
- صفوان-13
- وارسلت الشمس شفقها علي النيل فكانت انا بنت النيل
- ابونور
- وكان ضيفنا ذلك الشاب المميز صاحب المفردات والقصص الانيقه اسماعيل ميرغني وياريت بكري يديه فرصه اشتراك لانه سيكون اضافه حقيقيه لمبدعي البورد..

غاب عننا فتحي البحيري ، قلقلو ، وكفش وآخرون نرجو ان يكونو بخير وصحه.

كنت متوقع القي واحد من بورداب الخرطوم نزل البوست وطرح فيه ما تم فيه من محاور لاني مرقت بدري
وما كملت معاهم علي العموم البوست متاح للاكمال..

وسوف تأتي مفأجآة الصور تباعا ويا ناس الخرطوم الما عايز صورتو تنزل يكلمني ..تمام

البورداب جميعا لكم كل التحايا لكم كل الود


ابونور

ابونور
كدي أدخل جوا

العمدة راح
شرفنا كثيرا الاخ البيعو
مكي كان معانا
الجريفاوي حاضر
مريم مشت بدرىىىى
ماهيتاب لا دكت المحاضرة ولا حاجة وهم ساندرا عملوا خيانة تانية
ومتآمر معاهم إسماعيل ميرغني
ود عقاب طبعا اساسي
ويا اساسي ماشفت البيتزا والحاجات
ابوحراز اتصل ورمي اللوم علي المهندس الكلمو متأخر وواعدنا بزيارة
بت النيل حضرت رغم مشغولياتها مع الثعلب الباراز يوما
زارية مشت بدري
ابونور عامل فيها تمبس الرياض على قول الجماعة وزعل الرسام الجبتو ورسلنا ليك الإيميل ياخ
شمهروش اتبرع بدار لسودانيز اون لاين من حر ماله
اسياد الجلد والراس المهندس ودريمز طبعا حاضرين ودريمز قضت على ثلاثة ارباع البيتز وعينى باردة
صفوان جاء سريع سريع وقال مادير يتصور عشان.... شنو ياربي؟
فتحي بحيري غائب وموبايل (قدر ظروفك) مابرد
وين ابو يسرا ياجماعة ؟؟
شيبة ظروفو ماسمحت
وقلقو وكفش مسجلين غياب جعل الله المانع خير
ود العجمي الايام دى ساكن في الشغل
شنو يابورداب الخرطوم عددكم الفعلي كبير ونايمين
صحصحو معانا شوية
واللقاء الجاي عايزين نرتب لجية عاصم
والمابجى يطرشو فى صوتي
وبري منكم ياناس برة زول يطرانا ساكن مافى
ماتبطلو وجاهات بقي
وهالة نحن ما اديناك العضوية الفخرية نسحبها ولا شنو

الحمد لله الفكيتو ريقكم يا سبأ
اها وشربتو ببسي ولا الاجتماع الجاي ؟
هاهاهاهاهاها
بضحك والله

أنا من ما قريت تعال بي جوة دي
عرفت الصور راحت علينا..
وتحية طيبة ليكم يا ناس الخرطوم..
ومليون سلام..
وحا نسكن هنا لامن نشوف ال...ص ...و...ر

وهي الصور براها الرايحة يا خالد ابا ؟؟

صباحاتك خير يا ملكة..
مع تجمعكم الرائع ده الرايحة ملقية..
ونعرف كمان يا ريت شن قلتوا..
وإنتوا يا ناس الخرطوم ضليلة هجيرنا..
وبرضو ساكنين هنا..لامن..لامن!!!!

الرايح شنو تاني؟؟؟

اساسي قصتنا مع البيبسي مقاطعة وحاجات تانية حامياني
والواطة صاقطة لكن قرببببنا نشرب شاي

وبنها الصور يا خرخارين؟؟؟

Quote: ابونور كدي أدخل جوا

يانا الما شفناك يا ملكة
قال ادخل جوة قال

لكن خلوا الصور تنور يا ابونور

وين ياحنينة
انت ماكلموك يعني ؟؟
الجماعة عملوا خيانة
وماكلموني باللقاء

لكن ما مبالغة

البحيري غاب! اصلو ما بصدق ، شوفو الزول ده إختفى وين ، أوعه يكون خشه الغابة

يا خالد ابا استفزيناك بالبيتزا دي مش كده جيت جاري طوالي..


مرحب بيك في الخرطوم..والصورررررررررر جايه

بس انت مسكني الدرب

لك كل التحايا لك كل الود


ابونور

أبو نور أخوي
دربك أخضر..
رسل بالإيميل وخلي الباقي علي
[email protected]

مسكني فى القرنوف
وحديثو خلى علي

بدون سلام وبدون كلام يا بورداب الخرطوم
زعلانة منكم شديد000
وخاصة المهندس و ملكة سبأ وابو نور طالما كتبتوا مفروض تسألوا من ابو وضاح .
لأنه انتوا عارفنوا ما بتأخر زى ما قال المهندس عشان يعمل ليكم تحليل كامل للجلسة .
عموما ابو وضاح طريح الفراش بمستوصف النيل بالخرطوم العمارات شارع 45 المت به الملاريا اللعينة ومعاها تايفويد كمان منذ اربعة ايام وهذا ما حرمه من مشاركتكم اللقاء الجميل وكنا عاوزين نرسل ليكم وضاح لكن ظروف عصام الصحيه حالت دون ذلك وانا بعيدة وزى ما قال ابو ساندرا متين نلتقى ونخلى الشلهته دى .

ادعوا معى لابو وضاح بالشفاء العاجل .

وتزمله وتدثره العافية كالسوار فى المعصم 000000

لكم التحايا واهنئكم على اللقاء الجميل
تحياتى لاحلام يا بلقيس والحبيبات ساندرا وماهيتاب طبعا واحدة منهم عروس وضاح يلا شدوا حيلكم يا بنات القبايل ده فارس الفرسان ونحن مصرين يكون ابو ساندرا ابو النسب حقنا .

امال
ام وضاح

لوم العدو لوم العدو يا ام وضاح
والله خجلانة منك
أمسحيها لى في وشي
سلامات وكفارة لاب وضاح
انا حاتصل الآن
اسفة تاني والله مانساينو لكن ملكة سبأ كان مطولة لسانهاتمشي بدري والشغل اتردم ليها في الزمن الضائع

الأعزاء أبو نور والملكة وكل بورداب الخرطوم
ياخي ما منتظرين التصاوير ..
الاجتماع الجاي لو في الأسكلا وفيهو "شية" ياني القاطعة تذكرة وجيتكم.. خلاااس مادام البيبسي مقاطع أشربي لي يا الملكة 4 "بزيانوس" وأبو نور زيهم..
بالمناسبة غايبين منكم كمان:
الحبوب بلدي،
قلقو،،
مشتاق،،
وعصام راجل آمال وأبو وضاح.

رجوية سوي درب الجية والمشوي يرقد (حب اطرش)
شاي كيف معاك؟
بخصوص الصور انا كنت ماسكة الكشافة لابو نور
كشافة شنو ياربي ؟؟
الله ينجينا شر كشف الحال
قول آمين يارجوية

اوريكم الشمار


( ناس الخرتوم ديل ما بشربوا مويه بعد البيزا)


موش ناس رطبين ,,, و


وجوهم نضره

زح لي جنبك يا خال ....
الظاهر القعدة حتطول ...

ملاسى

شفتى يا ملكة

الناس الاكلو البيتزا صحى صحى ريقهم نشف واتخنقو كمان

ناس ماهيتاب وساندرا عملوها ظاااااهرة

باعونا وسكتنا ليهم

اتضح انها دى ذااااتها كاميرا خفية والبيعة اكبر من كدا

تسلمو

ألف لا بأس علي أبوضاح يا أم وضاح
وطمنينا عليهو..
ويا ملاسي إتفضل يشيلك الراس ويظهر إنو قعدتنا حا تطول..

الحبيبة آمال..
سلامتو عصام.. انا كتبتو في الغايبين..
طمنينا..
يا خالد
القزازة الفيها الصور تكون لغاية هسع وصلت نحنا منتظرينها

حنينه

والله الصور جايه بس صبرك علينا لحدي ما خالد يورينا الطبخه

تسلمي يا خواجيه

ابو ساندرا افتقدناك كثيرا فلك منا التحايا

بعدين فتحي يخش ياتو غابه ناس الغابه جوه الخرطوم الا يمشي للصحراء القاحله في الغرب الحنين مع ثوارنا

اساسي الما اساسي

كيف معاك البيتزا يا مان

ولسه في انتظار الفاخر المعلب

يا خالد الصور هسع بتكون في البحر الابيض المتوسط
يا تكون وصلتك، وناس عرب7 قالو خدمة التحميل متوقفه لفتره عشان كده رسلنا ليك جزء من الصور وسوف تصلك تباعا

تسلم يا غالي

ابونور

يا ابو نور .... يا اخوي انا كاتل ليك رقبة ...
كدا بقت وااااضحة .... !!!

ملاسى

[IMG]http://www.sudanhosting.com/upload/protected/SP32-20040108-131411.jpg
[/IMG]



أها يا ملاسي يا أخوي أخوك يدو لاحقة وبارك الله في ناس عرب7
وإن شاء الله البيتزا تنفعكم والزهور صاحية...

سلام للجميع
يا ابو نوراسرع فى التنزيل
ما لقيت غير ديل والجماعيه وين
ودعقاب

بالغتو يا ناس..

بدل تاكلوا كمونيه..تاكلو بيتزا؟؟؟ عووووووع


البنات الحلوات ديل اكيد عروسات وليداتنا..ناس ساندرا؟؟صاح؟؟

صلاة النبى...

والباقيين منو؟؟؟

لكن العضة عندكم

عاين جابونا

اسه ما بسحرونا ذاتو !!!


الله يكفينا شر العين

واسمعن هنا ده انا خاتب!!!

((رأيكم شنو بلاي والله فكرت افتح بوست اسميه

السودان بين السماحه والعيون الوحواحه واتفاق مشاكوس

الاطارئ ,,, اسه في اطار اشدّ من ده

بالبعرف المهنس عندو
جائزه كبيره
ورونا همتكم
وصاح يا استاذه طماضر
ودعقاب

ملاسي
اها اظن القعده ما طولت

ود عقاب
ما انت عارف في ناس مخرخرين
اقنعم لي وانا برسل لي خالد الحريف

تماضرنا المشرقه

شكرنا للحضور الباهي...

كدي ابقي حريفه وورينا الباقين منو؟

يسلم الجميع

ابونور

التحيه لى بورداب الخرطوم
وسلامه ابو وضاح

يا ام وضاح
كفاره لاخونا عصام
وحقيقة انا كنت متخيلو بره البلد
سلامات عصام والف لا بأس عليك واجر وعافيه ان شاء الله

ابونور

بس عرفت الاتنين البى جلاليب: دريمز وسبا...صاح؟؟؟

أها يا ناس الخرطوم ميعاد شغلي جا..
بجي بعدين لي باقي الصور والشمارات

هو ودعقاب
بطل الخلبتا
المهندس ياهو دا
الجابوا لى ناس
ابو نور شنو

الشفيف حمزه

تشكر علي التحايا

والمره الجايه عازمنك بيتزا....

تماضر ما بالغتي عديل كده
عرفتيهم كيف؟
خطيره لكن.....

المهندس

دي صورتك لمن كنت قدرنا


ابونور

ابونور اه دى صورة اللوترى 2004
كيف معك الامركان بيقبلنونى

والله وبكل صراحة لمتكم حلوة وسعدت كثيرا بلقياكم كلللكم بدون فرز وانشاء الله كل البورداب بكل مكان بقدرة قادر يبقو بورداب خرطوم ومعاكم انشاء الله حتى الضحيه...سلامتك ياعصام ونشوفك فى اللقاء الجاى

يا بورداب الخرطوم
ما منعنى منكم/ن الا فرق التوقيت ومواعيد الشغل
الا البغران كتر
شي بورداب لندن وشي بورداب الرياض وتانى ناس الخرطوم
يا ناس امريكا ما تقولو حاجة
انشاء الله ترسلو لى الصور فى ايميل ونقول دى صور بورداب امريكا

والله عاد حكاية يا بورداب الخرطوم...المهم بركا الظهرتوا.. والماظهر مقدرين ظروفو؟ والله....بس زي ما قالت ليكم تماضر..بتزا..لو كان فول مصلح..كان يكون حكاية تانية..ولو كان ختمتوها بزيارة ابو وضاح..كانت تكون مسك الختام..المهم الروح الطيبة... دا المهم في الموضوع كلو..وانا بأمانة ملكة سبأ دي كنتا قايلا في اليمن..طيب وكت هي في السودان.ما نحور الكلمة الي ملكة سوبا..كدة بيكون فيها رائحة البلد..أو الإقتراح الزمان داك..ملكة البركل..

سلامات منصورى
ياريت الله
بس جدي سماني بلقيس
حضر ليك حمل مدوعل وماعندي مانع اغير الاسم

بلقيس

سنة يا نحن

الجلاليب ما عندنا




ام وضاح

الف سلامة والله

جد فقدنا ابو وضاح بس ما كان عندنا خبر

اكيد ح نسجل له زيارة ونسقت مع البعض انها تكون بكره اذا حيينا

تماضر

ما تزعلى كدا كدا المرة الجاية ح تكون كمونية مادام فى الضحية

ومن هسه عازمنك كمونية كرامة عاصم

تسلمو كلكم

ملكة سبأ وملكتنا كلنا000000
سلامت وشك وحاشاك اللوم ياظريفة وانا هاجمتكم طوالى من عشمى فيكم
واهلنا قالوا الما لامك ما دارك .
الحبيبة رجاء تسلمى ان شاء الله من كل شر واطمئنى الحمد لله اتحسن كتير لك الشكر .

الاعزاء0000
خالد الحاج
حمزة سليمان
أبو نور
البعيو
منصورى
يسأل منكم الخير وتسلموا من كل بلى ان شاء الله واطمئنوا على ابو وضاح الحمد لله كل يوم فى تحسن مستمر .

ان شاء الله ما نعدمكم يا شباب ولكم التحايا.

امال
ام وضاح

ام وضاح
ابو وضاح بعافية ويسلم عليكم

دريمز مش كدا (جلابية بيضا مكوية ياحلوم بسحروك ليا)
لكن العمم يكون شالهم مدير ناس ابا ولدربي ودربك مكتفو جنب مكتبو

شفتيه غطس كيف؟

شكرا يا بلقيس ياالملكة
سؤالك من ابو وضاح خلانى احس اننا اكتر من اخوات وخاصة انه
الخط من الامارات للخرطوم الليلة ما جمع معاى محتارة من قبيل
فتحت البورد لقيت كلامك الجميل وطمنتينى الله يطمن قلبك .

لك الود
امال
ام وضاح

والله بختكم لكن
بس حا تكونوا شاريننا كدا لي متين بس ما تورونا الناس اللي في الصور ديل منو؟
يا ود عقاب انت موقعك وين من الاعراب ما تكون ما ظاهر بس انا غايتو شبهتك على واحد من ديل بس ما تكون لسا صورتك الخايف عليها مافي هنا
لكم كل تحياتي يا بورداب الخرطوم ويا ريتني كنت معاكم

مع خالص تحيات الاخ الرائع بامسيكا بيسلم عليكم كتير لكن ظروف العمل ما بتخليهو يجي حايم بي جاي
وحتى نلتقي

امال الحبيبه سلامتو عصام وربنا يطمنك عليه دعواتنا معاكم

يا خالد سلام انا ما شايفه الصور ولا دي ولا بتاعت لندن يا رب السبب شنو ؟؟ كدي فهمني الحاصل؟؟؟ عندي زون الاارم لما كان عندي النورتون كنت بقدراشوف الصور اسه ما بقدر

يا أبو نور
يا سلااام عليك
والله حسيت بي فرح ماليهو حد من شوفتكم
لولا القدر المؤلم الـ قسرني علي هذا السفر الطويل زيّ زي أخواني
كان جبت العود وشاركتكم الفرح ( والبيتزا ) هههههه

خالد يا خالد
يا خال الكل وهميم القلب وعميق الشوف و .. و ... و ...

شكراً لكل بورداب الخرطوم على تواصلهم الحميم وحضورهم الدائم بتفاصيل البلاد
الـ تكوي جراح الغربة

ياريت تخلوا لينا مقاعدنا فاضية ( جايين راجعين )

وسلامتك يا أبو وضاح سلامتك وكل البورد كرامتك

يا خال
مش حقو نراجع مسألة حنينا دي ؟
الزولة مواطن من جوة الشارع الشعبي للسودان
وحقو تبطل هي خرخرا
شايف عجتبا الخوجنة دي ونامت علي كده


أبداً
علاء

من الساعة اربعة انا قاعدة فى حدائق الشهداء اتلفت براى و
بورداب الخرطوم كالعادة ماعندهم مواعيد قالوا الساعة اربعة ولغايت 5:30 ما كانت لمتهم تمت


المرة الجاية اعمل حسابى واجى بعد ساعتين من الزمن المحدد عشان اقدر احضر لى اجتماع لاخره

ام وضاح

سلامة ابو وضاح الف سلامة وربنا يواليه بالعافية

بالرغم من انه الشرة كانت حارة لكن مكالمة ابوحراز كانت كافية
عشان تبسطنى
انشاء الله الاجتماع الجاى معانا زى ماوعدتنا يا ابوحراز

دريمز
ماشايفة بلح الشام فى الصور ليه؟

العزيز سنهوري..
كده حنينة خليها علي الأقل كانت واضحة ما دايرة الناس يدوها عين
لكن شوف حسادة ناس الخرطوم قال شنو البيعرف الزولة المدسية ورا النقطة السوداء دي
عندو جايزة كبيرة.. وبيني وبينك دي دايرة ملاسي ..أها يا حسين رايك شنو في نوع الغتاتة دي

طارتين بتســا، و و8 صـحانات، وقزازة مويـة، وكرسى واحـد.
الله يرحمك يا شــارلى شـابلن

9 صحانة يا ابو الريش.
بالمناسبة الصورة الجديدة مبروكة اظنها لزوم البرد
مع تحياتي

Very nice Boardab AlKhartoum.
Dreams and Malkat Sabaa, Alhalaa Bey Al_-Jalalib,
Aeini Barda )(my eye is cold)
Abureesh, I think you got used to McDonalds Super Size
Sorry to write in English, but Bakri's link for Arabic writing is dead right now, and I didn't want to delay my response.
Next time we'll be with you guys.
Inshaa Allah

ام وضاح
سلامة ابو وضاح وربنا يواليه بالعافية

لكن ما بسألكم
يا ملكة جينا و لقينا صورتك قبيل ...القش الحوش منو؟

وبعدين المندسية وراء النقطة السوداء دي
انا عرفت ليه
عاينوا لشنطتها التحت كرعينها دي

شوفوا مهربة فيها شنو؟؟
ياختي..حتي قزازة الموية ما رحمتيها

حنينة الخواجية

تعظيم سلام بورداب الشرقية

حنونة الخواجاية
ماتكوني صدقتي حكاية الجلاليب دي
الملكة كانت بتعوس في البيتزا لجوا
بعدين قالوا ليكم التركيز على التختة السوداء
والجاهز يضرب
كدي عدي الشنط تاني ... وشايفة الجماعة بعدو في الصحون

يا ابو الريش
يعني ماسمعت بلعبة الكراسي ؟

فعلاً يا ابو الريش قزازة الموية السغمبتوتية دي هي فعلاً طبزة المعلم..ما شايفن كيف بورداب الخرتوم ديل غتيتين كدة.يورونا الصور بالقطاعي.. وفي ناس كنا عشمانين يظهروا ما ظهروا.. ظهروا في السوداة..ودا زادهم قيمة عندنا.. وفي ناس قلنا يجو..ما جو كلو كلو.. يا ريت كنا حاضرين لمتن دي.. الدنيا فيها شنو غير لمة الأحباب والصحاب.بقلب مفتوح وعقل صافي خال من أوضار الأغيار..

منصوري موقد نار
دي المناظر
يعني عينات للعرض بس

المكان منتزه الحفاوة كما علمت ان المنتزة اسمه الحفاوة
بعض توصيات الاجتماع بورداب الخرطوم فيما يدعم المهرجان والمنتدى
1. زيادة عدد المشتركين في الداخل خصوصا وسط قطاع طلاب الجامعات
2. للمنتدى كثير من الأصدقاء في الداخل ممن شكلوا حضورا في القاءات مثل لذلك مرتضى ممن يرغبون في الانضمام للمنبر أرجو اخذ الأمر من الباشمهندس بكرى بعين الاعتبار غاب الاجتماع الاخير عسى الداعى خير
3. ضم بعض المجموعة الفعاله في الداخل مثال لذلك
مجموعة التربادور :
معنى التربادور الشعراء المفنون الجواله تضم المجموعة
1. عاصم الحزين
2. د قرن توماس
3. سامى عبد الرحمن
4. نجلاء عثمان التوم
5. محمد عبيد الفاضلابى
6. قرشي محمد منصور
الانتشار والمشارك في المنتديات الثقافية داخل العاصمة من شعراء وأدباء المنبر باسم المنتدى لزيادة معرفة الناس والعامة بالمنتدى.
من المقترحات استتمرار اللقاءات في البالتوك على الاقل مرة كل احد من اول كل شهر مع الفاليات المختلفة شعراء وادباء وغيره .
ارجو من بقية الاعضاء اضافة ما نسيته

1- عصام محمد الحسن (أبو وضاح )
سلامتك وكفارة وشدة وبتزول يا زول يا عادي وزين ، ولو عارفك مطول كان نبهتك بأن الأبتعاد عن الحبايب وعمايل الشوق وتبعاتو ، بيؤثرو على المناعة الذاتية ( يعني بيكون في متلازمة عوز مناعي ) وأي حاجة بتفرق معاك ، باعوضة حقيرة ترقدك ، كان وريناك تتقي ذلك كيف وفنيات المقاومة عشان ترفع المناعة ، وأهمها ان تشيل ( صورتها ) معاك وين ما تمشي ، تشتاق تطلعها وتعاين وممكن -بعد ما تتلفت وتضمن خلو المنطقة من الشمشرجية والشينان ، شرطة النظام العام - و.....،كل سنة وانت طيب

2- بورداب الخرطوم (ابو نور)
يا غبيانين أول مرة يجيبوا التحلية قبل ( الفتة و الكوارع ) معقول تقدموا لينا الخشاف والكسترد في الأول ، كان تعكسوا الآية وتخلو ناس ساندرا وماهيتاب في النهاية عشان نختم بحاجة كويسة

سلام ومحبه

والله بقرتونى عديل كده، والله تجمعوا لى حق التزكرة حسع اجيكم ناطة
شكلكم/ن يثير البهجة ويبعث الدفء فى طيات الروح التعبانه
بجيكم/ن شايلها اشواقى واحلامى وجراحاتى، لكن عليكم الله كان تاكلونى بيتزا على قول تماضر، شوفى لى ملاح مرس وكان مابتعرفوا المرس خلوها تقلية وبالليل كوارع، بصراحه انا حاسه بالجوع الجليد بره نازل بتقلهو ومحتاجة افتح البوست ده من حين لآخر عشان أتدفأ بيكم/ن


ياسلام عليكم/ن

ام واصل المشتاقه لريحة التراب

سلامات كتارااااااات
ملكة سبأ ودريمز وأسماعيل ميرغنى
ماقايلاكم حسدتونا كدة,بالله نمشى نلقى العرض انتهى ؟
لكن عوضنا وما حأوريكم بى شنو,ده غير فراديس الكلام المشتهى عند قرنق توماس
يعنى برضو مغلوبين
أم وضاح
ياخى بعد الشر عليو
الله يطمئنك ويطمئنا
أبو نور
ساندرا قالت ليك كدى تعال بى هناك (بعد اذنك)
473789

والله الواحد يحسدكم عديل كدا يابورداب الخرطوم...وإن شاء الله الايام تجمعنا بكم يا احلى ناس

ملكــة سبــأ،
دى ما عرفناهـا لعبـة كراسـى واللا لعبـة صحـانـه! إستنى شــويـة وعاينى بس أكان واحـد من الصحانـة دول يجى ناطـى على الكرسـى

أسعــد،
الصحن التاســع دا إنت مالك ومالـو ياخى؟ حتى حقوق الإنســان البسيـطــة دى حاسـديننا عليهــا؟!!
بعدين إنت ظاهـر عليك فى فلوريـدا وضارب البيتش يا ود الذين، بس خليك مع نضاراتك وقميصك نص الكم ديـة، ونحن الله لينـا.. كلهـا تلاتة شـهــور وتتعـدا.
الشمس نحن نكوس ليهـا كواسـة ما لا قينهـا وإنتو تتضـاروا منهـا بالنضارات.

Quote: لكن ما بسألكم يا ملكة جينا و لقينا صورتك قبيل ...القش الحوش منو؟

عاد ده كلام ما قلتوا.......
الفيكم إتعرفت

اااي القشاني منو ؟؟
هي لكن انا ذاتي الجابني شنو؟
هي الكاميرا دا بتلاقط ساااكت؟
ماقلنا كنا بنعوس جوا ياناس
ملكة سبأ العواساية(على وزن الخواجاية)

عموما يا ملكة الشنطة إتسرقت
لكن المفتاح معاي

اجدع لي المفتاح الاسبير يا خال ....

الناس ديل يعملو اصحابك و في اقرب ملف يفكوك عكس الهوا !!!!

بياعين خلاص ... و حتي رحمة ربنا ما بيخلوها تنزل !!!

ملاسى

اها يا (خيلان)
اجمعو المفاتيح بقينا عليهن

سلام يا بورداب الخرطوم يا رائعيييييييييييين
شكرا وما مشحودين على السؤال من اخوكم عصام .
حبيت اطمنكم عليه والحمد لله الذى اتم عافيته .

الحبيبات
دوما ، مريم ، حنينه ، وماهيتاب العسل .
لكم الشكر والتحايا العطره 000000000000

الاعزاء الافاضل .
علاء ، وابو ساندرا 00000000000
عاجزة عن الشكر اعزائى00000000

تقبلوا جميعا تحيات ابو وضاح لحين ان يلتقى بكم .

امال
ام وضاح

والله يا بورداب الخرطوم تحياتنا ليكم وعلي لمتكم الجميل

لكن يا اهلنا الطشاش كعب

والله انا ما شايف اي صورة غير حقة المهندس دي
غايتو زول يوصف لي ويكسب فيني الاجر

البي هناك دا منو ؟؟ والفي النص دا منو ؟ لوول


عمكم تنقو المطشش

تنقو
البى هنا دا المهندس وهو صغير والبى جاى دا المهندس لمن كبر شوية والبى هناك دا المهندس وهو كبير ودا المهندس لمن كان بيمثل
لووووووووووووووول

سلامة ابو وضاح يا امال
لكن صحي بالغتو يا ناس الخرتوم في التسعة صحانة الشي شمومة ؟
ويا ملاسي
والله عالم جبنات ، فعلاً رحمة الله دي مايخلوها
هسي فيها شنو يعني كان متعنا عيونا
لكن المضرة حاصلة ؟
ويا قرمبز صدقت مافي اشد من كدي بس شيلوا الدائرة السوداء
ونخرج من حلقة الديون طوالي

اولا اعتذر عن عدم تمكني من الحضور
بسبب المعايش
لكن واضح انو الجماعة انتهزوا غياب فتحي بحيري
و انفردو بالبيتزا
الف حمدا لله علي السلامة ابو وضاح

جندريه

.....

انا ود أختك افو!!!!!

الحميم خالد
والله الجماعه ديل الفيهم إتعرفت
وحسادتهم ظاااااااااااااااااااااااااااهرة
ومافي زول بتغباو
لكن برضو حنينه ما بخليها
وياناس الماسنجرات الداخلية
حصلوني بي واحد يورّيني مسقط رأس حانينه
وإلا
أنا بتصرّف براي وبعدين بعمل بوست كامل عن الموضوع ده
وأجيب ليكم حتى إسم الروضة القرت فيها الحميمه حنينه

ـــــــــــــــــ
الحميمة .. أم وضاح
إن شاء الله العافية تخضر حوشكم وحوشنا الإلكتروني ده



أبداً
علاء

انتو ياجماعو
البعيو ده جاء اللقاء براهو والا شنو ؟؟
يعني صورتو هو براهو ؟؟
غايتو البعيو ده صورتو انا كتير خلاص ..
اها والبقية ؟؟ وين ؟؟
الشنا حاصله يعني ؟؟
يا بونور .. معليش اتاخرت عليك يوم الخميس لانو ما كان عندي طريقة خالص .. والبركة في الخال .. والبركة في لمتكم الحلوة دي
قالو الجماعة سموك تمبس الرياض علي وزن ثنائي العاصمة
نزلو الصور دي خلونا نشوف احسن ليكم .....
ما تحرقو لينا روحنا برانا روحنا محرقانا الليلة

تمبس
لكن لقيتك خطير في (النقر) بالله دى عرفتها كيف
وطبعا ابونور اكلها ساكت حكاية يشبه تمبس دى وانا غايتو اقنعتو انه على اسمح ومايسمع كلام الناس ديل حتى رضى شوية
وبعدين الصور نحن نشيل وننزل ونبدل من يوم طبيخ الرجلة والفاتك فوتهوالجايات اكتر من الرايحات

UP
لقاء جميل

1- إشراقة مصطفى
حق التذكرة ومصاريف الزيارة علي ، تجي والعيال وأيوب في مارس ولغاية مايو عندكم فرصة
2- أبو نور
أوعك تمشي ده شرك ، ومن هنا ممكن أبصصك ساندرا دي عايزة شنو ، غايتو إحتمال فيها قرصة في الأضان

ملمومين في الحرم وبوركتو اها لمن نجي السودان
ما تتغابو العرفة بنديكم خبر
بس انتو البنخنق فيكم واحد خاتي قدامو قزازة المويه
الباقين بلعي صاااااااكت الريفيرا بلا جكوك المويه
شن كتر الله فيها


ود الشيخ

بورداب الخرطوم سلام

التحية من بورداب الرياض

مبروك اللمه الحلوه دي بالرغم من أنه الصور ما ظهرت وما عارف ليه؟

المهم الاستمرار على الدرب ونتمنى أن نراكم ونجلس معكم في جلساتكم الحلوه دي.

ودحين يا جماعه البعيو ده ما بعيو بورداب الرياض ولا بعيوا آخر...

ما دام الحكاية فيها بيتزا يبقى ياهو، لكن يابعيو ماكانت قراصه بت علي أحلى؟؟

....

تمبس ازيك وعامل كيف مع البرد والامطار بعدين الحساده شنو ماتخلى الناس تصور لكن ياتمبس ابو نور ده يشبهك زى مابقولوا الخالق الناطق الله يديكم العافيه...
............
الشايقى كيفنك انشاء الله تمام والفاملى كلها بخير تعرف يالشايقى شدة ماعجبونى بورداب الخرطوم حاعمل خروج نهائى واجى اعسكر بجاى سلامى لشلة الكافتيريا

ود عمى خالد بكرى قش الصور ولاشنو

أبو نور ( يا منور )
وين الصور ما شايفين حاجة

ابو نور
اخبارك شنو انت والشباب الما ظاهرين قلقو وكفش
معتز انا كنت اكتر واحد ظاهر فى الصور الكانت ظاهره
ويا المهندس الاجتماع الجاى يوم الاربعاء 21/1 /2004
نفس المكان الرجاء الحرص على الحضور
ام وضاح ابو وضاح بالف خير
اخيرا
و خالد الحاج لك كثير الشكر على اظهار الصور
وتسلمو جمعا
ودعقاب

أبو ساندرا
يا نقاش....قالوا ليك أنت ذاتك تعال بهناك
أم وضاح
أبو وضاح تمااااااااااااااام
هسى كنت بتكلم معاهو,وكمان كلمتو انو الخط ما حالفك
اها
مش اتطمئنينا؟

البورداب الحلوين


لكم كل الود والشوق رغم جفائكم الواضح وانتم تجتمعون في تلك


الامسيه والتي لم يكن لنا حظ لقائكم فيها نسبه لظروف المهنه والتي

لاتعطينا متسع من الوقت للقائكم الحار فكم من عليل ينتظر الشفاء

ونحن نحاول بقدر الامكان ان نعيد له الابتسامه المشرقه برغم من


الامنا واسهرنا ووقتنا جعلنا الله بلسما شافيا


اتمني ان يكون هناك

لقاء اخر حتي نحاول من التمكن في للحضور وان تدوم لقاءاتكم الطيبه


وتخيرا اشكر رجويه لانها الوحيده التي افتقدت وجودي


والي القاء

الجندرية الحبيبة الله يسلمك من كل شر
ماهيتاب العسل اسال منك الخير والله يطمنك يا ظريفة
اخوانى الاعزاء
عصام
علاء
ود عقاب
لا عدمناكم يا شباب يا افاضل

ولكم الود

امال
ام وضاح

والله انا لا اكلت بيزا لاسمين كده ده ابونور وحدو

مبروكين اللقاء
وانشاء الله دايما مجتمعين ومبسوطين
بيتزتكم دي ما في زول مر بيها وما اشتهاها
والاخوان ما قصروا في التعليقات عن عدد الاطباق
ذكرتوني نكتة قديمة
عن واحد ( من غير ذكر الجنسية)
طلب بيتزا بالتلفون
فالعامل سأله: تحب نقسمها ليك على 6 ولا 8 قطع؟؟
أخينا: لا 6 كفاية ما عازم ناس كتير



( اها بيتزتكم قسمتوها على كم؟)


تحياتي
زولة123